عطنا رأيك بالملابس الرياضيه بالبر [الأرشيف]

صاروخ

15/11/2005, 09:35 AM

اخواني المكاشيت
السلام عليكم ورحمة الله وبركاته
فى هذه الايام والليالي تزين الطلعات والكشتات والوناسه
وللناس فيما يعشقون مذاهب
ولكن هناك عاده يستعملها بعض المكاشيت وهي لبس الملابس الرياضيه فى الرحلات البريه
وهي من حيث الراحه مريحه وتساعدك على سرعه الحركه والخفه ولكن لها سلبيه كبيره وهي:
عند قضاء الحاجه :j وش الحل هل ترون انها مناسبه لمثل هذا الغرض ام هناك رأي آخر
ارجو المشاركه التفاعل من الجميع اعطاء الحلول ان وجدت

شاهد عيان

15/11/2005, 11:14 AM

خل معك ( ذراية ) حقت الشاي تراها تنفع ...

صاروخ

15/11/2005, 11:23 AM

شكراً أخوي شاهد عيان على سرعة التفاعل
لكن لاصار رفيقك من ذوي الوزن الثقيل ( يعني الذرايه ما تغطي ولا كوعه )!!!

الضاري

15/11/2005, 12:34 PM

ياخوي تبي تقضي حاجتك وسط الناس

شف لك مكان ساتر وخذ راحتك

أما بالنسبة لأستخدام الملابس الرياضية في البر فهي أريح عندي من الثوب

عبدالله123

15/11/2005, 01:42 PM

ا لسلام عليكم اخوي صاروخ اذا ما تنفع الذرايه خذ معك خيمه 4×4 ولازم تكون صباحيه مشمعه علشان يكون القماش ثقيل ما يبين شي يمكن تصلح هههههههههههههههههه ولكن انا افضل الملابس الرياضيه

أبومناحي

15/11/2005, 01:50 PM

لا طبعا

لأنه بيضربك البرد
ثاني شيء ماهومن عادات العرب قديما

ولا يصلح لنوم

عساس نجد

15/11/2005, 02:51 PM

السلام عليكم ورحمة الله وبركاته
يا رجال لكل مقام مقال فاذا كانت الكشته فيها طلعة جبال او شغل وكرف مثل الحطب ما فيها شي لو تلبس لبس رياضي حتى لو لبس باكستاني بعد
لكن طلعة ربيع وجلسة في الروضة او شبة نار في شعيب او جلسة في خيمه لاآآآآ أعتقد ان البس الرياضي مناسب
لان الكشته تبي تتخلص فيها من اي ذكريات تذكرك او تربطك بذكريات المدنيه و التقدم بل تبي تعيش كشتتك بالبدائيه والبرائة القديمة ليكون هناك روحانيه في المشاعر والاحساس بسلامة النفوس من اي شيئ يذكرنا بالمدنيه والتطور وضرار الحضارة علشان ناخذ وقت مستقطع من سذاجة الماضي وجماله وشكرا.

ابو ســــاره

15/11/2005, 03:54 PM

الخيام الصغيرة جدا البلستر سعرها بحدود ثلاثين ريال ممتازه جدا خاصة للنساء عند قضاء الحاجه خاصة في ايام الربيع عند ازدحام اماكن المكاشيت .

حاكم المقناص

15/11/2005, 04:09 PM

عندي لك حل مممممممممتاز جدآ

غط اعيونهم بشيئ لا يستطيعون النظر اليك منه

الأعصـــــار

15/11/2005, 04:36 PM

بصراحه أخوي أنا أفضل الثوب أحس أنه مناسب للبر
أما أذا الطلعه فيها جبال ودحول ومطامر هنا مالك غنى عن البدله .. وشكرا

