الطير تاح الريش.....و الوقت توّه .؟!!! (سؤال للصقاقير)

[سيف بن سالم]

السلام عليكم ورحمة الله و بركاته

شحالكم يا هل العرف ؟!

أنا عندي طير جير شاهين .. قرناس سادس
لكن الطير ياه بلا أوّل مرّه اذهبه في الطيور اللي قد نقلتها

الطير شلّيته من المقيض و هوه صاف و تامّ ريشه كلّه
حتى التبن قد تاحه ما شاء الله ..

لكن بعد ما نقلته بإسبوع .. تاح الريشه الخامسه من جناحه الايسر ..

و عقبها ب عشر أيام تاح الرابعه و السادسه من نفس الجناح ..

مع أنّ الطير يندعا وينهدّ .. و طياره طيّب ..

ولا عرفت وش خلّته و لا وش بلاه ..
مع أنّ الجناح الايمن ما تاح منّه ولا ريشه ..


و ان كان عندكم خبره بالامر هذا أفيدوني جزاكم الله خير .


أخوكم
سيف

[سطام ابو سعود]

مرحبا اخوي لاتكون تستخدم فيتامينات ومنشطات للجير الي خلاه يخالف الغريب من جناح واحد احيانن ضعف الطير ومن ثم رفعه يحذف الطير بتوفيق اخوي

[نادر عش]

يمكن الطير نزل وزنه كثير وتم رفعة بسرعة وفي هالحاله يحذف الطير

[سيف بن سالم]

مرحبا و مسهلا اخواني سطـام و نادر العـــشّ

الطير ما اعطيه فيتامينات .. لا فالمقيض ولا في النقله ..
و أمّــا انّي رفعته .. الطير كان مفرّط قبل لا اقبضه من المقيض بيومين .. و لا ضعف ضعف كايد
و رفعته معا الدّعو .. يعني وضعه طبيعي ..

و اللي خلاني استغرب انّه حذف من جناح واحد بس .. و من تقريب شهرين ما حذف غيرهن شي . .
ولا طلّع مكانهن شيّ ..

[سنجااار]

وده للعويدي فهو الخبير بهذهـ الامور وعشان يحط بمكانهن قصبه واظن والله اعلم ان المشه انعمت

تقبل مروري

[علي الهاملي]

ممكن ان طيرك الريش الي حذفهن فيهن كسر من بيت الريشه في المقيض ونزفن دمهن وعقب مايبس اطير استويع منهن وحذفهن يعني متظايق منهن على الدعو واطيار او ان اطير مصعد اريش بس لو مصعد مابيتوح ورا بعض يعني اسادسه والخامسه والرابعه بيكون مشكل يتوح من الظواقط واطوال مره وحده وهذا من علمي وخبرتي القليله في اصقاره ..... تقبل مروري