المساعد الشخصي الرقمي

مشاهدة النسخة كاملة : رفيق الدرب (؟؟؟؟؟)


شلفا تبوك
02/02/2011, 11:29 PM
:f:f:f:f

موضوعي للنقاش الحر

السلام عليكم
كنت اتطلع افتتاح فرع لمحل رفيق الدرب في مدينه الرياض لما له من سمعه رنانه
وفعلا تم الافتتاح
لكن كان دون التوقعات للاسباب التاليه وارجو من رواد المحل ان يحسنوا ظنهم بي
1. موقع المحل في اعسر مكان في البطحاء شارع الغرابي
2.بضاعه متراكمه فوق بعض
3.ماتميز المحل للرحلات ام للزينه ام كهربائي

وجهه نظر من ليست لاي شي لكن عبره في الخاطر لاني كبدت نفسي مشوار200 كيلو ذهاب واياب
لكني تداركت الموقف وقلبناها على السنيدي اللي بضاعته اصلييييييييييييه مره (عاشت الصين )
اخيرا ارجو من الجميع تفهم وجهه نظري
الله يرزق صاحبه الكسب الوفير
دمتم
:s:s:s:s
ا ببوعبدالعزيز
02/02/2011, 11:34 PM
السلام عليكم
انا معك في اكثر من نقطه ويعيب المحل صعوبه الوصول اليه وان شاء الله يغير المحل الى محل في الشرق وافضل ان شاء الله وجزاه الله خير انه متعني من الشرقيه
ابو نايف 111
02/02/2011, 11:44 PM
السلام عليكم
انا ايد كلامك من ناحيت المكان و ترتيب البضاعه
اليوم انا عندهم وشريت البطاريه بس ماقدرت اشوف شي من البضاعه المتكدسه :D
رفيق الدرب عند بضاعه حلوه بس مكانه يبيله مشاورات
اروح او ماروح اروح او ماروح :p
محمد أبو حمد
02/02/2011, 11:51 PM
جيت على الجرح يا خووووك

أنا كنت اليوم بالغرابي ... وكنت أقول في نفسي .. ليش الناس تجي هنا أصلا ؟؟؟

ولماذا لا يقوم أصحاب الملايين بعمل محل مثل ساكو مع المواقف والتكييف وإحترام الزبون ؟؟


ليش يا شباب نروح لمكان يغص بالزحمة والقرف والضيق ؟؟

(( سؤال مشروع ))
alqassimy
03/02/2011, 10:15 AM
بكل بساطه ارخص وحط نفسك مكانه اكيد ماتبي تخسر

مدام فيه محل ومتوفر وارخص من الشرق مثلا خلاص

وبعدين توه بادي الرجال عطوه فرصه يشد حيله

وعن البضاعة المتكدسه ضغط العمل ومايسوي

الحين موسم وتو المحل فاتح ولاتقارنونه بواحد ماشاء الله تبارك الله

له سنوات وفروعه ياكثرها الله يبارك

عموما الله يوفق اخونا رفيق الدرب وكل مسلم يترزق الله بالحلال ... :)
علي 999
03/02/2011, 01:33 PM
المشكلة أن بعض المحلات يفتح في مكان غير مناسب ، لكن زين أنه فتح فرع
رفيق الدرب اسم على مسمى و أتمنى أن يكون له فرع في بريدة ،
محمد أبو حمد
03/02/2011, 05:32 PM
اللي يبغى الرخيص يستاهل

رح للغرابي وحط موترك في سكة سد علشان تصلح مسجلك , وتقعد تترجى الشباب يطلعون سياراتهم إذا سدوا عليك !!!

أهل العقول براحة
مـــوال
03/02/2011, 11:53 PM
جيته قبل فترة .. أول مافتح كانت بضاعته قليله يقول خلال اسبوع بتكتمل البضاعه ..
وكنت ناوي اسوي تقرير عنه مصور ونسقت مع مدير المحل .. لكن ماحصلت فرصة ..
واذا كان مثل ماتقول مكركب بصرف النظر عن التقرير ..
أنا يوم جيت للمحل أول شئ قلته للمدير حقه ان الموقع سيئ والمحل صغير ..
قال عاد جينا ..
المحل جيد وبضاعته مميزة من خلال موقعهم على النت ..


