المساعد الشخصي الرقمي

مشاهدة النسخة كاملة : من جرب دفايات القاز اليابانية هذي ؟


محترف
10/02/2011, 03:07 AM
السلام عليكم ورحمة الله وبركاته ... أحيي جميع المشرفين والأعضاء والزوار ....
ودي استشير المجربين لدفايات القاز هذي هل هي عديمة الرائحة 100% زي ما يقولون وهل هي تستاهل قيمتها(1500)

http://www.toyotomi.jp/common/logo.gif (http://www.mqassim.com/vb/)



http://www.toyotomi.jp/english/products/kerosene_h/double/dc100.jpg (http://www.mqassim.com/vb/)


وأيضا هذي النوعية (سنتر مان) .... واعتذر من أصحاب الصور
http://im.gulfup.com/2011-01-26/129599965710.jpg

وما هو الخيار الأفضل .. لا يقول لي أحد استخدم دفاية الكهرب :)
انتظر إفادتكم...
فتى ظبيان
10/02/2011, 03:53 AM
السلام عليكم
والله يا محترف الدفايتين شكلها وصناعتها مغرية جدا
وبالنسبة اذا فيها ريحة او لا ذا شي طبيعي انو يطلع منها ريحة لان فيها فتايل ولكن الريحة فقط عند اطفاء الفتايل زي الفوانيس
وزي ما قلت هي مغرية جدا من ناحية التدفئة والشكل والصناعة وحتى التسخين لكن 1500 ريال كثير يابوي
شفت زيها في ساكو بس اشكال مختلفة وماسالت عن صناعتها ولا عن سعرها
لكن راي انا انها تصلح لتدفئة الخيام والاماكن اللي فيها تهوية خفيفة لان مثل هذي الانواع تستهلك كمية كبيرة من اكسجين الغرفة وتكتم الجو
تقبل مروري ورايي
مريقب العيفار
10/02/2011, 04:07 AM
الريحة في دفايات القاز تجي مع التشعيل والاطفاء

فانا كنت اذا بغيت اشغلها اطلعها برا لين تضبط الشعلة ثم ادخلها

واذا بغيت اطفيها طلعتها بعد

لكن سمعت ان دفايات القاز ماهي زينة على الصدر - تحشر
محترف
10/02/2011, 03:09 PM
اخواني
فتى ظبيان
مريقب العيفار
أشكركم على المرور والافادة , وننتظر افادة الاخوان المجربين للنوع هذا اللي بالصورة
swead
10/02/2011, 04:48 PM
وعليكم السلام ورحمة الله وبركاته ..

هذي النوعية ممتازة واللي يميزها الفلتر بدون رائحة وعندي وحده وقيمتها في حدود 940 ريال النوعية الثانية وموجودة عند العوشن بطريق المدينة ..

يعيب دفايات الكاز عموما عدم توفر الكاز وأن كان حصلته في محطة زحمة الناس تكرهك تعبي ..
xp.vip
10/02/2011, 04:54 PM
السلام عليكم ورحمة الله وبركاته ... أحيي جميع المشرفين والأعضاء والزوار ....
ودي استشير المجربين لدفايات القاز هذي هل هي عديمة الرائحة 100% زي ما يقولون وهل هي تستاهل قيمتها(1500)

http://www.toyotomi.jp/common/logo.gif (http://www.mqassim.com/vb/)



http://www.toyotomi.jp/english/products/kerosene_h/double/dc100.jpg (http://www.mqassim.com/vb/)




وما هو الخيار الأفضل .. لا يقول لي أحد استخدم دفاية الكهرب :)
انتظر إفادتكم...


