مآهذا الحيوآن؟..).

[mkdsh]

السلام عليكم ورحمة الله



أخوآني انا كنت في منطقة معروف ان مآفيها شي الا الجعر
ولنا استراحة فيها
المهم
شفت لي شي وابي اتأكد منه ومستغرب
http://www.2zoo.org/get-1-2011-2zoo_org_7lnvp7px.jpg


http://www.2zoo.org/get-1-2011-2zoo_org_7r2elko7.jpg
http://www.2zoo.org/get-1-2011-2zoo_org_loou494z.jpg


أظنة وبر..؟
ان كانه وبر يليت تعطوننا معلومات عنه و أمآكن توآجده
وسلامتكم

[صالح الوليدي]

هذا والله العالم انه جرذي

ما اتوقع انه وبر والوبران تتواجد في الجبال

http://aborufan.com/uploads/0af9170b5d.jpg (http://aborufan.com)

[مطراااان]

هذا والله العالم انه جرذي

ما اتوقع انه وبر والوبران تتواجد في الجبال

http://aborufan.com/uploads/0af9170b5d.jpg (http://aborufan.com)
:l:l:l

اعتقد زي ما قال اخوي ممكن يكون وبر

[mkdsh]

لآكن هذا ماله ذيل ..ذيله طوله سانتي سانتيين تقريبا
مآاظن انه جرذي الجرذي ذيله أطول منه :)
انا في منطقة الرياض وتحديدآ وجدته حول وادي نمآر
ننتضر اهل الخبره

[ابن الاصيل]

يخوي كان صورة راسه لانه ماهو باين عدل ويفيدونك الشباب

[خوي الريح]

هذي الفاره

[mkdsh]

هذي الفاره

يخوي فآره أكبر من يدي..؟:D
لاتحسبونه صغير تراه كبير

[كاشت 2011]

ماهذاالحيوان!!!؟؟

[كاشت 2011]

الضريبان!!!!!!!!!!

[كيود]

اخوي انت مسوي لة اسعافات <<اشوفك مروشة بلماء <ههههههههههه<سبحان الله والله ذا اول مرة اشوفة والوبر غير شكلة <<اخوي ممكن تقول وين مكانك اذا مكانك فية جبال فهذا وبر <<ونت اخلفت ملامحة<<يقول في نفسة ذا داعسة بسيارة <<اما اذا مكانك مافية جبال ..؟فذا شي غريب <وعلي حسب صورتك الي انت مصور فيها شكلها في ضواحي الرياض ..<<عندي احساس

[mkdsh]

اخوي انت مسوي لة اسعافات <<اشوفك مروشة بلماء <ههههههههههه<سبحان الله والله ذا اول مرة اشوفة والوبر غير شكلة <<اخوي ممكن تقول وين مكانك اذا مكانك فية جبال فهذا وبر <<ونت اخلفت ملامحة<<يقول في نفسة ذا داعسة بسيارة <<اما اذا مكانك مافية جبال ..؟فذا شي غريب <وعلي حسب صورتك الي انت مصور فيها شكلها في ضواحي الرياض ..<<عندي احساس

لا والله مآوطيته ولا انقذته ولاشي
وانا الف حول استرآحتنا في نمآر قريييب من الوادي مره
الا اشوف ذا اللي متوسدله حصآه
وقل الا ورا ماوري اهل مكشات ويعطونا من علمهم
ومهيب عادها تلقا شي هناك
واما عن الما
هذا والله البآقي من الامطآر الاخيره
فيه منآقع واجده هناك:)
وسلامتكم

[أبيض قلب]

يالربع أنتم رجال كبار معقولة ما تفرقون بين الوبر والجرذي والفار

يأخوان والله ماهو مدح لنفسي بس من يوم شفته قلت وبر ما يبيله كلام

[برق الجهمه]

وبر من صياده جايين من الحجاز وطاح في طريقهم

هذا توقعي

[شخابيط.]

هذا النيص وين مكانه بالظبط.

[ابن بااارود]

اضنه وبر,,,,,

[أبو رافع الظاعن]

شكله عكة سمن !!

[شماليتو 11]

تحيه أخواني الكرام ---

ياأخوان هذا والله العالم ولاني متأكد أنه ( جرذي) ويتكاثرفي المناطق الساحليه و عندنا بالمنطقه الشرقيه كثير خصوصاً للقريبين من الميناء حسب ماسمعت أنه يجينا مع البواخر من الهند ويسمى ( أبو العريص) - لأن هذا ميت ولا هو واضح زين -- وسبحان الخالق

[mkdsh]

هذا النيص وين مكانه بالظبط.

نيييص ..؟
الله يهديك بس

[النيزك777]

هــــــــــــذا وبـــــــــــر وأنا أخـــــــــــوك

[SKY CRUISER]

وبيّر >>> تصغيروبر :)

[][ســهم][]

هذي الفاره


فاره مافيها كلام وليس وبر ابداُ

[القرش الابيض1]

اضن انه ارنب ...

