المساعد الشخصي الرقمي

مشاهدة النسخة كاملة : يبشر بالدلاله على هدد 2006 ..؟


كسار11
03/02/2011, 12:02 PM
بسم الله الرحمن الرحيم
السلام عليكم ورحمة الله وبركاته

تحية طيبة مباركه لأعضاء وزوار هذا الصرح الشامخ :)


اخواني الاعزاء والله ماسجلت في الموقع ولا تعبت إلا راجي بعد الله سبحانه وتعالى فيكم خييييييييير كثيييير

والله مايصير يالربع ؟؟ صار لي أكثر من 4 شهور أدور لي على

GX هدد 2006 ماحصلت النظيف :(

فأنا أبحث عن ((GX 2006)) وارد اليحيى
الي يكون فيه الدبل غير مشبوك على حد علمي

وأبيه يكون نظيف و قيرعادي ولو حصل يكون فل كامل أفضل !

والي يحصل لي يسدح رقمه بذا :good2: أو اي وسيلة اتصال ,,
ويبشر والله بالي يرضيه ;)

أخوكمــ,,
ابرق المستوي
03/02/2011, 12:12 PM
الله يرزقك باللي يرضيك
بيفيدونك الاخوان ان شاء الله
كسار11
03/02/2011, 07:27 PM
جزاك الله خير ياخوي
وأسعدني مرورك
كسار11
04/02/2011, 06:37 AM
لا إله إلا أنت سبحانك إني كنت من الظالمين

سبحان الله وبحمده سبحان الله العظيم
مخطط 2008
04/02/2011, 06:59 AM
عندي طلبك لكن تماتيك والقير مدري مشبوك ولا لا ونظيف مرةةوبدون مواصفات فقط ثلاجة ومكيفين
كسار11
04/02/2011, 01:07 PM
مشكور على حرصك يالغالي ,, لكن ودنا بالقير العادي
كسار11
04/02/2011, 08:17 PM
جزاك الله خير يالغالي ((ramii2010)) وماقصرت

لكن يالغالي الي أرسلته لي كان 2007 وأنا أبحث عن 2006..!

ألف شكر لك وجعل حرصك في ميزان حسناتك ..

ملاحظه: ماقدرت أرد عليك من الخاص لأن مشاركاتي أقل من 50
وليد الشعيل
04/02/2011, 10:12 PM
كسار - هل 2006 يفرق عن 2007 بشيء كبير ؟؟

اظنها مثل بعض - والـ 2007 فالبيعه اريح لك مستقبلاً

حتى في سعر الشراء تراها قريبه من بعض على ما يبدو لي من خلال معرفتي بـ 2008 و 2009
اسعارها حول بعض

اذا كنت تبحث عن النظيف - فالاقرب انك بتلقى موديل 2007


دور في (اكتب في قوقل ) - ( حراج ) او ( مستعمل ) وان شاء الله تلقى مطلوبك
مجنون عسل
05/02/2011, 12:14 AM
اخوي عندي لك gxr 2006 وارد اليحيى قير عادي والدبل عصى
فل كامل دفلوك فتحه استبنتين الون ذهبي البدي شرط ما شاء الله ولا به اي مشكله
نظيف بمعنى كلمة نظيف تبيه راسلني على ها الرقم ورعيه اعرفه اعز المعرفه وسامه واحد من زملانا في العمل 120000 ولا رضى يبيعه وانت عطنا سومتك وراح اشوفه لك
0590123843 بعد إذن الادارة واتمنى ان لا اكون قد خالفت في اي شرط من شروط المنتدى وتقبل فائق احترامي
سامي فرج
05/02/2011, 12:59 AM
فيه عندي 2007 وارد اليحيى ذهبي فتحة خلفيه قير عايدي

0562588851
نآصر
05/02/2011, 04:06 AM
إذا مابعد لقيت ...!!

عندي لكـ gx 2006 وارد اليحيا قير عادي ...

ج/ 0503311190
waawss
05/02/2011, 07:25 AM
الله يوفقك ماعتقد فيه صعوبه طلبك وان شاء الله بتلقى السياره اللي بالك
كسار11
05/02/2011, 08:26 AM
أخوي الغالي وليد الشعيل
يفرق سلمك الله بالدراهم ولاهوب أي فرق


أخواني الغالين (مجنون عسل-سامي فرج-ناصر-waawss)
جزاكم الله كل خير على حرصكم
راح أتصل عليكم إن شاء الله


أيها الأحبة: مازلنا نتطلع إلى المزيد
SFDU
05/02/2011, 02:12 PM
الله يرزقك بالي تبيه ....ويوفقك
كسار11
05/02/2011, 07:14 PM
الله يجزاك خير يالغالي وأسعدني مرورك

