المساعد الشخصي الرقمي

مشاهدة النسخة كاملة : الحمدالله على السلامه ولكن هذا ماحصل بعد الحادث يوكن2009


نواف فالح
01/02/2011, 07:36 PM
الاخوه الكرام حادث بسيط على الباب الايمن والحمدلله على كل حال ولكن الايرباق الذي فوق رأس السائق خرج واصلحته دون تغييرولكن مازالت رساله تظهر بالطبلون تأمرني باصلاح الايرباق ولاتختفي ماهو الحل وهل بالامكان اعادة برمجة الرسائل الظاهره امامي بالطبلون؟؟؟مع العلم انني لا ارغب بتبديل الايرباق ولم احتاجه؟

السؤال الاخر حزام الامان قفل ولايقبل الحركه ابدا لاتقديم ولاتاخير ..حزام السائق والمساعد هل بالامكان اصلاحه ؟؟؟ام يجب تغييره وكم قيمته؟؟وهل بالامكان سحبه فقط لتلافي قسايم المرور؟؟؟

السؤال الاخير تظهر رساله بفحص هواء احد الاطارات مع انه تم تعبيتها بالتساوي ماهو الحل؟؟؟

كما ان الهواء الخارجي يدخل للغماره دون استأذان ولم استطع ايقافه؟؟؟
You Like Me
02/02/2011, 12:04 AM
اهلاً اخي نواف
والحمد لله على السلامة
بالنسبة للإرباق اعتقد ان مشكلتك في البرمجة فقط
ايضاً حساس الإطارات وما ادراك ما حساس الإطارات
على فكره انا كان عندي يوكون 2009 وبعته بسبه حساسات الإطارات ههههههههه
الحقيقه كان بسبة الحساسات وبعض المشاكل اللي اتمنى ما تشوفها إن شاء الله بسيارتك
والله يعطيك خيرها ويكفيك شرها
مالها حل اخوي وكل ما تصلحها بترجع
اولاً لازم تسوي لها برمجة والطريقة بسيطة
بدايتاً خل الكفرات كلها على 25
السيارة في وضعية التشغيل
القير في وضع N
من الريموت علق على زرين قفل وفتح الابواب في نفس الوقت لحد ما تسمع
إشارة التنبية اللي هي ضربتين او ثلاث بوري
بعدين زد الكفرات تبدأ اول شي بالكفر الامامي الايسر لحد ما يعطيك إشارة وهي ضربه بوري
بعدين الكفر الامامي الايمن ونفس الشي تزود لحد ما تسمع البوري
بعدين الكفر الايمن الخلفي برضو لحد ما تسمع البوري
آخر كفر لازم يكون الخلفي الايسر بتسمع نغمتين ورى بعض
معناتها انو تمت عملية البرمجة
ملاحظة
لازم شغلك هذا يكون في اقل من دقيقتين ولو تأخرت لازم تعيد البرمجة
إحتمال لمبة تشييك الكفرات في الطبلون تختفي بإنتهاء البرمجة
وإحتمال بعد اول كيلو متر تختفي .

دخول الهواء ممكن من مكان الصدمة في الباب الايمن

إن شاء الله اني افدتك بما اعلم
_-ابو خالد-_
02/02/2011, 01:19 AM
اخوي بالنسبه للشباب ماقصروا

مسألة البرمجه انصحك انك ماتسويها لان الي بيبرمج لك لابد انه يعطل احد بروتوكولات البرنامج وهذا شي صعب
او انه يعطي البرنامج امر بتحديد مكان المشكله وهذا الامر قد يستغرق شهر وقد يستغرق يومين يعني الي بيبرمج لك بخليها تروح وبعد فتره بترجع لك يعني مااستفدت شي النصيحه انك توديها الوكاله ويعيدون برمجة الطبلون بالكامل وحساسات الايرباقات


بالنسبه لحساس الهواء الي بالكفر فهذا مشكلته من الابره لان ابرة الكفر فيها حساس ولابد من تغييره يكلفك من 200 الى 300 ريال

وسلامتك
ابو الريم
02/02/2011, 05:00 AM
للاسف لمبة الايرباق لن تذهب الا بعد اصلاحك للايرباق لانه عبارة عن دائرة كهربائية للسيارة ماتكتمل الا بعد التأكد ان كل اجهزة السلامة تعمل ولذلك تحتاج ان تركب ايرباق جديد وممكن يتم استيراده من امريكا وهذا شكله http://cgi.ebay.com/ebaymotors/2009-GMC-Yukon-XL-Left-Driver-Roof-Air-Bag-Airbag-/380277122816?pt=Motors_Car_Truck_Parts_Accessories&hash=item588a486700

وانا افضل شخصيا ان تصلحه لانه من الاخذ بالاسباب في حالة حصول حادث (لاقدر الله ) يساعد في الحماية والحافظ الله اولا واخيرا


بالنسبة للحزام فالمشكله نفسها لوجود بلف اشبه بالطلقه لحماية الراكب يتم قفل الحزام بصورة سريعة ولكن يودي الى تلف الحزام وهذي احس انها مالها داعي الا زود خساير عموما لك حلين اما انك تفرط الحزام وتحاول تصلحه او بما ان سيارتك جديدة يفضل انك تصلحه وممكن نساعدك بالاستيراد http://cgi.ebay.com/ebaymotors/GMC-YUKON-SEATS-BELTS-AIRBAG-2008-2009-2010-2011-TAN-/280593294966?pt=Motors_Car_Truck_Parts_Accessories&hash=item4154a9e676

وهذي شركة تطلب ترسل لها الحزام القديم يصلحونه وبعدين يعيدون ارساله http://cgi.ebay.com/ebaymotors/GMC-Yukon-seatbelt-repair-SRS-airbag-seat-belt-oem-/220730918383?pt=Motors_Car_Truck_Parts_Accessories&hash=item33649685ef
بس طبعا هذا في حالة انك كنت بامريكا

موفق اخوي
ابوعمر1397
02/02/2011, 08:58 AM
الحمد لله على سلامتك

بجوابك على نقطة مشكلة الحزام

صار معي حادث بسيارتي الفورد وكنت رابط الحزام وعلق معي مثل ما حصل لك
وديت السيارة لمحلات تصليح الفيبر في الصناعية القديمة بالرياض علشان يلحمون لي علبة الارباق اللي في الدركسون ويرشونها بويه وسالتهم عن الحزام قالو لي نصلح لك بـ 100 ريال وفعلا ضبطوه
نواف فالح
02/02/2011, 01:12 PM
للجميع الشكر الجزيل والله ماقصرتوا
مارد الغدرا
17/07/2011, 01:58 PM
السلام عليكم
Lover gmc
17/07/2011, 10:58 PM
الافضل تصلح الارباق , لان الارباق كله عندك ماله فايده

وبالنسبه لـ حساسات الكفرات خلها فوق 30 وتروح ,, لانها برمجه المصنع

لازم الكفر فوق 30 او 35 ومستحيل جمس بهالوزن تشيله كفرات هوائها 25 و اقل

واصلا تبي تعدم لك الكفرات صحيح انه اريح بالمطب , لكن احسن من تروح عليك الكفرات

واصلا الجمس مريح ماشاء الله

اما بالنسبه للهواء اللي يدخل الغمار غير وضعيه دخول الهواء

وخلها تدخل من الارجل
مكشاتي رحال
18/07/2011, 03:28 AM
الحمدالله على السلامه
بالنسبة لحزام الامان فيه محل بالغرابي اخره من شمال قبل الاشارة اسمة الزهراني على ما اظن فيه باكستاني متخصص بأحزمة الامان ..والله يوفقك