ابي حـــل لــمشــكــلتــي

[meshoo1]

السلام عليكم ورحمة الله وبركاته
اخواني انا معي باترول 91 ولا لقيت حل لمشكلته كل واحد يعطيني خراب من عنده اللي يقول طرمبة البنزين واللي يقول كبليتر واللي يقول كهرب وانا محتار ومابي الخسائر المشكله كل التالي.
اذا شغلت الموتر مافي اي مشكله صافي ماتنقد عليه مره
واذا حركات تعشق بدون ماتعطيه الدعسه كامله عادي بعد صافي
بس اذا جريته في الثاني وصل الضغط 3 قطع وبعد القطعه يشد عزم
وزي الحركه هذي في كل النمر وش المشكله تتوقعون مع العلم اني سويت تنظيف للكبليتر
وعلى فكره الموتر مايتعدى 160 ابي حل تكفون وربي اني مفكر ابيعه من الطفشش:(

[نفداوي]

ولاتهون عندي نفس السياره ونفس المشكله ( تعاطس وتفتفه ودخان اسود عند الاشتغال )
بس ارسلت لواحد في المنتدى يقول انه لقا حل للمشكله وانتظر رده

[meshoo1]

الله لايهينك اذا حصلت حل لاتنساني

[K.S.A.A]

بالنسبة لك ياميشو فأنا أعتقد أنها مشكله كهرباء .
اما نفداوي فعندك الكلبيلتر خربان أما صلحه أو غيره ..

[سفير الصحراء]

السلام عليكم اول شي يا انقلش اسف ماعرف اقرا اسمك صارت معي الحركه هذيبس بسياره نوع ثاني خسرت كثير واخر شي تطلع الصفايه حقت البنزين غيرتها بنفسي قيمتها يمكن مابين 25 الى 35 وسلكت السياره بنسبه انها ماتعدي 160 انت معودها على كذا حاول انك تشحطها بنمر وتسلك معك ان شاء الله

[رقم 1]

انشالله تنحل مشكلتك وتسفهل

اول شي " شيك على الصفاية حقت البنزين
واذا كانت زينه ولا راح التقطيع شيك على الديلكو بس ياليت تقولي اول هو ديلكو الكتروني والا حق شد البلد يعني (عايدي)
لاتنسى
1-الصفاية
2-الديلكو اذا كان العايدي ابو بليتين حق شد البلد أمره سهل غيرله بليتين وانتبه لازم تغير معه بواجي متسوبيشي عشان ترتاح واذا كنت في الرياض راح اوصفلك ورشه فيها فلبيني راعي مخمخه في وزنية بليتين السفاري
3- احتمال تكون من طرمبة البنزين اللي في التانكي بس خلها اخر شي لانها غاليه شوي
((( ترى السفاري 91 ماشالله عليهن اذا كانت نظيفه تمشي وتعدي ال180 ((من واقع تجربه))


والله يوفقك ويستر عليك وعلى موترك

[كديان]

مر على رابطة ملاك الباترول و مهب مقصرين معك ان شاء الله
الاعطال كثيرة
اسلاك بواجي
بواجي
وزن الديلكو
بليتين
فضاوة بعمود الديلكو
مشكلة بالكويل
الاستنص بطول الاصبع و مكانه بجنب الكويل
مشكلة او تهريب باسلاك البواجي و الديلكو و الكويل
ربما تهريب او تعريق بطرمبة البنزين الميكانيكة بصدر المكينة
مشكلة بليات الكبليتر ليات الهواء
تهريب هواء بوجه الكبليتر
عطل بعوامة و ابرة الكبليتر

روابط

هل تعاني من تقطيع او زيادة صرفية او دخان اسود في الباترول من 88 ... (http://www.mekshat.com/vb/showthread.php?t=169392&page=3)


اللي يعرف بمشاكل الباترول يتفضل - منتديات مكشات (http://www.mekshat.com/vb/showthread.php?t=160723)


لمن لديه الخبره في الباتروول الرجاء الافادة - منتديات مكشات (http://www.mekshat.com/vb/showthread.php?t=327408)


ارجوا المساعده ((دنموا الباترول 99 جنني )) وين احصله وبكم ... (http://www.mekshat.com/vb/showthread.php?t=330543)


الباترول حقي فيه كتمه عند الملفات ابي الحل لأهل البواترول ... (http://www.mekshat.com/vb/showthread.php?t=223907)


عزم الباترول دماااااار وش الحل ؟ [الأرشيف] - منتديات مكشات (http://www.mekshat.com/vb/archive/index.php/t-57671.html)


لاصحاب الخبر في الباترول [الأرشيف] - منتديات مكشات (http://www.mekshat.com/vb/archive/index.php/t-253933.html)

[abu sadem]

يا اخ رقم واحد ... من كلامك باين مشاء الله عليك فاااهم

انا معي 91 ومشاء الله عليه ما نتعامل الا بالضغط لانه يسحب

بس عندي سؤال ليش بواجي مستبيشي ؟؟ واي نوع منها ؟؟

لأن موتري لذع في مخي الموتر صااااافي خطوط بس فيه اول ما تقوم السياره يعطيك قطعه بسيطه او كتمه بعدين يسلك -- قالو لي من كباس الكربريتر ؟؟؟ ولا ينباع بلحاله ؟؟ لازم مع اصلاح

اذا تقدر تجاوبني بأكون لك شاكر

[meshoo1]

اول شي البليتين مغيره وثاني شي مو الكتروني البواجي جديده والموتر مشتريه قبل فتره وموضبه توضيب كامل والتقطيع هذا من يوم كان مع صاحبه الاول
الديلكو وزنته اول الموتر مايتعدى 140 ويالله يجيبها بعد الوزن ينزل على 160 واذا رفعت رجلي عن البنص الى حدود نص الدعسه يشد عزم الموتر وانا ابي اهدي ياليت تفيدوني

[ّّّّالخويّّّّ]

السفاري يحتاج بويبينه ثانيه جنب الديلكو ويروح الكتمه والخراب

[3azef]

اخوي صارت لي وهي من البلتين تاكد من وزنيته
انا اغير البلتين بنفسي واوزنه اذا ما وزنته صح يطلع فيه كتمه واشياء انت ما تتوقعها
يمكن ضارب البليتين عندك بعد تراء اول ما يضرب يبداء يتف وشوي شوي لين مره يقطع ويخرب
جرب منتب خسران بليتين بـ 15 ريال اذا ما زان شيك على البويبينه والبليتين واسلاك البواجي ومبرد البليتين
والبواجي
تقبل مروري وتعليقي

[رقم 1]

يا اخ رقم واحد ... من كلامك باين مشاء الله عليك فاااهم

انا معي 91 ومشاء الله عليه ما نتعامل الا بالضغط لانه يسحب

بس عندي سؤال ليش بواجي مستبيشي ؟؟ واي نوع منها ؟؟

بواجي لمتسوبيشي والنيسان كلها واحد اول ما تركبها جديده ونفس القوة بس الفرق انها احسن جودة وتعيش معك على وزنه وحده يعني ما تقوم تشكل

لأن موتري لذع في مخي الموتر صااااافي خطوط بس فيه اول ما تقوم السياره يعطيك قطعه بسيطه او كتمه بعدين يسلك -- قالو لي من كباس الكربريتر ؟؟؟ ولا ينباع بلحاله ؟؟ لازم مع اصلاح >> نصيحه لا احد يتطبب في الكبليتر حساس لدرجه ما تتصورها اذا بتغيره غيره عند واحد فاهم

اذا تقدر تجاوبني بأكون لك شاكر

واي خدمه تحت امرك;)