وإلى الحين ماجا الي بالمواصفات المطلوبه

عافاكم ربي ياأخوان ونتطلع إلى المزيد
كسار11
06/02/2011, 09:53 PM
أستغفر الله العظيم الذي لاإله إلا هو الحي القيوم وأتوب إليه
زاد المعاد
06/02/2011, 10:17 PM
طلبك موجود عندي وعندي معها الصدق الي ادين الله فيه ج 0503850603
كسار11
08/02/2011, 01:11 PM
لا إلاه إلا الله وحده لاشريك له له الملك وله الحمد وهو على كل شيء قدير
كسار11
09/02/2011, 01:01 PM
اللهم صلي وسلم وبارك على نبينا محمد
وعلى آله وصحبه وسلم
نييوفي
10/02/2011, 06:55 AM
هذا طلبك http://www.mekshat.com/vb/showthread.php?t=368977
كسار11
10/02/2011, 09:00 AM
جزاك الله خير ياخوي وماقصرت

لكن يالغالي انا طلبت وارد اليحيى ^_^

الي مراياته الجانبيه والمساكات حقت الباب تكون نيكل ...

أكرر شكري وامتناني

ونتطلع الى المزيد يا اخواني
ابن الاصيل
10/02/2011, 09:33 AM
الله يرزقك بالي تبي
شيخ الصقاقير
10/02/2011, 03:35 PM
مساكم الله بالخير

انا عندي جيب هدد 2006 الون ذهبي قصت لكزس
نظيف جدا وعلى الفحص

ملاحظه / الرفرف قدام وباب السواق جته دقشه بسيطه وغيرته وكاله كلفني 13 الف والفواتير موجوده
واللوحه ( هدد ) الاحرف
بعد اذن المشرف هذا رقمي 0555946667
كسار11
11/02/2011, 01:09 PM
عافاكم ربي يااخوان ومازلنا نبحث
كسار11
12/02/2011, 01:52 PM
سبحان الله وبحمده سبحان الله العظيم
صقر ورقان 1
12/02/2011, 05:11 PM
فيه 2006 ذهبي فتحة ومكيفين ثلاجة واستبنة علاق شنطة دفع رباعي مستمر
قير عادي والممشى 99000كلم فقط ماطقه الشاكوش والرش ولله الحمد نظيف مفحوص
ومجدد ومأمن ومحركاته شرط وعلى الفحص
ومحدودب118000ريال00
قناصه
13/02/2011, 12:09 AM
سلام اخوي اخبر لك 3 ماهو واحد وكلهن قير وارد اليحيى وكلهن اشهب

1-موجود بمعرض الحميد بالقويعية واصل 112 مادري كم ماشي اذا تبيه جبت لك خبرة

2-عند شايب وماشي 69 الف فقط باسمه وكاله من اليحيى فل كامل من هزاز 00000الخ بس مغليه ب 135الف تبيه ارسلت رقمه على الخاص

3-موتري الاول ماشي 150الف بايعه على زميل لي في المدرسه واسمعه قبل كم يوم يقول مسيوم 111 ويبي 115 تبيه ارسلت لك رقمه

وعندنا في الديره واجد بس النظيف قليل تبي اتطرح لك على ركاد تامر ولا ابي منك الا دعوة في ظهر الغيب
كسار11
13/02/2011, 09:10 AM
جزاك الله خير ياخوي صقر
ودنا بالدفع الخلفي بارك الله فيك
وأكرر شكري وامتناني ...


اخوي وحبيبي قناصه جزاك الله ألف خير
بس ياليت لو نتواصل
واذا ماعندك مانع ياليت ترسلي رقمك على الخاص

وبيض الله وجهك ..
عااشق نفود
13/02/2011, 01:29 PM
سلام اخوي اخبر لك 3 ماهو واحد وكلهن قير وارد اليحيى وكلهن اشهب

1-موجود بمعرض الحميد بالقويعية واصل 112 مادري كم ماشي اذا تبيه جبت لك خبرة

2-عند شايب وماشي 69 الف فقط باسمه وكاله من اليحيى فل كامل من هزاز 00000الخ بس مغليه ب 135الف تبيه ارسلت رقمه على الخاص

3-موتري الاول ماشي 150الف بايعه على زميل لي في المدرسه واسمعه قبل كم يوم يقول مسيوم 111 ويبي 115 تبيه ارسلت لك رقمه

وعندنا في الديره واجد بس النظيف قليل تبي اتطرح لك على ركاد تامر ولا ابي منك الا دعوة في ظهر الغيب
قناصه شيك على الخاص
كسار11
14/02/2011, 11:39 AM
سبحان الله وبحمده عدد خلقه ورزنة عرشه ومداد كلماته
كسار11
15/02/2011, 01:28 PM
لا حول ولاقوة إلا بالله
الشمري 111
15/02/2011, 02:40 PM
عندي هدد 2006 ابيض قير عادي فتحه
055572231
قناصه
16/02/2011, 12:46 AM
سلام الى كل من ارسل على الخاص وخصوصا اخوي عاشق

