المربط ارضي وطلق (عيوب ومزايا)

[الرّمااااي]

السلام عليكم
ياليت ياشباب يتم ذكر جميع العيوب والمزايا للربط الارضي والطلق من واقع تجربه
بالنسبه لي 3 مرات اربط طلق ويطلع الطير فيه صيحه ومتعومس وشكرا

[صقار مبتدئ]

انا اشوف انت تربطه ارضي ليش
تتباع صحة الطيرمن قريب
و لا يتشابط مع الطيور الثانية

[Turki1]

حياك الله اخوي الرماي
الطلق زين للطير وخصوصا للي يبي طيرة معه شوي لياقه أول مايطلع ،واذا كان المربط فيه جزء مشمس فيمكن للطير الوصول له للتعرض للشمس اول وآخر النهار وهذا مفيد للطير.
عيوب الطلق مشابط الطيور اذا كان من يشرف على المربط ليس لديه خبرة كافيه وقد ربطت طير طلق وهو من اشجع الطيور وطلع الطير من المربط وهو فيه صيحه وفيه ذل .
الربط الارضي يحفظ الطير اكثر من المشابط ولكن الطير يطلع من المربط ويحتاج له وقت اكثر لاستعادة لياقته كما ان احتمال اصابه باطن الكفوف بامراض وارد.

[جاسم الوسمي]

والله اخوي اطلق
افضل واجد عن
الارضي

[falcon 1]

السلام عليكم ورحمة الله وبركاته
الارضي:
1) سهل انك تعرف طيرك وين +
2) يحفظ طيرك من التشابط مع طيور ثانيه +
3) الطير ما يجيك مليق لانه طول الوقت قاعد -
4)مادام الطير دايم على الوكر..ممكن يصاب بامراض في باطن كفوفه-
5) الطير ما راح يضربه الشمس لانه مربوط..واذا في مكان توصله اشعة الشمس ما راح يقدر يجيها -

الطلق:
1) الطير يكون مليق تقريبا 30 بالميه +
2) الطير دايم يتحرك ويطير. فالامراض

[falcon 1]

السلام عليكم ورحمة الله وبركاته
الارضي:
1) سهل انك تعرف طيرك وين + ههه
2) يحفظ طيرك من التشابط مع طيور ثانيه +
3) الطير ما يجيك مليق لانه طول الوقت قاعد -
4)مادام الطير دايم على الوكر..ممكن يصاب بامراض في باطن كفوفه-
5) الطير ما راح يضربه الشمس لانه مربوط..واذا في مكان توصله اشعة الشمس ما راح يقدر يجيها -

الطلق:
1) الطير يكون مليق تقريبا 30 بالميه +
2) الطير دايم يتحرك ويطير. فالامراض الي تصيب في باطن كفوف الطير ..تقل ان شاء الله +
4) الطير يقدر يتشمس اذا يوجد مكان تاصله اشعة الشمس +
5) الطيور ممكن تشابك ببعض -
6) يبيله وقت على ما تدور طيرك - هههه

هذي بعض المزايا والعيوب للمرابط وان شاء الله الاخوان ماهم مقصرين
والسلام عليكم ورحمة الله وبركاته

اخوكم
فالكن 1

[البرنس الليبي]

يا اخوان ..

بالنسبة للياقه ارى ان اي صقار يقدر يليّق طيره في ثلاث اسابيع
المربط الهدد يمرض الطير ويتمكن منّه المرض ما احد درى عنّه

حقيقه الربط ابرك بكثير من الهدد يا اخوان

[الرّمااااي]

شكرا للاخوان الي شاركوا معنا وللجميع

[خيال الشلفا]

كل شي له سلبيات وايجابيات الحرار افضلها طلق والشواهين ربط............

[وراد.]

ربط أو طلق: الاهتمام والنظافة والمعرفه والملاحظة الدقيقه اهم شي الخبرة الكافية بمقيض الطيور واسأل الله لك التوفيق....

[صقرالحروب]

انا جربت الربط والطلق ولافضل في نظري هو الربط

[مجاكر]

... انا اشوف ان الربط افضل للطيور والشياهين

الطبوع ... ما تغير

واذا كان المربط مهتم بطيور وينظف الوكر تنظيف دائم

فلا خوف على كفوف الطيور ان شاء الله

وآخراً ... انت بعد المقيض لا بد ان تجرد الطير ..

ان كان ربط او طلق

هاذي وجهة نظري ممكن تكون صحيحه او تكون جانبت الصواب

الف شكر ودمت لنا

[استيعاب]

يا جماعه لو ما الناس ربطت وخلصت لاعطيكم عيوب في الربط بالارض واجد

الموضوع متأخر

[U.A.E]

فك الطير وطلقه فالمقيض احسن بنسبه لي لاكن اهم شي يكون الطير دوم شبعان ومكانه نظيف اما الربط الطير يمكن يسومر او يلف عليه السبق او المرسل وهذي غلطه واسمحول ....

[فارس 74]

والله انا افضل المربط الطلق لان الطير ياخذ فيه لقياقه ويتحرك لكن لازم المربط الطلق يكون تحت اشراف صقار متمرس ويتابع الطيور من الماشبط والامراض

[السومر]

في النهايه ترجع لرغبة الشخص

لكل من الاثنين سلبيات وايجابيات

بالنسبه لي افضل الطلق لأني اربط في مربط خاص لطيوري

[معشي الطير]

مزايا المربط الطلق :
1-الطير يطلع معه لياقه جيده يعني انقل واقنص لان كثره الحبارى اول الوقت .
2- الطير يتحرك بالمربط ويتنقل مما يساعده على مقاومه الامراض .
3-لاتقد تقول الطير املع او كفه التوا عليه السبق وقطع اصبعه او املخ كفه بسب الكفخ وهو مربوط .
4-راحه الطير النفسيه عندما يكون مفكوك لانه يحس انه حر .
5-اذا كان الطير مربط بمربط طلق ومكرم من ناحيه العلف ونظيف لايمكن يتشابط اي طير مع الاخر لان الطيور تشابط عشان العلف .واذا كان فيه طير طبعه يشابط وهذا قليل جدا فيربط لسلامه باقي الطيور .
6-سرعه نمو الريش الطوال بالطير لان مع طيران الطير بالمربط نظخ الدم الى اخر الجناح مما يساعد الى وصول الدم الى اخر ريش الطير (الموس والنايفه )وهذا شي موكد.
انا صاحب مربط وعندى مربط طلق وربط والله اني افرق الطيور 180 درجه حتى حال الطير ونفسه غير والله لو اجلس اعد من الى بكره من الفروق لايمكن اخلص .والحمد لله لي خمس سنوات وانا اقيض طيوري الخاصه طلق والحمد لله كل سنه افضل من اللي قبل.
.