الكونغررس
12/02/2011, 04:39 AM
الطيـــر غالـــي
http://img534.imageshack.us/img534/5373/bu3adel23.jpg
ول يا عصر الخميس اللي مضى قبل الزوالي
قبل لا تاصل حدود الشمس حضن الجاذبيّه
يوم أقشر والشتا برده قوي والحظ مالي
روح النادر ورا ذيك الخريش الشقلبيّه
راح في لمحة بصر والطير اعرفه ما يبالي
تل سبقه يوم شاف الخارم وخلا خويّه
مرتين يردها للجو والضلع الموالي
خابر حزة عشاه ولا بعد يشره عليّه
الوكاد انه خذا من ريشها ريش ومدالي
والخريش معشره وقت الليالي الموسميّه
كنّها فالجو طيّاره ويدفعها الشمالي
راح وياها وعرضّني دروب المهمهيّه
صامل وجازم عليها مثل ابو زيد الهلالي
اختفى لو كان طارحها بوسط الجرهديّه
ضاع واللي ضاع في وقت الهدد فكري وبالي
في دقيقة واحده مدري وش اللي صار فيّه
شرهتي للصوت والملواح في روس الطوالي
وليتني طرفت صندوق الفشق البندقيّه
الهقاوي والحراوي ضيّقت صدر الشمالي
قبل ساعة من ظلام الليل يوم الشمس حيّه
وش يفيد اليوم واليومين دام الفقر خالي
وارد لشبك الحمى والقاع وان قلت محميّه
والله ان الطير عندي يا أهل المعروف غالي
وكان به عذروب صملاته على البرقا قويه
نادر مغتر أصيل ما كره في ضلع عالي
من حرار جبال فارس والهضاب الفارسيه
مير حيل الله قوي واللي كتبه الله جرالي
وتباشر دقت الجوّال في صبح وعشيه
اتحلا بالصبر وارجيه لو ان الليالي
لا عطتني من مودتها ولا هي حاتميه
كل ما اذكر ضيعته فالجو يطرى ما طرالي
والله أني خابره في ثالث اعياد الضحيه
http://img534.imageshack.us/img534/5373/bu3adel23.jpg
ول يا عصر الخميس اللي مضى قبل الزوالي
قبل لا تاصل حدود الشمس حضن الجاذبيّه
يوم أقشر والشتا برده قوي والحظ مالي
روح النادر ورا ذيك الخريش الشقلبيّه
راح في لمحة بصر والطير اعرفه ما يبالي
تل سبقه يوم شاف الخارم وخلا خويّه
مرتين يردها للجو والضلع الموالي
خابر حزة عشاه ولا بعد يشره عليّه
الوكاد انه خذا من ريشها ريش ومدالي
والخريش معشره وقت الليالي الموسميّه
كنّها فالجو طيّاره ويدفعها الشمالي
راح وياها وعرضّني دروب المهمهيّه
صامل وجازم عليها مثل ابو زيد الهلالي
اختفى لو كان طارحها بوسط الجرهديّه
ضاع واللي ضاع في وقت الهدد فكري وبالي
في دقيقة واحده مدري وش اللي صار فيّه
شرهتي للصوت والملواح في روس الطوالي
وليتني طرفت صندوق الفشق البندقيّه
الهقاوي والحراوي ضيّقت صدر الشمالي
قبل ساعة من ظلام الليل يوم الشمس حيّه
وش يفيد اليوم واليومين دام الفقر خالي
وارد لشبك الحمى والقاع وان قلت محميّه
والله ان الطير عندي يا أهل المعروف غالي
وكان به عذروب صملاته على البرقا قويه
نادر مغتر أصيل ما كره في ضلع عالي
من حرار جبال فارس والهضاب الفارسيه
مير حيل الله قوي واللي كتبه الله جرالي
وتباشر دقت الجوّال في صبح وعشيه
اتحلا بالصبر وارجيه لو ان الليالي
لا عطتني من مودتها ولا هي حاتميه
كل ما اذكر ضيعته فالجو يطرى ما طرالي
والله أني خابره في ثالث اعياد الضحيه