موتر الشايب شراه عضو هنا بمكشات وبحد الشايب الله يطعمه خبره ويكفيه شره واللي بالمعرض طلعه راعيه وجبت رقمه من المعرض ولقيته عضو من اعضاء مكشات وله مواضيع فيها صورة السيارة وقال بنزل لها اعلان ولكن فيه بداله كم حبه ثانيات تقريبا 4او 5 ابجيب لكم خبرهن يوم الخميس ان شاء الله مواصفاتهن وكم ماشيات ونظافتهن عندنا بالديره كم واحد وكلهن نظاف واكثرهن اشهب واللوحه هدد
كسار11
16/02/2011, 01:47 PM
يالغالي قناصه

انا مشاركاتي اقل من 50 ماقدرت ارسل لك رساله على الخاص

والا كل يوم ونا داخل انتظرك ترسل لي رقمك ماارسلت ؟؟؟

اذا كان مافيه احراج ياليت ترسلي رقمك في القريب العاجل

ولك وافر الشكر والإمتنان
كريزي نت
16/02/2011, 02:20 PM
ابشرلك بواحد نظيف لا راح نظيف ولا جاء نظيف وافحصه عند الوكاله كمبيوتر واذا فيه شئ مهوب لك ..
هدد 2006 ذهبي قير عايدي ودبل عصا سبير علاق وشنطه نظييف بالحيل
http://www.mekshat.com/vb/showthread.php?t=368977

وترا الصوره ظالمته ولو تشوفه على الطبيعه ترا افضل واحسن لك والسياره لواحد من الربع وينصفط والله على ما اقول شهيد
كسار11
16/02/2011, 02:52 PM
الله يرفع قدرك ياخوي حزام

لكن الطلب الله يحفظك هو وارد اليحيى

بوركت على حرصك
كسار11
17/02/2011, 01:42 PM
لاحول ولاقوة إلا بالله العظيم

اللهم نفس عن كربتي وعن كرب جميع المسلمين ياحي ياقيوم
5874
17/02/2011, 03:45 PM
سلام الى كل من ارسل على الخاص وخصوصا اخوي عاشق

موتر الشايب شراه عضو هنا بمكشات وبحد الشايب الله يطعمه خبره ويكفيه شره واللي بالمعرض طلعه راعيه وجبت رقمه من المعرض ولقيته عضو من اعضاء مكشات وله مواضيع فيها صورة السيارة وقال بنزل لها اعلان ولكن فيه بداله كم حبه ثانيات تقريبا 4او 5 ابجيب لكم خبرهن يوم الخميس ان شاء الله مواصفاتهن وكم ماشيات ونظافتهن عندنا بالديره كم واحد وكلهن نظاف واكثرهن اشهب واللوحه هدد

اخوي قناصة راجع الخاص ضروري لاهنت
كسار11
17/02/2011, 07:01 PM
قناصه يالغالي
والله مايصير الكلام ذا !!

الحين تذكر لي مواتر وتقول لي برسلك أرقامهم ماأرسلت ! ولا أرسلت لي رقمك ؟؟ الله يهديك بس

والحين يروحن المواتر وتفاهم انت والأعضاء الآخرين وانا ياصاحب الموضوع (الطلب) قاعد أتفرج !!

ماستفدنا شي على كذاا ..!

لا لا الكلام هذا ماينفع أبد أبد
الشمري 111
17/02/2011, 09:59 PM
http://www.mekshat.com/vb/showthread.php?t=383338

الموتر مع رجال كبير بالعمر وثاني واحد بعد صاحبه اللي فاكه وكاله

انا مجرد وسيط ومابي غير دعواتكم لي
قناصه
17/02/2011, 11:16 PM
قناصه يالغالي
والله مايصير الكلام ذا !!

الحين تذكر لي مواتر وتقول لي برسلك أرقامهم ماأرسلت ! ولا أرسلت لي رقمك ؟؟ الله يهديك بس

والحين يروحن المواتر وتفاهم انت والأعضاء الآخرين وانا ياصاحب الموضوع (الطلب) قاعد أتفرج !!

ماستفدنا شي على كذاا ..!

