أغير كرونة جديدة وكالة ... او اغير دفرنس كامل تشليح ! [الأرشيف]

مشاهدة النسخة كاملة : أغير كرونة جديدة وكالة ... او اغير دفرنس كامل تشليح !

فتى الوادي

18/02/2011, 11:34 AM

أصيل حجآ زي

18/02/2011, 11:47 AM

السلام عليكم

سيارتي .. جيب جي اكس آر موديل 2000 ....قير عادي .... خليجي ... دف لووك ..
لو قدر الله لها وعقلت لقدمت بشكوى على منظمة حقوق السيارات ..
قدر الله علي وتعطلت كرونة السيارة ... وأجمع الميكانكيون على ضرورة تغيير الكرونة ..
الآن محتار بين أمرين :

1- كرونة جديدة من الوكالة في حدود 4000 ريال
2- دفرنس كامل تشليح في حدود 4000

فماذا تشيرون علي ! أشتري كرونة جديدة ويقتصر التركيب على الكرونة فقط بدون ما يتعرض لفك الدفرنس كامل بما فيه أعمدة التوازن والليات ... الخ

أو اغير الدفرنس كاملا بكرونته وعكوسة .... الخ مع أني ما اضمن هل الدفرنس هذا مضمون العمل او يمكن يكون فيه شيء من العيوب ..

أحتاج لمشورتكم . ولا احد يقول لي اشتري سيارة جديدة ...كلها 7 سنوات وينتهي قرض البنك ونشتري سيارة بالتأجير !!! الشكوى على غير الله مذلة .

http://im.gulfup.com/2011-02-10/12973306271.jpg

أخي الكريم / فتى الوادي
تــحـــــيــة وبـعـد :

لن تجد بيننا أحد يــُفيدك وينفعك بعد الله أفضل من
المـُشرف القدير المـُهندس / بدوي جنوبي جزآه الله خيرآ .
فهو أبو الكرونــــــــــــــــــــــــآت .
ههههههههههة .
تجدها بهذي الروآبط تحت
لـهُ دروس في هذا الموضوع :

°° °°☼ •• كارونة دفرنس توضيبها بالصور اكثر من 108 صورة ••☼ °° °° (http://www.mekshat.com/vb/showthread.php?t=229302)

۩۩ موسوعة صيانة الدفرنسات ووزن الكرونه برضو بالصور ۩۩ (http://www.mekshat.com/vb/showthread.php?t=85484)

@@موسوعة الدوف لوك (الهزاز)شرح كامل بالصور حصريا لمكشات@@ (http://www.mekshat.com/vb/showthread.php?t=74154)

@@أجزاء الدفرنس والفرق بين الخلفي والامامي بالصور@@ (http://www.mekshat.com/vb/showthread.php?t=68903)

۞ (http://www.mekshat.com/vb/showthread.php?t=87376) ‏ صيانة اعطال العمدان و الصلبان اكيد بالصور ۞ (http://www.mekshat.com/vb/showthread.php?t=87376)

موفـق
وتلقى خير بأذن الله

""" و الله ُ أعــــــــلـم وأكـــــمـــل """

تـــآ بــع د ر و ســـي لـلـفـآ ئـد ة :
أ ُعـلـمـك كـيـف تـُـصـبـح مـُهـنـدس سـيـآ رآت وكـهـربائي سيارآت ومـنـآزل ؟؟؟ 100% (http://www.mekshat.com/vb/showthread.php?t=226714) ‏( 1 (http://www.mekshat.com/vb/showthread.php?t=226714)2 (http://www.mekshat.com/vb/showthread.php?t=226714&page=2)3 (http://www.mekshat.com/vb/showthread.php?t=226714&page=3))

هـذا تحــت رآبــط جـمعـُه الـمـهندس
ســــــُبـر فتك VTC جزآه الله خير
أ ُهـــديــــه لـكـــُـم جـمـيـعــآ خآصة :
دروس ألأصيل الحجآ زي (http://www.mekshat.com/vb/search.php?do=finduser&u=127328&starteronly=1)

أن تـرى أني قـد أفـدتــُـك بــشيء ذا مـعـنى ... :)
وأستحق مـــــــنــــــــــــك دعوة صالحة
فـــلا تــنــــــــــــــســآ ني :no2:
مـــــن صــــــآ لـح د ُعـآك.
http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html) :burnout2: http://www.allfordmustangs.com/forums/avatars/mplumlee6.gif?dateline=1060436965

تـحـيــــــــــــــــآ تي

<<< أ بـو عـبـد ا لـرحـمـن >>>
""" ا لأ صـيـل ا لـحـجـآ زي """

فتى الوادي

18/02/2011, 01:12 PM

بارك الله فيك أخي الكريم .

