بشرى لأهل القصيم بخصوص طريق قبه...الحفر

[al_fheed2006]

السلام عليكم ورحمة الله وبركاته

هذي البشرى لأهل القصيم الصرا حه عانوا كثيرا بالسفر الى حفر الباطن وقطع الكيلوات الطويله الان يتم انشاء طريق جديد القصيم حفر الباطن وتم زفلتة تقريبا 40 كيلو والباقي ردميه وبوضح بشكل افضل

من حفر الباطن الى ساموده 180 كيلو
ومن ساموده الى قبة محافظه من القصيم 75 كيلو
ومن قبة الى محافظة عين بن فهيد 70
ومن عين بن فهيد الى بريدة 57


يعني من عين بن فهيد الى الحفر 325

ومن بريدة للحفر 382

ودائما شباب عين بن فهيد وشباب بريدة يقطعون مسافات كبيرة اكثر من 500 كيلو لأجل الصيد او التنزه في وقت الربيع وبأذن الله الطريق ينتهي قريب وانا ذهبت الى الحفر من هذا الطريق قبل مده لصيد

[أبوأحمد98]

الله يبشرك بالخير ((الفهيد))عقبال ان شاء الله ماتبشرنا باتمام الطريق

[الضاري]

مبرررررروك للجميع وعقبال ما ينتهي الطريق بسرعة.

[عاشـق القمري]

ع البركة....

[مريقب العيفار]

بشرك الله بالخير

ونتمنى ان يتم باسرع وقت

[أبو يوسف]

الله يبشرك بالخير

[كاش]

مشكور الله يعطيك العافيه

[الطعس الذهبي]

فيه اشيا اولى من هذه

[الفهد9097]

السلام عليكم ورحمة الله وبركاته

مبروك على اهل القصيم واهل الحفر بس
عندي استفسار بسيط الطريق من وين يبدى
من المحطة الي قبل قبة يعني يمر البعيثة

ثم الزبيره والهامل والدخول ثم سامودة

صحيح هذا هو الطريق أخوي الفهيد

عقبال مانسمع الاخبار الزينة انشاء الله

[ابوذيب]

بشرك الله بالجنه ،، بس وش اقرب نقطه للي يبي يروح للزبيره؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[رسلان]

الله يبشرك بالخير ...
وبانتظار الرد على الاستفسارات للفائدة ...
جزيتم خيراً ...

[مغرز]

الله يبشرك بالخير

[al_fheed2006]

السلام عليكم ورحمة الله وبركاته

ردا على سؤال الفهد الطريق يبدا من داخل محافظة قبه انشالله والان شغالين في وسط النفود ومشكور اخوي على السؤال

[زعفران]

مشكور الله يعطيك العافيه

[**( تلمي )**]

أضافة مني بالنسبة لطريق قبه سامودة ,,,
أولاً الطريق يبدأ من مدينة ( قبه ) ثم الأتجاه شرقاً مع طريق قبه الطراق مسافة 3 كلم ثم يتجه الطريق شمال شرق مع الجال جاعلاً مزارع الفرم يساره ,,,
ثانياً : طول الطريق حسب كلام المقاول للطريق 76 كلم بالضبط من قبه حتى يشبك حرف T مع طريق ساموده ,,
ثالثاً الردمية حقت الطريق واصلة النفود يعني حوالي قاطعين بالرادمية من 40 كلم إلى 50 كلم ,,,
رابعاً جزاء من الطريق مزفلت حوالي 8 كلم تبدأ الزفلته من حوالي 5 كلم من بداية الطريق من مدينه قبه ,,,,,
خامساً الطريق ما يمر على فياض البسيتينات بل تكون يمينه وتبعد عن الطريق حوالي 5 الى 8 كلم ,,,,,

أرجو أن اكون وفقت في تقديم المعلومة ,,,,,,

وتقبلوا تحياتي ,,,,,,,,,,,,,

[أبوأحمد98]

الله يجزاك خير لأخي ((تلمي))على المعلومات ..عقبال ان شاء الله ماتمسك السريع للحفر

[الشقردي]

الحين ممكن استفسار ولو اني مالي مصلوح بهالطريق
لكن وش هالطريق عن مشذوبة ؟؟؟ اللي تفرق لها ردمية 60 كلم من طريق ام الجماجم الحفر ؟؟؟؟

ليتني القى عندكم اجابة لاستفساري
ولو يحصل صور أحسن واحسن

[ابو درع]

والله مير يبشرك بالخير والي سؤال عن مرور الطريق من العين الي بريده

من وين يبي يجي ...












ابودرع .......... يحب التقدم

[**( تلمي )**]

الحين ممكن استفسار ولو اني مالي مصلوح بهالطريق
لكن وش هالطريق عن مشذوبة ؟؟؟ اللي تفرق لها ردمية 60 كلم من طريق ام الجماجم الحفر ؟؟؟؟

ليتني القى عندكم اجابة لاستفساري
ولو يحصل صور أحسن واحسن



أخوي الشقردي الطريق ما يمر على مشذوبه ولا هب قريب ولا قريب
أذا بغيت تروح لمشذوبه معه فأنك تمسك الطريق من بدايته من قبه حتى ينتهي الجال وأذا طبيت بالنفود تفرق يمين وتتجه شرق عدال مع النفود ,,, وتبعد حوالي من 40 إلا 30 كلم وتراي حاسبها تقريباً حسب معرفتي للأرض لكن كم بالضبط مدري والله ,,, وأذا تبي تحسبها صح بالقارمن ,, أحسب من فياض البسيتينات حتى مشذوبه كم المسافه وزود عليها 10كلم وتطلع عندك المسافة بالضبط ,,,

وأرجو أن أكون وفقت بتقديم المعلومات ,,,,,,,,,
وتقبلوا تحياتي ,,,,,,,,,,,,,,,

[الشقردي]

ما قصرت يا تلمي والله انك جبتها (الهدف هو البسيتينات )
وليت بخريطة

انا مقصدى من هالسؤال للي بيروح للبسيتينات جاي من الرياض وش الافضل بالنسبة له
1- ام الجماجم - يفرق مع ردمية مشذوبة - يوجه من أقرب نقطة للبسيتينات
2- ام الجماجم - يفرق مع البطيحانية - سامودة ويرجع على هالخط اللي تقولون (قبة-سامودة) ومن هالخط يوجه من أقرب نقطة للبسيتينات
3- يروح من جهة بريدة ويمسك الطريق من أوله من عند عين بن فهيد