المساعد الشخصي الرقمي

مشاهدة النسخة كاملة : وين اهل الخبره


ابو تركي9
01/02/2011, 08:59 PM
السلام عليكم ورحمه الله وبركاته

ياشباب نبي اهل الخبره منكم يعطونا طريقه وزن الماء فوق الرز الى تخلي الرز نثري
مداريج الأشعاب
01/02/2011, 10:11 PM
أهم شي تطبخ الرز على نار خفيفة ، حتى لو طول ...
بريداوي اصليm
01/02/2011, 10:22 PM
هلا الله
شكلك انت متعقد من الهريس (( البيخ
والي يخلي الرز لبيخ يجيك الشيفف يربص الرز نص ساعه ساعه بالكثير
ولاجا ينتسب الرز بالقدر تلقا المرقه فوق الرز كيلو :D
الطريقه الي تخلي الرز نثري
ربص الرز نص سااعه بماء حار همن
لاجا وقت طبخ الرز
حط الرز وحرك أشوي وبعده أوزن
أهم شي خل روأيت الرز وااضحه
وإذا المرقه كثييره طلع منه ترا مهب حراام :D
ترا ما اعرف أوصف لاكن أغديك فهمت :good2:
ولد سعد
01/02/2011, 10:34 PM
انا عن نفسي اوزن الرز بتحريك الملعقة اذا صبيت المرق انه يكون فوق الرز بشوي تحرك شوش شو و يطلع الرز معك شوي
وفيه بعض الشباب يقول حط الملعقة في وسط القدر اذا وقفت يكون مضبوط
مطرح الحشو
01/02/2011, 11:32 PM
احسن شي لنثري ينقع((ربص)) ارز لمدت نص ساعة بماااء حار وبعدين اشخل رزك بشويش عشان مايتكسر ارز وحطه في الكاتم ويكون الماء اكثر من الرز بحاجه بصيطه اهم شي تقصر عليه ماتكون النار عااالية
والله يحفضك وشكراااا ،،،،،
محب الشبه
01/02/2011, 11:36 PM
حسب نوع الرز الرز انواع المزه والامريكي يشرب واجد اما البنجابي اكلمك كمثال المهيدب تخلي الماء فوق الرز مقدار سم او اقل وتخلي النار عاليه الين يطلع الرز بعدين قصر النار واكتمه بالقصدير 100%الين ينشف
علي العساف
02/02/2011, 12:58 AM
من الصعب تجد حل لأن عدة امور تدخل في وزن الماء ..
نوع الرز
قوة الغاز
نوع القدر
كمية الطبخ
جومانشي
02/02/2011, 01:29 AM
السلام عليكم ورحمه الله وبركاته




ياشباب نبي اهل الخبره منكم يعطونا طريقه وزن الماء فوق الرز الى تخلي الرز نثري







الرز النثري يعتمد على عدة امور اولها نوع الرز واخرها الزيت سوى كان زيت نباتي او دهن اللحم وهذا مهم جداً


اما بالنسبه الي الوزنه على حسب كمية الرز والمرق


http://www.mekshat.com/vb/showthread.php?t=379194 (http://www.mekshat.com/vb/showthread.php?t=379194)


واهم شي غسل الرز بالماء العادي وانتبه من الحار لا يقرب عليه لان الغسيل بالماء الحار يكسر حبة الرز


والدليل ان الاخوان اكثرهم لهم اراء اللي يقولك الماء الحار ينظف واللي يقول يفتح حبة الرز مع العلم ان اكثرهم يغسل ويخليه ينشف من الماء وبعد ما توضعه بالقدروالمرقة الحاره يبدى يتكسر الرز


عند وضع الرز في القدر لا بد من ظهور الرز على شكل طعس وبعدها تفرقه لما يبين لك زي مهو باين في الرابط


ومن بعدها تخليه على شعله عاليه وانت واقف لمدة دقيقه او دقيقتين فقط لما تشوف الرز جلس يتقلب مع المرق واهم شي تحس ان المرق قليل جدا


بعدها تقصر عليه ( تنمل ) لمدة من 10 الي 15 دقيقه والافضل حفظ البخار بالقدر


بوضع قصدير على فتحى القدر وبعدها تركب الغطاء وتقل عليه باي شي حتى لو بريق ماء


اذا كنت تطبخ بقدر عادي اما اذا قدر ظغط فا ما يحتاج


وبعدها تفرج على الرز



وبالتوفيق
جوبتير
02/02/2011, 01:49 AM
الوزنيه بالتكرار والنظر والخبره افضل بكثير من قولة فوق الرز باصبع واصبعين
وبعدين تنقيع الرز من عدمه يلعب دور في كمية الماء المضافه للرز
يعني اذا كان منقوع تخفف الماء شوي يكون فوق الرز بحوالي 2 سم
واذا تبي الرز حب شوي تقلل الماء واهم شي في الموضوع يوم يصفر الكاتم خفف النار على قدر ما تستطيع يعني قبل الانطفاء بتكه واحده
وانتظر حوالي ربع الى ثلث ساعه وتدعيلي
تحياتي لك
wafi4sa
03/02/2011, 01:18 AM
الله يسلمك الخبرة لها الدور الأكبر في ذلك
لكن يقولون هناك مقياس علمي لذلك
كل كوب رز يقابلة كوب ماء
ويضاف نصف كوب زائد
وهذا تراه حسب نوع الرز بعد
ابو تركي9
04/02/2011, 05:21 PM
والله ماقصرتو استفدنا منكم وننتظر بقيه المشاركات ليستفيد الجميع