صاروخ

16/11/2005, 11:48 AM

اخواني المشاركين مشكورين وما قصرتوا ( كل باسمه )
ومن الايجاز الى التفصيل
# الضاري : ما كل الناس بعيد المشاوير مثل وشرواك يا خلفهم
فيه ناس تروح يم المكاشيت اللى فيها ناس واجد
#عبدالله 123 : مشكور على هذا التعليق ههههههههههههههههههههه
لكن ماقلت لي وين احصله وكم سعره هههههههههههههههههههههه
#ابو مناحي : شكراُ على مشاركتك يالغالي
#عساس نجد : كلامك عدل ( لكل مقام مقال )
# ابو ساره :شكراُ على مشاركتك يالغالي
# حاكم المقناص : يعني تسوي نفسك نعامه . ههههههههههه
# الاعصار : كلامك عدل ( لكل مقام مقال )

الضاري

16/11/2005, 12:52 PM

عندي لك حل مممممممممتاز جدآ

غط اعيونهم بشيئ لا يستطيعون النظر اليك منه

:D :D :D

المطنوخ 222

16/11/2005, 02:58 PM

اخوي الصاروخ

السلام عليكم ورحمة الله

الحقيقة انا افضل الملابس الرياضية

لراحت الواحد فيها

ووسهوله الحركه بها

وان كان على صعوبة قضاء الحاجة تصبر لين يجي الليل

والا غط عيونهم !!!!!!!!!! على ما قالوا الشباب

الشاب

17/11/2005, 09:14 AM

انا ارى ان يكون معك رواق ارتفاع متر خله على شكل دائرة وخفف راسك ولا خلصت شله ولا تنسى لاتكون قريب من اماكن قديستفيد منها غيرك مث تحت شجرة وشكرا

برقن سرى

17/11/2005, 10:06 AM

الله بس يهديكم وش ذا الحتسي ؟

معاد إلا هي آخذ بدلة في البرّ ؟؟؟

ثوب البر ولا خيار ثاني حفظكم الله مالها طعم بدلة وبر ؟؟

خلف

20/11/2005, 10:31 AM

ياخوي تبي تقضي حاجتك وسط الناس

شف لك مكان ساتر وخذ راحتك

أما بالنسبة لأستخدام الملابس الرياضية في البر فهي أريح عندي من الثوب
صح كلامك ياخوي الضاري وانا معك

صاروخ

20/11/2005, 02:11 PM

المطنوخ 222
شكراً على مرورك
الشاب
شكراً على مرورك
ابو راشد
انا اشهد معاد الا هي آخذ بدله بالبر
خلف
شكراً على دخولك

انا عندي اقتراح للى يحبون لبس البدله بالبر سهل جداً وهو انك تأخذ معك قميص نوم خفيف المحمل وعند ما تحتاجه البسه و :j عن الناس

حـاتـم

20/11/2005, 07:58 PM

هلا اخواني الاعزاء

الملابس الرياضيه جربتها حلوه جدا ومريحه

خاصه اني من الوزن الخفيف جدا
ههههههههههههههههههههههه

لكن اذا معك شياب فالطلعه مايحبون هالملابس علشان كذا اذا الطلعه للشياب اطلع بالثوب

وبعد وانتم طالعين وجاكم ضيوف لازم تكون لابس ثوب

وشكرا

اخوكم / حاتم

توونا

20/11/2005, 08:13 PM

اعتقدان الثوب افضل شي ستره عند الاخوان والزوارولكم تحياتي

مرقاب الشرق

20/11/2005, 08:24 PM

ياخوان لكل مقام مقال خذ الثوب والبدله وحسب وضعك تلبس اللي يعجبك .
بس لاتروح لبدوي بالبدله بعدين يكرشك ولايحطلك قيمه هههههههه :d

البارق*

20/11/2005, 11:29 PM

الملابس الرياضية تعطيك الحرية في الحركة
ومن المعروف ان الخليان تبي له واحدٍ قرم
تعطيك السهولة بالحركة والمطامر

