سؤال عن الغزول او الشبك !!!!!!

[القرش النمري]

مرحبا شباب
حبيت اسئلكم عن الغزول هل هي ممنوع نشرها في البحر علما انه على السيف وليس بطراد ولا توجد رخصه :لاني اشوف ناس كثير ينزلون بغزول وبالتحديد بالشرقيه مثل الدمام والجعيمه :confused: افيدونا

[كران]

هلا بك اخوي القرش النمري

اذا جيت للنظام ..

الغزل مسموح للصيادين فئة ( راجل ) هذا بالنسبه للاسياف ..

ويكون الغزل مصنوع من خيط ( البريسم ) وماتقل فتحة الغزل عن 2 ونص ..

بالنسبه للمتنزهين هو ممنوع بجميع اشكاله واحجامه ..

واذا شافوك حرس الحدود بالغزل يصادرونه منك وتعهد خطي ..

بس انت طال عمرك خلك ذيب .. واجحدهم ان شافوك :d

لأن حرس الحدود .. يبغونها من الله .. خبرك فاضين شغل

وتهمهم جداً سالفة الحفاظ على الثروه السمكيه ;)

ونص موظفينهم عندهم طرادات وهات ياشغل بالغزول الممنوعه ;)

شكلي طحت فيهم :)

[القرش النمري]

تسلم اخوي كران على الرد افدتنا كثير
بس مافهمت فئه راجل يعني لازم رخصه صيد ولا شلون؟

[كشات]

http://www.geocities.com/hraaar_1/1100218787_starting_word.gif

هلا وغلا بك اخوي القرش النمري

اخوي الغالي
الغزول صيدها غالبا اكثر من الحداق

وخصوصا الشروخ (3 وجيه )

لكن اخوي يقولون ( مو كل حمله بولد)
يعني اذا كنت تبي تستعمل الغزول غالبا محد حولك ومحد بيمنعك بس اهم شي انك تعاهد نفسك ماتترك الغزل بالبحر وتروح خصوصا بالحالات التاليه

1) اذا كنت تعبان
2) اذا كان الغزل صايد سمك كثير لكن من النوع الغير مرغوب فيه (تشليب الدو,تشموم,ثغاليل....الخ)
3) اذا كان الجو برد او حر

كل ماسبق اشياء تخلي الواحد يتهاون في شيل الغزل من البحر لما فيه من تعب وتنظيف وترتيب

لكن عواقب ترك الغزل بالبحر كبيره جدا وضاره بالحياة البحريه

وبالنهايه
اتمنى لك التوفيق والصيد الوفير

[كران]

تسلم اخوي كران على الرد افدتنا كثير
بس مافهمت فئه راجل يعني لازم رخصه صيد ولا شلون؟



هلا بك اخوي ..


فئة الراجل .. تعني الصياد الرجلي .. او صياد الاسياف بدون طراد ..

وهذي لها بطاقه تستخرج من احد مكاتب الثروه السمكيه

بس ماعندي خبر عن شروط استخراجها .. وهل هي الى الان تصرف او لا

اتمنى اني اكون افدتك

[القرش النمري]

مشكورين اخواني كشات وكران افدتونا كثيرررررررررررر ماتقصرون والله