المساعد الشخصي الرقمي

مشاهدة النسخة كاملة : ابي استشيركم/ You Can Helpe Me


abu safah
12/02/2011, 10:21 PM
ياربع انا ودي ابني شبك بسوق الابل اشري وابيع فيه وابيكم تساعدوني برايكم
ماهي الاساسيات الي تتوفر عندي وتهيئني لدخول السوق وهل لازم يكون عندي عامل والا لا
وهل يلزم اني اكون موجود دايم عندها
ابي شرح مفصل تكفون لاتبخلون علي
لاني مابي ادخل السوق وافشل فيه ابي اكون ملم بكل شي مع انني من رواد السوق وعندي حلال ولكن متردد بسبب الوظيف


think you
abu safah
13/02/2011, 03:58 PM
افا ياذا العلم
ماهقيتها منكم ياهل الفزعات 70 مشاهده ولا واحد جبر بخاطري
ماعليه اخوان وغالين على قلبي بنمشيها بس عطونا وجه ياااااااااه
ابو ضافى
13/02/2011, 04:12 PM
شوف وأنا أخوك
التجاره مافي زيها وبركتها أحسن من بركة الراتب
،،،،،،،،،،،،،،،،،،،،،،،،،،
أما بخصوص أنك تحط شبك في الحلقه والله أنا أؤيدك
على الفكره بقوه
أما بالنسبه أنك تحط راعي أنا لا أتفق معك وصي أي راعي حولين شبكك وعطه في الشهر 200 ريال
وعطه رقم جوالك وإي شخص راح يشتري يدق عليك
بس لا تعتمد على راعي الجيران يعنى تترك حلالك لمدة أسبوع وبعدين تجيه
،،،،
أما بالنسبه لي عندنا إبل والحاشي ما أوديه للحلقه يجي الجزار لحدي يشترى ويتوكل ناسبه كان بها ما ناسبه يتوكل
وبالتوفيق لك وأي خدمه حنا حاضرين
abu safah
14/02/2011, 08:46 AM
ابوضافي بيض الله وجهك الله يعطيك العافيه ماقصرت
ومرورك شرف لي
حبران والمسمى
14/02/2011, 09:09 AM
والله ما عندي علم عن هالأمور لكن اقول
الله يبارك لك في حلالك ومالك
وانت اعقلها وتوكل ولا تنسى الاستخاره
abu safah
14/02/2011, 05:39 PM
والله ما عندي علم عن هالأمور لكن اقول
الله يبارك لك في حلالك ومالك
وانت اعقلها وتوكل ولا تنسى الاستخاره

بيض الله وجهك والله يعطيك العافيه
وشرفني مرورك
نقوة الغوش
14/02/2011, 05:46 PM
الابل مبروكه في كل النواحي
وانا افهم من كلامك انك تبي تشري وتبيع فيها
إذا لازم تقابل حلالك .. وتذكر قول المثل..
{حـلال تودعـه بعــــه.}
abu safah
14/02/2011, 10:39 PM
الابل مبروكه في كل النواحي

وانا افهم من كلامك انك تبي تشري وتبيع فيها
إذا لازم تقابل حلالك .. وتذكر قول المثل..

{حـلال تودعـه بعــــه.}



حلا ل تودعه بعه
هذي صارت تقرقع بي
بيض الله وجهك ومرورك شرف لي يالشمري
ويمكن احد عنده خبره يفيدني اكثر
بري 2011
15/02/2011, 12:23 AM
السلام عليكم
اذا ان عندك راس مال خش السوق وسوى شبوك وتوكل على الله ترى فيها بركة والله يبارك لك ولو تعمل الشبك في مكان قريب من مزاد للخيول وتجمع بين الخيرين ابل وخيول ولا يحتاج راعي او عامل في البداية مثل ما قال لك الاخو ابو ضافي اوضح وافاد والله يوفق الجميع
abu safah
27/03/2011, 09:24 AM
للرفععععععععععععع
القرناس111
27/03/2011, 03:13 PM
مساك الله بالخير يابو سفاح ورزقنا واياك واخواننا المكشاتيين من واسع فضله بالنسبه لموضوعك انا اشتغلت قبل كذا في سوق الابل وتحديدا بالجنادريه كل سوق لابد يكون فيه غش ونجش اذا صامل قبل ماتشتري وتبيع لازم تعرف السوق زين وتعرف اهل السوق والحلال المطلوب في السوق واسعاره وطرق الغش لكي تتجنب اهلها ولاتقع في شباكهم ومتابعة الحلال مهمه قبل كل شي اسف على الاطاله والله يرزقنا وياك .
ابو الجوهره 2
27/03/2011, 10:47 PM
أخــوي مساك الله بالخير

وعس الله يرزقك من وين ماوجهة البل تبغ دراهم وعنايه وتبغ رجال عاصمن راسه ماتبي راعي أدق عليه

كيف جمل في علف في مويه البل عز لأهل أذ أنت متولع بالبل حط شبك وبع وشترى وأحلب وضرب

وعلف أما أذ تجاره وشراطه خلك مع الغنم الغنم غنيمه وماتبغا راس مال كثير

نصيحه من أخوك ولله يرزقك عدد شعر راس