وعسى ربنا يكرمنا كده ويرزقنا رد اخونا بدوي جنوبي ...

FJ MR

18/02/2011, 01:13 PM

يالله حيه ..

شف اذا الدفرنس ماتسد جاه شي غير الكارونه بس ..

ولا اذا لقيت لك دفرنس نظيف بالتشليح خذه ..

مووفق ..

ibnaffan

18/02/2011, 01:43 PM

بسم الله الرحمن الرحيم
انا من ملاك الجمس
اشتريت من أحد المحلات دفرنس كامل مستعمل وارد امريكا
نصيحتي تشتري دفرنس كامل
وبالله التوفيق

فايز الهواس

18/02/2011, 02:10 PM

السلام عليكم
دورلك موتر في التشليح مقلوب شرط ان الدفرنس ماحولة شي من الاضرار ويكون راكب على السيارة لاتاخذ المفكوك في الارض الان اهل الذمة قليلين يوضبونها بدون وزنية ويبعونها على انها ما نتفكت وتوكل على الله لاكن احذر تفك شي من الدفرنس الي تشري والزيت لاتغيرة لوكان محروق اذا كان ناقص زودة تزويد

العنابي 616

18/02/2011, 02:16 PM

ما فيها كلام غير الكرونة جديدة
و ريح نفسك من نصب و كذب التشاليح خصوصا إن ما في فرق بالسعر

أنا مغير الكارونة صار لي أكثر من سنة و لله الحمد مرتاح بس إذا جيت تغير الكارونة لازم ينظفون جرم الدفرنس بالبنزين قبل ما يركبون الكارونة الجديدة

الهلي 349

18/02/2011, 03:17 PM

قبل فتره واحد من الربع ضربت عليه كرونة الهايلكس 2009 وكان مثلك محتار بين تركيب الكرونه أو دفرنس كامل من التشليح
الدفرنس لقاه في الرياض 2800 والكرونه 2900 ..
لكن الرجال توكل على الله وراح شرا الكرونه من الوكاله وناوي يركبها في ورشه برا ..
يوم شرا الكرونه قاله الموظف اذا كنت بتركبها برا فما عليها ضمان أما لو بتركبها عندنا فعليها ضمان 6 شهور أو 15 الف كيلو ..

والرجال له الحين 3 شهور من يوم ركبها ويسافر عليها ويجي واموره عال العال ..
فأنصحك غير الكرونه في الوكاله تضمن شغلهم ويعطونك ضمان .. وللمعلوميه شغل يدهم كان 500 ريال ..

التسعه شفر

18/02/2011, 03:27 PM

انصحك بالتشليح ,, لانك منتب لاقي من يوزن الكرونه صح ..

برونز

18/02/2011, 05:20 PM

ركب كرونة جديدة وزيت موبيل عيار 80\90 كرونة التيوتا مشدوده وموزونة في اليابان وانصحك بتغيير الزيت 40 الف كيلو وتوكل على الله

عبدالله المطيري

18/02/2011, 08:47 PM

حياك الله أخوي

انا مع اخوي gxr 2003 قير اوتوماتيك

المهم انطلق عليه الصامولة اللي تحت حقت الدفرنس وراح الزيت كله وخرب الدفرنس

رحنا القصيم حصلناه بالتشاليح من 2800 الى 4000
واغلبها مفكوكه

المهم طلعنا للكويت وحصلنا vxr 2007 منقلب ولكن توه داخل التشليح الموتر شغال ولافيه شئ الابديه عدمان وماشي 34000

المهم خذينا دفرنسه ب 200 دينار طبعا دفلوك تعادل 2600 ريال

وتركيب بحول 300 ريال

وفيه ارخص منه على 2000 ريال ولكن اغلبها مفكوك من السيارة

والحمد له حوالي اسبوعين 100%

طبعا السكراب اللي هناك مايضمن الا عشرة ايام

بالتوفيق يافتى الوادي

زمزم 100

18/02/2011, 09:07 PM

غير كارونة جديدة

و لا تشاور

نصيحة مجرب

alcobra2000

18/02/2011, 09:37 PM

انشالله يفيدونك الاعضاء الكرام

بدوي جنوبي

18/02/2011, 09:41 PM

http://im.gulfup.com/2011-02-10/12973306271.jpg

أخي الكريم / فتى الوادي
تــحـــــيــة وبـعـد :

