تحذير؟؟ من احد اسواق الديره برياض

[عاشق الحر9]

السلام عليكم
كيف الحال ان شاء الله طيبين وبخير
ياجماعه انا من فتره عرضه شيهانه ايرانيه للبيع
وقايل انها تحل عن الحمامه القويه يعني ماتطرحها
وبعتها ب2500
والى شراها جلبها الخميس الى راح للسوق
وشراها واحد عنده محل في السوق < ماودي اقول اسمه لين يرضون الاعضاء
ب2800 وشفتها عند راعي المحل ولا قلت انها لي سابقاً
وقلت وش علومها قال تطرح حمام الدحل سلم :eek: < اقول في نفسي هاذي طيرتي واعرفها تحل
ماشاء الله والكراوين يقول صايده عدد ريشها ومشروطه :eek:الله على الفقش < عندى ماشافت غير التعلوم
وسيمت منه 3500
انا اقول الله يرزقه لا كن ليش يلعب على خلق الله هو يدري انها تحل ويقول تطرحه
ويشرط كراوين
عقبها حلفت اشتري من المحلت الى في سوق الديرة



تكفون كل واحد يقول وش رايه بي الحركه هاذي

وهل يرضاها على نفسه او غيره من اخوانه المسلمين يلعب عليهم

[غليص 101]

خخخخخخخخخخخ
ياخوك
انا مابي اضلم الرجال
لاكن قسسم بالله انه القله اللي يصدقوون
في بيع الطير
وكثر شريطية الطيور
حتى المحلات الي في النهضه
فيها محل اللي فيه كذوووب
والي يقول عكس ذا الكلام
انا خصيمه
ان كانك تبي تشتري
انا بعلمك عن رجال
هو والله راعي الامانه
الي هو
ابو جزاء الدعجاني
الي في المزاحميه
وان بغيت رقمه برسلهلك مع العلم اني ماعرفه معرفه ذاك الزود
بس اني قد شريت منه
وكريه وطلعت على كلامه
والله لايهينك على المعلومه

[الصارم1]

بالله علىمنا وين محله بالضبط خلنا نعرفه ومثل هذا لازم ينفضح

وانا اسبوع الي راح كنت هناك وشفت بيعه قفلت معي بيع طير الطير اعرفه مثل ما اعرف نفسي شراه واحد من منطقتنا من شهرين الطير صايد قبل يوم كان في صحته!!!!!! بس بعدها تعور الطير ... والي جابه السوق يقول صايد معه قبل شهرين حباري لا قبل والطير قبل شهرين كان عند راعيه ابي اعرف كيف صاد عنده ؟؟؟؟؟ والله انقهرت على الي يبي يبيع طبعا انباع بالحراج وراعيه النصاب واقف في ثقه يقولون صايد بعد ما تعور يقول ايه...........



بس لو تعلمني وش اسم الي في المحل سعودي ولاا هندي.... والا تعطيني اوصاف الطير

[شاص]

لاحول ولاقوة إلا بالله .. أنا أشوف أن أمثال هؤلاء لابد أن يفضحوا على الملأ حتى يحذر منهم ولا يقع أحد ضحية غشهم وخداعهم

[صاحب نوماس]

يالغالي ممكن الرجال اللي باعة قالة انها تلحق وصايدة

وممكن انة يكذب كل شي جائز

بس والله ان فيهم رياجيل يعدون الصدق

[مطراااان]

http://img105.herosh.com/2010/08/07/874882786.gif



ياعاشق الحر

الله يرزقك

ياخوي هذى حال الشريطيه

وماخفيا كان اعظم

[ابو راكانm]

يالربع عاشق الحر ,,,الصوره اللي في التوقيعه من اي انواع الطيور

[صقار محترف]

كلام صحيح
وانا عن نفسي
اذا جيت اشتري طير مدرب
اشرط عليه مو بالكلام
بالفعل
اخذ الطير يومين عندي تجربه واذا صار للطير شي ياخذ فلوسه
وان ماعجبني الطير وماجاه شي سليم ارجعه لراعيه
اما من السوق اخذ مدرب
مستحييييييييييييل

[@قرناص@]

ياخوي بينك وبينه المدعى ..... هات حمامتك وشف جناحها بلا شروط بلا.....