[^الهاوي^]

هذا جردي يالخوي

[جريح الصيد]

يالربع أنتم رجال كبار معقولة ما تفرقون بين الوبر والجرذي والفار

يأخوان والله ماهو مدح لنفسي بس من يوم شفته قلت وبر ما يبيله كلام


مع احترامي الشديد لك اخي الغالي ابيض قلب اخالفك الراي وبقوة الوبر ليس وبر وبشكل قاطع

قد يكون جرذي او حيوان قارض اخر

لو تدقق اخوي في الصور اكثر ستجد للحيوان ذيل ولاكن منزوع منه

هذا مالدي واختلاف الراي لايفسد من الامر شي

[عقاب قوقل]

السلام عليكم


حرام عليكم يااخوان واحد يقول ارنب والثاني يقول وبر والثالث يقول نيص .. هههههه
بعد التدقيق في الصور وجدت .. ان فيه روث وانتم بكرامه على البقعه الصفرا الي
تحته وهذا روث .. قارض يعني اما فار شايب ولا .. جرذي عير ..
وايضا بعدت ماركزت لقيت ان

خشمه ماهوب اسود عشان اقولك وبر
ولاخشمه وردي عشان اقولك ارنب
ولا على ضهره شوك علشان اقولك نيص

وبالاعتماد على كلامك انك تقول كبير اجل مقدر اقولك فار

هذا ( جرذي )

ولعلمك الجراذيه تختلف من مكان لمكان وكل منطقه لها شكلها ولونها وحجمها

جاك العلم

تحياتي لك
اخوك \ خالد

[شخابيط.]

نيييص ..؟
الله يهديك بس

ههههههههههههههه

هذا جرذي مقطوع ذنبه وشعرته لاعبن فيها المطر :D

[صيت الليل]

شف آخوة http://2.bp.blogspot.com/_xHhjcK7y3XM/THQZ3-xw8ZI/AAAAAAAAEk4/mS74m73Ys0g/s1600/dead+rat.JPG
http://www.naturfoto-cz.de/bilder/andera/feldmaus-xxxarv1a.jpg
هذا جرذ او جرذ الحقل شف عيونة سودا وصغارويديه قصيرة والمطنقة الي تقول فيهآ ماء التصريف وانتم بكرآمة ويكثرن الجرذان والفياران

[سديراوي 503]

شكله وبر يا اخوان

[المرزم]

ما اتوقع انه جرذي..!

[أبيض قلب]

مع احترامي الشديد لك اخي الغالي ابيض قلب اخالفك الراي وبقوة الوبر ليس وبر وبشكل قاطع



قد يكون جرذي او حيوان قارض اخر


لو تدقق اخوي في الصور اكثر ستجد للحيوان ذيل ولاكن منزوع منه



هذا مالدي واختلاف الراي لايفسد من الامر شي

يا خوي الجرذي كبر يدي أنا ذبحت جراذيه لليل الجرذي كبر يد الآدمي وهذا كبير وأنا ما جزمت أنه وبر إلا بعد ما سألت وتأكدت

بيض الله وجهك ومشكور على التنبيه وإذا عندك زود أفدنا يالغالي

[سحاب1]

هذا ليس بوبر يا اخوان فرق كبير
هذا نوع من ىانواع جرذان الحقل

بالتوفيق

[فطري]

كلي عتب عليكم أحبتي بالله

منتدى مكشات، وخيمة الحياة الفطرية خصصت لكم وثبتت موضوع أسمه:

الدليل المصور للكائنات الحية في المملكة العربية السعودية (http://www.mekshat.com/vb/showthread.php?t=188440)


ولا واحد منكم رجع له أو أشار له !!!

هذه الأدلة المصورة وضعت لكم وفي منتدى مكشات "حصرياً" وحشدت جهود ومراجع عديدة، ولن تجد أي منتدى آخر يحتوي على مثل هذه الأدلة المتكاملة
حتى مواقع الجامعات والمراكز البحثية المتخصصة.

ومع ذلك غفلتم عنه !!! :mad:

ولو راجعتوا دليل الثدييات لأمكنكم التفريق مابين
الفار، والجرذي، والوبر، "والنيص" ;)

الله يصلح الحال


انا ماني معلمكم أيش نوع هذا الحيوان :no2:


ابيكم ترجعون للدليل الخاص بالثدييات وتحاولون معرفة الحيوان الموجود في هذا الموضوع،

وعلشان اساعدكم:

1. حاول معرفة حجم الحيوان اولاً،
2. تعرف على شكل الرأس (مع إن رأس الحيوان في الصورة معدوم وتغير شكلة بسبب تلقيه ضربة عليه)
3. انظر إلى الأرجل واليدين والوانهما.
4. انظر إلى الذيل (وهذا لا يمكن هنا لإن ذيل الحيوان بالصورة مقطوع)
5. أنظر إلى اللون العام الحيوان،

على العموم هذا أختبار لكم ولنرى من يستطيع أن يفك شفرة هذا اللغز بعد أن تطلعون على الدليل.

[نايف 1996]

وبر__الله اعلم

[طبيب المواتر]

اتوقع انه وبر

[abo mhmd]

وين راسه من قفاه ...
بين راسه.

