تعال وبين لي الامر الكلام كثر

[الفلاشاوي]

السلام عليكم ورحمة الله وبركاته
حياكم الله واكم اخواني الكرام
اتحدث عن جده وبالخصوص الصد بالسنانير

قلة وجود السمك حتى اصبح الواحد يجلس ممكن لاكثر من 5 الى 6 ساعات ماطلع غير حبه او حبتين
البعض قالوا اذا فيه هواء مايجي السمك
والبعض قالوا اذا تغير لون الماء السمك مايشوف الطعم

هاتوا دلونا وش العلم

[Makaveli]

إيش الطعم إللي تستخدمه , والمنطقة إللي تصيد فيها
ولاتنسة مصب البيارات .......(الله يكرم الجميع )
وموكل سمك يتأقلم على البيارات , فإللي تبغاه يمكن هرب لبيئة نظيفة ونجلس تلقط أبونقطة !!!!!!

روح ثول أصرفلك لأن جدة مالها شاطئ إلا بحر الخدم (الحمرة) الأخضر العفن !!!!
جدة معدومة اليوم كنت ناوي أطلع أصيد ولكن أحترت من فين أبدأ

عجيب , تبغى البحر روح للتجار , مالك غير شاليه ولو ماتبغى غرفة يقلك أدفع 200 ريال ياخذها المغبر إللي في الإستقبال !!!!!من ورا عمه عشان يدخلك كم ساعة (هذا لوصدت)

نسيت أقولك : مالك غير سنوركل وهذا ماسأقوم به بإذن الله ولكني أفتقر لمواقع الصيد المناسبة

[accentkool]

لا مهم صحيح وانا سبق وجربت

[حوات جده]

والله ماكفلي حاقد بقووووه

يا عمي كدا الوضع امشي معاه ^__^


ويارب يكون عندك قارب وترتاح

وعشان السمك ما يشوف الطعم دا كلام فاضي اعتقد لان بالليل كيف ياكل الطعم


عنده night vision رؤية ليلة ههههههههههههههههههههههه


قارب وبس من جده

[زاحف بحر]

والله نفس الكلام مدري وش القصة الله يعيين ..

[الرحموني]

اصلا الثروة السمكية في تناقص

وفيه نظريه تقول انه في عام 2050

راح يختفي وجود الاسماك نهائيا

وذلك لاسباب عديدة منها التلوث والصيد الجائر

اتمنى اني اكون افدتك

[Boury]

السلام عليكم،

اعرف صياد خبرة في البحر ما شاء الله اكتر من 30 سنة كان يقول لي ماتتعبش نفسك في يناير و فبراير، و خصوصا بالنسبة للصيد من الشاطئ او طلعات الجلب.

أغلب السمك في الشهرين دول يكون ساكن عن الحركة و قليل لما يخرج للاكل.

اصبر كمان اسبوعين تلاتة و ابشرك بالخير باذن الرازق.

[دل البحار]

أخوي فيه عدة اسباب لقلة السمك
ولاتنسى انو اي صياد شاطيء بالسناره الاغلب في صيده ابو نقطه وشعوره محيسني او ابو شراره يعني السمك الصخري القريب من الكساره وممكن تطلع معاك سمكه من غير النوعيات هذي مثل هامور وناجل وبالصدفه مره بالسنين لانها اسماك حذره ومتعوده على الجلبان والاثقال وما بتصيد من الصدف الا اذا كانت هاموره ما هي ساكنها بموقع التجليب يعني ماره مرور او ناجل برضه مار وجديده عليه شغة السنانير والجلبان
طبعا هناك اسباب ومنها - برودة الطقس حيث ان الارض تفقد الحراره اسرع من الماء وسمك البحر الاحمر سمك يحب الدفء ومن هنا تفقد مياه البحر الشاطئيه الحراه بسرعه لقربها من اليابسه ويدخل السمك البحر بحثا عن الدفء المتعود عليه ولاتستطيع الوصول له
ثانيا التيارات القويه والمد في البحر ويكثر المد ولفترات متواصله في الشتاء عن باقي اشهر السنه فتلاحظ شدة المد وكلما كان المد يمينا فثق تماما انك تضيع وقتك بالفاضي فمن المستحيل ان يخرج السمك ويرعى بالبحر
ضعف الرؤيه نعم اذا كان البحر ملوث اضف الى ذلك ان السمك لايقترب من الماء الملوث الا اذا صفي الماء من التلوث والسمك له حاسة الشم والتذوق فكيف لك ان ترى سمكا في كورنيش جده وكل الصرف الصحي بجده يتم تصريفه في البحر ومن الاشياء الموجوده في الصرف غير البلاوي ريحة الكلو والصابون والمواد الاخرى تطير السمك بل تقتله في الحال وتخنقه
عمل التعريه من قبل اماكن الصيد حيث ان السنارات واتصخير تفسد الاشعب المرجانيه بالبحر وتعمل على حرثه من رمي وسحب متواصل
فترة تزاوج الاسماك تكون في سبات بعد تفقيس البيض ولا تخرج من اوكارها الابالقيل وتعود
علو الموج اذا الموج عالي ليس هنالك سمكه ولو بالواسطه مافيه
..............
مهارة الصيد لهادور في بعض الاسماك وبلاخص الكنايات والعقمان
الطعم الحي ايضا يجذي ا لاسماك ولتعلم ان السمك كالبشر لا يأكل الا ما يكون صالحا للاكل ولا يأكل الفاسد من الطعوم
رابعا انا مليت وكرهت البحر من الاوساخ والتصريف لمياه المجاري اجلكم الله في البحر والافضل هو قارب ومع الخور اقرب قطعه وتك لو مره بالاسبوع من الصباح الين المغربيه وبلا سنارات وخساير بكرات وجلبان ومكاين قصب وقصب وجلسه بالفااااااضي
ومو انتا لوحدك كلنا وما يطلع الا ابو نقطه وكنايه

[الفلاشاوي]

والله مشكله مع البحر الاحمر وكلامكم زادني تحطيم
ههههههههههههههههههههههههههه
الي استغربته قبل تقريبا شهرين كان الوضع جيد على الاقل تحس بالحركه وفيه تفاعل مع السمك الحين من تقريبا شهر ونصف ضياع وقت لى الفاضي وخسارة طعم
ماخلينا شي
حبار ربيان ساردين

[bomahammad]

الله كريم ياخوي شيسوي الواحد انا بعد نفس الشي رحت وما صدت غير حبتين شعري كبر كف اليد وسلامتك وبعدها كانك ترمي قصبتك في البحر الميت

[ABO ZAIN 29]

قل استغفر الله
يا رزاق يا كريم
والله بيرزقك لو كنت بترمئ في بحر الاربعين