وين ألقا محلات تصايح ريشة الطير

[ابوصويلح]

حيالله كل من دخل أو رد الموضوع مثل ماهو مكتوب عندي ريشة طير وودي تفزعون لي بالمحلات الي تصلحها وبأي كان الرياض القصيم الشرقية جدة مو مهم بس لا تخلون خويكم بالمنتدى أفزعو له ولكم مني خير الدعاء

[رفيع المقا م]

هلابك اخوي ابو صويلح عندك محل السويبع بالرياض والقصيم اللي لها تصليح يصلحها وبعضهن لاخربت خربت ماعاد تصلح... والله يوفقك.

[الشامخ الراسي]

الله محيگ يأخوي
أفادگ أخوي رفيع المقام

[ابوصويلح]

الله لا يهينكم يالربع وبيض الله وجيهكم
وفضلاً وليس أمراً وين محل السويبع الي بالقصيم حيث أنه أقراب لي

[سنجااار]

السويبع بالرياض

[قرناس شماالي]

افادوك الاخوان

[ابوصويلح]

الله لا يهينك ياسنجار وبيض الله وجهك طيب يالربع الحدايد الثنتين الي تخش بالصفرة واحدة منهم منكسرة هل تصلح ولا أرميها واشتري غيرها
الله لا يخلينا من أهل العلم

[الصاعقة33]

بالنسبه للحدايد بسيطه يغيرونها شغله عاديه اما الريشه على حسب علمى لاخربت خربت واذا تتصلح راح تخرب بسرعه والريشه مايخربها الا الضب عليها بقوه اى تسكير الراس اللى بالبطاريه وسلامتك

[فهد الحنيني]

القصيم مالك سنع فيها لأن عندي ريشه مبطله ورحت لجميع المحلات مافيه صيانه عندهم ومن ضمنهم السويبع

[مونس الخلاوي]

السلام عليكم ياشباب
هلابك اخوي ابو صويلح سالت عن اريشه مافي احديصلح وانا اتصلت على السويبع وقال مايسويها هذا رقم الجول السويبع:0508908437