Seas Explorer
31/01/2011, 04:13 AM
السلام عليكم
اليوم الفجر طبعن كالعادة اروح اصيد انا وصاحبي العزيز Mr.Lonely في كورنيش جدة ورا المسجد الي عند دوار التوحيد بالمكاين والنتاشات
المهم صدنا كم حبا وقعدنا من الفجر الين قريب الساعا 10 ونص
المهم نال مننا التعب وحركنا واحنا في الطريق راجعين مرينا من جمب سقالة الكوريين الي قدام ملاهي الشلال الا ونشوف شباب متجمعين وواحد نازل سنوركل قلنا ايش الهرجا خلينا نركن السيارة ونشوف ايش الحكاية المهم نزلنا عند الشباب المتجمعين الا وماشالله
من السبت في اليل رامين مجرور ووشبك فقرش ابو مطرقة hammer shark
وسحبوه الين قريب السقالة بس اتعزق تحت عند الكساارة لانو اتشربك فجلبان كتير تحت
وصابرين ماشالله عليهم بعد مساعدة بدر الي نزل سنوركل بالزراديا عشان يفك الجلب المتشربك وواحد تاني من الشباب فزعلو نسيت ايش اسمو المهم هادا الكلام تقريبن صارالساعا 10وعليها الصباح وقاعدين بيحاولو يطلعوه الساعا 10وعليها صباح الاحد واخيرن طلعوه ع السااعا 11 وعليها هوا من اول الي نزل سنوركل بيحاول يشك القرش بالبروسي الكبير عشان يسحبوه الشباب بس كل مرا يشك القرش بالبروسي ويسحبوه الشباب يفلت لانو كان بيشكو من بطنو فا ينقطع اللحم من الشد العنيف من الشباب ماشالله عليهم ماقصرو ويفلت البروسي بس حاولو اول مرا فلت تاني مرا فلت التالتة ثابتة قال الواد الي يسنكر ابا اشكو من فكو وفعلن شكلو من عند فكو وسحبوه الشباب وطلعوه
طبعن انا استغليت الفرصة وصورت الحدث فيديو بالايفون التصوير مو قد كدا بس انشالله ينال اعجابكم وماشالله عليه القرش خروف ممكن فيلو مترين تقريبن او مترين الا شي بسيط ع قول احد الشباب في الفيديو القرش معضل قام واحد قلو خخخ بيلعب حديد لول
اوك طفشتكم بالهرج الكتير اسيبكم مع الفيديو من رفعي الخاص ع اليوتيوب
rWFsee3P54E
http://www.youtube.com/watch?v=rWFsee3P54E
اليوم الفجر طبعن كالعادة اروح اصيد انا وصاحبي العزيز Mr.Lonely في كورنيش جدة ورا المسجد الي عند دوار التوحيد بالمكاين والنتاشات
المهم صدنا كم حبا وقعدنا من الفجر الين قريب الساعا 10 ونص
المهم نال مننا التعب وحركنا واحنا في الطريق راجعين مرينا من جمب سقالة الكوريين الي قدام ملاهي الشلال الا ونشوف شباب متجمعين وواحد نازل سنوركل قلنا ايش الهرجا خلينا نركن السيارة ونشوف ايش الحكاية المهم نزلنا عند الشباب المتجمعين الا وماشالله
من السبت في اليل رامين مجرور ووشبك فقرش ابو مطرقة hammer shark
وسحبوه الين قريب السقالة بس اتعزق تحت عند الكساارة لانو اتشربك فجلبان كتير تحت
وصابرين ماشالله عليهم بعد مساعدة بدر الي نزل سنوركل بالزراديا عشان يفك الجلب المتشربك وواحد تاني من الشباب فزعلو نسيت ايش اسمو المهم هادا الكلام تقريبن صارالساعا 10وعليها الصباح وقاعدين بيحاولو يطلعوه الساعا 10وعليها صباح الاحد واخيرن طلعوه ع السااعا 11 وعليها هوا من اول الي نزل سنوركل بيحاول يشك القرش بالبروسي الكبير عشان يسحبوه الشباب بس كل مرا يشك القرش بالبروسي ويسحبوه الشباب يفلت لانو كان بيشكو من بطنو فا ينقطع اللحم من الشد العنيف من الشباب ماشالله عليهم ماقصرو ويفلت البروسي بس حاولو اول مرا فلت تاني مرا فلت التالتة ثابتة قال الواد الي يسنكر ابا اشكو من فكو وفعلن شكلو من عند فكو وسحبوه الشباب وطلعوه
طبعن انا استغليت الفرصة وصورت الحدث فيديو بالايفون التصوير مو قد كدا بس انشالله ينال اعجابكم وماشالله عليه القرش خروف ممكن فيلو مترين تقريبن او مترين الا شي بسيط ع قول احد الشباب في الفيديو القرش معضل قام واحد قلو خخخ بيلعب حديد لول
اوك طفشتكم بالهرج الكتير اسيبكم مع الفيديو من رفعي الخاص ع اليوتيوب
rWFsee3P54E
http://www.youtube.com/watch?v=rWFsee3P54E