لماذا الديماكس منتشر مع الشركات قليل مع الافراد ... لماذا ؟

[أبو وليد 1]

السلام عليكم


من يفسرلي انتشار الديماكس لدى الشركات والمؤسسات الكبيرة ؟؟


هل السيارة غير معروفة للأفراد ؟


من يشرح لنا الأمر ؟؟


شكرا

[((ابوملاك))]

قليل اللي ياخذونه من الافراد

لكن ياخذوها الشركات لانها ديزل اعتقد يعني يمكن ماتصرف !

او لان الشركة تعطيهم عروض حلوه على المجموعه

ان كان غير كذا يفيدوك الشباب

[أبا مجاهد]

اعتقد السبب الرئيس هو العزم

يعني الشركات مايفكرون في العزم..يفكرون في الاستهلاكيه وقوة التحمل

اما شعبنا الموقر اهم شيء لديه هو العزم..

[مكشاتي111]

من وجهة نظري انه اقوى مكاين ديزل هي الديماكس
والشركات تدور على المكينة القوية واللي ماتصرف

[شمالات نجد]

اخوي ولا يهونون باقي الاخوان


عندك الديماكس وعندك المستوبيشي الونيت

هالسيارتين ياخذونها الشركات لعدة أسباب مدروسه ومنها:-

1- عروض الوكيل تكون مرتفعه للأفراد وسعرها أرخص للشركات.

2- هالشركتين معروفه بجودتها وقلة أعطالها (كد ومد) وقليل جداً تطلب قطع غيار لكن إذا طلبت قد تتفاجأ بالأسعار المرتفعة للقطع.

3- الشعبية قليلة جداً لدى الأفراد.

4- بغض النظر عن الديزل والبنزين هالسيارتين اقتصاديات في الاستهلاك.

وفقك الله

سلام

[.أبوعبدالرحمن]

1 - العروض بالجملة تقريبا هي الافضل
2- الديزل كذلك هي رغبة أغلب الشركات حيث أنه اقل صرفية
3- أغلب الافراد لم يقتنعوا بالديزل والصيانة عالية جدا بينما أغلب الشركات لديهم ورش خاصة فيهم
4- سيارات السوزو والميتسوبيشي ما فيها مواصفات جيدة بالنتزين فتجد الددسن والهايلكس افضل بكثير بالمواصفات يعني الهايلكس فيه ( عايدي - GL - GLX - SGLX ) يعني عندك خيارات لسيارات البنزين والديزل اما السوزو والميتسوبيشي خيارات محدودة جدا هذا إذا ما كان فيه خيار واحد فقط

[m-a-z-d]

أبوعبدالرحمن معليش الخيارات متواجدة في المستوبيشي والأيسوزو كذلك :_
أبهرن على كلامي المستوبيشي يجي تقريباً خمس فئات أفخمها فئة من يجي 6سرندل ..
والأيسوزو كذلك للمعلمومية أنا مع أيسوزو ديماكس في القوة والتماسك ماشاء الله أحسن من تماسك الباترول واللاندكروزر علماً بأن مجربهم كلهم..

[.أبوعبدالرحمن]

أبوعبدالرحمن معليش الخيارات متواجدة في المستوبيشي والأيسوزو كذلك :_

أبهرن على كلامي المستوبيشي يجي تقريباً خمس فئات أفخمها فئة من يجي 6سرندل ..

والأيسوزو كذلك للمعلمومية أنا مع أيسوزو ديماكس في القوة والتماسك ماشاء الله أحسن من تماسك الباترول واللاندكروزر علماً بأن مجربهم كلهم..




هلا بك أخوي وبارك الله فيك إنك زودتني بمعلومة جديدة علي أنا

وكلامي أنا عن فئة الدفرنس الواحد والديزل ولا أتكلم عن البنزين والدبل


وأعتذر إذا في كلامي خطأ لأنه توقع مني

[مجنون نحم]

والله يالغالي شعبنا مشكلتة مع الخيل يا شقرا "شعب النوكيا والتويوتا"
بالنسبة للديماكس انا معي واحد دبل فل 2006 موريه الويل العزم تمااام اجيب المية في 9 ثواني من الصفر
سيارة مريحة واستجابتها ممتاااااازة
وانا ارى انها افضل من الهايلكس بالنسبة للدفرنس "اتكلم عن الفل مهب حق العمال" شكلا ومتانة وقوة وصبر
وراحة
والهايلكس بعد ما ينزل بسنتين يصبح شكلة مستهلكــــــ بعكس الديماكس




ودي وتقدري

[* ابو باسل *]

الشركات ياخذونها عن طريق التأجير يعني يأجرها عليهم الوكيل شامل الصيانه لمدة 4 سنوات وهذا معروف لدى جميع الشركات بعد الاربع سنوات يقومون بإرجاعها للوكيل ويأخذون المديل الجديد وهذا الي صاير لدى شركات الديماكس والمتسوبيشي لان اجارها يكون اقل من ايجار سيارات تويوتا وغيرها من السيارات الي تمشي عند الشعب يعني وش يحد عبداللطيف جميل على تأجير الشركات دام هو يبيعها على الافراد وبسعر في المربح الكبير له ولا تحصل عنده سيارات حقت العام الماضي كلها ماشيه على طووول بس لما تتكدس في المخازن مثل سيارات الديماكس والمتسوبيشي وش يسوي الوكيل يضطر يأجرها على الشركات افضل له او يقوم ببيعها عليهم بسعر زهيد وخيالي لدى الشركات وتتلهف على سحب الكميات الموجوده لدى الوكيل يعني كل سياراتين تعدل قيمة سياره واحده من تويوتا وش بيكون الافضل هنا لدى الشركات وخاصه انهم يكدونها فتره معنيه وماهم محتاجين فتره طويله ولا محتاجين انها تمسك سعرها بعد فترة الاستخدام لانهم حتى وان باعوها باعوها في مزاد بالجمله فالشركات تسعى لمصالحها قبل كل شي .

[Abu Mryea]

بالنسبة للشركات والمؤسسات الكبيرة

فهي قائمة على تقديس المال ,,, تقدر تقول نظامهم ( رأسمالي )

يعني الريال عندهم يسوى ,,, ولا يطلع الا في شئ يستاهله

فالسيارات هذي ,, الايسوزو والمتسوبيشي ,,, اعتقد اسعرهم

منافسة بالمقارنة مع الهايلكس والددسن

اذكر كان فيه اعلان في جريدة الوطن ,,, لمعرض في جدة اعتقد اسمه ( معرض الشيخي )

يبيع المتسوبيشي الدفرنسين ,,, تقريبا 58 ألف ,,, يابلااااااااااش

[volcano]

وعليكم السلام ورحمة الله وبركاته

شوف اخوي الديماكس مايجي غير ديزل وهذا يقلل رغبة الناس فيه وصيانة مكلفة جدا اذكر شفت موضوع في مكشات عن واحد يدور طرمبة ديزل للديماكس ولقاها بالاف الريالات وخل السيارة مركونة .

ودي من اصحاب الديماكس وضع رقم المكينة وصورة الطرمبة عشان اشوف كم سعرها برى ونقارنها بسعر الوكيل المحلي