لا لا الكلام هذا ماينفع أبد أبد



اخوي كسار بعد التحية والسلام ومزيدا من التقدير والاحترام

اولا الارزاق بيد الله ونصيبك اللي مكتوب لك تأكد ماراح يروح لغيرك

ثانيا الشباب هنا كلهم بالنسبه لي اخون منتدى وانا ماعرفهم ولا اعرفك بس في الاول والاخير كلنا اخوان في الاسلام وبالتالي اقدر اشتريهن واتكسب من وراهن ولكن من باب حب لاخيك ما تحب لنفسك

وجبت خبر سيارتين والسبت والا الاحد اجيب لك خبر الباقيات

جي اكس وارد اليحيى 2006 اشهب خلفية لكزس ماشي 160الف الرجال مطلعه من المعرض اليحيى بنفسه
ورجال كبير وقفل يقول المواصفات الزايدة كهرب زيادة وخرابات زياده

الدبل عصا والدفع ثنائي ماهو رباعي مستمر
من الداخل مخشب سي دي ثلاجة مكيفين يعني>>>>>لافتحه ولاهزاز ولاونش ولازنون

لوحه هدد 9؟9 بدي ممممممشاء الله موتر مضله جنوط هلل وكفراته دنلوب نقشة شاهين جديدة ملبسه من المعرض بلاستيك وتلبيسة مراتب ياباني وشكل الموتر مدلع لاقربعه ولاشي ملبسه ومعتني به لايمكن احد يسوقه غيره

ساحرته يحد وقال لالالالالا مسيوم 115

تبي رقمه ارسلته لك بس ماراح يبيع الا بعد 21/3 موعد استلام سيارته من الجميح يوكن 2011 ان بغيته ابشر

والثاني جايبه من قطر والموتر نظيف وفتحه وهزاز بدون ونش خلفية لكزس جي اكس مطور جنوط وصدمات ومواصفات جي اكس ار اشهب ورزته ماشاء الله حاده 125 قابله للتفاوض وصلك رقمه على الخاص ومسيوم اعتقد قال 114والسيارة نظيفه جدا
قناصه
17/02/2011, 11:37 PM
اخواني الكرام ولكل من ارسل على الخاص

اخوي كسار :

السيارات ماهي لي علشان اعطيكم رقمي مافي يدي حل ولا ربط ماقدر ابيعك مالا املك

ولا قدر اعطيك كلام ويغير راعي السيارة كلامه تبي خدمه ابشر وااااامر ولكن للسيارات ماقدر ولا ابي منكم دلاله ولا شي مممممممابي منكم الا الدعاء من قلب صافي فقط
حتى توسطت في بيعه قبل فتره لواحد هنا بالمنتدى بشاص نيسان ودفعت عنه رسوم نقل الملكيه والمعرض600ريال وارسلت له سيارته ولا بعد عطاني حقي ويعلم الله اني حتى مادقيت عليه ولا طلبتها منه واني في نفسي قلت عدها تيس وتعشاه الرجال

ويعلم الله وحده اني ادور دعوة خالصه من قلب صادق فقط لاغير

واللي اقدر اخدمك اخوي كسار انت وغيرك ابشر من عيوني الناس للناس والكل بالله
كسار11
18/02/2011, 01:05 AM
العذر والسموحه ياخوي الغالي قناصه
راح أبين لك التفاصيل لاحقا ً ,,

ولا أملك لنبلك إلا الدعاء ليغفر لك الله ماتقدم من ذنبك وماتأخر


باتظارك
abu azh
18/02/2011, 01:31 AM
الله يزرقك الي تبيه
كسار11
18/02/2011, 02:05 AM
أحبائي الشمري 111 و abu azh


جزاكم الله خير يالغالين
ومشكورين على حرصكم
كسار11
19/02/2011, 02:07 PM
ياحي ياقيوم برحمتك أستغيث
فأصلح لي شأني كله ولا تكلني إلى نفسي طرفة عين
قناصه
20/02/2011, 11:34 PM
اخوي كسار بعد السلام

الثنين اللي قلت ابجيب خبرهن:

واحد فل كامل من اليحيى مطلعه بنفسة وبديه نظظظظظظيف وراعية يمدحة بالحيل بس فيه عيوب ابعلمك بها:

داخلية معفوس يبي له تلميع وتلبيس

ماشي 310الف كم

مغليه جدا جدا 125الف غير قابل للتفاوض تبي رقمه علمن وابشر
قناصه
20/02/2011, 11:45 PM
والثاني : مسكت بس شرط البيعه بشروة

اشهب كان مع خاله وخذه منه >مافيه فتحه ولا ونش ولا دفلك <معتني به جد ولاهو راعي بران وصيد بس يحب المكاشيت على الخفيف وراز السيارة بيايات استراليه وجنوط هلل ومنظر السيارة يفتح النفس ويملا العين ماشي 158 وعلى الشرط على كلامه افحص في اللي تبي بس :

