المساعد الشخصي الرقمي

مشاهدة النسخة كاملة : ويش الذي مستاطنٍ غير اراضيه ( جديد ) ... حله (برق القصيم) .. الحل (الجمل في استراليا)


ابو ماجد 2
13/02/2011, 02:57 PM
بسم الله الرحمن الرحيم

السلام عليكم ورحمة الله وبركاته


ويش الذي مستاطنٍ غير اراضيه =لمهمةٍ ياراعي العرف ضافوه
اللي فعل معروف لازم نراضيه=لكن ترى ذولا بالاعدام كافوه
بعض العرب عنهم ترى الطرف غاضيه=ليته يعوِّد لارضنا يوم عافوه



تحيتي وتقديري


والشكر لاخوي مسير معلومه اخذتها من لغز له قديم

ابو ماجد 0 منتديات مكشات
برق القصيم
13/02/2011, 03:02 PM
صح لسانك زعيمنا

الله العالم انه البعير باستراليا
فهد الهلالي
13/02/2011, 03:04 PM
ابو ماجد صح السانك يازعيم
استراليا والجمل اخذوه وقت الحاجه لفتح الطرقات والمهام الصعبه
وبعد مانتهوا منه قرروا اعدامه
رمعه ذباحه صح الساني يازعيم
هذا دليل ورود اللغز
تحياتي
ابو ماجد 2
13/02/2011, 03:08 PM
صح لسانك زعيمنا




الله العالم انه البعير باستراليا


صح لسانك ملايين
نعم
الجمل في استراليا
لله درك يالغالي
وبيض الله وجهك
فهد الهلالي
13/02/2011, 03:09 PM
برق القصيم وش جابه هالوقت مامداني افرح بذبحه
الا ولقيت برق مسيح دمه العام
ابو ماجد 2
13/02/2011, 03:10 PM
ابو ماجد صح السانك يازعيم

استراليا والجمل اخذوه وقت الحاجه لفتح الطرقات والمهام الصعبه
وبعد مانتهوا منه قرروا اعدامه
رمعه ذباحه صح الساني يازعيم
هذا دليل ورود اللغز

تحياتي


بينك وبين برق دقيقتين
طبعا هو شباب اكيد يبي يسبقك وزين اللي مافرق الا دقيقتين
صحت السنتكم جميعا وبيض الله وجيهكم
مايحتاج طاح بيدين ذيابه
ابو ماجد 2
13/02/2011, 03:12 PM
برق القصيم وش جابه هالوقت مامداني افرح بذبحه



الا ولقيت برق مسيح دمه العام


اتخيلك جاي مسرع ويالله يالله ترد نفسك من الفحمه والخاتمه تلقى هالشاب سالخه وقاضي
فهد الهلالي
13/02/2011, 03:14 PM
هذا طابخه وهو يتنفس مابعد مات
يابو ماجد
ابو اسامه 2
13/02/2011, 03:18 PM
وعليكم السلام ورحمة الله وبركاته

صح لسانك يا الغالي

والله انها كانت على لساني

ويوم انزل تحت

الا والبرق حاضر

واذا حضر البرق اختفى كل شي

تحياتي لك يا الغالي