تسجيل الدخول

مشاهدة النسخة كاملة : ياشباب ووين يبيعون مواطير الهواء ؟؟؟


BEN SADEQ
28/01/2011, 02:42 AM
السلام عليكم يالربع


ياخوان ابنشدكم .. ووين القى المحلات اللي تبيع مواطير الهواء حق السيارات .. وحبذا لو تكون المواطير تشبك على الولاعه .. مهب على البطاريه


ياليت تكون المحلات بالشرقيه .. وان ماحصل بالريااض


وياليت يكون وصف دقيق


وبارك الله فيكم
سرهيد
28/01/2011, 10:49 AM
السلام عليكم

هلا بك اخوي

يمكنك في الرياض في اغلب محلات الرحلات من السنيدي الى برق الحيا الى البرية الى الكشاتة الى اغلب محلات البرية الكبيرة ......

وكذلك في محلات الزينة والغرابي بالتحديد ، انصح بشراء المعروف والاصلي من ابو جبل وكذلك حق السنيدي اراه انه مناسب

تقبل مودتي
BEN SADEQ
28/01/2011, 06:22 PM
الله يعطيك العافيه ياخوي سرهيد

وبيض الله وجهك يابعدي

لكن الاماكن المذكوره مثل البريه والكشاته

اين توجد في الرياض ؟؟

اما بقية الاماكن ندلها لكن هذي يبي لها شوويه توصيف
كبتن
28/01/2011, 06:27 PM
اخوي عندك بالغرابي بمدينة الرياض

بتلقى مواطير تشبك على الولاعة و البطارية كذلك

اسمه ابو جمل بستمن تلقاه على 130 الى 150

و انا لا انصحك ان تشبكه مع الولاعة لاني مره شبكته و احرقها علي

و صلحتا بـ 40 ريال
درب الصحراء
28/01/2011, 08:18 PM
شف هذا الرابط

http://www.nxway.com/high-quality-air-compressor

هذا كمبرسور هواء من العليان بصراحة افضل واحد موجود في السوق وعن تجربه شخصية

معي يوكون والكفر من العيار 20 الى 40 ما ياخذ دقيقة

وهو اقوى من ابو جمل صحيح ان حجمة اكبر شوي لكن يستاهل

وجرب عندهم الاثنين
BEN SADEQ
02/02/2011, 12:00 AM
الله يعطيكم العافيه ياشباب

وبارك الله فيكم ياخوان
Avalanche
02/02/2011, 02:29 PM
وعليكم السلام ورحمة الله وبركاته

الأنواع كثيرة و الأسعار تختلف ايضا

انا استخدم ماطور ابوجمل

ولله الحمد لم اشتكي منه ويفي بالغرض :good:

سعره بـ 250 ريال

وكيله الشراع ...

وصف المحل : الشرقية - شارع الملك سعود

واحذر من التقليد
يوجد علية ملصق يبين لك أنه الأصلي (انظر الصور)


http://www.mekshat.com/pix/upload03/images138/mk34212_25487.jpg

http://www.mekshat.com/pix/upload03/images138/mk34212_01a.jpg

http://www.mekshat.com/pix/upload03/images138/mk34212_02a.jpg

http://www.mekshat.com/pix/upload03/images138/mk34212_03a.jpg

http://www.mekshat.com/pix/upload03/images138/mk34212_04a.jpg
بروح معاكم
02/02/2011, 02:45 PM
وعليكم السلام ورحمة الله وبركاته
انا عندي ابوجمل له سنين معي ما شاء الله تبارك الله شغال مضبوط
اخوي وكيل ابوجمل الشراع زي ماذكر الاخ وموقعة في الرياض الغرابي
FORD1969
02/02/2011, 02:52 PM
ابوجمل له عندي 6 سنين والحين اهدينا الفرنت واحد
محلات الكشاتة
02/02/2011, 02:54 PM
الله يعطيك العافيه ياخوي سرهيد