السلام عليكم

انا عندي مثل هذي بالظبط واستخدمها من حوالي 14 سنه ولازالت تعمل وبكفاءة ولله الحمد دفها غير عادي وانا احطها في منطقة مفتوحة زي الصاله مثلاً
الريحة عند الأشعال والاطفاء وهذا طبيعي جدا
من ابرز عيوبها خطرها على الاطفال والعبث بها لان شكلها مغري للكبير قبل الصغير
قطع غيارها متوفره عند عبدالله اليابس في سوق الزل في مدينة الرياض من لمبة الأشعال الى الفتيله نفسها والاهم اني ما غيرت فتيلتها في كل هالفترة الا مره وحده فقط ولمبة الاشعال اكثر من مرة انصح بها وبقوه
الله يا سعرها الحين من جد خيالي انا ماخذها من البطحاء من عماير الراجحي ب 750 ريال فقط
دمت بود
xp.vip
10/02/2011, 04:56 PM
واذا كتب الله واخذتها قلي اعلمك طريقة لحفظ القاز في منزلك دون ادنى خطر على الاطفال علشان تنسى موضوع القاز لمدة سنه او اكثر
دمت بود
wafi4sa
10/02/2011, 07:01 PM
استعملت النوعين سابقا
كلاهما نوعية ممتازة لكن الثانية سنتر مان لها شعبية اكثر يعني تحصل لها صيانه في كل مكان
والأولى اكثر كفاءة من الثانية بعدم الرئحة
والله اعلم وإذا انت من سكان الرياض انصحك بألأولى لتوفر قطع غيارها
والله يوفقك لما فيه خيرا لك
محترف
10/02/2011, 08:30 PM
وعليكم السلام ورحمة الله وبركاته ..

هذي النوعية ممتازة واللي يميزها الفلتر بدون رائحة وعندي وحده وقيمتها في حدود 940 ريال النوعية الثانية وموجودة عند العوشن بطريق المدينة ..

يعيب دفايات الكاز عموما عدم توفر الكاز وأن كان حصلته في محطة زحمة الناس تكرهك تعبي..

طيب وين المحل اللي فيه الدفاية ب 940 وترى اللي عند العوشن كوريه...
ومشكورين اخواني على المرور وننتضر مجربين الدفايات اليابانية اللي في الصور
ابوفهد 1
10/02/2011, 11:01 PM
http://im.gulfup.com/2011-01-26/129599965710.jpg

أنا عندي أختها

واستخدمها من ثلاث سنوات وشريتها من سوق الزل بــ(850) ريال

تدفئتها رائعة جداً... وتقدر تصلح عليها براد شاهي :D

بالنسبة للرائحة عند إطفاء الدفاية فقط...ويمكنك إطفائها في مكان مفتوح أو في المطبخ وتشغل مروحة التهوية

أما أثناء التشغيل فلا يوجد لها رائحة ...!!

أتمنى أكون أفدتك
كاتم الشكوى
10/02/2011, 11:08 PM
سنتر مان ممتازة مرة لكن عيبها الفتيلة قيمته حوالي 120 الاصلية
تدفئة ممتازة مرة
أسير الطيب
10/02/2011, 11:19 PM
أنا لاقي اليابانية البيضا
في حفر الباطن ب 650
وفي إستراحة الكويت على الحدود مع الكويت سعرها ب550وهذا الكلام قبل شهر تقريبا
محترف
11/02/2011, 02:28 AM
ابو فهد 1
كاتم الشكوى
اسير الطيب
اشكركم على الافادة, وهل أنت متأكد ياابو فهد ان السنترمان بدون ريحة في التشغيل ...
وأكرر شكري للجميع
واللي مجرب شي يفيدنا ..
ابوفهد 1
11/02/2011, 09:22 PM
أخي محترف

