استفسار عن ميكانيكي ممتاز [الأرشيف]

مشاهدة النسخة كاملة : استفسار عن ميكانيكي ممتاز

فهدالتميمي1

02/02/2011, 08:53 PM

السلام عليكم ياشباب ابي استفسر عن ميكانيكي شاطر امين ياليت تفيدوني ابي افحص المكينه عنده رحت لواحد قال لي سليمه ورحت لثاني قال فيها صوت عامود خفييف

وسؤال اخر الدخان من الشكمان الغالب يكون من ايش اذا كان يطلع منه مويه الصبح واذا دست له يطلع رش اسود من الشكمان مع العلم ان الشكمان مقصوصه دباته وموصل.

ابي افاده يا اخوان تكفون عن الميكانيكي الشاطر
جزاكم الله خير

mr.VX.R

02/02/2011, 08:58 PM

اخوي تبي وين باي مدينه ...؟

رقم 1

03/02/2011, 03:18 AM

اذا انت في الرياض ابشر بسعدك ودي احط رقم جوالي بس ما ادري اذا ممنوع والالا

فهدالتميمي1

03/02/2011, 02:35 PM

هلا بكم
ما عليش نسيت احط المكان
انا في الرياض

رقم 1 ياليت تكفلى تسعفنا به واتوقع انك لو حطيت الرقم تعم الفائده

فهدالتميمي1

03/02/2011, 07:23 PM

وينك يا رقم 1 ؟!!

فهدالتميمي1

04/02/2011, 02:07 AM

وين الاخوان الي ردو يفيدونا

yazn2322

04/02/2011, 04:13 AM

ياخوي الدخان الأبيض ( البخار ) بالصبح وقت البرد طبيعي جدًا ويطلع مويه وشلالات طبيعيي والرش الأسود يكون سببه الكربون المترسب على الشكمان , جرب تمسح الشكمان من داخل وشوف الكربون اللي رح يطلع معك

إذا كانت مويه الرديتر ماتنقص فإنت وضعك سليم

فهدالتميمي1

04/02/2011, 10:10 PM

بيض الله وجهك طمنتني يا اخوي يزن للمعلومية الموتر جمس.
طيب وفيه دخنه تطلع اذا زريت على الموتر في الخط بس اذا زريت في الحر ولا البرد.

الي صاير اني قلقان وراي كشته ولا ابي الموتر ينقطع بي والغالب الموتر ابي استخدم الموتر في الكشتات ولا ابي الموتر ينقطع في هالبران

رحت لميكانيكي في اليرموك سوداني ورفع الكبوت ودعس قال سليم ما عندك مشكله مع العلم ان الموتر ينقص طلعت العيار ومالقيت فيه الى شي بسيط والموتر ما مشى 2000 كيلو وفيه امبير ضغط الزيت اذا شغلت الصبح يكون على النص واذا احتمى الموتر صار على الربع!!؟.

ثم رحت لواحد في شارع عنيزه في الريان جنسيته تركي او سوري قدام اشارة مستشفى التأمينات ودعس وقال الموتر فيه صوت عمود صوت خفيف وخلاني اوسوس ما ادري ابي استشاره اخيره اتأكد

اسف على الاطاله واتمنى مزيد من الافاده شاكر لكم

كديان

05/02/2011, 06:46 AM

اخوي انت تخلي الواحد يزعل منك
لانك ماذكرت نوع الموتر ؟؟؟ الا متاخر

الدخان الاسود دليل على كربون زائد او احتراق غير كامل لاسباب عديدة منها
ان الموتر كبليتر
البواجي ضعيفة او مهب اصلية
الكويلات ماتعطي كهرب مضبوط للبواجي
تهريب باسلاك البواجي
خلل بمنظم الهواء .........الخ

اذا طلع دخان ابيض في الصباح الباكر او خل الموتر يشتغل الظهر 10دقايق همن دس نص دعسه
اذا طلع دخان ابيض فهو جلد بلوف
الدخان الابيض يطلع في الصباح او ااذ كان الموتر شغال لفترة فوق ال10دقايق بعدين تدوس و يطلع ابيض

الدخان الازرق علامة على ضعف بسيط جدا بشنبر الزيت

و للمعلومية الوالد ميكانكي يقول نقص الزيت للمكينة يعتبر افضل و انظف للمكينة لانه كل مرة تغلق نص علبة
فان المكينة تنظف من الترسبات سواء بالكرتير او بالراس او بالبساتم او بالعمدان او بالبلوف او بالصبابات
و ايضا تنظف طرمبة الزيت

ايضا توجد جيوب باترول و جيسكار و فكسارات ماشيات فوق ال200 و ال300الف و تنقص زيت كل 3000كيلو
نص علبة و السبب جلد بلوف و ما تاثرهن
اهم شي احرص على معايرة الزيت كل 4000 و 5000الف لتعرف كمية النقص الصحيح

هذي ورش بالرياض
او ادخل رابطة ملاك الجمس و اليوكون

اقتباس:
اخوي شاهين
ادخل هالرد ==>> http://www.mekshat.com/vb/showpost.p...80&postcount=4 (http://www.mekshat.com/vb/showpost.php?p=4902980&postcount=4)

اخبر الاعضاء يمدحون ورشة العتيبي
و تاكد من ورشة بن كليب و ورشة ابو عادل
عاد علمنا من الثقة و النصوح

فهدالتميمي1

05/02/2011, 05:15 PM

كديان
انت شفت العجله
والله لايجيب الزعل ويجزاك الله خير على الرد المثلج للصدر الله يسعدك دنيا واخره

K.S.A.A

05/02/2011, 06:54 PM

ماشاء الله عليك ياكديان ماخليت لنا شي نقوله
الله يجزاك خير ويجعله بموازين حسناتك
وأنت ياخوي يافهد الله يوفقك ويستر عليك ويكفيك شر العطالات .

بدوي جنوبي

05/02/2011, 08:50 PM