بروق نجد ع
15/02/2011, 01:25 AM
دق سلف الجيب ياسعدي وخل ماطوره يحن=شاص اشهب وابعده عن عين الحسود
من وكالة تويوتا تو واصل بالشحن=وقفته وقفة سبع من انواع الفهود
صوت ماطوره يشوق اللي على قلبه وهن=يعجبك زوله وهو يمشي سنود
اوصفه مثل العقيد اللي من رجال الامن=إلى وقف هو مستعد لتوجيه الجنود
يطنخ السايق وكنه سيف بن ذي يزن=مايسوقه كود بطران مفتول الزنود
له صريخ يشبه حصان يلاوي بالرسن=صرخة التاير إلامنه نشق ريح الوقود
مايطوفه بالدروب الا جميحي صحن=صوت شكمانه الى زفر مثل قصف الرعود
جدد زيوت الشاص ودبل بالثمن=والتواير جدده طقم دنلوب سود
إلى لمع برق الخيال وانهل المزن=وازهت الريضان بانواع الورود
ركب العزبه بحوضه واوزنهن وزن=شوقنا المكشات ناوين النفود
مالنا بالدار حاجه ولا حتى المدن=مامثل شوف الفياض إلاانبتت من كل عود
افرح برفقة نشاما ما يعرفون التتن=في ظلام الليل ركّاع سجود
قلب واحدهم بياضه مثل كاس اللبن=مايعرفون الضغينه ولا تلقى حسود
إلاجلسنا بالمكان الزين والجو الحسن=زانت علوم النشاما والطيب معهود
دن نجر الكيف دن وخل صوته يرن=يطرب اللي خاطره من الهم معقود
شوقنا رسلان صفر بها هيل وبن=يبري الراس اللي من عماسه ينود
حافوا الكبسه لنا حوف ورشوها سمن=كبسه برز البشاور وبها لحمة قعود
عقبها شاهي ربيع احمر ماهو شاي لبتن=شاهي مخدر بكيف ما جاه مقرود
وبالمسا زانت سوالفنا وشيلات اللحن=ياسلام الله سلامي نثنيها ونزود
وختامها اصلي على محمد حطام الوثن=عدحبات الرمال الحمر وعداد الحيود
عبدالعزيز بن عبدالله العبيد ( بروق نجد )
من وكالة تويوتا تو واصل بالشحن=وقفته وقفة سبع من انواع الفهود
صوت ماطوره يشوق اللي على قلبه وهن=يعجبك زوله وهو يمشي سنود
اوصفه مثل العقيد اللي من رجال الامن=إلى وقف هو مستعد لتوجيه الجنود
يطنخ السايق وكنه سيف بن ذي يزن=مايسوقه كود بطران مفتول الزنود
له صريخ يشبه حصان يلاوي بالرسن=صرخة التاير إلامنه نشق ريح الوقود
مايطوفه بالدروب الا جميحي صحن=صوت شكمانه الى زفر مثل قصف الرعود
جدد زيوت الشاص ودبل بالثمن=والتواير جدده طقم دنلوب سود
إلى لمع برق الخيال وانهل المزن=وازهت الريضان بانواع الورود
ركب العزبه بحوضه واوزنهن وزن=شوقنا المكشات ناوين النفود
مالنا بالدار حاجه ولا حتى المدن=مامثل شوف الفياض إلاانبتت من كل عود
افرح برفقة نشاما ما يعرفون التتن=في ظلام الليل ركّاع سجود
قلب واحدهم بياضه مثل كاس اللبن=مايعرفون الضغينه ولا تلقى حسود
إلاجلسنا بالمكان الزين والجو الحسن=زانت علوم النشاما والطيب معهود
دن نجر الكيف دن وخل صوته يرن=يطرب اللي خاطره من الهم معقود
شوقنا رسلان صفر بها هيل وبن=يبري الراس اللي من عماسه ينود
حافوا الكبسه لنا حوف ورشوها سمن=كبسه برز البشاور وبها لحمة قعود
عقبها شاهي ربيع احمر ماهو شاي لبتن=شاهي مخدر بكيف ما جاه مقرود
وبالمسا زانت سوالفنا وشيلات اللحن=ياسلام الله سلامي نثنيها ونزود
وختامها اصلي على محمد حطام الوثن=عدحبات الرمال الحمر وعداد الحيود
عبدالعزيز بن عبدالله العبيد ( بروق نجد )