يقول ماراح ابيع ابي بدل بشاص 2006 او2005 بيج وهزاز وممشاه ونظافته مثل موتره اذا تخبر طلبه وتبي رقمه ابشر من عيوني
قناصه
20/02/2011, 11:56 PM
والثالث 99 معدل 2006 فل كامل ونظظظظظظظظظظظظظظظظظظيف ومجهزه بالسلة اللي للحطب وطبق ويايات وانوار زينون وتانكي ماء اااالخ بس ماشي 400الف ومسيوم 85الف تبي رقمه ابشر

وفيه واحد ماقول نظيف لالالالا جديد مع شايب يشتغل عندنا بالمرور بس ماعرفه وبحاول اجيب لك خبره ان شاء الله

والله يرزقك ماتمنيت انت وانا واخوانا المسلمين
دواك عندي
21/02/2011, 02:39 AM
قنا صه
جعل من جابك في الجنه
أنشهد انك قرم وأبن قرم
الله يصلح نيتك وذريتك
كسار11
21/02/2011, 01:42 PM
قناصه ياحبيلك بس.. عز الله انك عصابة على الراس

الله يرفع قدرك ويجزاك الجنة يابعدي

واذا تخبر لنا بعد حنا بانتظارك يالغالي
قناصه
23/02/2011, 12:02 AM
سلام ياكسار:
اللي بالمرور ماعرفه ولا لقيت احد من الشباب يعرفه و لاواجهته بس اول مايجي عندي علم ابشر

ولقيت واحد نظيف مع واحد شباب شغال في ادارة التعليم شاريه قبل 3اشهر بس عن طريق واحد من الشباب كلمه وقال:
ماشي 260الف مواصفات لاونش ولاهزاز بس فتحه وتخشيب وفيه ويقول مسيوم 123 والحد 130 وشفت الموتر مافيه اي اضافات ووجهه مرمل وعندي انه غالي بالحيل بس تبي رقم الرجال ابشر
قناصه
23/02/2011, 12:11 AM
فية وحيد نظيف مرة شيخ ماشي176 فل كامل حاده 135 ببببببس تراه لون اسود

واذا جيت عقب اجازة ابومتعب الله يرده سالم يسر الله الامور لاانا مخيمين في الجبله يم الدوادمي سلام
عااشق نفود
23/02/2011, 04:21 AM
قناصه شيك على الخاص
قناصه شيك على الخاص وعطنا رقم الشااااايب
abo turki
24/02/2011, 02:55 AM
بيض الله وجهكـ يا قناصه ..

واسكنك ووالديك الجنه ,,, وحرم وجهك ووالديك من النار ..

انشهد انك كفوو وما قصرت مع الرجال ومع غيره , الله ييسر امورك ياالغالي ..


موفق يا كسار 11
كسار11
25/02/2011, 01:12 PM
الله يبيض وجهك ياقناصه ويجزاك كل خير
والله يجعل ماقدمت في موازين حسناتك ... آميين
وبانتظارك يالغالي وتاصل بالسلامه إن شاء الله


أبو تركي ماقصرت يالغالي وأسعدني مرورك
نواف الغازي
26/02/2011, 01:58 PM
عندىطلبك هدد 2006 اللون ذهبىقير توماتيك دفلك فتحة ونش خلفية لكزس مفاتيح الابواب نيكل مع المرايات وكالة دفعة خلفى ماطور هوا بطارية اضافية مولد 220 انوار زنن عالى وكالة مفاتيح ريموت 3وكالة العداد 200000حبيت تشوف الصورة اتصل على الجوال0555240642
كسار11
26/02/2011, 11:15 PM
مشكور يانواف

لكن الطلبيه قير عادي الله يحفظك
كسار11
01/03/2011, 01:33 PM
.............................................
عطيش
02/03/2011, 04:45 PM
أتابع الموضوع
كسار11
04/03/2011, 02:26 PM
أستغفر الله العظيم وأتوب إليه
عطيش
05/03/2011, 01:13 AM
احححممممممم
كسار11
08/03/2011, 01:11 PM
حياكم الله يالنشامى


إلى الآن ماحصلت موتر :(


يلا يالربع الي خابرن لي لايبخل علينا وأنا على وعدي له


وينك ياقناصه من زمان عنك يالغالي ؟؟ :(
كسار11
12/03/2011, 11:29 PM
....للرفع....
كسار11
16/03/2011, 10:10 AM
........................................
أبوتركي V8
16/03/2011, 12:30 PM
الله يرزقك بلي يسرك قل امييييييييين
كسار11
19/03/2011, 02:32 PM
آآآآمين يااارب

جزاك الله خير يابو تركي
كسار11
21/03/2011, 01:11 PM
ياخوان مين الي خابرن لي حتى 2007 يعلمني بنفس المواصفات المطلوبه

