المساعد الشخصي الرقمي

مشاهدة النسخة كاملة : هل اشتري اليوكون من الوكاله او من المعرض


روضة الافلاج
29/01/2011, 08:17 PM
السلام عليكم

ان شاء الله اني معزم اشتري يوكون 2011 . هل تنصحوني اشتري من الوكاله ( العيسى . الجميح ) او من المعارض ؟؟
كاشخ 24 ساعه
29/01/2011, 08:21 PM
اذا كاش انصحك تشتري وارد العيسي من المعرض لان سعره اكيد اقل

اتمني لك التوفيق
الشهابة
29/01/2011, 09:05 PM
اخوي روضة الأفلاج ..

السيارة نفس السيارة .. و الضمان نفس الضمان .. و لكن السعر يختلف ..

المعارض اسعارها اقل من الوكالات ..

قبل 5 شهور اشترينا شيفروليه سوبربان 2010 LT دبل بـ 139000 ريال جديد من المعارض في الرياض بضمان الجميح و كان سعره في الوكاله 144500 ريال .. يعني الفرق 5500 ريال و السياره نفسها و لكن الفرق و خصوصاً في السيارات الأمريكيه إنها بتطلع انت في الإستماره ثاني اسم لأنها ماتطلع من الوكاله إلا بلوحات جاهزة بعكس الياباني يطلع بطاقة جمركيه ..

و بالتوفيق
نواف فالح
29/01/2011, 11:54 PM
ولكن ميزة الوكاله ضمان اكيد

ربما المعرض لايضمن؟؟

وماهي المعارض المشهوره ببيع الجديد بالنسيم؟؟

ولماذا اليوكن اغلى من التاهو مع ان التاهو افضل شكلا واجمل خاصه من الامام
الشهابة
30/01/2011, 12:22 PM
اخوي نواف فالح ..

الضمان اكيد من الوكاله و اشترينا السيارة من المعارض و ضمانها ساري في الوكالة و مجرب ..

و المعارض الي تبيع سيارات امريكيه جديده في معارض النسيم كثيرة و لكن اذكر منها .. معرض الفلاح .. معرض التويجري .. معرض علي .. معرض الحميضي .. و كثير غيرهم و لكن المعارض المذكوره هي الموجود عندها كميات من 10 سيارات و اكثر و فيه بعض المعارض تلقى عندهم سيارة او سياراتين جديده .. و اذكر واحد من المعارض قال لنا علموني بالمواصفات الي تبونها و انا اجيبها بعد ثلاث ايام بسعر اقل من الوكاله بـ 3000 ريال و لكن لقينا اقل من الوكاله بـ 5500 ريال و تم الموضوع و لله الحمد ..

و لكن انتبه لنقطه .. لازم تسأل الوكاله عن السعر النهائي و بعد الخصم قبل لاتروح و تشتري من المعارض .. لأنه قبل ثلاث اسابيع كان ونيت الجمس السييرا حجم 1500 Z71 غمارتين دبل قصير عليه عرض عند الجميح بـ 115500 ريال و كان يباع في المعارض بـ 118000 ريال لأن المعارض نازل عندهم يوم كان سعره 122000 ريال بس بعد مانزل عندهم و هقهم الجميح بالعرض ..
ولدعبدالعزيز
30/01/2011, 10:28 PM
المعرض ارخص من الوكاله
فيه في معارض النسيم معرض (علي) جمب معرض الصقر
السيارات الي عنده وارد الجميح والضمان عند الجميح
تناساني
31/01/2011, 12:34 AM
ما يهم من المعرض أو الوكاله..
لأن الي بالمعارض هو حق الوكاله

لكن نصيحه خذ وكالة ( الجميح )
لأنه هو الأفضل و لاحظ الفرق بينه وبين العيسى الجميح أفضل بالمواصفات
و أفضل بالمحركـااااااااااات

انا اعرف 3 من اخوياي شارين كابريسLS نفس الموديل
2 اشتروه من العيسى.. وواحد اشتراه من الجميح
الي اشتروه سياراتهم من العيسى مافيها انوار ع الأبواب من الداخل
وغير كذا كل فتره يدخلونه الشركه تسخين حراره
لكن الي من الجميح ما شاء الله .. لم يشتكي و غير كذا وجود أنوار بالأبواب

طبيعي ان الي ب المعارض بيكون ينقص 1000 او 2000 عن صالات الوكاله
لكن احرص على أن يكون الوكيل الجميــح.