[بندر99]

لاحولا ولاقوه الابالله
حسبي الله ونعم الوكيل

[دعاس]

الله يعطيك العافيه وكلامك في محله ’’والكذب خصوصا بالطير واجد
وممكن الشريطي هذا شاري من البايع واخذ كلامه والمفروض ان اصحاب المحلات تشتري بتسجيل البطاقه الشخصيه لديه وعند ورود مشتري للمحل يطلب من صاحب المحل رقم البايع السابق وياخذ علومها
والا ياخذها على دعو او انه يشرط عليها بناء على مدحه للسلعه

[ابن الاصيل]

الله يعين شريطيت الطيور يخوي البعض طبعن مو كلهم يخوي يحلف زي السلام عليكم اذكر اخوي شراء طير من واحد ويحلف ويطلق ان الطير صايد فوق العشر وانشدو فلان يعرفني وفلان وفلان اخوي صدق وشراه انفرع الطير لاشاف الملواح قام يصيح ويكوش تقول هاد هليه عقاب هههههههههههههههه ويروح اخوي وينشد الي يقول عنهم وهم يموتون من الظحك قال اخوي العلم قالو هذا يسمونه القوانيص احمد صاروخ من كثر مايكذب

[بوعبدالعزيز22]

السلام عليكم ياغليص ياليت وانا اخوك ترسل لي رقم الرجال الي ثاتق فيه والله ادور لي على فرخ شاهين والابكر شاهين وياليت ترسل لي رقمة ولو على الخاص ولاهنت على كل حال

[خيال العرجا]

كل الشريطية كذابين إلا من رحم ربك الصدق مايعرفون طريقه

[صقرالعوسي]

من غشنا ليس منا
الله يهدي على طريق الصواب

[فالح الملعبي]

الله يعطيك العافيه وماقصرت
مع اني اتمنى انك تقول اسمه
حتى لا ينغشون الناس بطيوره

[متعب نجد]

اقول الله يرحم شارع الحبابي وسلامتكم
والحين ما يخلون الشريطيه من الغش لاكن الله المستعان

[ابو دحيم]

صدقت ياخوووي

واهل المحلاات لاتااخذ علمهم مررره

قبل كم سنه بااع واحد من الربع طيرر في اخرر الوقت على راعي محل معرروف بالسووق

والطير ما صاد ولا عمرره شافهاا .. وباعه برخيص .

رااعي المحل اللي شرااه قيضه عنده . وعررضه اول الوقت واذاكرر كاان برمضاان

وكاان خوينا جاي يدور له طيرر . وحصل طيرره معرروض في المحل وماكاان فيه الا اليمااني ولايدري ان خوينا هو راععي الطير

فيووم نشده عن علووومه قاال عليه سوووم ب 6000 ورصيده العااام 5 حباارى

ثنتين منهن تلحيق عقب طيووور ........

وش غيرر هاااذي ,,,,

[متحدي النفود]

السلام عليكم

والله يا اخوان صار الغش في كل محل مو بس في الطيور

يمكن راعي المحل قال كلام بناء على كلام اللي باعه عليه

والله اعلم

وحنا مانبي نظلم أحد أو نقطع رزقه

[راعي منيفه]

لاحول ولاقوة إلا بالله

[قرناس الجنوب 2011]

يربع انا والعيااذ بالله من هل الكلمه

شبه شريطي وخاصه مع جيت الكراوين

بس بفضل ربي ماعمري مدحت طير يفعل وبيض الوجه

لزبون الى وانا عاارف اعلوم الطير كامله واقولها
اذا شفت هدد وفعل

اما بعض الاخوان اسئال الله لهم الهدايه

تحيااااتى

بغير طوله بمعنا اصح عن وسرته

اماا حكااايه انه فعل ولا مثله طير

ماا اقولهاا الى اذا فعلا الطير يفعل الى ا

[مشعل العازمي]

السلام عليكم
ياخوان انا من الكويت والعام نويت اروح لسوق الرياض وقبل لا اروح استفسرت من كذا واحد يعرفووون السوق عدل وكلهم اجمعووو علي شي واحد بسوق الرياض كل الطيور صايده حباري ولا وحتي التبع والوكري
وبعد ما رحت وشفت بعيني صدقت اللي انقال بس شخص واحد بنظري صادق االلي هو ابو جزا رجال علي وضح النقا ما عنده لف ولا دوران ويشهد الله اني ماعرفه سمعت فيه وصادفته بالسوق
الكلام يخص الناس اللي تعاملت انا شخصيا معاهم ولا يعم

[السومر]

لا حول ولا قوة الا بالله