أشتري الددسن أو الديماكس

[أبو أسامة]

بسم الله الرحمن الرحيم
السلام عليكم ورحمة الله وبركاته
أخواني إن شاء الله أنكم أستانستوا بالعيد .
اخواني أنا أبي أشاوركم بسيارتين وشهي اللي أخذ منهن .... الددسن ديزل 2006 دفرنس واحد مواصفات سوبر جي أل قيتها 65000 ريال أو ديماكس ديزل دفرنسين وصراحة ما أعرف قيمتها ...
والقلب مايل للددسن بس لوهي دفرنسين مافكرت على طول الددسن .....
وبسرعة تكفون لأن لي أكثر من شهر وأنا مامعي سيارة وودي أشتري مره أقول سفاري ومره سوزوكي ومره .....
إلين داخ راسي .... بس الله يقسم الخيره ويريحني ...
وجزاكم الله كل خير
والسلام عليكم ورحمة الله وبركاته ...

[أبو أسامة]

بما أنه لم يرد علي أحد فسأطرح سؤال آخر ربما يأتني من يجيب عليه ..
هل الجبر وكيل نيسان بالشرقيه يوجد لديه دفرنسين ديزل مواصفات سوبرجي إل؟
وجزاكم الله كل خير
والسلام عليكم ورحمة الله وبركاته

[العطة]

السلام عليكم ورحمة الله وبركاته

اخي الكريم جدد معلومات ومر على الوكالات
الددسن 2006 يجي ديزل دفرنسين تقريبا 71 الف
السوزو سعرة تقريبا 75 الف
استاجر السيارة وجربها
اهم شي الاستخارة


ابوعبدالاله

[البرحه]

سلام عليكم

والله مدام الدعوه ديزل بديزل ..

فخذ اسوزو احسن لك ...لان اسوزو او شركه طلعت ديزل

مع اني ضد ان الواحد يشتري ونيت باكثر من 50000

يخوي ازودها شوي واخذ باترول ولا باث فندر

والحين يجيك ابو حمود ويعطيك العلم

والراي لك ...وشكرا

[بواسامه]

الهايلكس الجديد دفرنسيين وتيربو وعلى كيف كيفك

استخر والله يدلك

[عاشق هدوء]

السلام عليكم ورحمة الله وبركاته
من العايدين ابو أسامه
اذا أنت راغب الديزل الايسوز وبس شركه متخصصه في سيارات الديزل وسياره قويه ومريحه
ملاحظه قطع الغيار غالي شوي
والخيار الاول والاخير لك وبالتوفيق

[راع الونيت]

أخوي أبو أسامة كل عام وأنت طيب
القرار الأول والأخير لك ولكن كل واحد له وجهة نظر ولولا إختلاف الأنظار لبارة السلع
والله أنا مجرب الددسن دفرنسين بنزين 2005 صراحة مافيها كلام بعد إجراء بعض التعديلات و 2006 ما تختلف أما الديزل فأنا ما أحب الديزل لكن فيه واحد قريبي لاقيها بالرياض ب 68500 تيربو طبعا وأنت لك ماتشتهي

[((أبو أسامة))]

الددسن دفرنسين ديزل مزعج صوته جدا ...............احذر تسلم ........... شغله واسمع بنفسك

موجود في الرياض بـ68000 عند معرض نجد

الديماكس الفل كامل مكينته 130 حصان و قوتها 3000 وتيربو وشكله أنيق وفخم حتى بعض الناس شاريه ولا طلع للبر مرة وحدة

أما السياحي من الديماكس فمكينته 79 حصان سيء جدا وشكله قبيح

أما راعي البرحة فلي معه وقفتين الأولى

لو جربت السفاري والباث واللاند كان كلما طلعت البر تسلفت قيمة البنزين ومثلك عارف البراري بعيدة