[abo mhmd]

المشرف فطري هل هذا الجواب الصحيح

الأسم العربي: جرذ زيتوني
الأسم الإنجليزي: Abyssinian Grass Rat
الأسم العلمي: Arvicanthis abyssinicus

[واقعي]

اخوي فطري بعد الفحص والتدقبق بشكل الجسم و اللون اعتقد الحيوان يوجد بة لون مائل للأبيض من ناحية البطن وأقرب حيوان لة
هو فأر : ركين هندي قصير الذيل

[ابو فيصل 112]

وبر يا اختي

[جبل رال]

ارنب ياوبر
.

[واقعي]

ننتظر تأكيدك اخي فطري

[alwssam6]

اعتقادي انه جرذي والله واعلم

[صالح الوليدي]

يا أخوان والله ماهو وبر

أناء وأعوذ بالله من كلمت اناء أعرف الوبران زين وأربيها


هاذا جرذي دققوا في الصورة في الراس



http://aborufan.com/uploads/917ab797d3.jpg (http://aborufan.com/)


الوبر راسه أكبر من الفار واضحه وضوح الشمس

[السلوم 2005]

ا جرذي مابه كلاااااما اسألن عنه ابن الكلب بس مقطوع ذيله لسبب ما

[Oryx]

دائما يحرص العلماء - الباحثون - او حتى المهتمون بوضع مقياس للصورة قبل التصوير .. فيضعون مسطرة أو قلم أو مفتاح وبالتالي يمكن تمييز طول الحجم الجسم الذي تم تصويره .. وفي الصورة التي عرضت يظهر أنك عملت زووم للكاميرا فأظهر ذلك الحيوان بشكل كبير أثار حيرة الأخوان في تمييزه

تحياتي

[مراقب الرهو]

بس لاصورة راسه كان بانت الملامح اضنه وبر

[الليث الذهبي]

اتوقع انة همستر سمر ضايع ما شاء لله عليكم وين لقيتوه هههههههه
لا الصراحه مادري وشفه النت ما طلع الصورة

[يالبى قلبك 11]

http://www.alrassxp.com/uploaded7/1555/11287176257.jpg

نفس هذا بس ذيله مقطوع
وهذا ينتشر في المجاري اكرمكم الله

[مسفر ابو حمود]

اتوقع انه وبر

[بندر الشريف]

يا خوي الجرذي كبر يدي أنا ذبحت جراذيه لليل الجرذي كبر يد الآدمي وهذا كبير وأنا ما جزمت أنه وبر إلا بعد ما سألت وتأكدت

بيض الله وجهك ومشكور على التنبيه وإذا عندك زود أفدنا يالغالي


أنا أتفق مع الأخ / ابيض قلب
هذا وبر يالربع وبرررررر
والجرذي كبر يد الادمي

[براق دخنة]

http://aborufan.com/uploads/917ab797d3.jpg (http://aborufan.com/)

اليدين والرجلين والشكل وبر 100% مآفيه أي مجآل للشك

بس الشنبآت مثل شنـب الجرذي :)
والله أنآ أبيـه وبر لين شفت الشنب تغير رأيي

[مغامر الديرة]

أنا أتفق مع الأخ / ابيض قلب

هذا وبر يالربع وبرررررر
والجرذي كبر يد الادمي





لا اتفق معك اخي الكريم
الوبر اكبر من ذلك بكثير
شعر الوبر قصير
لا يوجد له شنب بهذا الطول ولا ذنب
الواضح من الصوره
انه ابو العريص مقطوع الذيل
وشنبه يدل عليه كذلك شعره وكثافته ولونه تدل على انه ابو العريص ما فيها كلام

[عاشق الشعيبة]

يالربع أنتم رجال كبار معقولة ما تفرقون بين الوبر والجرذي والفار

يأخوان والله ماهو مدح لنفسي بس من يوم شفته قلت وبر ما يبيله كلام

لاتزعل يا خوي انا معك اول ما شفتة قلت وبر

وترى الوبر ينزل من الجبل للوادي اذا هو يبي ماء او بالوادي مرعى والجبل مابة شئ

طردناة طرد انا و واحد حبشي كان راعي عندنا وجدناة نازل بالوادي ويأكل من زرع زارعة الحبشي لكنة استطاع ان يصل للجبل قبلنا وانطلق مثل البرق ما لزمناة

[هموس القلوب]

انا ابسالك ايش هاذا ماء ولا وشو هاذا هامستر نوعه مثل الوبر الصخري

[بندر الدعجاني]

الله العالم ان ابوه وبر وامه جرذي :D
والله اضن انه جرذي بس نوع غريب

[طير الجنة]

هذا فار ما فيها كلام
وإذا أنت شاك لانه اكبر من يدك الجرذي أكبر بكثير بعد
وننتظر جديدكم

[شقردي ون]

السلام عليكم ورحمة الله وبركاته

هذا وبر بري وعندي مثلة شاريه من الطايف يصيدونه في الجنوب

[مخاوي القناصه]

هذا جرذي مقطوع ذيله وليس وبر الدليل ان رجوله مختلفه
http://www.2zoo.org/get-1-2011-2zoo_org_7r2elko7.jpg