المساعد الشخصي الرقمي

مشاهدة النسخة كاملة : باترول : موية الاديتر تنقص ..!


meshoo1
02/02/2011, 02:46 PM
السسسلام عليكم ورحمة الله وبركاته

اخواني عندي باترول 97 موية الاديتر تنقص مدرري وين تروح مع ان مافي اي تهريب ولله الحمد وحرارته تاصل الربع في البرد الوقت الحالي ..!
جيبي جايزلي
02/02/2011, 07:18 PM
وشلون مافيه تهريب وتنقص تنقص يعني فيه تهريب

والباترول واضحه لياته بس فيه ليات تحت الثلاجه هي اللي صعبه شوي تشوف التهريب دقق في ليات الثلاجه

وفيه ما صوره صغيره تحت كوع بلف الحراره لونها نحاس انتبه لها وبالتوفيق
swead
02/02/2011, 07:29 PM
وعليكم السلام ورحمة الله وبركاته ..
أول شي شيك عالليات ..
وبعدين شيك عالرديتر أحتمال يكون به تهريب ..
وان شاء الله تنحل مشكلتك .. وحاول تصلحها بسرعة قبل لا تجر لك مشاكل كثيرة ..
أنا عندي كان ينقص نقص ماهو طبيعي شيكت عالرديتر وسيخته وغيرت الليات وما نفع ياخذ بالصبح علبة ماء بطارية وفي اليل علبة .. في الاخير اكتشفت أن الموية وصلت القزوز قفل البلف وخلط الزيت مع الماء ..

فانتبه لا تتساهل بالنقص لو كان شوي .. وابدا بالامور الخفيفة ليات وتشييك عالرديتر ..
meshoo1
02/02/2011, 08:05 PM
الليات مافيها شي الموتر اذا شغلته الصباح وزدت مويه يكون ناقص واذا مشيت عليه يطلع مويه زايده من المطاره
قروشني واذا مسكت له بنزين وانا فاتح الاديتر يمتلي مويه وانا مازدته ..؟!
ولو فيه تهريب بالليات كان اشوف اثار المويه على الارض:S
الوافي
02/02/2011, 10:25 PM
كد صارت معي وعرفت وش المشكلة وانحلة ولله الحمد وهي تأكد من غطاء القربة حقة الرديتر وايضا اللي حقها
عين حصنان
03/02/2011, 02:55 AM
تأكد من غطاء اللديتر
رقم 1
03/02/2011, 03:45 AM
طيب الموتر اذا قمت الصبح وفتحت كبوته ماقد لقيت واحد من الخراطيش منطوي (منعصر)


اذا لقيتها كذا غير الغطاء على طول


الحاجه الثانيه : شغل موترك الصبح وشغل المكيف على الحار على طول مع تشغيل زر المكيف موهب تفتح المروحه بس وخل االاديتر مفتوح لين تشوفه يطلع الماء ومعه هوى (فقاعات يعني) عشر دقايق وبعدها عبه مويه وسكر الغطاء وشيك على القربه اذا كانت ناقصه زودها بس انتبه لاتفللها وتاكد من الفتحتين اللي في غطاء القربه انها مفتوحه مافي شي سادها واللَي بعد تاكد انه مفتوح لايكون مسدود


الحاجه الثالثه والمهمه :فيه بعض التهاريب مايطلع الا وانت تمشي وتكون عند البلف او عند الكوع اوعند الاديتر او في الغطاء ومع حرارة السيارة تتبخر حتى لو كنت في البرد .



واذا بغيت شي انا في الخدمه
عارف الشمري
03/02/2011, 07:34 AM
غطاء الرديتر 100% وانااخوك
مركز حراره
03/02/2011, 12:15 PM
اذاكان الما يخرج من القربه فهو 100% من الغطاء مثل ما قالو الاخوان
لو حبيت عندي جهاز يطلع للك التهريب من وين والفحص بلاش
كديان
04/02/2011, 07:24 AM
شف ردود المشرف سوبر فتك هنا

نقص في ماء الاديتر - منتديات مكشات (http://www.mekshat.com/vb/showthread.php?t=231660)


راس المكينه سبب نقص موية الباترول - منتديات مكشات (http://www.mekshat.com/vb/showthread.php?t=236620)


مشكلة الحراره في الباترول .. أتعبتني - منتديات مكشات (http://www.mekshat.com/vb/showthread.php?t=245718)



يا اهل الباترول ابي الحل تكفون - منتديات مكشات (http://www.mekshat.com/vb/showthread.php?t=222804)
ابو هناء
04/02/2011, 11:57 AM
عندك وجه الراس حق الماكينه يبي تغيير
واذا حبيت انك تتاكد بعد ماتطفي السياره وتبرد المس الخرطوش اللى فوق تحصله قاسي مررررررره بالحيل
الشئ الثاني بعد ماتبرد السياره افتح غطاء الاديتر يطلع هواء ومن ثم يطلع الماء .اذا هذه الاشياء تاكد انه وجه الراس يبي تغيير
برهوش
06/02/2011, 12:17 AM
معي مثل موترك ومثل مشكلتك
والسبب من انا
اللي الي بين الأديتر والقربة كان طويل شوي سويت فاهم وقصرت منه شوي بعدها ظهرت المشكلة
الحل / ركبت لي جديد مثل الأول وضبط