الله لايهينكم يالربع
المستشار2000
22/03/2011, 01:31 PM
اخوي كسار11
حياك الله
موجود هدد 2006 مواصفاته كالتالي
اللون ذهبي
فتحة
مكيفين
ثلاجه
سبير معلق
تانكيين
تخشيبه
قير عايدي
شبك 2007
يايات استراليه
ماشي 125 الف
قطري بطاقة جمركية
بدي سليم 100%
محركاته على الشرط
مرياته ومسكات البيبان ليست نيكل
ان كان لك نظر اتصل بي بعد اذن المشرفين على
0554565065
ابو عبدالله
وشكرا
كسار11
24/03/2011, 11:20 PM
عافاك الله يالمستشار
عشقي براري
25/03/2011, 12:04 AM
عندي طلبك اخوي كسار بكامل المواصفات
كسار11
25/03/2011, 12:17 AM
عشقي براري


تم إرسال رقمي ع الخاص
كسار11
20/06/2011, 02:06 PM
السلام عليكمـ

حياكم الله يالربع ,,, ومازال البحث جاري
هدد2006 فل كامل وارد اليحيى
قناصه
21/06/2011, 01:12 AM
لك رسالة على الخاص
زائرمن الرياض
21/06/2011, 01:43 AM
اخوي قناصه
الله يجزاك خير وينور دربك ويسر امرك ويطول في عمرك ويمدك بصحه والعافيه
اخوك ابوصالح
كسار11
24/06/2011, 09:23 PM
اخوي قناصه
الله يجزاك خير وينور دربك ويسر امرك ويطول في عمرك ويمدك بصحه والعافيه
اخوك ابوصالح

آآمييييييين ياكريم ويستاهل الغالي قناصة كل خير وتقدير واحترام

وعسى الله يعجل بجيبة الهدد :(
طريخمه
25/06/2011, 10:38 PM
اخوي طلبك عندي هدد 2006 بريمي فل كامل
كسار11
02/08/2011, 02:28 PM
مازال الطلب مستمرررر عسى الله يجيبه في هالشهر الفضييل
البنك المهجور
02/08/2011, 03:39 PM
مشاء الله عليك اخوي كسار 11

اهنيك بصراحة علىآ طووولة باالك

انا ادور جيب هدد 2002 او 2003 او 2004 قير عادي للوالد

لي كم اسبوع بس واحس اني طفشت من كثرة البحث

وانت لك كم شهر تدور ولازال البحث مستمر ..

اسأل الله ان يرزقك اللي ببالكـ
كسار11
03/08/2011, 03:28 AM
ايه وانا اخووك وش نسوووي

الطفش بك بك لكن ما باليد حيله

الله يرزقنا وياااك وكل مسلم يااارب
فتاح الجواد
03/08/2011, 04:53 AM
الله يرزقنا واياكم من واسع فضله
البنك المهجور
03/08/2011, 05:23 AM
اللهم آمين ... اخوي كسار11

ممكن اعرف بشنو يفرق وارد اليحيىآ عن غيرهـ ؟
سفير الحيا
03/08/2011, 07:07 AM
كسار ياكسآر الله يرزقك ويوفقك
نصيحتي لك اذا عندك درآهم خذلك 2011 وكآله على يدك ونفس المواصفات
الحر الموحد
03/08/2011, 09:33 AM
الله يسهل أمرك . .
مخفي
03/08/2011, 03:12 PM
فيه خلفية لكزس
2006
ذهبي
156 كيلو
قير عادي
فتحه
أذا كنت منب واهم بونش
مسيوم 120 الف
موجود بالقصيم
مرايات ومسكات نيكل
البدي لا أعلم أذا كان فيه شي ولا لا
كسار11
05/08/2011, 02:04 PM
جزاكم الله خير يااخوااان جميعا

اخوي البنك المهجور: افضل ميزه بوارد اليحيى انه يجيك الدبل مفصول, يعني الدبل الخفيف عصا مو زر
مراسل مدركه: أشكر لك نصيحتك يالغالي وعسى الله يسهل الامور
مخفي: ارسلي رقمك لاهنت او راعي الموتر ع الخاص
alsari_8
05/08/2011, 03:08 PM
جزاك الله خير يالغالي ((ramii2010)) وماقصرت



لكن يالغالي الي أرسلته لي كان 2007 وأنا أبحث عن 2006..!


ألف شكر لك وجعل حرصك في ميزان حسناتك ..



