يا أخوان الفزعة ....دلوني على أفضل كيس نوم للمشتا ...

[سوالف ليل]

بسم الله الرحمن الرحيم


السلام عليكم ورحمة الله وبركاته

مساكم الله بالخير جميع وكل عام وأنتم بخير


هل من الممكن يا أخوان تدلوني على أفضل نوع من أكياس النوم للبرد وين أقدر ألقاهـ


تخبرون البرد على الأبواب


0

[مخـاوي الـذيب]

السلام عليكم ورحمت الله وبراكاته
خذ تانزاني داخله فرو تلقاه عند أدوات الرحلات

وشكراً

[ابورنا]

السلام عليكم

ان كنت من اهل الرياض عليك بمحلات الرماية على شارع التخصص متجهة شمال من طريق خريص بعد ثاني اشارة على اليمين عندهم الزين والسعر معقول فى حدود 350ريال
ولك التحية

[المجد]

انا من رأيي تاخذ تنزاني داخله لحاف بوليستر .. وابعد عن اللي داخله فرو لأنه يمتلي رمل وتراب ويغثك والله اعلم

[الجارمن]

الاخ سوالف ليل
بالنسبة لافضل فراش نوم يحميك من البرد
هو الفراش المبطن بتنزاني وداخليه من الافضل يكون من المخمل على شكل جلد نمر
طبعا البعض يفضل الفرو وهو ممتاز ولكن عيبه ان يجمع رمل وشوك وصعب ازالتهم مهما غسلته
هذا بالنسبة لنوعية الفراش اما شكله
فهناك نوع جديد سماكة كبيرة اكبر من النوع القديم يعني يكون هناك قطعة بعرض 10 سم تربط الجزء السفلي بالجزء العلوي للفراش بحيث ان الشخص ينام بدون ان يكتم عليه الفراش بالاضافة إلى وجود فتحة بالجزء العلوي على مقاس الوجه من الممكن فتحها عند الانسداح والنوم بالفراش وسعره بحدود ال 350 ريال

[سواق الوايت]

طيب انا لقيت انواع يمدحونها


مصنعه في مصانع زي الدريويش والبراك والسنيدي

يعني مهوب شغل محلات


على كلامهم

وش رايكم فيهااااا


وهذا اللي ذكره اخوي الجارمن


وين احصله

[ابو بريك]

أفضل كيس نوم هو القاضي أو السنيدي وفرشة من الداخل زي الصوف ولا أدفا من كذا وسعرة 125 يال

[الجارمن]

الاخ سواق الوايت
اذا كنت في القصيم فهناك محلات السنيدي في بريدة
والمرباع وبيت الرحلات في عنيزة

[طخيمان]

أنا عندي فراش من الدريويش وداااااافئ وزين وطويل طوله 220 سم وعرضه 120سم بس مشكلته انه اذا طويته يصير حجمه كبير شوي وقيمته 320 من ( دار الفراسة ) تقاطع شارع الامير سعد بن عبدالرحمن مع شارع الامام الشافعي .

[سوالف ليل]

يا أخوان يعطيكم ألف عافية


هل من الممكن صورة للفراش التنزاني اللي داخله لحاف مخمل


إذا تقدرون تكونون متفضلين


ولكم الشكر أولاً وأخيراً


0