صرفية البنزين الباثفندر

[ابوفتو]

السلام عليكم ورحمة الله وبركاته
وشلونكم طيبيبن
عندي صرفيه مهيب طبيعيه ابد ابد
نوع السياره باثفندر 2003 اوتوماتيك
وش الحل تكفوون

[القائد11]

عليكم السلام

اخوي شف الليات حقت البنزين اذا هي كبيره حاول تغيرها بليات اصغر من المقاس الموجود عندك بس فيه حاجه راح انبهك عليها انه عزم السياره راح يخف معك شوي مو مثل قبل

[mmgarni]

يصرف كيف اذا عبيته فل كم يكفيك كيلو تقريبا النوع اللي تعبي اخضر والا احمر

[ابوفتو]

بالنسبه لليات لو غيرتها على قولتك بيخف العزم والمشكله انه اوتوماتك لو عادي مافي مشكله
ويالنسبه للبنزين اعبي اخضر واحمر كلهااا واحد بالنسبه للصرفيه في سيارتي
يعني يالله يمشيني 300 كيلو سواء خط او ديره

[mmgarni]

طيب ترا التانكي حقة صغير الفل ب34 ريال لو تحسبها زين مايصرف واثبت على البنزين 95
نفس اللي عندي بالضبط 300 كيلو تزيد او تنقص التانكي انا اشوف انك ماتسوي شي وبراحتك يالغالي

[البنك المهجور]

أعتقد موترك فيه مشكلة لازم ميكانيكي يشوف السيارة .

[.أبوعبدالرحمن]

أتكلم عن الباث حقي تماتيك و 2003

يمشيني 300 الى 320 كم فقط وهذا من يوم شريته وهو كذا لأن التانكي صغير والفل حقه من 28 الى 30 ريال هذا 91

فنصيحة لا تغير شيء

[mmgarni]

أتكلم عن الباث حقي تماتيك و 2003

يمشيني 300 الى 320 كم فقط وهذا من يوم شريته وهو كذا لأن التانكي صغير والفل حقه من 28 الى 30 ريال هذا 91

فنصيحة لا تغير شيء
نفس الموتر 2003 اوتو
يعني الثالث ثابت احنا ثلاثة يعني كلها كذا ريح راسك

[ابوفتو]

الله يريحكم والله انا احسب ان موتري مهوب صاحي بالصرفيه
لكن طلعي اليوم فلم جديد توني مطلعه مغير علبه الفرامل للمره الثانيه
ورحت كم مشوار العصر والعشاء وقفته عند البيت جيت قبل اشوي اشغل طلعلي صوت جرشه قوووي ادوس بنزين نفس الصوت مازاد ولانقص المهم قلت بقدمه اوقفه وقفه زينه جيت الف الدركسون ثقيل وفيه طقه وش السوات والله اني افكر ابيعه لاني ماني فاضي طول يومي مشغول اذا تعرفون احد بصناعيه العاصمه شغله ممتاز دلوني عليه

[الباثفندر 3.5]

الله يريحكم والله انا احسب ان موتري مهوب صاحي بالصرفيه
لكن طلعي اليوم فلم جديد توني مطلعه مغير علبه الفرامل للمره الثانيه
ورحت كم مشوار العصر والعشاء وقفته عند البيت جيت قبل اشوي اشغل طلعلي صوت جرشه قوووي ادوس بنزين نفس الصوت مازاد ولانقص المهم قلت بقدمه اوقفه وقفه زينه جيت الف الدركسون ثقيل وفيه طقه وش السوات والله اني افكر ابيعه لاني ماني فاضي طول يومي مشغول اذا تعرفون احد بصناعيه العاصمه شغله ممتاز دلوني عليه
الله يعينك

[PATHFINDER 4]

تانكي الباث صغير حجمه 70 لتر بس !!

انا اذا مشيت تقريبا 300 او 320 تولع اللمبة وسمعت انه يمشيك 80 كيلو لكن بدون ماتسرع

[ابوفتو]

والله انه مشكله التانكي الصغير مايزبنك بالبر

[ابوفتو]

الحمدالله صارت الشغله بسيطه السير
البكره متموجه وتزحف بالسير وقعدت على الحال اسبوع غيرت سيرين وانا مادري وش السبب
لكن الحمدالله ظبطت الامور الله يديمها والله الباث حلووو بس يخوف ولكن نرجع لمشكلة الصرفيه اعبي 95 او 91 يصررررررررررررف بالهبل

[ذيب اللابه]

طيب يا اخوي شيك على البواجي
عندنا كامري كنا انفلل التانكي ويومين ثلاث بالكثير واللمبه والعه وطلع البلا من البواجي لانها قديمه
بس انا انصحك لا تغيرها اول شي اكشف عليها واذا ما تنفع غيرها

[أبوأسامه...]

نفس الشي عندي صرف رهيب كل يومين فل 30 ريال سؤال هل تانكي الباترول يركب عليه مع تعديل القواعد الباثفندر 2001 اوتو

[هملول السحاب]

انا زيكم بعد وقد سألتكم قبل كم سنة بس الظاهر ان الوضع على حسب القيادة اذا انت تدعس يطير البانزين.

انا جربتها في الديرة يالله بالكثير 270 كيلو وفي الخط يوصل 370 اذا ماتعديت ال140

وغيرت الى احمر وصار احسن شوي قام يوصل بالديرة 330 وفي الخط 400 مع القيادة الهادئة جدا بدون دعس..

[ابراهيم 2003]

طيب ترا التانكي حقة صغير الفل ب34 ريال لو تحسبها زين مايصرف واثبت على البنزين 95
نفس اللي عندي بالضبط 300 كيلو تزيد او تنقص التانكي انا اشوف انك ماتسوي شي وبراحتك يالغالي

هلا اخوي وش تعبي انت احمر ولا اخضر لاني اعبي احمر الفل 40 ريال

[أبوأسامه...]

نفس الشي غيرت البواجي ونفس الحكاية 300-270 داخل الديره ارجو الافاده لترهيم تانكي بنزين اكبر

[ابوفتو]

الحمدالله تم استبداله ب لاندكروزر وارتحت من مشاكله

[MGT000]

معي جيب باثفندر 2002 يصرف صرفيه مو طبيعيه اعبيه فل احمر بالعله يمشي 270كيلو الاخضر ما يزكي وش الحل الله يرحم ولديكم

[salih100]

شيكو على وجيه الثلاجه

[1824]

خلكم خل على الاخضر وسو تصفية للمكينة وامش عليه وماعليك ما تفرق بالاخضر يهون عن الاحمر بالتطفيره بالتوفيق لكم

[MGT000]

سلام عليكم معي باثفندر 2002تماتيك يدوب التانكي يمشي 250كيلو بنزيم 95اما 91بالعله يوصل 170كيلو وش الحل يصرف بالهبل 😢😢😢