الديزل سيء بس الدراهم مراهم

وليش في التوقيع كل هالموقف من الهاي الجديد

بكرة يملى الشوارع ويركبونه أولاد(( علي )) ويصير يا زينه زيناه

مثل ما حصل مع الكامري بعد الكرسيدا

[أبو أسامة]

أخوي أبوعبدالإله جزاك الله خير على المشاركة والددسن الدفرنسين الديزل 68000 بس مواصفات عاديه يعني قزاز كهرب والدركسون هواء بس واللي مافيها دبل تجي مواصفات سوبر جي إل يعني حليوه ...
الديماكس غاليه 85000 للفل من الدفعه الأول من موديل 2006 والدفعه الثانية راح تتغير شوي وراح يزود سعرها تقريباً من 2000 إلى 3000 ريال وراح تنزل بعد أسبوعين تقريباً عند الوكيل ..... الكلام هذا متأكد منه لأنه يعلمني مسؤل المبيعات بنفسه .....
أخوي البرحه مشكور على المشاركه بس الأسيزو الجديد غالي قربت تاصل المئة ألف والمستعمل ما تلقى النظيف ....
أخوي البرحه غير وجهة نظرك عن الحوض والخمسين ألف لأن الكورلا تعدت الخمسين ببعيد...
أخوي بواسامة مشكور على طرح رأيك والمشاركه بس الهايلكس الديزل أقل قوة من الديماكس والددسن وأيضاً ماسلمت من تعديلات أبوجميل وخرابيطه ... وأنا لا أرغب الهايلكس مره لأنها مرتفعه أكثر من الشاص الله يدفع البلى...
أخوي عاشق هدؤ أشكرك على المشاركه السيزو من أخطر عيوبه قطع غياره غاليه ....
أخوي راع الوانيت أشكرك على المشاركه بس الديزل من الددسن أحسن من الددسن الكلبيتر بنزين عزم بس من البخاخ ما أدري لأني سقت الديزل 2006 وكان معي ددسن 99 وشفت فرق العزم واضح ...
أخوي فتى الحريق مشكور على المشاركه أخوي أنا شغلت الددسن الديزل 2006 وسقته مالقيت أزعاج يعني فيه صوت خفيف لكن إذا كان الديماكس ماله صوت فهذه نقطه إيجابيه أخرى للديماكس .... بس ميزة الددسن رخص قطع الغيار وتوفرها وقوته البالغه 133 حصان وحجم مكينته 2500 سي سي ...
والله حتى الآن حيران القوه في المكينه للددسن والمواصفات لديماكس والقلب مايل للددسن ....بس أبي ددسن بمواصفات ... وينكم يا أهل الشرقيه تعطوني خبر وكالة الجبر يجبون ددسن دفرنسين مواصفات سوبر جي إل ...

[البرحه]

مثل ما حصل مع الكامري بعد الكرسيدا

ومثل الهايلكس 2002 بعد

[خالد20]

به معرض بجده يبيع الديماكس69000مع الوحه والاستماره بس موديل2005
معرض عمر الشيحي تبي رقمه ؟ اخاف دعايه؟
وعلى العموم وين ابو حمود راعي الاسوزو؟ :d

[أبو أسامة]

أخوي خالد20 أشكرك على المشاركه وعندي أسئله لك أتمنى أن تتكرم علي وتجيب عليها وجزاك الله كل خير .... وهو هل الديماكس اللي في معرض عمر الشيحي أم 69000 موديل 2005 دفرنسين كامل المواصفات .... وهل يوجد منها ابيض لؤلؤي وهل هي على الضمان عند الوكلاء ....
وجزاك الله كل خير

نداء نداء نداء إلى أخواننا بالشرقيه نبي الفزعه وأبشروا باللي تبون من الرياض :::

أبيكم تعطوني خبر وكالة الجبر يجبون ددسن دفرنسين ديزل بـمواصفات سوبر جي إل ... وجزاكم الله خيراً