المساعد الشخصي الرقمي

مشاهدة النسخة كاملة : باثفندر هل يسوى 69000


مركزالعبد
15/02/2011, 08:49 PM
السلام عليكم..

شريت باثفندر2005 ماشي 68000 فقط بــ 69000 ريال

مواصفاته SE
اوتو ماتك
مخمل
مكيف لمس
فتحه
اللون رمادي

السيارة نظيييفه مررررة

هل السعر مبالغ فيه؟؟



وبارك الله فيكم
abosaad_2007
15/02/2011, 08:59 PM
دامك شريت الله يبارك لك فيه
مركزالعبد
15/02/2011, 09:01 PM
شكل السعر مرتفع مرة ابو سعد

مشكور على الرد
PATHFINDER 4
15/02/2011, 11:39 PM
دامك شريت الله يبارك لك فيه

ماشاء الله ممشاه مره قليل الله يطرح به البركه ويعطيك خيره ويكفيك شره
وصدقني بنظافته بترتاااح انشاء الله حافظ عليه ولاتهمل صيانته وبيعيش معك
واللون حلو مرة ومرغوب (فيراني) ومواصفاته ممتازة فتحة ومكيف لمس ماشاء الله

ماودي اضيق صدرك وانا اخووك لكن السعر مبالغ فيه مره
انا مثلك شريت باثفندر فل كامل 2004 فتحة مكيف لمس بسعر اغلى من سعر السووق
لكن الحمدالله على كل حال
مركزالعبد
16/02/2011, 12:51 AM
دامك شريت الله يبارك لك فيه




ماشاء الله ممشاه مره قليل الله يطرح به البركه ويعطيك خيره ويكفيك شره
وصدقني بنظافته بترتاااح انشاء الله حافظ عليه ولاتهمل صيانته وبيعيش معك
واللون حلو مرة ومرغوب (فيراني) ومواصفاته ممتازة فتحة ومكيف لمس ماشاء الله


ماودي اضيق صدرك وانا اخووك لكن السعر مبالغ فيه مره
انا مثلك شريت باثفندر فل كامل 2004 فتحة مكيف لمس بسعر اغلى من سعر السووق
لكن الحمدالله على كل حال




الله يبارك فيك و بـــ ردك


وشكرا مجددا
مركزالعبد
16/02/2011, 11:01 PM
وين اهل العرف بالمواتر

انا ادري اني مغلوب بس هل الغليبه كبيرة او لا
فتى حرمه
16/02/2011, 11:20 PM
مساك الله بالخير ياخوي/ ابسألك الموتر تعرف اللي شريته منه والا لا.
يعني الممشي هل هو حقيقي . وخالي من الصدمات , انا ماأبي اضيق صدرك ولكن الحقيقة مرة غالي ,
ابذكر الاسباب: اللون ماهو لؤلؤي, السعر مايتعدى الخمسين ان كان نظيف ولا فيه صدوم وممشاه قليل , ولا هو فل كامل , عسى اكون افدتك وانا بالخدمة .
مركزالعبد
16/02/2011, 11:24 PM
والله الموتر نظيف مرررة

ولا فيه صدوم ابد

واول ماتفتح الكبوت تشوف النظافه باينه عليه

وانا الظاهر المالك رقم 3

الموتر جدييييييد
قناص خلاوي
16/02/2011, 11:26 PM
دامه نظيف وممشاه قليل لا تحسف اخوي
قيمته فيه إن استخدمت استخدمت نظيف يريحك ويفكك من الورش
وان بعت بعت نظيف يجيب لك قيمة ويدعي لك من شراه
عساه مركوب مبارك والله يكفيك شره
ابو حسان الجنوبي
16/02/2011, 11:29 PM
اذا انت شاريه من معارض خميس مشيط فتراه منصوب عليك وعداده فوق 200000كم ومنزل وعندي ما يثبت ذلك
واسف على اسلوبي الجاف لانه بغى ينصب علي قبلك بشهر
مركزالعبد
16/02/2011, 11:29 PM
دامه نظيف وممشاه قليل لا تحسف اخوي
قيمته فيه إن استخدمت استخدمت نظيف يريحك ويفكك من الورش
وان بعت بعت نظيف يجيب لك قيمة ويدعي لك من شراه
عساه مركوب مبارك والله يكفيك شره


الله يبرد على قلبك

ويجزاك الجنه
نومـ11111س
17/02/2011, 01:33 AM
انت طلبت راينا وحق علينا نفيدك

ان كان موترك سعودي وممشاه حقيقي فسعره في السوق 55 الف (وانا احس اني مكثر بعد )