لن تجد بيننا أحد يــُفيدك وينفعك بعد الله أفضل من
المـُشرف القدير المـُهندس / بدوي جنوبي جزآه الله خيرآ .
فهو أبو الكرونــــــــــــــــــــــــآت .
ههههههههههة .
تجدها بهذي الروآبط تحت
لـهُ دروس في هذا الموضوع :

°° °°☼ •• كارونة دفرنس توضيبها بالصور اكثر من 108 صورة ••☼ °° °° (http://www.mekshat.com/vb/showthread.php?t=229302)

۩۩ موسوعة صيانة الدفرنسات ووزن الكرونه برضو بالصور ۩۩ (http://www.mekshat.com/vb/showthread.php?t=85484)

@@موسوعة الدوف لوك (الهزاز)شرح كامل بالصور حصريا لمكشات@@ (http://www.mekshat.com/vb/showthread.php?t=74154)

@@أجزاء الدفرنس والفرق بين الخلفي والامامي بالصور@@ (http://www.mekshat.com/vb/showthread.php?t=68903)

۞ (http://www.mekshat.com/vb/showthread.php?t=87376) ‏ صيانة اعطال العمدان و الصلبان اكيد بالصور ۞ (http://www.mekshat.com/vb/showthread.php?t=87376)

موفـق
وتلقى خير بأذن الله

""" و الله ُ أعــــــــلـم وأكـــــمـــل """

تـــآ بــع د ر و ســـي لـلـفـآ ئـد ة :
أ ُعـلـمـك كـيـف تـُـصـبـح مـُهـنـدس سـيـآ رآت وكـهـربائي سيارآت ومـنـآزل ؟؟؟ 100% (http://www.mekshat.com/vb/showthread.php?t=226714) ‏( 1 (http://www.mekshat.com/vb/showthread.php?t=226714)2 (http://www.mekshat.com/vb/showthread.php?t=226714&page=2)3 (http://www.mekshat.com/vb/showthread.php?t=226714&page=3))

هـذا تحــت رآبــط جـمعـُه الـمـهندس
ســــــُبـر فتك VTC جزآه الله خير
أ ُهـــديــــه لـكـــُـم جـمـيـعــآ خآصة :
دروس ألأصيل الحجآ زي (http://www.mekshat.com/vb/search.php?do=finduser&u=127328&starteronly=1)

أن تـرى أني قـد أفـدتــُـك بــشيء ذا مـعـنى ... :)
وأستحق مـــــــنــــــــــــك دعوة صالحة
فـــلا تــنــــــــــــــســآ ني :no2:
مـــــن صــــــآ لـح د ُعـآك.
http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html) :burnout2: http://www.allfordmustangs.com/forums/avatars/mplumlee6.gif?dateline=1060436965

تـحـيــــــــــــــــآ تي

<<< أ بـو عـبـد ا لـرحـمـن >>>
""" ا لأ صـيـل ا لـحـجـآ زي """

الله يجزاك خير يبو عبدالرحمن
واكره ما عندى الكرونات :D
طلعت الشيب في راسي وزنها صعب جدااااا
والمشكله أرقام الوزن غير متوفره
واعتقد ان الوزن يختلف عندما تكون السياره مستخدمه (تآكل التروس)
عن كونها جديده (تروس من المصنع لم تستخدم ) .

المهم
قرأت كذا موضوع عن أعضاء غيرو كرونات جديده في الوكاله
ومشكلة الصوت (الونه) ما زال موجود ،،، يعنى ما عندهم سالفه
في الوزن .

اخى فتى الوادى
طبعا دفرنس كامل نظيف ومضمون من الصوت أشوف انه أفضل من كرونه جديده
بشرط ما تكون السياره ممشاه كثير ،،، ويكون جرم الدفرنس كاملا والعكوس نظيفه .
لكن تخاف من مسئلة الفك والتركيب لان اصحاب التشاليح ما تضمنهم
بيقولك الدفرنس سليم وعلى الشرط .

الكرونا الجديده قد تحتاج الى وزن فنى محترف في الوكاله
ومش متأكد هل تكون موزونه من المصنع ام تحتاج الى اعادة وزن .

