كيف تنصب خيمة السنيدي النصف برميل

[طلحة]

السلام عليكم ورحمة الله وبركاته
اشتريت خيمة على شكل نصف برميل من عند السنيدي. قلت سأجرب نصبها في حوش البيت قبل طلوعي بها للبر
ووالله يا أخوان جلست أكثر من ساعة أحاول أدخل العمود في مساره بالخيمة وأحاول أدخل المسمار في طرف العمود حتى انقطع ظهري
ما أهي أسرع وأريح طريقة لنصب مثل هذا النوع من الخيام
وشكرا لكم

[ابومرتاح]

لازم يكون معك اثنين.....تركب القصبات كاملة وتمشيها في المسار.....وتثنيها وشخص يمسك الطرف الثاني وشخص يمشي القماش.....هذا على حد علمي المتواضع..........

[sharp]

الخيمة زينة... بس هذا عيبها... يبغالها أثنين علشان تركب! و ياليتها تركب بسهوله!

[طلحة]

إي والله هذي المشكلة يعني لازم 3 أشخاص عشان تقوم هالخيمة من وين اجيب لي 2 وأنا في البر؟
شكلي غلطت يوم اني شريتها.

[اسيزو 4x4]

والمشكلة الأكبر كيف تفكها وكيف تطلع العمود من المسار انا متعذب منها ولكنها أهون من الخيمة الكبيرة أم عمود ....

الله يعين كل من يملك خيمة النصف برميل ....

[كليجا]

والله انك صادق .. مير أنت على الأقل قعدت ساعة وبعدين ركبتها ... أنا قعدت ساعة ومع ذلك ماقدرت أركبها !!!!
والله تصدق إني كل ماقعدت مع شباب من الزملاء أعرضها عليهم ياخذونها هديه علشان أفتك منها ماخذتن محل بالمستودع بدون فايدة لكن محد بغاها ... ياسفاب الدراهم عليها ماتسوى ولا قعدتها بالمستودع ...

[طلحة]

صدقت والله يا اسيزو 4×4 صعوبة فكها لا تقل عن صعوبة نصبها، إن سحبت العمود تبي تطلعه من المسار إنفك وان دفيته من الجهة الثانية دخل في المسار وما قدرت تمسكه
وأزيدكم من الشعر بيت: وأنا أحاول أنصبها لأول مرة انشلخ واحد من العواميد

[العريق]

السلام عليكم ورحمة الله وبركاته
الصراحه أنا نصبت الخيمة بنفسي فيها صعوبه لاكن فيه طريقه اعتقد انها اسهل
اولا ابدأ بالعمود الي ف النصف
و الطريقة الاسهل ف ادخال العمود , ادخل رأس العمود و جمع القماش عليه ف المقدمه و اسحبه من بداية الفتحه و العمود بيدخل تلقائي

و ف الهدام لاتسحب العمود .... ادفع

[بركان]

الخيمة ليست عملية
ولا تصلح للعجل او قليل الحلم مثلي.نصبها يأخذ الكثير من الوقت.
شكلها يوحي بانها سريعة النصب ( والاحتيال!!! هههه) ولكن الواقع غير ذلك.
انا لدي واحدة نصبتها مره العام الماضي ثم اصدرت قرار فوري باحالتها الى التقاعد المبكر.

[مشغول]

والله يا اخوان احس انكم غاليتوا في صعوبة تركيب والخيمة وفكها

المسألة اسهل من هذا كله

انا اعتقد اني اقدر اركبها بالحالي

اولا : ثبت القاعدة في المكان الذي تريد
ثانيا دخل العامود في المسار حاول ان يتجمع القماش في وسط العامود وبعدين ثبت الطرفين في الارض ووازن في القماش
ثالثا ادخل العامود الثاني والثالث
والحمد لله انتهينا

[الاستراتيجي]

والله يا اخوان احس انكم غاليتوا في صعوبة تركيب والخيمة وفكها

المسألة اسهل من هذا كله

انا اعتقد اني اقدر اركبها بالحالي

اولا : ثبت القاعدة في المكان الذي تريد
ثانيا دخل العامود في المسار حاول ان يتجمع القماش في وسط العامود وبعدين ثبت الطرفين في الارض ووازن في القماش
ثالثا ادخل العامود الثاني والثالث
والحمد لله انتهينا
كما قال الاخ مشغول

[طلحة]

الاخوان مشغول والاستراتيجي:
جميع محاولاتي كانت من دون تثبيت قاعدة الخيمة في الأرض بالأطناب.
هل تعتقد أن البدء بتثبيت جميع الحلقات الست في الأرض بالأطناب سيسهل إدخل القماش في الأعمدة؟

الأخ العريق:
عند هدم الخيمة، كيف أدفع العمود وطرفه داخل القماش؟
وش الحكمة من البدء بالعمود اللي في المنتصف؟

[مشغول]

هلا اخوي طلحة

نعم هذا ما اعتقده ... تثبيت قاعدة الخيمة اولا .. وهذا ما افعله دائما !!

[llvxrll]

عندي إقتراح يمكن يريح الشباب في تركيب الخيمه وهوطريقة تركيب الهيكل أولأ وتركب الخيمه بالهيكل عن طريق التربيط .لا تواخذونا ماهي إلا فكره .

[sharp]

طلحة... ترى خويك شلخ العمود مثلك يوم جيت أفكها...:d

[ع.ف.الدرويش]

مشكلة الخيام اللي يوفرها السنيدي وغيره مثل الرماية غرضها ترويج تجاري لا أقل ولا أكثر وإنس مسألة إنها عملية مرة مرتين وينكسر من هنا شئ وينشق من هناك شئ
إشتريت رواق ولا أحلى منه بهاك الحسبة من الرماية لا وبشنطة وأعمدة تتصفط ومثبته بالداخل وحركاااات دلع ولا ياخذ مساحة في السيارة
عقب 3 مرات إستخدام واحد من الاعمدة ثبتته بقوة زايده على القماش فانشق القماش والعمود خرب وليته إنفك وليت هالخراب يترقع.. من عقب كذا مالي إلا هاللي بالسوق أعمدة كاملة لحال والرواق لحاله
وإن كنت بتسمعها مني بلا خيمة بلا هم الواحد ما طلع للبر علشان يركب ويفك طالع يوسع صدره
وسعه الصدر من عناصرها النومه تحت هالسماء صحو كانت وإلا مطر لذلك أنصحك بفراش قوي ومبطن ببطانيتن سنعات وخلاص

والله يعين

[طلحة]

شكرا لكل من ساهم في الموضوع وأفادنا بتجربته