ملاحظه: ماقدرت أرد عليك من الخاص لأن مشاركاتي أقل من 50



يستاهل نصف دلاله

بس لاتنساه

الله يوفقكم دربكم خضرا
ابو 440
05/08/2011, 05:06 PM
قناصه
اشهد انك راعي فزعات وكفو

وماهو قصور بباقي الاخوان

كسار
الله يرزقك الموتر الي في بالك
مخفي
07/08/2011, 05:20 PM
للأسف أخوي كسار الموتر بيع بـ124 الف

دخل كم مرة ولم اجد رد لك

لعلها خيرة
ابونادر2008
07/08/2011, 06:22 PM
مساء الخير اخوي طلبك موجود وهذا جوالي 0532440440
كسار11
09/08/2011, 06:25 PM
للرفع ,,,,,,
مخفي
10/08/2011, 01:46 PM
راجع الخاص وأن شاء الله تبي تشوف اللي يرضيك ..
البنك المهجور
10/08/2011, 05:40 PM
لاتنسانا ياخوي ( مخفي ) ترىآ نفس المعاناة

وعلىآ فكرة ترىآ حتى انا خاصي فاضي اذا فيه شي مناسب :)
تركي الخنفري
10/08/2011, 05:49 PM
يوجد هدد2006 ذهبي فل كامل 0555262762وتراني وسيط
كارلتون
10/08/2011, 06:52 PM
راسلني على الخاص ... اشوفه لك
كسار11
07/09/2011, 04:36 PM
:(
. . .
رحماااك ياارب

أألى هذا الحد وصل الأمر بالناس واستهترو بالذمه :mad:

كلما ذهبت لأرى سيارة وأكون جازم لاشتريها ,, أنصدم بالأخير حينما أراها :(
ياأخي قلي من أول وش في السيارة من عيوب, موب تخليني أتعب وأشق مسافات بالهبل وباالأخير يطلع فيها مصايب :mad:

ياأصحاب السيارة خافو الله في بيعكم ,, وقدرو المسافات الطويله التي قطعتها من أجل ثقتي في كلامكم :(

حسبنا الله سيؤتينا الله من فضله إنا إلى الله راغبون
لهذام
07/09/2011, 04:49 PM
الله يعينك
سديد الرااااي
08/09/2011, 04:19 PM
السلام عليكم اخوي يوجد جكس 2006 انشاء الله انه ما يحتاج قير تماتيك ابيض فتحه خلفيه لكزز
والله الممشى ياهو 160 او اكثر او اقل ما اذكر لكن انا مجرد وسيط
كسار11
09/09/2011, 05:50 AM
شكرا لك ياخلفهم

المطلووب قير عادي
5874
09/09/2011, 07:23 AM
الله يرزقنا وياك وكل مسلم
كسار11
11/09/2011, 06:48 AM
أمين واياك يالغالي

سبحان الله وبحمده سبحان الله العظيم
دواك عندي
11/09/2011, 10:34 PM
;معقوله ياكســار مالقيت الى هالحين الموتر اللي تبي لو انت تدور مره تسان هالحين هي بالنفاس على ولد

:D


الله يرزقك الموتر اللى في بالك
majedasm
11/09/2011, 10:57 PM
الله يرزقك فوق ماتمنيت

لكن الهدد بيبطي وانا اخوك

وانصحك تصرف عنه النظر وتشوف غيره

والاخوان اللي قالوا لك سو بحث بمواقع ثانيه ... ما انصحك ( من واقع تجربة ) لانها عروض استهبال واستخفاف
والله المستعان
aboood6006
12/09/2011, 01:53 PM
اخبرلك هدد 2005 نظيف بالحيل ماشي 85 مافصل ولا شي مخزن مهب فل لونه بيج بس تراه غالي مابه ولا مخش مشاءالله به بس ثلاجه فقط
naaser
12/09/2011, 06:36 PM
الله يرزقك الموتر اللي تتمناه ،،

انا جلست شهرين ادوره << ببداية 2007 ويالله لقيت اصفار
كسار11
16/09/2011, 09:41 AM
دواك عندي: مافيه مره قبل الجيب ان شاء الله :D
وياخي بدال ماتقول هالحتسي , شمر عن ساعديك وامش دور معي بالمعارض :D
مشكور يالغالي والله يسعدك بالدارين


ماجد: جزاك الله خير على نصيحتك يالغالي
اي بالله صعب هذاي كملت الحين سنة كامله من البحث الحثيث :(
لو اني طالبه من اليابان تسان امداهم مصنعين لي عشر هع
لكن ماقدرت اقتنع بأي موتر غير الهدد راسي يابس تقل شايب :D
واذا بتقنعني عساك ع القوه :D
ألف شكر لك ياخلفهم .. تقديري واحترااامي


عبوود: ماقصرت يالغالي وبيض الله وجهك

ناصر: جزاك الله خير على دعواتك والله يرزقنا واياك وكل مسلم ..
الا ماودك تبيع لي موترك تسانه موجود عندك ونظيف هع :D:p
كسار11
20/09/2011, 06:45 PM
سبحان الله وبحمده سبحان الله العظيم
كسار11
26/09/2011, 12:35 AM
استغفر الله الذي لا إله إلا هو الحي القيوم وأتوب إليه
ا س ع .. 222
26/09/2011, 12:29 PM
كسار11 يا خلفهم

ولله ودي اساعدك بس ما باليد حيله

ما اقول الا يالله ان ترزقه من حيث لا يحتسب يارب

وعليك بالاستغفار تراه يجيب الرزق ان شاء الله

الله يرزقك ..
كسار11
27/09/2011, 01:57 PM
ا س ع .. 222 (http://www.mekshat.com/vb/member.php?u=81794) جزاك الله خير يالغالي وخابرين الي عندك ..

