المساعد الشخصي الرقمي

مشاهدة النسخة كاملة : شباب فله وسولفت معهم وبعدها شوفوا وش الي حصل بعد السواليف


برق القنفذة
06/02/2011, 11:53 PM
روحت الدوايا شمال المظيلف عند العزبة حقة الغنم وجلست من العصر لين العشاء وكنت بأمشي الا وسيارة وقفت عندي جيب شاص فيه 2 من الشباب وكان معي الاب توب حقي وبقيت أحطة فالسيارة لكن جوني هالشباب وجلسنا نسولف قالوا حنا معانا عزبة وراكم جهزناها اليوم وصرنا جيرانكم قلت حياكم الله ونسيت ما أجيب القهوة لأنهم جوني وهم يضحكون يقولون حصلت لنا قصة وقالو لي القصة وهم واقفين والقصة مافهمتها ضحكت مععاهم مجاملة المهم روحت أجيب ثلاجة القهوة من الخيمة وكنت أغسل بالفناجين وخرجت بأقدم القهوة الا والشاص مو موجود قلت للسوداني وين راحو قالي يقولون بيجيبون عشا قلت أفا حنا بنعشيهم هذولا ضيوفنا قال حلفو مرة انهم يجيبونة المهم يوم ناظرت الا والاب توب مو موجود قلت للسوداني وين جهازي قال ما أدري أثاريهم سرقوة حسبي الله عليهم
الجهاز تو شيبا سعة 4جيجا لونة أسود من يجدة يبلغ الجهات المختصة :Dأنا
wafi4sa
07/02/2011, 12:17 AM
الله يخلف عليك
شمالي عنيد
07/02/2011, 12:27 AM
شغل وراهم والحقهم هههههه
معوض خير ان شاء الله.
ساكن الوادي
07/02/2011, 05:02 PM
الله لا يبلانا هذولا أهل غدر

رجال يامنكم في محله ويضيفكم وتسرقونه ياللعار

الله يعوضك خير منه إن شاء الله

ولا تحزن على اللابتوب.. سيأتونك يوم القيامة على الصراط وهو صاغرون
الصارم 444
07/02/2011, 11:05 PM
سبحان الله

تقلطهم للقهوة ويسرقونك

الصراحة صارت الدنيا هالايام تخوووووووووووووف
وارد منصور
08/02/2011, 01:27 AM
الحي يحييك والميت يزيدك غبن
alwssam6
08/02/2011, 01:40 AM
هذول انذال الله يكفينا شرهم
طايش 06
08/02/2011, 01:47 AM
الله يعوٌض عليك بأخير منه
وترى لو تحلله وتعتبره صدقه أزين لك
وياخي ترى مشكلتنا على طول نأمن لغيرنا حتى لو كان واحد أجنبي
ما بالك إذا صار واحد من ديرتك
لاكن الله يكون بالعون والحياة دروس
برق القنفذة
08/02/2011, 09:41 AM
الله يعوٌض عليك بأخير منه
وترى لو تحلله وتعتبره صدقه أزين لك
وياخي ترى مشكلتنا على طول نأمن لغيرنا حتى لو كان واحد أجنبي
ما بالك إذا صار واحد من ديرتك
لاكن الله يكون بالعون والحياة دروس
المشكلة انهم كبار عمارهم تقريبا بين25 وال29 وتعرف عندنا عيب يجيك الضيف وما تفضلة وتكرمه
ريم البراري
08/02/2011, 09:44 AM
اللي ماتعرفه لاتثق فيه ابدا
مااقول خونه لكن كن حذر

الله يخلف عليك
ابن بااارود
08/02/2011, 09:47 AM
قل حسبي الله ونعم الوكيل
خوي الريح
08/02/2011, 09:55 AM
الله يعوض عليك
ابو اسامه 2
08/02/2011, 10:23 PM
الله يصلح الحال