تحياتي

صاروخ

23/11/2005, 10:38 AM

الاخوه الاعزاء حاتم
توونا
ابو فرس الشمري
البارق
اشكركم على المشاركه وابداء وجة نظركم وفعلاً الثوب اوجه اذا كنت مع شيبان او ستقابلهم فى رحلتك ولو احتجت نجده لاسمح الله وذهبت الى اقرب (بدو) حولك فان النظره تختلف اذا كان عليك بدله عنها اذا كان عليك ثوب عربي هل توافقوني على هذا الكلام ارجو عدم المجامله

المنذراوي

27/11/2005, 09:18 PM

السلام عليكم /شخصيا انا افضل الثوب على البدلة الرياضيه لانك بالبر ممكن تصادف عرب تجلس عندهم اوتتعطل وتضطر تنزل عند احد سكان الباديه(عرب) ويازيني وانا ببدلة رياضيه باختصار ماتضمن الضروف او حولك راعي خلفات ومشتهي تسير عليه عشان الحليب ..يازيني وانا لابس بدلة وببيت شعر................انا اشهد انك صدقت يالصاروخ الثوب اوجه ولاقريب..........

صاروخ

28/11/2005, 08:09 AM

المنذراوي
شكرأ على مرورك وتعليق جميل وفى الصميم

نهر العطاء

08/12/2005, 01:59 PM

مثل ما قالوا الشباب .... اذا كنت بجبل او غيره بدلة ويكون لونها صحراوي عشان ترتاح صدق
واذا كنت بمجلس رجال عليك بالثوب
وسلامتك

هواوي2006

09/12/2005, 08:18 AM

انا استخدم بدلة مموهة شبيهة لبدل القوات الجوية... متينة وتجمل في البرد...

اما اذا كانت الطلعة مافيها مطامر ومقانيص فلا احبذ الا اللبس التقليدي اما الصيفي او الشتوي...

الف شكر...,,,

ابوقاسم

09/12/2005, 01:45 PM

انا اشوف ان الواحد يلبس اللي يرتاح له وانا ما البس البدله الا للعمل وبس ولا هي عملية تذكير و مدنية اجل ليش طالع للبر بسيارة اطلع على بعير علشان ما يذكرك بالمدنية ...............
وترى يا جما عة الخير لقضاء الحاجة الله يكرمكم فيه بيوت فيب تباع لهذا الغرض يمكن للواحد يا خذ له بيت منها ستر عن الناس ومنها انظف وفيها خزان للمويه بس لاصرت بين الناس راح تبلش بهم كل راح يجيك يبي يستخدم الحمام .................

الشبح2000

11/12/2005, 06:36 AM

انا افضل الثوب :j

الكونترولCONTROL

11/12/2005, 07:03 AM

بالنسبة لي أفضل الثوب ..... و لا بأس من البدلة الرياضية اذا كنت لحالي او مع القريبين جدا
مثل الاخوان او عيال الجماعة ..... لكن مع الأصدقاء و الناس الاجناب ... أستحي !!!
-----------------------------------------------------------------
الملابس الرياضية زينة ...... بس المشكلة ان بعض الشباب ( الله يصلحنا و اياهم ) يلبسها يظن انها كشخة و حضارة !!!!
-----------------------------------
اما اذا كان الواحد قصده انها أنظف و اسهل بالتحكم بها فلا بأس .... مع مراعاة ان تكون غير واصفة للجسم
و خاصة للدببة !!!!
---------------------
يقول واحد من الاخوان : (( بس لاتروح لبدوي بالبدله بعدين يكرشك ولايحطلك قيمه هههههههه )) !!!
-----------------------
و أقول له : أجل انت ما شفت عيال البدو ...؟؟؟؟؟ !!!!!! و بعدين انا ما رحت للبر على شان امر على الناس لا حضر و لا بدو !!!!
و أخيرا .... إليكم هذا المثل هدية !!!:ــ

(((( كل ما تشتهي .... و البس ما يشتهي الناس ))))) وش رايكم ؟؟ أظن معناه صحيح 100%

