الفزعة

[راعي العوجاء]

السلام عليكم ورحمة الله وبركاته

اخواني الصقارين

انا رجال احب الصقور والمقناص لاكن للاسف وقتي ما يسمح لي بممارسة هذه الهواية لاكن في الشتى اذا جاء وقت الكشتات والتخييم اشتري لي وكري واطلع فيه استانس على شوفته وتعشيته وتدهيله واذا صادفت حمام اهده عليه لاكن بعد ما ارجع من البر ما عندي مكان احطه فيه وكثير من محلات الطيور يطلبون مبلغ اكثر من قيمة الطير علشان يخلونه عندهم ويقرنسونه واضطر ابيعه او اهده فياليت لو عندكم حل خاصة انه حسب ما اعرف انه قرنسة الطير يبي لها مكان نظيف وبارد يعني ما اقدر اخليه في السطح او الحديقة

[مجنون الحبارى]

بسم الله الرحمن الرحيم
هههههههه الباين عليك اخوى راعى العوجاء مولع ولع شديد بشيلان الطيور بس صدقنى يا اخوى بعد ما يتنهى موسم المقناص والله العظيم الطيور يبيلهن امعناء وواحد مهتم بيهن ليل نهار اراقبهن ويتمعن فى ريش الطيور واصابعه ومنقاره ويتكلم هو واياه لا ن والله العضيم بحسب اعتقادى ان هالمخلوق هدا مختلف عن جميع الحيوانات الاخرى او لازم اتحط فى بالك تعرف مزاجه وانا انصحك لو انت مش قادر تهتم به او انت مش فاضى وقت الربط فلا تظلم الطير واحسن شى تطلقه طيب ليه يا اخى ما اتشوف واحد صديقك اتحطه عنده وتشاركت فى ماكلته وتطل عليه من وقت لحين لانك لو اهملته فهدا ضلم للطير ولو انك بتفضى نفسك للاعتناء بيهن طيلة موسم الربط فخدلك حجره مكيفه فى البيت زى انا واربطهن وانت الوحيد اللى اتعشيهن لانك انت راعى الطير المشكله هيا انى انا فى اشياء باقولك عليهن بس ما عرفت لانى انا ليبى وانت خليجى بس ربى اعينك ان شاء الله وننتظر مشاركة باقى الاعظاء
استغفر الله العضيم واتوب اليه

[**فتى نجد**]

مرحبا اخوي راعي العوجاء
انا عندي لك اقتراااح
اذا كان عندك غرفه فاضيه بالبيت حطه فيها اذا كان فيها تكييف
او حط طيرك بالملحق او
ابن له غرفه صغيره بالسطح وحط فيها مكيف00
ارجو ان اكون قد افدتك

اخوك المحب حـــــر الجــــزيـــره

[راعي العوجاء]

الف شكر للردود

بالنسبة للغرفة ممكن بس المشكلة انا مني متواجد بشكل دايم والحارس الي عندي مصري فلاح ماله في هذي الامور

انا كان ودي اذا في محلات او مراكز الواحد يحط فيها الطير ويعتنون له فيها بسعر معقول لاني بصراحة اعشق هذا المخلوق بشكل خيالي ولا ودي يفارقني وكل ما شريت طير وتولعت فيه اضطر في اخر الربيع اني اطلقه اوابيعه بسعر رخيص

[ابو سلمان]

الله يوفقك اخوي راعي العوجاء

على العموم في نهاية كل موسم للطيور

تجد اغلب محلات الصقور وفي السوق نفسه وبين الصقارين

دعايات مختلفه للقرنسة ( المقيظ )
وتختلف الاسعار من 2000 الى 3000

ولك الخيار او حطه عند الفلاح وانت حظك :D

او اشتراه باول الوسم ووسع صدرك معه وبعه اخر الوقت :cool:

[راعي العوجاء]

ابوسلمان

مشكور على الرد بس وش الفلاح؟

بالنسبة لسعر المقيظ 2000 معقول بس المشكلة وين يحطه انت عارف اذا الواحد صار عنده فضوه وده يشوف الطير

بالنسبة للبيع للاسف هذي الطريقة الي استخدمها بس مثلك عارف اذا الواحد تعلق بالطير يضيق صدره اذا باعه

[عاشق النفد]

بما انك كثير تبيع وتشري

كم سعر الوكري؟

ولا هنت

[راعي العوجاء]

انا عادة اشتريها من 2000 الى 5000 على حسب الطير

[**فتى نجد**]

طيب ماعندك غرفه فااضيه في بيتك او ملحق
فيها تكييف

[عاشق النفد]

مشكووووووووووووور

اخوي راعي العوجاء

مدرب ولا لا؟

آسف على كثرة الأسئلة

[راعي العوجاء]

مدرب ..................

[البحارى]

والله الافضل ياخويا انك تطلق الطير لانه الطير يريد انسان موتع اشغال انسان يكون عقله كله فى الطير والطير يريد امعاناه والله انصحك بانك تطلق الطير او تعطيه لى واحد من اصحابك ومشكوووور