فزعتكم ياربع

[هاوي طيور]

السلام عليكم ورحمه الله وبركاته

الربع عندي جير حر فرخ ومعلم عالتلواح وطير صايد عند اهله الاولين ونا شريته من فتره بسيطه

جربت الطير عالتلواح وياه .. بس انا يوم ادعى الطير ادعاه واربط فالسبوق خيط عشان لا يشرد الطير

شفت هالفيديو وراسي افتر

http://www.youtube.com/watch?v=aUX3CjjiQRE&feature=related

ما شاء الله عالطير وع راعيه الله يباركله ان شاء الله

ياريت تفيدوني فالموضوع .. يعني مرات يوم الوح للطير ايي ويوم اشل التلواح عنه عشان ايي المره الثانيه احسه يحاول يشرد بس الخيط يرده .. وارد الوح ويرد الطير ايي عالتلواح

افيدوني كيف اعلم الطير بهاي الطريقه وياليت تعلموني بالتفصيل متى الطير يكون جاهز بدون خيط

2 . عندي جير شاهين مايا عالتلواح بس طير صايد ع كلام اهله ايضا

جربته على حمام وايضا بالخيط وياها بس المره الثانيه ما طاع اييها ابدا ويحاول يشرد .. ومرات يوم اعطيه الحمامه يمسكها ويذبحها ويتم قاعد يطالعها .. فياريت تفيديوني عن طرق التدريب وهالامور .. ادري الموسم خلص وراح بس ودي اتعلم عندي طيور وعلومها طيبه واخاف اخربها ..

3. بالنسبه للعشى وين احسن اعشيها عالوكر ولا عاليد (الدس)

4. واخيرا كيف اقدر امسح صدر الطير واخليه هدي .. انا كل ما احاول امسح عليهن يعضن او يحاولن الطيران

اخوكم من الامارات اتمنى تفيدوني ياربع

[(هزاع)]

قو قلبك وهد وانا اخوك واستااااااااااااااااااانس

[هاوي طيور]

الله يطول عمرك يا هزاع ولله الطيور راحات قلبي وانسجامي ومايهونن علي ابد

لكن بعد تنقصني الخبره وننتضر رد الشباب