المساعد الشخصي الرقمي

مشاهدة النسخة كاملة : زيت قير الفتك


تنوم
14/02/2011, 09:59 AM
ابي النصيحة يا اخوان عندي فتك قير تماتيك عادي المعروف ماشي الان 136 الف هل تنصحون اغير زيت القير ولا لا وذا كان الجواب بالتغيير وش نوع الزيت وكم علبة ووين اغيرة انا من الرياض والموتر توي شارية ابي اي نصيحة للتشييك علية كامل والي يعرف مشكلة الطبلون وين يلبس لانة متنفخ وهذي يقولون انها عيب مصنعي وين افضل تلبيسة او فرشة للطبلون
تنوم
15/02/2011, 11:18 AM
وين اهل الفتك يالربع وين خبراتكم
العابر2222
15/02/2011, 01:26 PM
الله يبارك لك في موترك ان شاء الله

بالنسبة لزيت القير اخوي ... مالك الى الوكالة لأن زيته خاص ولا يوجد الى في الوكالة وسعره مع التغيير حول 700 الى 800 ريال ..... وانتبه تغير في ورشة نهائياً لأن زيته خاص جداً (لأنه تربونيك)

في ورشة التركي متخصص في الباترول ويقولون الشباب ان عنده الزيت حق البترول

الطبلون انا اعاني من نفس المشكلة ما لقيت لها حل
asd112
15/02/2011, 10:23 PM
السلام عليكم
اخى العزيز اولا ايش موديل المبروك
ثانيا هناك زيت جير بوكس الجيب اللكزس التربتونك ويجى جالون لونه فضى مكتوب عليه sw اربعة لتر ب 100 ريال وانا حطيته في سيارتى وماشى الان عليه اكث من 2000 كيلو والحمد لله كله تمام
وارجع لهاذا الرابط لتعرف معاناتى

http://mekshat.com/vb/showthread.php?t=378269&page=2



او مر الشركة وقلهم باغير الزيت وهو ما اخذ اكثر من 6 لتر ونصف
والله ييسر امرك
PATHFINDER 4
15/02/2011, 10:29 PM
افادوك الاخوان الله يجزاهم خير
مشعل العلي
15/02/2011, 10:44 PM
انا عندي فتك 2005 توب ترونك وماشي 120000 ومحتار وين اغيرة
ياليت تفيدونا اثر يااخوان
الوكالة ليش غالييين
ابو عوضه.
15/02/2011, 11:20 PM
اشتري الزيت من قطع الغيار وغيره عند اي ورشة تعرف شغله زين بس ملاحظة غير فلتر الجربوكس لما تغير الزيت
قناص خلاوي
15/02/2011, 11:24 PM
الفتك ماله فلتر لزيت القير
وتبي العلم مر ورشة ابو صالح التركي يشيك لك عليه
انا مشيك عليه والموتر ماشي 180 الف وقال خله على حاله زين
والحين ماشي الموتر 200 الف والحمدلله القير مافيه خلاف
عاشق الغضا
16/02/2011, 08:30 AM
فيه زيت لكزس يباع عند محلات تويوتا الاصلية افي الوكالة 4 لتر ب95 ريال تقريبا . والزيت خذلك جالون اربع لتر فاضي في مقاس , يمكنك انك تغيره بنفسك سهل جدا عند محل غيار الزيوت , افتح الصرة وشف كم يخرج من زيت القير . ثم يوجد بجنب عيار زيت المكينة كبس فيها مسمار عشرة قم بفتحها وجب محقان صغير ودخل فيه لي صغير ثم قم بتعبئة الزيت . انتهاء
comابوسليمانwww
16/02/2011, 04:27 PM
اخوي نصيحة لو جه الله لاتتعدى ابوصالح التركي بالصناعية القديمة
والله شغله وكالة وسعره معقول نوعا ما
هذا رقم جواله 0504118191
تنوم
22/02/2011, 02:03 PM
يا اخوان وجدت في شارع الظهران بالرياض الملز قريب من ملعب الملز بالظبط محطة الدريس الي يعرفها هناك مشحمة تغيير زيت لشركة فوكس تابعة للنيسان الحمراني يغيرون زيت القير الفتك التر ب 100 ريال وياخذ 4 لتر يفك الصرة 10 دقائق ويصكها ويعبي 4 لتر ووراني جالون مكتوب علية نيسان يقول هذا زيت القير للفتك خاص من شركة نيسان ولازم كل 100 الف تغيرة يقول قير الفتك بدون فلتر يمكن فلتر داخلي مايغير الي عندة خبرة او مر علية يفيدنا
ابو سعود 2009
22/02/2011, 02:09 PM
اشتري الزيت من قطع الغيار وغيره عند اي ورشة تعرف شغله زين بس ملاحظة غير فلتر الجربوكس لما تغير الزيت


اخوي ابوعوضه الله يجزاك خير الفتك التماتيك ماله فلتر قير او فلتره منه وفيه يعني ثابت مايتغير