اما ان كانه خليجي فسعره في حدود الـ 42 الى 45 الف ريال
بواردي الدلم
17/02/2011, 01:37 AM
توقع عليه ترى عزمه يطرب لكن مكينته تجاوب بدون مقدمات والله يعطيك خيره ويكفيك شره

ودامك بتستعمل إن شاء الله ماهيب حسوفه الدراهم أهم شيء الدين والصحه لا يضيعن
هلالي متعصب
17/02/2011, 01:42 AM
الله يعطيك من خيره ويكفيك شره


لاكن سعره غالي

ومثل ما قال اخوي نوماس

حقه 55 الف


لان قبل حدود سنه واحد من الربع شاري 2005 سعودي فل مخزن ماشي 20 الف بــ 62 الف


واله يبارك لك
ترتر
17/02/2011, 01:45 AM
مبروك عليك واذا ان ممشاه حقيقي فالنظيف قليل ويستاهل الله يعطيك خيره ويكفيك شره
ابو حسان الجنوبي
17/02/2011, 02:17 AM
يا اخوان الله يعافيكم الاسعار بالمنطقه الجنوبية عكس الي تتخيلون وربي تخيلو 2002 قير عادي بدون فتحه بالاربعينات وانا وقفت على 2003 اوتو بدون فتحه لونه بيج او ذهبي فاتح وصل سومه 43000ريال ماشي 300ألف وعليها بعد 2005 رصاصي ماشي 200000كم محدود 69000ريال ويسومه مدرس بـ65000 ريال وقدام عيني وجاد بعد 2004 لولوي خليجي فيه رشات لان الليل (كثير) فتحه اوتو امباع قدام عيني بـ57000ريال ولا اعرف السياره زين زين
مركزالعبد
17/02/2011, 06:48 AM
الله يبيض وجه كل من رد علي


سبحان الله يالربع النفس يسرّها طمع الدنيا ..
من ناحية العزم والله انه صاروخ ماشاء الله
عزم
3.5 تقريبا
...


الا على الطاري ،،، اذا مسكت بريك اسمع طقطقه قدام وكان فيه رجه خفيفه ،، وش تتوقعون
راعي طويلات
17/02/2011, 06:56 AM
وين اهل العرف بالمواتر




انا ادري اني مغلوب بس هل الغليبه كبيرة او لا

وعليكم السلام ورحمة الله وبركاته
انت شريت وقضيت الله يعطيك من خيره ويكفيك شره
لكن بجاوب على سؤالك سعره غالي بالحيل الأسبوع الماضي بالتحديد يوم الخميس واحد من الشباب بالمعارض يدور له موتر لقى أخو موترك ونفس اللون باحد المعارض مخزن اصفار بغبار وكالتة حده عليه راعي المعرض ب 60 الف
ولاتعتمد على العداد ترى الذمم وسيعة بهالوقت والغش وترجيع العداد مثل شرب الماء
جنرال المدينه
17/02/2011, 12:04 PM
ما شاء الله تبارك الله
الله يباركلك فية ويطرح فيه البركة
الامل بالله
17/02/2011, 08:59 PM
انت خلاص شريت و أنا انصحك! انك لا تسائل خلاص انت شريت وربي يوفقك و يبارك فيها لك
يبي يجيك واحد يقول لـــــــــــــــــــية حراااااااااام غالية و بيجي و احد يقول ملعوب عليك..
اذا انت مرتاح الحمد لله اهم شي الصايانة الدورية
بارك الله لك فيها
دواك عندي
17/02/2011, 10:09 PM
الله يطعمك خيره ويكفيك شره
لاتنسى مسامير الثلاجه وانا أخوك
alkhamaly
26/02/2011, 09:51 PM
وعليكم السلام ورحمة الله وبركاته
انت شريت وقضيت الله يعطيك من خيره ويكفيك شره
لكن بجاوب على سؤالك سعره غالي بالحيل الأسبوع الماضي بالتحديد يوم الخميس واحد من الشباب بالمعارض يدور له موتر لقى أخو موترك ونفس اللون باحد المعارض مخزن اصفار بغبار وكالتة حده عليه راعي المعرض ب 60 الف
ولاتعتمد على العداد ترى الذمم وسيعة بهالوقت والغش وترجيع العداد مثل شرب الماء


"ياراعي طويلات" إذا الموتر موجود دلني على المعرض أنا أشتريه بحده بشرط يكون أصفار وإذا خويك شراه الله يربحه يستااااااااااااااااهل