ويعوضك خير
عبار درب
11/02/2011, 09:15 AM
اولا الله يعوضك و يرد لك حلالك
ثانيا نصيحة لوجه الله بلغ عنهم هالنوعية لا تامن جانبهم يعودون مره ثانية بنية السرق
فتى الاسلام1
11/02/2011, 09:30 AM
لاحول ولاقوة الا بالله

هالاشكال والله انها تقطع المعروف
بين الرجال وتخلي الواحد ماياثق باحد

لان المثل يقول من قرصه الداب ذل من الحبل

الله يعوضك خير وزين انها جت باكمبيوتر ولاجت باكبر منه

تحياتي لك
ملوااح
11/02/2011, 09:34 AM
هذول سبب قلة النخوه ذي الايام سار الواحد يخاف يسوي خير في الناس الله يعوضك اخوي
برق السيل
12/02/2011, 12:09 AM
لأنهم جوني وهم يضحكون يقولون حصلت لنا قصة وقالو لي القصة وهم واقفين والقصة مافهمتها ضحكت مععاهم مجاملة

الجواب واضح من عنوانه وانت ذكرته في كلامك مافيه ضيف ما تعرفه ويجيك وهو يضحك ويترنح من الضحك

ياخواني النصابين كثروا وعيال الحرام ما خلو لاعيال الحلال شي


والله يعوضك وان شاء الله ربي يكرمك افضل منه

وعليك الانتبار في المرات القادمه وخلك فطين ياذيب

ولك ودي واحترامي
Ra3e aljeep
12/02/2011, 12:29 AM
انا اقول لكم جميعـــاً يا اخوه
لا تكرهوا شيء
وهذا انا اراه من الخير
قد يتعجب البعض
ولكن إذا عرفت السبب يبطل العجب
والسبب في قولي لعله خير لك هو
أن هذا الشيء الذي سرق منك هو في الاصل ادخر لك يوم القيامة حسنات
تتمنى من ابنك يوم القيامة حسنة فيقول لك نفسي نفسي
ولكن قد تكون في اضيق الامور وتبحث عن حسنة فتجد هذا الشيء الذي سرق منك
يكون لك حسنات تؤخذ من السارق وإن لم يكن له حسنات اخذ من سيأتك وكبت عليه ثم يكب في النار
فالحمد لله يا اخوه إذا كان المبلغ او الشيء سرق منك فلا تتحسر عليه بل احتسبه عند الله
وفقني الله وإياكم لما يحب ويرضى
ابن الاصيل
15/02/2011, 02:46 PM
اعوذ بالله يخوي هذولا ديربالك منهم يمكن يرجعون يصرقون عزبتكم
صقر الغربية
15/02/2011, 11:33 PM
الله يعوضك اخوي المهم ما جميع الاخوان اصحاب البران والكشتات ممكن تكون طريقة

جديدة فى السرقة انتبهو واذا جاكم واحد ما تعرفونة اقل شي تحفظون وجههم ورقم لوحة السياراة

اشوي سرقو اللابتوب ولا سرقو السياراة وانت فى البر حوسة
بريداوي اصليm
19/02/2011, 03:31 AM
الله يخلف على أمن جاابتهم
رايح تجيب قهوه وتقلطهم ويسرقونك أوووف وين الرجوله
هذولا حمير ميه \بالميه
الله يعوضك يابعدي
YUKON_GMC
20/02/2011, 07:30 PM
المال السائب يعلم السرقه

يمكن طفارا ويوم جوك ماكانت نيتهم السرقه - لكن يوم شافوك غبت واللابتوب قدامهم وسوس لهم الشيطان ! وسرقوك ..

وانتبه على شويهاتك وطلياتك لاتلحق اللابتوب ترى فيه ناس حراميه ومجرمين ولاتغتر من الشكل

احيانا الشكل يوحي لك بالخير وهو مجرم أتتال اوتلا على قولة المصريين