اذا ركبت كرونا جديده وظهر فيها صوت أنسي ان الصوت يروح
ممكن يخف .

اذا فكرت تركب عند الوكاله لازم تاخذ منهم ضمان 3 شهور أقل شيئ
وتشرط عليهم ما يكون فيه صوت او طقه .

حيرتك صح ;)

سلكي نت

18/02/2011, 10:33 PM

شوفلك دفرنس من التشليح
اعتقد انه افضل
وقبل كل شيء استخير

K.S.A.A

18/02/2011, 10:57 PM

أخوي فتى الوادي إن كان الكرونة ماونت فكلا الامور متساوية
لكن أنا لو أني محلك ركبت دفرنس كامل من التشليح .
لأن الكرونة ممكن تون .

سديراوي 13

18/02/2011, 10:58 PM

نصيحه من اخو اشترلك دفرنس من التشليح وغير الزيت الي فيه واهم شي لا يكون مفكوك (موضب)

عازف الاوهام

20/02/2011, 01:12 AM

السلام عليكم اخوي فتى الوادي

بصراحة انا ما سجلت الا عشان موضوعك والا بالعادة انا قارئ فقط لكن مشكلتك مع الكرونه شدتني

انا قبل سنتين تقريبا خربت عندي الكرونة (جمس 2006) وقالوا لي تحتاج قطع من الوكاله بـ 23000 ريال او من التشليح بـ 13000 ريال طبعا وقتها بغيت اولع بالسيارة بوسط الورشة من ضقيقة الصدر ورجعت المكتب وتركت السيارة عندهم حتى مااخذتها (ورش اي سي ديلكو حقت الجميح) وانا بالمكتب قررت اني ادور على حل بالنت لهالمشكلة لان المبلغ ضراحة يجيب الهم وبالصدفة طحت على ورشة الظاهر نص فتحه من صغر مدخلها بس انها على شارعين متظاهرات تخصصهم دفرنسات وكرونات بس مايصلحون غيرها وصلحتها عندهم بـ 1200 ريال وشفها الحمدلله للحين ماشية زي الساعه من يوم صلحتها عندهم اسم الورشة الموسى بالصناعية القديمة بالرياض وصفها:

وانت جاي من طريق الخرج القديم وجهك جنوب وجاك تقاطع طريق الخرج مع شارع العنوز وصار السالم يسارك وانت على الاشارة رح يسار يصير وجهك شرق ورح علطوووول الين الاشارة وارجع مرة ثانية غرب وامش الين يجيك محل كبير ناسي اسمه حق قطع غيار تويوتا واجهته غربية جنوبيه لف بعده يمين بعدين اول او ثاني لفة على يمينك لف معها بس اتوقع انها الاولى وامش الين توصل ثاالث تقاطع ولف يسار امش شويتين وتلقى الورشة على يسارك اسمها الموسى. من وجه الورشة ماراح تقدر تدخل سيارتك انت ادخل لهم على رجولك وعلمهم بمشكلة موترك وبيركب معك واحد عشان يوريك المدخل حقهم من الجهة الثانية من الحارة.

ان شاءالله تلقى عندهم حل لمشكلة سيارتك وترتاح بدال ما تدفع 4000 ريال بتدفع ان شاءالله ربعها او حولها

اخوكـ
عازف الاوهام

فتى الوادي

20/02/2011, 03:48 PM

بارك الله فيك أخواين الكرام ....
أربغة ألف رايحة رايحة سواء في دفرنس جديد أو في كرونة جديدة ..

لكن اليوم يقول المهندس أن الكرونة الجديدة من الوكالة تجي موزونة وتركب فقط تركيب بدون وزن في الدفرنس .
وشغل يده فقط 250 ريال .
إذا كان الكرونة تجي قطعة وحدة ومركبة وموزونة من الوكالة يصير الأمر بسيط ...
وبحكم أني في وادي الدواسر يلزمني أحمل السيارة على سطحة ب 600 ريال للورشة وأسافر للرياض واستأجر سيارة ... الخ
توكلت على الله واشتريت الكرونة من عبداللطيف جميل .. وتركب في الورشة بعد بكره وعسى الله يصلح الأمور .

لا أملك لكم إلا الدعاء في ظهر الغيب .. فقد أستفدت من أرائكم وردودكم . شكرا لكم .