قراقيــر

[ابوميدار]

الــسلام عليــكم

كيفكم ياالمكشاتيه

ودي اعرف افضـل طريـقة للقراقيـر وايش احط بداخل القراقير علشـان يكون الصـيد ممتاز
انا بطلع للجبيـل ( رأس بوعلى ) انشاء الله
وبجرب الصيد بالقرقور
وابي نصيــحتــكم

فزعتكم يالحداقيـــــن

[ra3ibox]

صبحك الله بالخير

احسن شي للقرقور انك تخبيه في مكان سنع ما احد يشوفه لأن انسرقت لي 8 قراقير
وقبل ما تنسرق القراقير انسرق الصيد اللي فيها

بس كانت ما شاء الله تنتج خير ولله الحمد

اغلب الطعم اللي كان موجود هو خبز وصامولي مكنوز في كيس ومخرم الكيس حتى يطلع الخبز تشريب
بس خله اقلها يومين وطالع
والله يوفقك ويرزقك من واسع فضله

[iskndar91]

المشكلة ياخوي السرقة ... لكن القراقير فيها خير اذا حطيتها في مكان صح وبالتوفيق انشاء الله

[Makaveli]

والله أنا شفت برنامج أمريكي يصيد أبومقصات من أعماق المحيطات
وكان يحة قطعة سمكة كبيرة مقطوعة اللحم يعني قطح لحمها فيليه وخلى المخلفات محشورة في علبة صغيرة في منتصف القرقور ورماها وطلع أشياء خطيرة من الصناديق إللي بعدها

وفي موقع أمريكي , واحد يحط صدور دجاج وأبومقص يحب الدجاج

وبالتوفيق

لقيت هاذي


http://www4.ncsu.edu/~dbeggles/education/synergy/graphics/Bimages/ccrbpot.jpgFigure 5. Picture of a crab pot used to catch blue crabs.

A crab smells the bait and circles the pot, entering through one of the throats.
Once inside and unable to reach the bait, the crab feels trapped and threatened. A crab instinctively swims up towards the surface to escape, but winds up inside the parlor.
It remains in the parlor until removed through a special opening along one of the top edges.

Two small exit holes up high in the parlor called "cull rings" let small crabs escape

[ابو محمد1425]

بالتوفيق لك اخي
وصراحة ما قد جربتها ولكن اعجبتني فكرتها
وما يقصرون معك الشباب
وبعد اذنك عندي كم استفسار
كم اسعار القراقير بالتفصيل ؟
يعني الصغير والمتوسط والكبير ؟
وكم العمق المناسب له ؟
وهل تفضل الاماكن الصخريه له او الرملية ؟
وهل يمكن احطه من على الشاطئ ؟ يعني على عمق 1.5 - 2 متر بالكثير ؟
واتمنى لك التوفيق

[White_Shark]

بالنسبة للقراقير أخوي , يعتمد نوع الطعم على نوع السمك اللي تبغى تصيده :

- يعني إن كانك تبغى تصيد خثاق .. فيه ناس تحط قرقور فاضي بس أهم شيء يكون جديد ولمّاع ( مو مصدّي ) .. وفيه ناس تحط روس جموم ( جمع جم ) لأنه رخيص يشترونه من شركة في الدمام .
- وفيه ناس تحط قبقب للهامور .
- وفيه ناس تحط خبز للعربي .

هذا ما أعرفه .

[وليد الغربة]

بارك الله فيك اخوي

راجع هذا الرابط

http://www.mekshat.com/vb/showthread.php?t=371697

http://www.mekshat.com/vb/showthread.php?t=341889

[hassan jasem]

اخى العزيز افضل شى للقرقور هو المالح والقبقب للهوامير والخبز لشعرى والجش والثوم والعشب لصافى واهم شى المكان وفتحة القرقور وطريقة الرمى واتجاة فتحة القرقور مع تيارات البحر

[accentkool]

احسن شي انك تخلي الطعم مشكل
وتحط القرقور بمكان مخبور