اخوكم محتار ارجوا التوجيه

[المقدام]

صبحكم الله بالخير يا اخوان

انا ( و اعوذ بالله من كلمت انا ) ناوي اخذ لي سلاح صيد

بس اني محتار مدري وش اخذ

اخذ خرازة او شوزن

يالربع ارجوا منك التوجيه

الله يرحم والديكم

[نثار الاخبار]

المقدام عيدك مبارك
كل الثنتين حلوات ، ولا تنسى اننا الان في وقت تصريح الاسلحه ، وهذي له شغل والشوزن له شغل ثاني بس نصيحتي لك صرح الثنتين ولن تندم .
تحياتي لك [b][i]

[الشمطري]

هلا اخوي المقدام كل عام وانتم بخير
بالنسبة الشوزن والخرازة مثل السمك والبحر
يعني ما يتفرقوا فية صيد ما يصاد بالشوزن أو لا يحبذ صيدة بالشوزن مثل الضب
وفية صيد يجب صيدة بالشوزن مثل فرق حمام واقع على طلحة الخرازة تبي تذبحك من القهر
وإن كان ما يحصل الثنتين فعليك بالشوزن لأنها اهم والخرازة تأتي في الدرجة الثانية
هذا ما لدي ولك جزيل شكري

[المطلق]

السلام عليكم ورحمة الله وبركاته

السلاحين هذي بالذات لا تستطيع التخلي عنهما

ليش

؟!؟

بعض المرات يصير صيدك ( حجل - قماري - قطا - ... ) غالباً ما تحتاج الشوزن إذا كنت تبي صيد كثير وأيضاً يكون قريب

وبعظ المرات يصير صيدك ( وبران - ضبان - ... ) فتحتاج الخرازة

هذا الكلام من واقع التجربة والخبرة

[المنذراوي]

السلام عليكم ورحمة الله وبركاته//الشباب ماقصروابالمشورة وانا اقول يمينك ماتستغني عن شمالك/يعني كلهن مالك غنى عنهن...

[a.الخثلان]

ان كان ولا بد من تصريح واحدة فصرح الشوزل وذلك لغلا ثمنها

وسؤالي هل يمكن أن تصرح شوزل وخرازة يعني تقدر تصرح بندقين

[عاشق الجنوب]

الزيتون بإمكانك تصرح 8 قطع اسلحة
شوزن خرازة سكتون رشاش مسدس كامل مسدس نص مسدس ربع بازوكا بدون قذيفة

[الطلقة]

افضل خذلك خرازه

[a.الخثلان]

عاشق الجنوب تقوله صادق ولا تمزح

الي أنا أعرفه بس ماني تأكد منه

تصرح مسدس خلاص مسدس واحد

تصرح بندق بندق وحدة تصرح رشاش رشاش واحد

ولذلك قلت يمكن أخونا محتار يصرح أي نوع بندق


لكن تقولي كلب يطلع لي أسد


عفوا تقولي بندق يطلع لي بازوكة ليتها آر بي جي لأن البازوكة استخدام مرة وحدة وترجع للمصنع تكبس مرة ثانية

[المقدام]

اشكر الاخوان اللى ردوا على الموضوع

و الله يبيض وجيهكم عز الله انكم ريحتونا الله يجزاكم خير

و انا حاليا ابحث عن شوزن + خرازة :eek:

مره وحده خربانه خربانه

و على قولة بعض الشباب دام باب التصاريح مفتوح فهي فرصة

اكرر شكري لكل من رد من الاخوان

و اعتذر عن التاخير بس المشكلة كانت في المنتدى

الله يجمعنا وياكم على خير