صاروخ

11/12/2005, 12:00 PM

نهر العطاء
كلام سلييييييييييييييييييييييييييييييييييييييييييم
هواوي 2006
نعم لكل مقام مقال
الغضى
ارفق على اخويانا ترى ما نبي أحد يزعل علينا . المسئله حوار وأخذ وعطا وجهات نظر
الشبح 2000
كفو والله هذا تأييد للثوب
الكونترول
انا معك اذا كان الشخص يلبس البدله للتدفئه وسرعة الحركه فلا بأس مع اخذ الاحتياطات اللازمه
اما اذا كان يلبس البدله للزينه والغنج ( وحاشا هالوجيه من هذا النوع ) فلا والف لا
اخوكم ابو خالد

راعي المقناص

11/12/2005, 11:14 PM

السلام عليكم ورحمة الله وبركاته:
بصراحة الثوب أفضل لأنك ممكن تمر ديار وقرى وتقابل أحد تسأله فيها عن منطقة معينة فيكون نوع من الاحراج وانت بالبدلة لكن أفضل أصطحاب البدلة معك في الكشتة أو رحلة الصيد لأنك قد تود التغيير وهي كما ذكر الخوة مريحة إل أثناء الصدات .

راعي صملة

11/12/2005, 11:47 PM

السلام عليكم ورحمة الله وبركاته

اخوي الغالي الصاروخ

اشكرك على هالموضوع ولو اني اتحفظ على مسالة قضاء الحاجة بالبدلة او الثوب فكلاهما سيان بل ان الثوب اصعب ومعرض لوصول النجاسه له .

بالنسبة لتقيم الشخص... في نظري انه بمنطقه وليس بلبسه سواء ثوب او بدله والرجل تستطيع ان تعرفه بمجرد ان تتكلم معه ولو على الاقل تصور مبدئي عنه

وانا لايمكن اطلع للبر في ثوووووووب

وفي النهاية المسالة قناعة شخصية بحته

ولكم مني اعذب وارق تحية ,,,,,

السبيعي

12/12/2005, 12:08 AM

والله الشي الدخيل علينا انا من الناس الي يرفض الشي الدخيل وبعدين انا طالع للبر يعني طالع لمكان فيه خشوانة ورجولة والتكميلة محلها في اماكن معروفة وزي ماقال بعض الاخوان لاصرت بتروح لرحاله ويمكن تواجه رجال او تحتاج لشي هل سوف تكون نظرت لمن يقابلك عندما تكون بالثوب العربي والشماغ مثل لاصار عليك تكميلة

مع التحية للجميع

صاروخ

24/12/2005, 03:02 PM

الاخوه
راعي المقناص
راعي صمله
السبيعي
حياكم الله وشكراً لمروركم وكما قيل لكل مقام مقال

GXR_2005

29/01/2006, 10:16 AM

حفظك الله اخي وسترك فوق الأرض وتحت الأرض ويوم العرض

أنا أفضّل أن ألبس البدلة الرياضية لكن أجعل معي دائما ثوب شتوي نظيف وشماغ

وأستخدم الثوب النظيف والشماغ في الصلوات لأتزيّن لملاقاة ربي عساه أن يتقبل مني

أما البدلة الرياضية وتحتها البجامة الثقيلة فتنفع كثيرا في العمل وجمع الحطب والطبخ ولعب الطائرة وكرة القدم

وتنفع البدلة أيضا في التطعيس والتجربع ولقط الفقع

وأفضل شيء أن تكون بدلة مثل بدل الباكستانيين التي تستر مناطقك الحساسة لعدم الاحراج في الحركة والوقوف والجلوس

وابتعد عن البدل الضيقة او غير الساترة التي من الممكن ان تخرج عورتك منها خلال الحركة او تحدد الجسم فهي فطريا مقززة

أما عن قضاء الحاجة أجلكم الله

فلا تنسى أن تتوارى عن الناس وتختفي وأن تقول دعاء نزول المنزل "أعوذ بكلمات الله التامات من شر ما خلق" ثلاث مرات لكي يحفظك الله من دواب الارض وهوامها

