سؤال

[الهدهد]

السلام عليكم
يا جماعه سؤال اذا تساعدوني عليه سألني واحد من الربع
عنده طير حر اصلي مثلوث صار مدمن حمام ويبي يعلمه على حباره لكن عينه طاير على الحمام اذا راح للحباره علمه وشاف حمامه من بعيد خل الحباره وراح للحمامه.
هل في طريقه تنسيه الحمامه ؟
ملاحظه الطير سبوق يعني ما يفلة مشان يكره الحمامه اذا فلتها اكثر من مره.

[مشبر البران]

خلة يدعيه كم يوم بملواح حبارى
وخلة يعشية عليه
إذا ما فاد هدوه على حمامه وإذا صادها حطو عليها موميان
وترا ذا الطريقة بتخلية يكرة الحمام
ولا اخطيت يصححون لي الأعضاء

[قرناس شاهين]

اخوي نفس ماقال اخوي لي تدعونه كله بتلواح
واذا اصر الطير على لحق الحمامه وانتو هدين على حبارى
ولحق الحمامه قصروا عليه لين يضبط واي توضيح ارسلي على الخاص

[راعي الطييب]

جب له حمام قمري خله يطرها لين مايعجز عنها وبعدها مراح يطرد الحمام مثل اول بس كررها اكثر من مره


وبعد مايعجز عنها لوح له بملواح حبارى واشبعه من الملواح واذا عندك حباري تعلمه عليها خله يطلع عليها من السياره واذا صادها خله ياكل لين مايقول امين وخله ينتف الريش على كيفه واشبعه الين مايقول امين وبعدها قط له حمامه وحبارى وشف وين يروح :)