سؤال لأهل الخبرة وصقاقير ليبيا

[مولع الصيد]

السلام عليكم ورحمة الله وبركاته
سؤال لأهل الخبرة :
( ياليت اللي ما عنده خبر يمر ويعدي ومشكور مقدماً لا يقعد يقول فيه وهو ما يدري )

هل يوجد ماكر طيور حرار في ليبيا ؟
وإذا فيه ياليت صور ،،

لأن واحد اتصل علي قبل فتره يعرض طير حر للبيع يقول ماكره ليبي
قلت أول مره أسمع بالحر الليبي ،،،

واليوم قريت موضوع واحد يقول مضيع طير ليبي ( لكن ما حدد حر وإلا وكري )
إذا ليبيا فيها ماكر حرار نبي صور لحرار ليبيا .

وتقبلوا تقديري ،،،

[سان جورج]

بداية تحية طيبة وبعد ؛؛؛
لم اعرف ما تقصد ولكن ما فهمته هو هل هنالك صقور موطنها ليبيا وسوف اجيبك حسب خبرتى
بالنسبة للصقور لا توجد في ليبيا بل تمر بها اثناء فترة الهجرة الممتدة من 1-10 إلى 1-12 تقريباً من كل عام
اما بالنسبة للشواهين توجد هنالك بعض الشواهين الجبلية المستوطنة في ليبيا وتسمى لدينا بالشاهين العراقي
ومن الممكن ان يكون قصد الاخ بالصقر الليبي انه تم صيده في ليبيا
ارجوان اكون قد افدتك ولو بالقليل

والسلام عليكم ورحمة الله وبركاته

[مولع الصيد]

سان جورج
تشرفت بمروك الجميل وردك الرائع

والسؤال هنا : هل يوجد حرار مستوطنه في ليبيا ؟

وتقبل تقديري ،،،

[القناص الليبي]

لالالا زاي ماقلك اخوي من صقارابن صقار

[دعاس]

مولع الصيد
حياك الله وموضوع مهم مفيد’’واللي اعرفه ان مافي طير حر ماكره ليبي
والمعروف ان ليبيا حثلها مثل اي دوله يعبر فيها الحر والشاهين وبل يتواجد ويستوطن فيها الوكارى والجبليات بكثره والكثير من الصقاقير
ينسبون الطير الادهم اللي يرد بسواد ان ماكره(ليبي) والصحيح ان الادهم اللي يجي لون راسه ومنطحه وظهره وذنيباه ممسوحه ومافيها دق ابد ولو مقاسه 17*17 يسمى(وكري بحر) ويتصف بطول الساق والفخذ وتاتي كفه مايل لونها للبياض وتأتي دعوجه كثيفه والادهم موجود بايران وباكستان وروسيا وتركيا ’’والماكر هو من يتم به التزاوج والتكاثر وتبدء منه الهجره واي ماكر يوجد به الالوان من خضر الى اشقر واللي يقول على سبيل المثال ان ايران مافيها الا مغاتير فهو على غلط بل يوجد جميع الالوان.
مما ادى الى تسميته نسبه للطير الليبي’’اما المعروف ان ليبيا دولة عبور
مثلها مثل غيرها ويفيدونك اهل ليبيا.
وتقبل تحياتي

[مولع الصيد]

القناص الليبي
تشرفت بمرورك وردك

[مولع الصيد]

مولع الصيد
حياك الله وموضوع مهم مفيد’’واللي اعرفه ان مافي طير حر ماكره ليبي
والمعروف ان ليبيا حثلها مثل اي دوله يعبر فيها الحر والشاهين وبل يتواجد ويستوطن فيها الوكارى والجبليات بكثره والكثير من الصقاقير
ينسبون الطير الادهم اللي يرد بسواد ان ماكره(ليبي) والصحيح ان الادهم اللي يجي لون راسه ومنطحه وظهره وذنيباه ممسوحه ومافيها دق ابد ولو مقاسه 17*17 يسمى(وكري بحر) ويتصف بطول الساق والفخذ وتاتي كفه مايل لونها للبياض وتأتي دعوجه كثيفه والادهم موجود بايران وباكستان وروسيا وتركيا ’’والماكر هو من يتم به التزاوج والتكاثر وتبدء منه الهجره واي ماكر يوجد به الالوان من خضر الى اشقر واللي يقول على سبيل المثال ان ايران مافيها الا مغاتير فهو على غلط بل يوجد جميع الالوان.
مما ادى الى تسميته نسبه للطير الليبي’’اما المعروف ان ليبيا دولة عبور
مثلها مثل غيرها ويفيدونك اهل ليبيا.
وتقبل تحياتي

تسلم يابو نواف
هذا الكلام اللي ما بعده جدال
الله يكثر من أمثالك ويعافيك
وتقبل فائق تقديري ،،،

[القناص الليبي]

شكرا ياخوي موضوعك حلو:good2:

[مولع الصيد]

الأحلى مرورك يالغالي