وبيض الله وجهك يابعدي


لكن الاماكن المذكوره مثل البريه والكشاته


اين توجد في الرياض ؟؟


اما بقية الاماكن ندلها لكن هذي يبي لها شوويه توصيف




هذا وصف محلات الكشاتة

ولديها أكثر من 15 نوع من المواطير


وصف المحل
الريـاض الطريق الدائري الشرقي مخرج 15 شرقا(شارع الميه الي هو/ سعد بن عبدالرحمن )
ثالث اشاره وبالتحديد بعد ميزان العضيب
ج/0556499000
هــــــنــــــا (http://www.mekshat.com/vb/showthread.php?t=287286هــــنــــا)
BEN SADEQ
04/02/2011, 02:52 AM
الله يعطيكم العافيه يالربع

وبيض الله وجيهكم


أخوي
Avalanche (http://www.mekshat.com/vb/member.php?u=34212)

ووين بالضبط في شارع الملك سعود؟؟ باي جهه ؟؟
Avalanche
05/02/2011, 08:28 AM
الله يعطيكم العافيه يالربع

وبيض الله وجيهكم


أخوي
Avalanche (http://www.mekshat.com/vb/member.php?u=34212)

ووين بالضبط في شارع الملك سعود؟؟ باي جهه ؟؟

هلا بك يالغالي ....

تخلي وكالة تويوتا على يمينك
بعد الأشارة
ثالث او رابع محل (ما اتذكر :D) على اليمين

http://www.mekshat.com/pix/upload05/images204/mk34212_wq.jpg
mhs35
05/02/2011, 05:32 PM
فيه ماطور هواء شاريه من العليان
سعرة 359 ريال
واشوف انه افضل واقوي من ابو جمل وذلك من مقارنة استمرت شهرين
هاوي موتري96
06/02/2011, 03:13 AM
نصيحه لا تتعداء راي اخونا افلانش الماطور الي يستخدمه افضل ماطور على الاطلاق بلا العليان بلا خرابيط هذا الاصلي والشراع يعطيك ضمان 1 سنه على الاعطال الفنيه بس احتفظ بالفاتوره
اصيل نجد
06/02/2011, 10:42 AM
ياطويل العمر لاتعدى ابو جمل الاصلي صراحه لك وللزمن انا بسياراتي الثنتين مركب بالكبوت ماطور ابو جمل من مده خمس اسنين او اكثر والله ماقال اف بس واحد غيرت اللي حقه حطيته لي كبس هدروليك علشان الحراره وبعدين وصلت فيه اللي بس صراحه كد ومد ارجو اني شاركت بالتوضيح وفقك الله .
درب الصحراء
26/02/2011, 11:44 PM
نصيحه لا تتعداء راي اخونا افلانش الماطور الي يستخدمه افضل ماطور على الاطلاق بلا العليان بلا خرابيط هذا الاصلي والشراع يعطيك ضمان 1 سنه على الاعطال الفنيه بس احتفظ بالفاتوره


سؤال انت جربت ماطور العليان عشان تقول خرابيط الا اذا....

والمعنى في بطن الشاعر

لكن انا مجرب الاثنين والفرق كبير بينهم في القوة والسرعة طبعا لصالح ماطور العليان

والتعصب للرأي مشكلة مع تحجيم الرأي الثاني

وكلن ينام على الجنب الي يريحه
الليث الذهبي
01/03/2011, 01:41 PM
الصراحة العليان نااااااااااااااار اسعاره ولا السنيد مهنا فرق اتوقع ارخص محل يبيع مواطير الكشاتة او الغرابي بس الله يكفينا وياكم من الغش
الامر الثاني لا تعد ابو راسين ابوجمل اوغيره لا تاخذ ال راسين قوي وسريع
SHEDET36.GM
02/03/2011, 02:52 AM
السلام عليكم اخوي بن صادق .. الحمد لله ما قصرو الاخوان معك في الافادة بس ترى مالك الا ابو جمل عملي وصبور حيل خخخخخخخخخخخخخ... يتحمل انواع التكفخ والجلد في الطردي في البر ولا كانك من هواة النفود
تقبل تحياتي ....