ولاتنسانا من دعواتك ..
كسار11
03/10/2011, 01:22 AM
للرفع لمين الله يكتب لنا نصيب
aa.m
03/10/2011, 03:31 PM
انا مثلك أدور صار لي فتره
وموجود بس حنا مانشري لأنها مولعه نار وأسعار خياليه
كسار11
06/10/2011, 12:56 AM
حياك الله اخوي

وين الموجود ؟؟! اذا تخبر لنا ياليت والله
al-ganass
06/10/2011, 01:03 AM
كسار11 الله يرزقك ويرزقني عز الله لي كم شهر وانا ادور على الهدد لاكن كل ماجيت لاحد يقول لي 125 وفوق مخلينه لكزز الله المستعان ولا فيه دقه بسيطه ويم تشووفه تكره الهدد وسنينه

لاكن ماقوول غير الله يرزقنا
شمر 909
06/10/2011, 01:51 AM
الظاهر تبي تقوم القيامه وانت ما شريت ...

الله يرزقك ..
al-ganass
06/10/2011, 11:57 AM
الظاهر تبي تقوم القيامه وانت ما شريت ...

الله يرزقك ..

لاملا عينك الشي متخاسر عليه الفلوس لأكن المشكله باللي يمدح سيارته وهي الله المستعان بس.
الكاميكاز
06/10/2011, 07:28 PM
اخ كسار انت ارسلت رقمك على خاص ناقص رقم
سعيد 1212
07/10/2011, 04:02 AM
اخ كسار انت ارسلت رقمك على خاص ناقص رقم
اخ كاميكاز يا ليت تتصل علي بعد اذن صاحب الموضوع انا زبون الموتر تكفى يا ذيبان 0554368681 حاولت ارسلك ع الخاص بس مشاركاتي اقل من خمسين
كسار11
10/10/2011, 06:47 AM
al-ganass (http://www.mekshat.com/vb/member.php?u=162777) : مشكور يالغالي وماقصرت والله يرزقنا واياك وكل مسلم


شمر 909 (http://www.mekshat.com/vb/member.php?u=193442) : :(

الكاميكاز: اسف على التأخير يالغالي ارسلت لك وانا بانتظارك
سعيد 1212
11/10/2011, 04:13 PM
كسار الله يرزقك بالموتر النظيف والله محسوبك صار لي حوالي السنه ما لقيت اللي في بالي
sa7are
11/10/2011, 06:02 PM
انا من كثر ما ابحث مليت وصبري نفذ

لكن العلم اني بروح لقطر والامارات ويا ذابح ويا مذبوح
naaser
11/10/2011, 09:28 PM
كسار طلبك عندي ^_^

هدد 2006 انا مطلعه اصفار ( جلايد الوكاله عليه الى الحين )

فتحه .. خلفية لكزس .. مكيفين .. عدسه بالمرايه .. ( الموتر قطري )

بس تعبت وانا ادور لكزس sl 430
2005 او 2004 نظيف

(( اذا لقيت لي انت النظيف بعتك موتري ))
كسار11
12/10/2011, 01:22 PM
شكرا لجميع الاخوان الي ردو
والله يرزقنا واياكم وكل مسلم
حبيب الامس
12/10/2011, 06:36 PM
يا كسار فيه مديل 2003 مخزن ابيض تماتيك
(داري انك ماتبي تماتيك بس قلت يمكن يغير رايه)
http://www.haraj.com.sa/11616614/جيب_هدد_2003مخزززززززززززن_يامدورموترالوكاااااااله _/
البناوي 12
12/10/2011, 09:11 PM
راح تلقى طلبك يلغالي باذن الله $$وبللتوفيق للجميع ...
عزام بن احمد
12/10/2011, 09:15 PM
الله يرزقك بالبيعه و الشرية الطيبه
كسار11
14/10/2011, 01:41 PM
شكرا ً لكل الاخوان الحريصين
لاحرمكم الله الاجر
سعيد 1212
14/10/2011, 02:08 PM
كسار يا ليت ترسل لي رقمك ع الخاص