ولا بأس بأن يكن معك شيول صغير لكي تحفر به حفرة تبعد بها الأذى عن نفسك وعن الناس

والأفضل أن تكون هناك خيمة صغيرة بحفرة عميقة تقضي فيها حاجتك ثم تدفن مقدار ما يستر الفظلات عن غيرك

المعذرة ونسأل الله لنا ولكم الستر

أبو رشود

29/01/2006, 01:26 PM

كلامي من كلام الذيب عساس نجد

السلام عليكم ورحمة الله وبركاته
يا رجال لكل مقام مقال فاذا كانت الكشته فيها طلعة جبال او شغل وكرف مثل الحطب ما فيها شي لو تلبس لبس رياضي حتى لو لبس باكستاني بعد
لكن طلعة ربيع وجلسة في الروضة او شبة نار في شعيب او جلسة في خيمه لاآآآآ أعتقد ان البس الرياضي مناسب
لان الكشته تبي تتخلص فيها من اي ذكريات تذكرك او تربطك بذكريات المدنيه و التقدم بل تبي تعيش كشتتك بالبدائيه والبرائة القديمة ليكون هناك روحانيه في المشاعر والاحساس بسلامة النفوس من اي شيئ يذكرنا بالمدنيه والتطور وضرار الحضارة علشان ناخذ وقت مستقطع من سذاجة الماضي وجماله وشكرا.

وأنا بصراحة استخدم ثوب قديم عندي وشاقه على شكل بدلة باكستانية

ومرييييييييح جداً

وأنصحكم به لأنه يجمع لك مابين شكل الثوب وفيه راحة البدلة

والمجاهدين في أفغانستان بدلهم أفغانية ويمشون بها 100% في الجبال

وشكراً

أخوك/ أبو رشود

صاروخ

29/01/2006, 02:54 PM

gxr 2005

ابو رشود
حياكم الله و مشكورين على مروركم ومشاركاتكم

المدني 779

30/01/2006, 01:32 AM

أخوي الغالي .........
وش فرقت معه يوم يلبس الملابس الرياضية
ويلبس الثوب للأوقات المناسبة مثل الصلاة(( هذا من باب إحترام العبادة))
وفي الجلس وغيرها
وكلٍ بعقله يعيش

عاشق القنص

04/02/2006, 04:58 PM

انا انصحك بشي البس مثلي ملابس الجيش ((العسكريه ))
تتيح اليك بكل شي

صاروخ

05/02/2006, 01:52 PM

المدني 779

الفرق بين ان تلبس ملابسك الرسميه او ملابس الرياضه بالصلاة
ان الله يقول ( يا بني آدم خذوا زينتكم عند كل مسجد )يعني عند كل صلاة

عاشق القنص
شكراً لمرورك ومشاركتك

أبوتركي 999

06/02/2006, 10:58 AM

والله أنا أرى والرأي للجميع أن الملابس الرياضية أو الثياب ترجع للشخص نفسه وش الي يرتاح له أكثر أنا بالنسبة لي مرة ملابس رياضه ومره ثياب ومره رسمي على حسب الطلعة
بالنسبة :j فكل يصرف عمره والليل ما مثله
ولكم تحياتي

no2: :no2: لاتنسوا أخواني قاطعوا منتجات الدنمارك حباً لرسول الله :no2: :no2:

صاروخ

07/02/2006, 02:21 PM

ابو تركي 999

شكراً لمرورك ولا شك الليل لباس ( وستر ) لكن احياناً ما تجيك الامور على الكيف:(

سلامة

08/02/2006, 02:52 PM

السلام عليكم
والله ان البدلة اريح وادفء من الثوب وخل عنى المهايط وبعدين انت في البر منتاب عند اهلك والا في المسجد عشان تقول بألبس ثوب

ثــــايـر

08/02/2006, 04:20 PM

السلام عليكم ...

موضوع جميل .. بالنسبه لي افضل لباس الثوب ولا احب لبس الرياضه في البر اطلاااااااقاااااا..والثوب لايعيق عملك كما ذكر بعض الاخوان ..