الله يوفق راعيه ويزيده من فضله ..




.
عبدالاله 123
03/02/2011, 11:59 PM
والله جيته بضاعة جيده جدا بس يعيبه جميع الاغراض على الارض يعني حوس لين تشوف اللي تبي
بالتوفيق
تبريزة
04/02/2011, 09:34 PM
بكل بساطه ارخص وحط نفسك مكانه اكيد ماتبي تخسر

مدام فيه محل ومتوفر وارخص من الشرق مثلا خلاص

وبعدين توه بادي الرجال عطوه فرصه يشد حيله

وعن البضاعة المتكدسه ضغط العمل ومايسوي

الحين موسم وتو المحل فاتح ولاتقارنونه بواحد ماشاء الله تبارك الله

له سنوات وفروعه ياكثرها الله يبارك

عموما الله يوفق اخونا رفيق الدرب وكل مسلم يترزق الله بالحلال ... :)


اخوي القصيمي المحلات بالغرابي من اغلى المواقع التجارية ،، وكل ماقربت من شارع الغرابي صارت اغلى ،، يعني ممكن ياخذ محل في شرق الرياض اكبر وارخص ،، لكن اتوقع ان صاحب المحل ذهب الى الغرابي لشهرة الغرابي انه خاص بزينة السيارات ،، وما يدري ان اصحاب محلات الرحلات متركزين غالبيتهم في شرق الرياض

فعلا المحل بعيد ،، وبالغرابي بعد يعني توصل وانت قافله معك من الزحمه

ارجو من صاحبة انه يعيد النظر بالمكان

الله يرزق الجميع من واسع فضله
ابوفارس 22
04/02/2011, 10:18 PM
ابي افتح محل في الشرقيه من يدلني على محلات الجمله ياشباب
عاشق z71
05/02/2011, 08:15 AM
ياعيال والي يرحم والديكم عجزت اوصل رفيق الدرب بالغرابي مع اني ادل الغرابي شبر شبر ولكن ماقدرت وصف محترف بالله ؟؟
ابو نايف 111
05/02/2011, 12:14 PM
خخخخ
هلا ابو غازي لك وحححححشه
المحل طال عمرك عند المسجد الاحمر
الشارع الرىيسي ... لا
الشارع الثاني الي وراى.. نعم
نهايته فيه براحه شفه قدامك
اعرف اوصف (صح ) :D :D :D
عاشق z71
06/02/2011, 08:38 AM
خخخخ
هلا ابو غازي لك وحححححشه
المحل طال عمرك عند المسجد الاحمر
الشارع الرىيسي ... لا
الشارع الثاني الي وراى.. نعم
نهايته فيه براحه شفه قدامك
اعرف اوصف (صح ) :D :D :D

والله ياصديقي مافهمت شي يابو نايف :D

بس بما انك قلت الشارع الرئيسي اكيد تقصد الغرابي
وبما انه الشارع الي وراه معناته قريب من الشارع حق الغرابي

اليوم انشالله بسير عليه

يامال الثانكيو يابو نايف وخل نشوفك ايها القاطع :good2:
عبيّد شلفة
06/02/2011, 09:50 AM
صدقت ومكانه هناك غير مناسب ابدا الانسب لك شرق الرياض وخاصة ان اغراضه لا توجد عند غيره ، ولا ادري بالضبط ليش تم اختيار هذا الموقع
اصيل نجد
06/02/2011, 10:14 AM
الله يمسيكم بالخير كلا باسمه امس مريت على محل رفيق الدرب واول مره اجيه صراحه محله عسر والله ياجماعه لي اسبوع او اكثر وانا بروح بس لاذكرت الغرابي وزحمته ضاق صدري وقلت بلاش نجوز بلاياه وامس صراحه قلت اليوم سبت واكيد الزحمه خفيفه رحت فعلا الزحمه خفيفه مره ونصيحه الغرابي لاتقربونه يوم الاربعاء والخميس والجمعه تحلم بالموقف حلم غير الزحمه تجي تكاسر مايعطيك وجه لإان الهندي يبي ناس ماتكاسر ولا تستفسر واجد ادفع وخذ والى بعده وعلى هالمنوال المهم دخلت رفيق الدرب ولقيت اليماني مبارك وشوي جاء ابو حسام صراحه رجل والنعم الابتسامه لاتفارق محياه ورجل والنعم شرواكم صراحه المحل مكركب شوي بس يمكن علشان جديد وتوه يبغاله ترتيب وتنضيم وانا قلتله ليش ماتاخذ بشرق الرياض كل محلات الكشاته هناك قال والله ودي لكن انشاء الله بالمستقبل القريب انشاء الله . طبعا وصف المحل وانت داخل الغرابي من جنوب طبعا كله نزول من الجنوب الى الشمال تعداء محل الزهراني للزينه محل مشهور تخليه علي يمنك وثالث شارع لف معه يمين يصير وجهك شرق بعد ميه متر يجي رفيق الدرب على يمناك وانت متجه شرق ارجوا اني قدرت اوصل المعلومه تحياتي لكم
عاشق السيل
06/02/2011, 01:15 PM
أتمنى تنقل محلات الغرابي كلها في مكان واسع جدا وفيه مواقف فسيحة لكل محل ثلاث مواقف تخصه !!

