نقل ملكية السيارة

[اكليل الجبل]

السلام عليكم

اخواني الكرام استفسار الله لايهينكم وتكفون من لدية خبرة يرشدني

بعت سيارة قبل 6 سنوات على شخص ولم ينقلها وجاني قبل مايسافر جنسيتة مصري وعطاني العلم قال تراني مانقلتها طبعا هذيك الفترة خربانة والحين صلحها قال ابي ابيعها على سوداني وهو بينقلها باسمة قلت اوكية مافية مشكلة الحين السوداني مانقلها ولا اعرف له عنوان ادري اني ارتكبت خطاء كبير ولاكن ماينفع الحين ,, وش السوات طبعا تكاتبنا بالمعرض واخذ صورت بطاقتي على اساس انه ينقلها السؤال هل استطيع ان ابلغ الشرطة ام البحث ام ماذا افعل وانا اخاف الحين من نظام ساهر يسجل عليه مخالفات وانا ماني داري.. تكفون يالربع اللي عنده خلفية لا يبخل عليه ..

[الخزاعي2010]

ياخوي القانون لايحمي المغفل

روح لشرطه وتكون معك ورقه المبايعه وتقدم بلاغ عليها

اذا مامعك ورقه المبايعه راح تنحااااااااااس حوسه

وربي مسئوليه طيب المصري لو مسوي مصيبه بسياره راح تكون انت في وجه المدفع

الله يعينك

[dr.tooth]

المفروض المعرض لا يسمح بتحريك السيارة الا اذا نقلت ملكيتها

ولا عليه غرامة مالية كبيرة

رح للمرور اللي في المعارض واحكي لهم انه انت ما تدري سويت مبايعة ومشيت

,.,,,

[طارق2011]

اذا كان معاك صورة مبايعة يتحمل المسئولية المعرض

[مآإآإآجد]

اخوي اكليل الجبل



اذا ورقة المبايعه معك الامر بسيط ان شاء الله


تروح لادارة المرور اللي بعت فيها السياره ومعك ورقة المبايعه او سند القبض وصورة بطاقتك وتقدمها على وحدة المعارض اللي بادارة المرور وهذي راح يتغرم المعرض ويقفل لانه بالنظام ماتطلع اي سياره الا مفحوصه ومنقوله ملكيتها..



اما اذا مامعك اي شي يثبت البيعه تروح لقسم الشرطه وتقدم بلاغ وراح تدخل بشوي حوسه بس لازم تتحمل لانك اخطيت ..


اتمنى اني افدتك يالغلا


بس لازم تاخذها قاعده بحياتك اي شي تبيعه او تشتريه خذ عليه سند قبض او صورة من المبايعه..


وربي يوفقك ان شاء الله ويعينك

[جي اكس ار2000]

اولا استفسر هل السيارة بأسمك

بعدين اكمل الخطوات التي ذكرها الزملاء وان شاء الله الوضيع خير

[yazn2322]

طبعًا ماعندي شي اضيفه الشباب كفوا ووفوا ,
لكن عندي تعليق على أخوي العزيز الخزاعي



ياخوي القانون لايحمي المغفل

روح لشرطه وتكون معك ورقه المبايعه وتقدم بلاغ عليها

اذا مامعك ورقه المبايعه راح تنحااااااااااس حوسه

وربي مسئوليه طيب المصري لو مسوي مصيبه بسياره راح تكون انت في وجه المدفع

الله يعينك


أحب أني أقول لك أن القانون لم يوضع إلا لحمايه المغفلين :)
طبعًا مع كل الإحترام والتقدير لأخونا أكليل الجبل :)

[white heart]

مفروض المعرض لا يسمح بتحريك السيارة الا اذا نقلت ملكيتها

ولا عليه غرامة مالية كبيرة

رح للمرور اللي في المعارض واحكي لهم انه انت ما تدري سويت مبايعة ومشيت



كلام اخي صحيييييييييييييييييييييييييييييييييييييييح 100%

[جومانشي]

مثل ما قالو الاخوان استفسر بالسجل المدني حقك لدى المرور راح تعرف كم سياره عندك

وراح تعرف رقم لوحتها وبعدها بلغ عن فقدانها

واذا وصل العلم وجابو سيارتك امسك السوداني على جنب

وقله السياره باخذها ولك مدة اسبوع تحطها في المعرض وتنقلها باسمك

واذا ما نقلتها ترا المبلغ اللي دفعته اجار عن السياره

وبكذا راح ينقلها على طول

والله يستر من عواقب الثقه

[HAS5SAN]

بلغ انها مسروقه
راح تختصر مشواااااااااااااااااااااار
وبعدين لكل حادث حديث

[عاشق الجمس96]

السلام عليكم ورحمة الله وبركاته ..

أول شئ أخوي هل من العقل انك تبلغ عن السيارة وتقول مصروقة وهي لها 6سنوات اول شئ اذا كان عليها جريمة او بلاغ بيقلك من متا بتقول من 6 سنوات بيقلك سلمات وش الإحساس المتإخر ((مع احترامي لرأي الشباب)) ........

مثل ماقالو الإخوان اذا معك ورقة او اثبات رح لإدارة المرور وبلغ .................. الخ
واذا مامعك ورقة قدامك حلول :
1- حاول ترجع للمعرض الي بعتها عنده ممكن تطلع بنتيجه...............
2- اتأكد ان السيارة ماعليها بلاغ ولا شئ واذا كان ماعليها شئ ناد اللي بعتله السيارة وانقل الملكي وكنه ماصار شئ...........
3- اما ان كان عليها بلاغ او جريمة لاقدر الله رح وبلغ ولا تتورط بشئ مالك شغل فيه......

