أريد حلا لمشكلتي

[الفرائضي]

يا شباب عندي مشكلة بالإكسنت موديل 2006 الشكل الجديد
يضيء مصباح مكون من ثلاث أحرفEPS فينتج من ذلك أن يثقل المقود وإذا أطفأت السيارة ثم شغلتها تعود الأوضاع سليمة وقد تكررت هذه معي حتى أصبحت أدق السلف ولكن لا تشتغل فلما ذهبت للوكالة قالوا أن الكمبيوتر متعطل ويجب تغييره ويكلف 4000 تقريبا فذهبت إلى أحد الورش فأصلحها لي ب1200ريال والأن بدأت الأحرف تظهر مرة أخرى فمن كان يعرف لها حلا قبل أن يقع الفأس على الرأس مرة أخرى أو يعلم أحدا حدثت له مثل هذه المشكلة فلا يبخل علينا


فائدة:EPS بالكتلوج تعني:مصباح تحذير التوجيه الآلي الكهربائي(إذا كان مركبا)

[الفرائضي]

ألا يوجد أحد يفزع لنا

[الا سير]

دور لك كميوتر من التشاليح

[ولد الديره 2]

على حسب ماكن يصيرلي اول في سيارتي البليزر اول تبد السياره تلخبط معي في الكهرباء اقوم وافصل البطاريه نهائي من السياره مدة اربع ساعات وبعد كذا تظبط معي
كان موديل البليزر 96 اما الإكسنت لاعرف اذا تظبط
:good: معك جرب ولتجربه خير برهان

[ملك الفكتوريا]

طيب يالغالي وش اللي صلحوه



أكيد فصلوا البطارية ورجعوا شبكوها وبكذا راحت المشكلة ورجعت





نصيحتي تغيير الكمبيوتر خله آخر الحلول




اول شئ نظام التحكم عندك كهربائي



شف يمكن فيوز خربان وبدأ يستهبل أو سلك منقطع او مجروح ويصير التماس وترى عادي تصير




وأنا أنصحك بإول حل تفصل البطارية وتشبكها اذا راحت المشكلة فهذي برمجه وانساها ( لكن اذا الورشة اللي اخذت1200 فصلوا البطارية ورجعت المشكلة )




ارجع للفيوز وغير التعبان وافحص كمبيوتر وشوف الاسلاك



اذا كل شئ تمام لحد الان


غير البطارية لإن سعرها ما يتجاوز300 ريال ولا هي شئ جنب 4000


واخر الحلول تغير الكمبيوتر




وتراني ماني خبير بالكوري لكن اطقطق شوي لانها سيارة اخوي وعارف بعض مشاكلها









وترى فيه روابط للاكسنت بالانترنت عطهم المشكلة وان شاء الله يلقون الحل




وترى الكمبيوتر اذا خرب السيارة مو بس تلوع اللمبة



تشتغل وتطفي بلالحالها وتولع اللمبات وتظرب بوري


تصير حفله تقل مسكونه








* وترى بالفورد اذا صار فيه ثقل بالدكرسون يغير شداد السير ويضبط *


مجرد معلومه ومو مشكلة تشيك عليها اذا فيه شداد سير

[الفرائضي]

ما قصرتو بس التصليح كان بالكمبيوتر
ومسألة البطارية جربت وفصلته اسبوع بس ما فاد
وقيل لي أنه قد يكون التماس أو الفيوز بس الفيوزات شفته كله ماشفت ولا واحد خربان وبنسبه للإلتماس كيف أعرف

[الفرائضي]

وللفائدة أول ما طلعته من الوكالة (يوم شريته)باسبوع ركبت له ريموت وجلست فترة عاد بدت تفتح من نفسه
فاظطريت لفصل سلك الجهاز وإلى الأن موجود وأنا أشك بأنه هو السبب بس كيف أتأكد؟؟؟