و أسأل الله أن يرزقك بالسياره الي تناسبكـ . و يعطيك خيرها ويكفيك شرها
ومبروووووووووووك مقدماً
كاشت وحداني
06/02/2011, 05:34 PM
اخوي ترا ال ls يجي 3 فئيات سواء كان كابريس او لومينا
اتوقع فيه فرق في الفئيات اللي شروها اصحابك
اما المشاكل في الكابرس واللومينا حدث ولا حرج
لا حقت الجميح ولا حقت العيسى كلها من شركة هولدن الاسترالية وحولوها شفروليه الشرق الاوسط
ابوالهيام
15/08/2011, 05:06 AM
يازين الوكالة وبس وبس نصيحة لا تاخذ من معرض ينتفون السيارة من الكسسوارات والضمان بعد
راعي التكسي
16/08/2011, 05:56 AM
مافرقت سواء أخذت من الوكاله أو المعرض هذا بالنسبة للضمان

أما من ناحية الأسعار أكيد المعارض بتكون أقل بكم الف

ولكن لازم تتأكد من حاجه عندما تشتري من المعرض وهي

الأغراض اللي تجي معى السيارة أحياناً يأخذون بعض

الغراض والزبون المسكين يجي يشتري ولا ينتبه لها

وإذا طلعت السيارة من المعرض ماعاد عليهم منك

أنا مثلاً حصلت معي المشكله هذي

وهي أني شريت يوكن 2011sltزيرو بمبلغ (182000)

اللون لؤلؤي أخذت السيارة ومشيت

بعدين جيت أقلب في السيارة دورت لقرص CDحق الملاحه طبعاً هو يجي مع السيارة

لكن مالقيته قلت ماهي مشكله الموضوع بسيط أجيب CD

رحت للوكاله حصلت سعره فوق (3000)بعد الخصم (2600)

وش رايك مو شي يقهر؟ سألت المعرض قال أنا بعت لك السيارة زي ما جتني

ماقدرت اقول غير

حسبي الله ونعم الوكيل

ملاحضه / غالباً ماكون المشكله من أي شركه تلقى السعر مناسب أو من أي شركه تشتري

ولكن المشكله تكون في صيانة ما بعد البيع تتعب مع بعض الشركات مواعيدهم تمتد لأشهر
رسيس نجد
16/08/2011, 06:13 AM
الله يوفقك ويرزقك 00000
9ملم
16/08/2011, 03:31 PM
الوكالة الوكالة الوكالة.....اضمن واريح وانظف افتك من الشريطية
~EmPeRor~
17/08/2011, 12:26 AM
العيسى مواصفاته افضل من الجميح

وانصحك بالعيسى ولاتشاور
المهند القاطع
17/08/2011, 12:59 AM
انصحك بالعيسى
سيوووفي
17/08/2011, 01:07 AM
قديماً يعني الملكيات الـ 99 وتحت أفضل كلها الجميح ما عدا الـ 454 (( المكينة الكبيرة )) يفضلون العيسى

* و التفضيل فقط لرغبة السوق

أما الآن كلها سوا عيسى و جميح وذا بغيت تبيع تلقى رغبة السوق أشكال و الدليل الردود فوق . أهـ.
السنه غايتي
02/09/2011, 10:37 AM
المعارض افضل من ناحية السعربكثيرلاكن الوكاله افضل من ناحية الضمانات والطلبيات