المقصود بعدم وجود رائحة أثناء التشغيل يعني بعد ما تشتغل الدفاية وتركد الشعلة

لكن إذا جيت تشغلها طبيعي تطلع لها ريحة..!!
اخو سعود
11/02/2011, 10:56 PM
ممتازه مره
الهديف
11/02/2011, 11:03 PM
أهم شيء الدفاية أستخدم لها قاز جديد يعني جديد
ولاتحط فيها المخزن في دبات أكثر من شهر
لان بلاستيك الدبات يذوب فية ويسبب أنسداد وتشمع للفتيله
خصوصا أني شاهدت أكثر الناس تعبي القاز في دبات موية صحة 10 لتر
وهي مخصصة للماء فقط و غير مخصصة للمواد البترولية
محترف
12/02/2011, 02:01 AM
عافاكم الله يا إخواني وابشركم تم شراء الاولى وتمت تجربتها .. لكني كنت متوقعها أحسن من كذا, يعني فيها ريحه في التشغيل والاطفاء ووزنها ثقيله :mad:
الكويتي 777
12/02/2011, 02:50 AM
السلام عليكم

فعلا النوعية هذي طيبة وبدون رائحة

لكن سعرها مبالغ فية بالكويت يتراوح سعرها مابين 40 الي 50 دينار ماتزيد عن هالسعر

وبالتوفيق
nashy
12/02/2011, 09:38 AM
أخوي الكويتي وين أماكن بيعها في الكويت لاهنت؟؟
وسؤالي للي استعملوها كم يكفي الخزان من ساعة استخدام ؟
محترف
12/02/2011, 01:55 PM
يكفي الخزان من 15 -25 على حسب مواصفات الشركة
وانا لم اجربتها تكون شغالة لين تخلص ...
ابودعسان
12/02/2011, 07:04 PM
جربتهن كلهن ممتازات
بس الاولى اقل صرفيه واقل دفى لان فتيلتها اصغر واكشخ شكل
والثانية اكثر دفى لان فتيلتها كبيره واكثر صرفيه يعني شف اللي يناسبك وهي عندنا من 10 سنوات وللحين شغاله تمام
اتمنى اني افدتك
وطبيعي تكون ثقبله لانها حديد كلها ومليانه قاز
الصاحب الغالي
12/02/2011, 11:31 PM
انصحك بالنوع الثاني
سعر معقول ودفا خياااالي
sharp
12/02/2011, 11:37 PM
أهم شيء الدفاية أستخدم لها قاز جديد يعني جديد
ولاتحط فيها المخزن في دبات أكثر من شهر
لان بلاستيك الدبات يذوب فية ويسبب أنسداد وتشمع للفتيله
خصوصا أني شاهدت أكثر الناس تعبي القاز في دبات موية صحة 10 لتر
وهي مخصصة للماء فقط و غير مخصصة للمواد البترولية



كلام سليم 100٪

احسنت:good2:
محترف
13/02/2011, 12:05 AM
انصحك بالنوع الثاني
سعر معقول ودفا خياااالي

حياك الله يالصاحب الغالي وجميع الاخوان اللي شاركو ...
على فكره تراي مرسل لك رسالة خاصة من قبل اسألك عن السنتر مان لكن ما جاني رد ...
على العموم حياك الله أخوي وانا شريت النوع الأول والضاهر اني ببيعها
سوالف
13/02/2011, 12:06 AM
دفاية القاز مجربهاا ولكن تتعبك بالبحث عن القاز لان المحطات قليله جداااااا اللي توفر القاز

والامر الاخر تعبيها كل يوم إذا انك تستخدمها كل يوم

وإذا اللي ذكرته لك مايهمك فهي مناسبه لك .... أختر الحجم المناسب لك والجوده العاليه وأبتعد عن الصيني


والله يوفقك
السهلى 1
13/02/2011, 10:25 AM
أخوي الكويتي وين أماكن بيعها في الكويت لاهنت؟؟
وسؤالي للي استعملوها كم يكفي الخزان من ساعة استخدام ؟



تباع فى سوق المباركيه ( الديره ) عند محلات اللى تبيع الدلال ولاوانى الشعبيه عند سوق السلاح , وعليكم بالكوريه ام فلتر قزاز طيبه بالحيل .
محترف
14/02/2011, 05:51 PM
الدفاية عرضتها للبيع في هالرابط
http://mekshat.com/vb/showthread.php?p=6225185#post6225185