مقطع (( جيب لاندكروز )) يمشي بنص الشعيب

[سلطان الوايلي]

السلام عليكم

عسى صباحكم رايق

وإن شاءالله صليتو الأستسقاء اليوم الله يقبل من الي صلى إن شاءالله ويتقبل دعواتهم ويرزقنا المطر

والله بها المقطع ما ادري امدح السواق (( ماشاءالله عليه )) والا امدح السيارة لكن انشهد انهم اثنينتهم فوق المدح يالربع

هذا المقطع واحكموا وعطوني رايكم

هذا المقطع (http://c.up.c-ar.net/2005/003b9.3gp)

[كشّات]

أبشرك صلينا وعسى الله يرحمنا من عنده ويجيب الغيث
مقطع حلو دعاية للاندكروز مجانية لو يدرون عنها خذوها بس السواق ذيب عارف ارضه ولا ما يخاطر بالطريقة هذي

[a.الخثلان]

تبي الحقيقة شغل خبال

لو خرب موتره ما أحد نفعه

والمفروض الواحد ما يغره التصفيق والتشجيع

لو الموتر قديم ودردعانة خذ وخل
لكن جديد الله لايحرمنا ركبة الجديد
والي مضيقة عليه دراهمه يشكر ويحمد الله

والي يزود الخبال معه حريم يعني لو وقف عليه الموتر كيف بيفرج الناس على محارمة ( تعالوا شيلوا - ولا انزلي يامرة في السيل )

[kty]

تبي الحقيقة شغل خبال

لو خرب موتره ما أحد نفعه

والمفروض الواحد ما يغره التصفيق والتشجيع

لو الموتر قديم ودردعانة خذ وخل
لكن جديد الله لايحرمنا ركبة الجديد
والي مضيقة عليه دراهمه يشكر ويحمد الله

والي يزود الخبال معه حريم يعني لو وقف عليه الموتر كيف بيفرج الناس على محارمة ( تعالوا شيلوا - ولا انزلي يامرة في السيل )

والله انك صادق الهبال مايبي غز بيارق :no2: :no2: :mad:

[سلطان الوايلي]

(( هلا وغلا اخوي كشات ))

الله يتقبل منكم صلاتكم ودعائكم اخوي , وانا ابي ارسل المقطع لشركة تويوتا يمكن يعطونوني جيب في اكس ار (( 2006)) هدية (( واحد يحلم ومصدق نفسه )) هههههههههههههههههههههههه .

والسواق انشهد انه ذيب
ومشكور لمرورك معنا ومشاركتك

[سلطان الوايلي]

(( اخواني الأعزاء ))

(( الزيتون ))
(( kty ))

هدووا هدووا اللعب ياشباب ما يسوى تزعلون

الرجال حر بدراهمه ويسوي الي يبي فيها انا نقلت لكم المقطع علشان تشوفون السيل

والحريم الي تقولون عليهن ترا ماهن حريم عيال صغار نفس الي طالعين مع الشباك

وشكراً للمشاركة معنا وصراحة لوكنت متوقع انكم راح تزعلون كان ما جبت المقطع

خلوووووو صدوركم شمالية يالربع

[a.الخثلان]

أو شيء يا سلطان شجرة الزيتون تنبت حول حوض البحر المتوسط ولم أختار اسمها كاسم مستخدم لي في هذا المنتدى

ثانيا أنت سألت عن راينا ونقولها بكل صراحة خبال ونص حتى لوه حر في ماله

وتبي الصراحة ما حنا مصفقين له

وأهل العقول في نعمة

وهذا الشيء ما يزعلنا منك لأنك تطلب الراي وحنا نقوله

ويالشمالي يا ولد وايل وسع صدرك علينا ترى كلامنا ما هو غلط واتوقع عين الصواب يعني قلنا مشكورين على حسن الراي والنصيحة


تمنياتي لك بالتوفيق

[الجرنـاس]

السلام عليكم ورحمة الله وبركاته
المقطع لايعمل
هل تم رفعه

[عقـــــــــاب]

السلام عليكم ورحمة الله وبركاته

ياشباب أنتم علامكم زعلتوا ؟؟

الأخ سلطان الوايـــــــــلي ترى ماسوى غلط كل اللي سواه انه بيض الله وجهه

نقل لنا مقطع فيديو ويبي راينا به

لكن انتم الله يهديكم قمتوا تقولون هذا خبال ونقاصه وماحد نافعه

كن اللي مطامر بالجيب أخونا سلطان

لكن مثل ماقال خلوا صدوركم شمـــــــــاليـــــــــه


تحياتي للجميع

وتسلم ياولد وايـــــل على هالمقطع وبصراحه شهادتي فيك وبأخوي يوسف عبدالله مجروحه

[مرصاد]

