المساعد الشخصي الرقمي

مشاهدة النسخة كاملة : كل ماتعرفه عن قلص الرحلات أكتبه هنا لتعم الفائده للجميع . . .


عزوز 2005
04/02/2011, 11:04 PM
بسم الله الرحمن الرحيم


حبيت أطرح موضوع جميل عن قلص الرحلات ألي يسحب ويشبك بالسياره من الخلف
لنقل أغراض الكشته من عزبه وتانكي مويه وخيمة و رواق وأغراض طبخ وثلاجه وبعض الأغراض الخاصه
نرغب بذكر أنواعه وأشكاله ومن يصنعه وأفضل الورش لترهيمه وتضبيطه
والناس ألي مجربينه عطونا ملاحظاتكم وأقتراحاتكم وهل تؤيدون بشرائه
وهل هو كفيل بحمل جميع الأغراض
تحيــــــــــــــــــــــاتي
الذرب
04/02/2011, 11:33 PM
يامرحبا يعزوز

اولا لابد من معرف الغرض من القلص لتحديد المساحة المطلوبة

( لماطور الكهربا , لنقل الدباب , لحفظ العزبة والخيام وتانكي ماء , غرفة او جلسه اوخيمه او لعدة اغراض )

ولكل نوع تكلفه مختلفه وبعدها تقدر تبدا بلامور الاخري
محمد أبو حمد
05/02/2011, 12:10 AM
خذ الفرنسي - داكسارا - ولو مستعمل لأي غرض كان , لأن مواصفات السلامة فيه ممتازة.
wafi4sa
05/02/2011, 12:29 AM
خذ الفرنسي - داكسارا - ولو مستعمل لأي غرض كان , لأن مواصفات السلامة فيه ممتازة.


كلامك صح 100%
عزوز 2005
05/02/2011, 12:55 AM
القلص ألي أقصده
لنقل العزبه وأغراض الطبخ كامله ومحتويات الرحله من خيمه وتانكي مويه
الاجوري
05/02/2011, 03:15 AM
القلص زي ماله فؤائد لة مشاكل
اولها لازم يكون عندك قراج او بايكة اوحوش على شان تكون الاغراض موجوده فيه على طول ويمكن تحل المشكله هدى بعمل غطاء وافضل يكون حديد.
ثانيها واهمها اذا تعطلت السيارة في الخط كيف تشيل القلص يعني سطحه لالسيارة وسطحة لالقلص
انصح باخذ قلص ثم اضافة الاحتياجات عليه

اما الفوائد لاتعد ولاتحصى انا عندي واحد والاستغني عنه واهم شي يكون مضروب بوية سيارات
الاطار
05/02/2011, 08:11 AM
داكسارا ....................خفيف لطيف جميل متين وقوي... الحديد من النوع المجلفن ....لكن غالي لانه حالي ...
الذرب
05/02/2011, 04:00 PM
نصيحة خذ قلص الي فيه دفرنس افضل وامن ويتحمل وراسي وسعره فيه

ملاحظه تاكد من الدفرنس نه سليم ( الكرونه ) وخذ ضمان عليه

وطول القلص حسب طلبك اما العرض فلابد ان يكون اقل من عرض موترك

وبالتوفيق
عزوز 2005
05/02/2011, 04:46 PM
تتكلمون عن قلص داكسارا
وين يباع بالضبط
محمد أبو حمد
05/02/2011, 08:41 PM
حسب علمي فيه محل يبيعه وهو في طريق الدمام - خط الخدمة - قبل شارع جابر ووجهك شرق

وسمعت إن ساكو موزع له أيضا

تقبل تحياتي
الهديف
06/02/2011, 12:49 AM
الفرنسي داكسارا
محلة بطريق الدمام حي غرناطة وانت جاي من الدايري الشرقي متجة شمال
أدخل مع مخرج 8 متجة شرقى يجيك نفق خالد بن الوليد تعده من تحت أدخل
في الخدمة بعده على طول وأمش أول محطة خلها ثاني محطة خلها هو يجي تقريبا
قبل ثالث محطة على اليمين .............

خابر الموديلات المرغوبة عندهم مخلصة ومافيه الا غير المرغوب
ونصيحه أشتر منهم وأضمنه عندهم وأذا خرب شيء فية
لايردك الا محلهم
عمالتهم فلبينيه وشغل ممتاز

أنصحك بها النوع

http://www.up.albreah.com/uploads/images/Albreah-c383ec4cb1.jpg (http://www.albreah.com/vb)
http://www.up.albreah.com/uploads/images/Albreah-37ae49fbb8.jpg (http://www.albreah.com/vb)

أو



http://www.all-about-the-home.co.uk/ekmps/shops/squealypig/images/daxara-137-utility-trailer-918-p.jpg
الخادم
06/02/2011, 01:55 AM
ابعد عن التفصيل لانه ثقيل و كله حديد
عطارد
06/02/2011, 02:47 PM
انا عندي عربه قلص المونيوم تقنيه ومواد المانيه شريتها من عالم السيارات يفصل لك على الطلب ولا يحيد عن المواصفات والجوده قيمتها في ذاك الوقت 6500 ريال واضفت عليها بريك هيدرولك بـ 1500 ريال ورجل طياره بكفر بـ 750 ريال وساند في الجانب الايسر الخلفي وآخر في الجانب الايمن الخلفي بـ 300 ريال وخزان فايبر قلاس بأرضية العربه بأرتفاع 15 سم بتكلفة 1000 ريال بواسطه من مصنع ولدعمي وزيادة إرتفاع الجدران بشريحه المونيوم من نفس الشكل بسبب الخزان بتكلفه 1000 ريال يعني المجموع 11050 ريال بس بصراحه تسوى وشكلها اكشخ من السياره اللي تسحبها يعني عربه عمليه وما يفشلك شكلها.
صقر مبرقع
06/02/2011, 02:54 PM
ياليت احد يفيدنا عن افضل واجود محلات التفصيل واقلهم تكلفه
ابشر بسعدك
06/02/2011, 03:06 PM
:f
:lشوقتني اخوي عطارد اني اشوف اللي عندك حط صورها تكفى ولا عليك امر:good2::good2:
hightech
06/02/2011, 03:28 PM
×انا عندي قلص وهي سيارت سكودا اللي توصل طلبات شايل الغماره ومخلي الباقي بالبيبان والصراحه انها زينه وتشيل اغراضك ولا يدخلها الماء×

بس العذروب الوحيد انها ثقيله على السياره وحتى بدون سياره يالله تحركها مصعتني من ثقلها ومفكر اني اشيل النص الاعلى مع البيبان واخليها×

مكشوفه واحط لها طربال لان حتى شكلها حاليا مهوب رين وصايره اكبر من السياره اللي تسحبها وان شاء الله عندما تتم التحسينات ونجحت التجربه×

اصورها لكن لكن تعم الفاىده للجميع شاكر لك ياصحب الموضوع×
منتعش
07/02/2011, 09:50 AM
حي الله أخوي الغالي والمحب
لعل هذا الرابط يفيدك إن شاء الله .
عربات حلوه - يوجد صور - (http://www.mekshat.com/vb/showthread.php?t=38911)
والله يحفظك ويوفقك .