المساعد الشخصي الرقمي

مشاهدة النسخة كاملة : استفسار من اخواني الحداقة في المنتدى


ابو فيصل 511
06/02/2011, 09:35 AM
انا اخوكم من الكويت واحب الحداق والصيد البحري جدا جدا وابي اروح رحلة بحرية ومحتاج نصائح من اخواني اهل الخبرة اولا متردد في الماطق الي فيها صيد وفير هل هي املج او حقل او قيال او ينبع مع العلم ولا مره رحت هناك في البحر الاحمر بس انشاله اني معزم انا واثنين من الربع حنا نروح لعمان دايم ونستمتع بس اليوم نبي نجرب البحر الاحمر والاستفسار الثاني الجبيل هل الصيد طيب اهناك وحسن الجزر من ناحية الصيد واشكركم علي الرد علي ياجماعة الخير
أحبك يا بحر
06/02/2011, 04:48 PM
حياك يالله يا سمي الوالد :)
وان شاء الله تجوا بالسلامه وتحدقون في البحر الأحمر وترزقون بالخير والمتعه انشاء الكريم...

اخوي البحر الأحمر مليان خير وفيه ثاني أجمل حيد مرجاني في العالم إذا لم يكن الأول اذا حافظنا عليه
حتى المطارح والقطع اللي حول منطقة جدة فيها خير .. ولكن كلما اتجهت شمال او جنوب جدة ستذهل بالصيد في البحر الأحمر هذي تجربة لا تفوتها ... انا اتعلمت احدق في الخليج على شواطيء الدمام والخبر ولكن الصيد في البحر الأحمر مختلللف.... أتمنى أكون ساعدت ولو بالقليل... تحياااااتي
1بوخالد
06/02/2011, 07:25 PM
هلا فيك اخوي ابوفيصل وحياك الله في بلدك الثاني بين اخوانك من السعودية وإن شاء الله مايقصرون معاك الشباب. بس انا اللي شدني التالي:

حنا نروح لعمان دايم ونستمتع
دام انك راعي روحات لعمان وصيد ووناسه ليش تحرمنا من تقاريرك الطيبه والصور الحلوه علشان نروح حنا بعد ;).

تحياتي
أبوخالد
ابو فيصل 511
06/02/2011, 09:10 PM
مشكور جدا اخوي احبك يابحر يعني البحر الاحمر احسن وافر صيد من الجبيل تقريبا وزين اخوي احبك يابحر ما قلتلي افضل ينبع او املج او قيال او حقل والله يعطيك العافيه وخوي ابو خالد تبي تروح لعمان عزالله ابي افيدك وين تروح وفضل الاماكن ورقم صاحب طراد اهناك وين تسكن ولاكن تقرير عن صيد عمان وصور والله ما اعرف احط الصور في الانتر نت ولا عندي صور بس الصيد اهناك طيب بس ماقلتي ابو خالد انت شرايك في الاستفسار؟
accentkool
06/02/2011, 09:21 PM
انا انصحك تجرب البحر الاحمر وان شاء الله راح تعين خير
ابو فيصل 511
06/02/2011, 10:10 PM
الله يعطيكم العافية بس ما قلتلي من وجهة نظرك وين احسن في البحر الاحمر من حقل الى ينبع وشرايكم
ابو فيصل 511
06/02/2011, 10:17 PM
لا تتركونا يا اخوان مع العلم اخوي احبك يابحر ما قصر بس انا ودي افادة افضل تدرون راح اظرب مشوار 1400 كيلو ولازم اعرف كل شي قبل لا امشي ياجماعة منتظر الاجابة الشافيه والكافيه ياربعنا
Lows
06/02/2011, 10:19 PM
الشباب دايم يقولو ينبع عموما جنوب جدة او ينبع في مناطق كثيرة فيها صيد جيد
اتوقع ان الموضوع يعتمد على صاحب البوت :p
اتمنى اني اكون افدتك ولو بالقليل والمعذرة عالقصور ابو فيصل
السفريF15
06/02/2011, 10:57 PM
اذا تبي قيال وهذيك المحلات عليك بعضو عندنا اسمه وحيد الشيخ راح يفيدك وهو راعي بوت وخبير جداً ماشاء الله وانشاء الله رحله ممتعه .
قبقب مشعاب
07/02/2011, 01:49 AM
مرحبا اخوي بوفيصل
ونتشرف فيك طال عمرك في بلدك الثاني
والله انا في الشرقية والسمكه الي عندكم عندنا
بس انا انصحك انك تروح الغربيه والصيد فيها طيب من ناحية تنوع السمكه
وان شاءالله اهل الغربيه فيهم الخير والبركه وان شاءالله ماراح يقصرون معك
مع تحياتي لك بالتوفيق ولاخواني المكشاتيه
abwd66
07/02/2011, 02:41 AM
ياطول العمرر عندك مناطق كثيرره بالشمال وفيها خير كثيرر مقنا وقيال وراس الشيخ حميد كلها مناطق حلوه لصيد والغوص
أحبك يا بحر
07/02/2011, 10:21 AM
أخوي أبوفيصل...