مشكور ابن عمي على المقطع ، بس توقعت أن يقطع سيل يمشي، ولكن اتضح انه يمشي في بحيرة (روضة) متجمع فيها السيل

أخوي ليتكم نصحتوه مايركب معاه ذا الاطفال لأنه خطر عليهم ، وصراحة كل شيء استحقره الا حاجتين السيل والبعير ماحد يؤمنهم

تحياتي،،،

[أبــوريـــان]

مشكور اخوي سلطان...مقظع جميل ...وعتقد انة في النبقية القريبة من بريدة ...لانه العام امتلت ماء

[عاشق الجوني]

الله يعطيك العافيه اخوي سلطان على هالمقطع الرائع وصراحه مغامره حلوه







اخوك/عاشق الجوني

[صايد الطير]

اشهد ان الجيب سياره ( ما شاء الله ) :redcar: بس العمل هذا فيه خطوره على السياره وصاحب السياره فأرجوا من الجميع البعد عن مثل هذه الحركات :no2: .

[بدر الجديد]

تهور +لامبالاه +عدم مسؤليه

[نقا هشال]

هلابك اخوي

بالفعل مقطع استعراضي ومخاطره لاداعي لها

يعني لو كان مظطر يقطع هالسيول وقاطعة عليه طريقه كان ماقلنا شي

لاكن استعراض لاداعي له بتاتاً

تحياتي

[سلطان الوايلي]

(( هلا وغلا اخوي الزيتون ))

ونعم والله بالاسم وراعي الاسم

والزعل لايطري في بالك اني ازعل عليك هذا رأيك اخوي وانت قلته بكل صراحة وتعجني صراحتك اخوي وانا والله ماصفق له علشان حركات استعراض او شي ثاني لكن صراحة اعجني قدرة السيارة (( الجيب )) وتكمن السواق من القيادة بهذا الشكل وصراحة يمكن لو واحد ثاني لو كانت السيارة جديده تلقاه ماقدر يتصرف بها الشكل

ومشكووووور على مرورك وسعة صدرك

[سلطان الوايلي]

(( هلا اخوي القرناس ))


المقطع شغال حاول مرة ثانية وعطني خبر

وشكراً لمرورك ومشاركتك معنا

[سلطان الوايلي]

(( هلا وغلا اخوي عقاب ))

اشكرك جزيل الشكر على الفزعة وإنشاءالله ما يزعلون علي الشباب ولو كنت عارف ان المقطع راح يضيق او يرفع ضغط بعض الشباب والله ما كنت نزلته

ومن قال يسلم اخوي (( عقاب )) وهذا نقطة في بحر مواضيعكم
والشكر موصول للأخ يوسف عبدالله

ومشكووووووور جزيل الشكر على مرورك معنا

[سلطان الوايلي]

(( هلا وغلا اخوي مرصاد ))

مشكووور على مرورك

انا والله ما اعرف السواق ولا اعرف المكان لأن المقطع وصلني على البريد

[سلطان الوايلي]

(( هلا وغلا اخوي أبو ريان ))

اشكرك جزيل الشكر لتواصلك الدائم معنا

والمكان والله انت ابخص فيه لأنه المقطع وصلني على البريد

وشكراًً لمشاركتك الطيبه

[سلطان الوايلي]

(( هلا غلا اخوي عاشق الجوني )))

الله يعايك اخوي , وشكراً لمرورك معنا

وعسى همتك طيبة وعلى حماسك الأول

[سلطان الوايلي]

(( هلا وغلا اخوي صايد الطير ))

وشكراً للتعليق والمشاركة الحلوة

والجيب هوالسيارة وان اخوك

[سلطان الوايلي]

(( هلا وغلا اخوي بدر الجديد ))

مشكوووور + يعطيك العفية + الله يبارك فيك

على مرورك ومشاركتك معنا

[سلطان الوايلي]

(( هلا وغلا اخوي نقا هشال ))

شكراً لمشاركتك المستمرة معنا

فيه مثل اخوي نقا يقول (( كلن بعقله راظي إلا بماله لا ))

يعني كل واحد معجبة عقله وتفكيره إلا المال لو كان عندة كنوز الأرض ما اقتنع , وهذا نفس الشي ينطبق على خوينا

وانا والله ما اعجبني فيه إلا تمكن من السواقه بهذا الشكل وهالعمق من الماء

[نقا هشال]

القصه مهيب قصة مال وانا اخوك

هذي مغامره وقد تؤدي لعواقب وخيمه

ولااظن ان هناك رجل عاقل يملك المال الوفير يقذف بنفسه الى المهالك كهذا..