مثل مانقل سوق الحطب وسوق الغنم ومحطة النقل وكثير من الأسواق اللي كانت داخل البلد ،،

قسم بالله عندي أربع شغلات كلها بالغرابي وكل يوم ياحمد باتسر بسبب موقع الغرابي وزحمته الغثيثة !!

والغريب إن أجاراته غااااالية جدا يعني لو رفيق الدرب طلع من وسط الرياض كان أرخص وأوسع وأسهل وصول !!!!!!

تمنياتي له ولغيره الرزق الواسع الحلال المبارك ....
ابو هياا
06/02/2011, 10:47 PM
المحل تحت التطوير والله يوفقنا ويوفق راعيه

لكن عليه ملاحظات كثيييره

نتمنى تداركها وتفادي الأخطاء مع الوقت
سرهيد
05/04/2011, 07:32 PM
السلام عليكم

انا معك في ما ذكرت وخاصة الموقع

جيته اول مرة ولفيت كذا لفة يالله لقيته

موقعة جدا لم يوفق في اختياره

وخاصة ان محله سيأتي من يريده ولا ادري بالضبط لماذا تم اختيار هذا المحل هل يقصد ان اغلب السيارات وخاصة من يريدون يركبون السلة الخلفية يرتادون الغرابي ، فان كان نعم فمحله غير واضح ابدا .

اتمنى ان يعيد النظر في محله فالغرابي فعلا ما ينطاق وقت الاربعاء والخميس والجمعة واغلب الناس ما تجي الا في هالوقت .

تقبلوا احترامي
قرناس صلا
06/04/2011, 02:53 AM
ما عندنا فى جدة محل رفيق الدرب


ولكن تعاملت مع الرجل فى التلفون واشتريت منه دعامة للفورتشنر
تم ارسالها بوقت مناسب وارسل معها هدية جزاه الله خير
وانا ما اشتريت القطعة الا ما بعد ما سمعت عن جودتها
وفعلا كانت عند الوصف وافضل
واشكر صاحب محل رفيق الدرب على الجودة والالتزام فى التوصيل
والله يبارك له فى حلالة
والله يعين اهل الرياض على الزحمة

تقبلو تحياتي
بريمي
06/04/2011, 11:24 AM
ارجو أن يبذل صاحب المحل شيء من الإهتمام في ترتيب المحل وتنظيمه ولو أمكن تغيير موقعه الى مكان يسهل وصفه والوصول إليه..
MUKHRFF
06/04/2011, 04:47 PM
رحت امس ادور المحل وما لقيته الا بالصدفة يوم كنت فاقد الامل وابي اطلع من الغرابي وزحمة الغرابي والاقي المحل في وجهي هههههه

بس رجل لطيف ويستاهل كل خير
ابوعبدالله البدراني
06/04/2011, 09:55 PM
ادفع فرق في المبلغ ولا أدخل البطحاء او الغرابي مكان زحمه وضيق وعدم توفر مواقف يعني حرق اعصاب من تدخل الي أن تطلع
هدوء العواصف
08/04/2011, 03:14 PM
شكررررررررررررررررا لك
طلااالي
17/04/2011, 12:33 PM
الله يرزقك من واسع فضله

لازال هناك فرص لمحلات اجنبيه ابحث وستجد ان شاء الله