انا على اني من سكان جدة بس واحنا نطلع يا من شمال جدة او من جنوب جدة وكلها الحمدلله فيها خير..

واذا تبي تطلع شمال برى جدة عندك:

ينبع-أملج- الوجه-حقل هذي تتجه شمالا من جده... لكن اذا بتجي بر من الكويت اتوقع في طرق اقصر عليك في المسافه... وفي مناطق ما اعرفها لكن زي ما ذكر أحد الأخوان نوخذة الشمال هو أبوفيصل سميك بعد يعني خلاص ما يحتاج والخير في الشمال ماشاء الله شي طيييييييب :) النوخذه وحيد الشيخ... وعلى اني ما اعرف الرجل بس صدقني اتواصل معاه من الحين ممكن و رتب معاه الرجل من خيرة رجال المنتدى ....

الخيار الثاني انك تنزل جنوب من جدة ابتداء من الليث وانت نازل جنوب وانا ما وصلت بعد الليث والخير هناك شي شي شي ما اقدر اوصفلك المنطقة بحد ذاتها جميله وعندك نوخذة الجنوب أبو هاجر عضو هنا وعلى اني لا أعرف الرجل ايضا لكنه من خيرة الرجال في المنتدى...

واذا قررت انك تطلع من جدة عطنا خبر وانشاء الله لك ترتيب خاص ولاتشيل اي هم شاء ...
كم مدة تواجدكم هنا اذا جيتوا ان شاء الله؟

تحياااتي
أحبك يا بحر
07/02/2011, 10:28 AM
مشكور جدا اخوي احبك يابحر يعني البحر الاحمر احسن وافر صيد من الجبيل تقريبا وزين اخوي احبك يابحر ما قلتلي افضل ينبع او املج او قيال او حقل والله يعطيك العافيه وخوي ابو خالد تبي تروح لعمان عزالله ابي افيدك وين تروح وفضل الاماكن ورقم صاحب طراد اهناك وين تسكن ولاكن تقرير عن صيد عمان وصور والله ما اعرف احط الصور في الانتر نت ولا عندي صور بس الصيد اهناك طيب بس ماقلتي ابو خالد انت شرايك في الاستفسار؟


أخوي ابو فيصل انت راعي حداق وتعرف انها ارزاق بس كل البحر الأحمر اوفر في الصيد من الخليج العربي لتنوع فصائل الأسماك علشان المرجان والأعماق وكل العوامل
انا ماني خبير وفي من هم اعلم مني بالبحر الأحمر في مكشات بس على خبرتي المتواضعه
وتجربتي الشخصيه يوجد اكثر من 6-7 انواع شعور اذا مو أكثر... هذا بس شعور وقيس على كذا :) وفالكم الناجل عاد لا جيتوا لازم تحدقون له وقريب ان شاء الله خلال الايام القليله القادمه بيكون ماشي الناجل يعني موسم :)
1بوخالد
07/02/2011, 12:25 PM
ابوفيصل
مثل ما انصحوك الأخوان في منطقه اسمها رأس الشيخ حميد عند واحد من الكباتن معانا في المنتدى يقال له وحيد الشيخ وحاط عرض بصراحه ما يتفوت واعتبره ببلاش تلاقيه على هالرابط:
http://www.mekshat.com/vb/showthread.php?t=292194
واتمنى لك قضاء وقت سعيد بس الأهم لا تنسى توثق وتصور رحلاتك ومن ناحية تحميل الصور لا تشيل همها موضوعها بسيط عن طريق هالرابط:
http://www.mekshat.com/vb/showthread.php?t=69652

تحياتي
أبوخالد
ابو فيصل 511
07/02/2011, 01:50 PM
مشكور جدا احبك يابحر وبو خالد وقبقب مشعاب وشباب كلهم ماقصرتو وانشالة ساعتوني وكفيتو وفيتو