هذي اقل مايقال عنها تصرفات صبيانيه

[سلطان الوايلي]

(( هلا وغلا اخوي نقا هشال ))

انا جبت طاري المال لأن كثير من الشباب يحتجون ويعلقون على الشخص هذا ان سيارته جديدة وان عنده فلوس ما يدري وين يوديها

وصدقت اخوي مغامرة خطرة جداً جداً

ومشكووووووور مرة أخرى على المشاركة

[صوت المطر]

هالمنظر مهب غريب علي أعتقد في روضة النبقية شمال شرق بريدة وهي تبعد 50 ك م تقريبا ..


السائق غامر وسلم لكن لو تعطل الجيب داخل البحيرة صار كان يا ماكان ..


ومشكووور سلطان على المقطع

[ذعذاع الهبايب]

مشكور أخوي " سلطان الوايلي " ........ على المقطع

تبي الصراحة اللي يسوق بايعها ....... وشلون الواحد يمشي بالشعيب وما يدري وش راح يصير وهو يمشي

لكن ما نقول الا الله المستعان

تحياتي

[احب البر]

انا ماانصح بنشر المقطع الا اذا حذفت منه الدعاية اللي في خاتمته لان فيه صور نساء متبرجات .. والله تعالى يقول ( ولا تعاونوا على الاثم والعدوان ) فلاتنشر شي قد يفتتن به غيرك فتبوء باثمه .


ورايي بصراحه ان السواق متهور شوي ويخاطر بحياته وحياة من معه .. وباين عليه يتهيض من التشجيع واجد .. الله يركده

[جال القلايل]

المقطع ماطلع معي ياسلطان

[سلطان الوايلي]

(( هلا اخوي صوت المطر ))

والمكان والله انتم ابخص فيه لأني ما ادري موقعه وين بالضبط

وياليت إذا عندك معلومات وصور عن ها لروضة تفيدنا فيها لأن شكلها والله كبير ماشاءالله تقول بحيرة

ومشكوووووور اخوي

[سلطان الوايلي]

(( هلا وغلا اخوي ذعذاع الهبايب ))

شكراً لمرورك اخوي ومشاركتك معانا

[(ابوسعد)]

:no2:






مووووب صاحي الولد



اكيد مادفع فيه ريال :D



يسلمو على المقطع

[سلطان الوايلي]

(( اخوي احب البر ))

يا اخي الدعاية الي تقول عليها ما تستغرق اجزاء من الثانية و يمديك حتى تشوف الحريم الي فيه وانا غلطان نزلت لكم ها لمقطع لوكنت عارف انه راح يزعلك كان ماجبته ولو اقدر احذفه كان حذفته هالحين

يا أخي يعني برأيك صرنا (( نتعاون على الاثم والعدوان )) بسبب هالمقطع
الله يسامحك بس

[سلطان الوايلي]

(( هلا وغلا اخوي الصلف ))

المقطع شغال ومافية شي حاول مرة ثانية

[سلطان الوايلي]

(( هلا وغلا اخوي أبو سعد ))

اكيد مادفع فيه ولا ريال والا ماسوى كذا الله يخليله دراهم الشايب الي تعب طول عمره وهو يجمعهن , والله يستر عليه إن شاءالله

ومشكووووور على المشاركة

[محمد المضياني]

مشكور يالوايلي ويعطيك العافيه

[القناص]

شكر لك اخي سلطان على اعطائنا الفرصه لمشاهدة هذه المغامره الفريده من نوعها

[نقا خريم]

اخوي سلطان المقطع ماطلع معي
مادري هل تم رفعه اولا

[سلطان الوايلي]

(( هلا وغلا اخوي غاز الهالون ))


الله يعافيك ويسلمك , وشكراً على المشاركة معانا

[سلطان الوايلي]

(( هلا وغلا اخوي غاز اخوي القناص ))


لا شكر على واجب اخوي وتسلم على المشاركة الحلوة

[سلطان الوايلي]

(( هلا اخوي نقا خريم ))

المقطع شغال بس لازم يكون فيه عندك برنامج تشغيل مقاطع الجوال

ومشكوووور على المرور والمشاركة