هذا مالدي واتمنى صالح دعاكم

[اكليل الجبل]

ياخوي القانون لايحمي المغفل

روح لشرطه وتكون معك ورقه المبايعه وتقدم بلاغ عليها

اذا مامعك ورقه المبايعه راح تنحااااااااااس حوسه

وربي مسئوليه طيب المصري لو مسوي مصيبه بسياره راح تكون انت في وجه المدفع

الله يعينك


شكراً لك اخي الخزاعي على الرد الجميل ..

[اكليل الجبل]

الشكر للجميع على التكرم والرد الرائع في الحقيقة هذا العشمم بجميع الاخوان المكشاتيين الله لايهينكم

انا مثل ماذكرت لكم السيارة قبل 6 سنوات بعتها وقبل 3 اشهر اتصل علية واحد من الربع امون علية وقال لي ان السيارة معى صديق له وتم القبض عليها بحجز المرور ونبيك تطلعها يعني بالعربي احرجني وادري اني ارتكبت خطاء اندم علية بس حيل الله اقوى ( وربي درس بعد اليوم بلا احراج بلا مونة ) المهم طلعتها له وقال ابنقلها باسم السوداني وسوينا ورقة في المعرض بس مو ورقة مبايعة لا ورقة انو ينقلها المشتري خلال اسبوع والمعرض خارج المسئولية المهم رحت للمعرض بعد 15 يوم وحاولت يعطوني ورقه ولاكن دون جدوى رفضوا بحجة انو ممنوع لدرجة اني بغيت اضربه من القهر . ما ابطول عليكم

الحين ماعندي اي ورقة والسؤال هل استطيع عمل بلاغ بقسم الشرطة لاني رحت للمرور وقالو قدم معروض على مدير المرور .

[معاند البحر]

السلام عليكم ورحمه الله وبركاته
اخوي روح المرور وبلغ عن عدم نقل ملكيه وسوفا يقوم المرور بتعليق السياره بالكمبيوتر وتسلم من المخلفات من تاريخ التبليغ واي مساله قانونيه!!!!!!!!!!!!!!!:good2:

[هايل العتيبي]

ياخوي روح للمرور
ويسوون عليها تعميم في الجهاز ثم يحجزونها لين تنقل

[اكليل الجبل]

ابشركم اليوم جالس الف بالصناعية (مسوي بحث) وبالصدفة شافة العامل حقي الله يوفقة امين

وعلى طول شنكرتها بالجيب وعلى البيت وجاني سوداني يقول توني شاريها امس قلت هلا والله يبيعون ويشترون في حلالي .. واخذت الاستمارة منة بالقوة وسحبتها على حوش البيت .


الشكر لجميع من مر من هنا وعلق واعطاني حل فلكم مني دعوة صادقة من الاعماق ..

[هلا حبي]

الف الف الف مبرووك والحمد الله على السلامه
والله يستر عليك

[ابوسليمان99]

الف الف الف مبرووك والحمد الله على السلامه

العربية يا ريس


هي تسوا اشريها منك

اهههههههههه امزح

[السعودي88]

الف مبروك حاول انك ما تطلعها برع خلها في الحوش مدام الموتر ما زال بسمك زين
بس انتبه من نقطه ان السوداني يرجع للمعرض واذا الي في المعرض سوداني كملت!!!

يحولها بسمه ويروح يبلغ ان السياره مسروقه لا تنسى ان عندهم صوره وتوكيل بنقل الملكيه
لازم انك تروح للشرطه وتعطيهم خبر يعني تقص عليهم قصتك عشان يسحبون الورقة توكيل وصوره الثبات
وهاذا رئيي وان شالله ما تشوف شر

[جنوبي صميم]

اذا السيارة بتجيب لك قيمة اعلى من بيعتك على السوداني الاول توكل على الله وبعها واذا كبرت القضية رد عليه المبلغ الاصلي اللي يطلع من خاطرك والزيادة بدل مخاطرة وحكاية انهم يبيعون سيارة والاستمارة الاصلية عندك هذي كثر منها قلهم بطلت وخليت لهم اوراقهم واخذت سيارتي واستمارتي . بس الفلوس كانت شيك والا نقد !!
الربع جالسين يبيعون ويشترون بسيارتك وانت ولا انتا هنا !!!

المصيبة لو السيارة خلال الست سنوات الماضية مسوية حادث او عليها بلاغ راح تكون انت بالواجهه بس طالما طلعتها قبل 3 شهور من حجز المرور الظاهر ماعليها شيء
قد يكون فيه ظلم ولكن اللي يخالف القانون يستاهل اللي يجية صدقني لو عملوا بها حادث ليرمونها بجنب الطريق وتروح انت فيها .

[كاشت وحداني]

دامك بعت الموتر سواء للمصري اوالسوداني وعلشان ما يقول انه مظلوم وانك انت يا اكليل الجبل اخذت فلوس من المصري والسيارة من السوداني
كلم السوداني وروحوا معرض غير المعرض الاول وسوو مبايعه رسميه علشان الموتر لو طلع قبل نقل الملكيه يتحمله المعرض ويجيه غرامة وتقفيل للمعرض
وطبعا قبل كل هذا شيك على السيارة عليها مخالفات ولا مطلوبه لاي جهه . والله يوفقك

[خوي السفر]

ياعمي روح بلغ عن المصري اللي بعته السيارة بمبيعتك الاولى وثم السوداني ثم المعرض دام الدعوى في راسك في راسك .
بس على قوله المثل ( على وعلى اعدائي ) وماعاد فيه ثقة حتى في اخوك ابن امك وابوك
ولا انا زييك والدعوا كذا بلغت ان السيارة مسروقة ( !!!!!!!!! ) حتى تظمن حقك