المساعد الشخصي الرقمي

مشاهدة النسخة كاملة : باركولي يالربع ترى والحمد الله اليوم بديت مشواري في الصقارة 7-2-2011 لاكن عندي مشكلة


الجنيدي 123
07/02/2011, 09:20 PM
نحمد الله حمدا كثير على نعمتة

اليوم يا الربع ترى بديت مشواري بالصقارة بطير الله يسرة لي طير تبع جير فرخ و الطير معلم على التلواح و الكراوين وانا ان شاء الله بصيد به من الحباري الكثير ولاكن الطير يوم افك برقعة ويشوف ايدي جاية صوبة يحاول يعضها وش هو الحل ؟؟؟؟؟؟


ياليت تفيدوني يالربع

ولا تحرموني من داعويكم
$$_ القناص _$$
07/02/2011, 09:23 PM
اخي الجنيدي الف مبروك على الطير

وهذه مو مشكله خله ياخذ عليك ومع التدريب إن شاء الله بيكون لك افضل صديق
abo jaara
07/02/2011, 09:24 PM
الطير مو مدهل
حاول تنقله على يدك اغلب الوقت وشربه موية
ولم يكافخ ويعض رش عليه موية برشاش الموية حق الحلاق وبرقعه
ولم تلبسه البرقع بسهولة مو تلبسه غصب عشان ما يتنكر
الاكتروني
07/02/2011, 10:13 PM
علفه على التكايه عوده عليها على شان يركد الله يباركلك فيه والله يعينك على الخساير
دعاس
07/02/2011, 10:35 PM
حياك الله’’والف مبروك الطير’’والله يطرح به البركه’’والافظل اتباع الاتي:ـ
1/حاول تنقله باستمرار بدس مربوط فيه مربط صغير بدون وكر
2/عند النقل حاول اذا جاك احد يمشي انك تبرقعه وتنسره وتعوده على صوتك.
3/اكيد الطير بالبدايه يخاف من اليد وامسح على وجهه بالبرقع وعطه العلف من يدك وحط له علف بالبرقع حتى يوالف البرقع
حاول تمسح على وجه الطير بهدوء وعدم اخافته وعدم سحب يدك بطريقه سريعه حاول اذا نزل راسه لعظك انك تدزه براحة كفك
4/اذا ما فاد معه هالطرق خل بيدك نصف قطعة بصل ومجرد مايذوقها يخف عضه بس جود سبوقه لايضربك بيده.
5/خل مرش الماء عندك وقبل تمسح وجهه رش راسه بالماء
وان شاء الله راح يفيد معه
واغلب الجيرات تخاف من اليد وان شاء الله اني فدتك
ولا قصور في باقي الاخوان
زاد المعاد
07/02/2011, 10:48 PM
مبررروووك عليك وعساها معينه على رضا الله ==والحل الطير مازال غني قلل العلف لين يصيح صيحة الولف بعدين يحب يدك ويتمنى شوفتها
ابن الاصيل
07/02/2011, 11:05 PM
مبررررررررررروك اخوي وهاذا عادي ماوالفك الطير
أبوفرحان
08/02/2011, 12:47 AM
اتبع تعليمات الاخوان والاخ دعاس وان شاء الله راح يوالفك
الجنيدي 123
08/02/2011, 05:19 PM
الله يبارك فيكم و ان شاء الله تفيد نصايحكم
طبيب المواتر
08/02/2011, 05:51 PM
الله يبارك لك فيه ويفكك من شره
وكري حرار
10/02/2011, 12:16 AM
اخوي الجنيدي الطير عباله ان انت خايف منه وهو يحس واذا فتح ظبته مره ثانيه لا تخاف حط يدك عليها ومسكها بشده وكرر الحركه 5 مرات كل يوم وهاذي حلفه مر ثانيه مايفتح ظبته





اخواني الصقاقير اسمحولي الي مب فاهم كلمه ظبته يعني منقاره



واسمحولي ع الاقصور
صقرالعوسي
10/02/2011, 01:28 AM
الف مبروك والله يطرح فيه الخير والبركة
وتاكل وتشبع من صيده
افادوك الاخوان ما قصرو ما شاء الله
انت يالغالي صقار مبتدء وشكلك خايف من الطير اكثر ماهو خايف منك
لكن يوم تخليه على جفك وتنظرلوه نظرة احترام وتتعلق في صحبته
تهون عليك عضته بيومها تحسها بالسم للجراح
تقبل تحياتي اخوي العزيز