اذكر موقف ضريف ..رحنا كشته ومعنا واحد من الشباب لابس رياضه وهذا ابو الشباب كاشخ لكن تعرض لمواقف لايحسد عليها ..كل ما جونااا ضيوف وادخلوا علينا الخيمه وقمنا انسلم عليهم اتعدون خوينا ولايسلمون عليه يحسبونه هندي معنااا هههههههههه والظريف ان مره واحد من الضيفان قاله (قم ياصديق نزل اللي بالسياره ) هههههههههههههههههه وعقبهااا توب ابوالشباب من لبس الرياضي في البر ...

نجـ*سهيل*ــم

09/02/2006, 07:14 PM

احلى شي للطلعة الملابس الرياضية لانها اخف للحركة ولو تلبس خمس فنايل فوق بعض ماراح تحس فيها غير الثوب اللي بجامه وحده وتعصرك لاكن الثياب تشغلك في تنظيف المكان اللي انت فيه والطبخ اما بالنسبة لقضاء الحاجه فدور لك اقرب بلكاشه:p

وعندي تعليق بسيط لرد الاخ ثامر اقول له المفروض الواحد يسلم على كل الموجودين بالمجلس حتى الهندي ليش ماله رب ويمكن يكون عند ربه افضل من اللي بالمجلس جميع فلا تحقر اخيك المسلم واسف اذا كان في كلامي شي يزعل

كما ان فيه للاسف الشديد بعض الناس عندهم اللي لابس ملابس رياضيه مهوب رجال ليش مادري ؟ ؟؟؟؟؟ هل هو زيادة مرجله في نظرهم ام تخلف ؟

وارجو من اللي مايعجبه كلامي انه يتقبل الموضوع بسعه صدر

وسلامتك

صاروخ

11/02/2006, 10:39 AM

سلامة
سلمك الله كلامك على العين والراس والمقصود هو اخذ اراء الجميع دون تعنيف :mad: على الراء المخالف
وللناس فيما يعشقون مذاهب :eek:
ثاير
شكراً على هذا التعليق والقصة الطريفه بغض النظر على تصرف الضيوف ولكن الرساله وصلت
نجم سهيل
أسعدني مرورك وتعليقك وكما قلنا وجهات نظر

فهد بن مشبب العاصمي

15/02/2006, 05:00 PM

والله انا من رأي انا الواحد يلبس الثوب .. لأنك تحس انك طالع لبر .. اما البدله .. فمنذ صغري وانا لم ألبس بدله ابد وذلك رغبتن مني ليس اجبارا من احد .. وصراحتن فيه ناس ماتصلح عليهم البدلات لأنه توضح ماخفي .؟؟؟؟؟؟؟؟؟؟؟؟؟؟ وشكرا
واحس انه عيب عند الرجال لاجوك ضيوف وانت بالبر وش تسوي والله فشيلة مستقبلهم ببدلة .( مجرد رأي شخصي )

أبو خاالد

16/02/2006, 02:35 AM

هلا والله باخوي الصارخ 000

أنا أرا إن الملابس الرياضيه اريح بكثيييييير

متقهوي ديزل

16/02/2006, 11:01 PM

[grade="00BFFF 4169E1 0000FF"]اذعرفت انه به اضيوف بيجون واذ منت مستحي تلبس بدلة اقعد به[http://www.mekshat.com/pix/upload/sign/images/mk24963.gif/grade]

صاروخ

18/02/2006, 09:02 AM

ابو شباب

شكراً لمرورك وما قصرت
أبو خالد
شكراً لمرورك
متقهوي ديزل
اظنك متقهوي بنزين :D لان تعليقك غير واضح

المغتر

20/02/2006, 01:44 PM

لكل مكان شي مناسب له :) ..
اتوقع ان الثوب هو افضل شي دائماً وابداً لكن بدلات التمويه (الجيشيه) مريحه وممتازة با النسبه لصيد البط او الارانب والاصطياد في الاماكن الوعرة ..

صاروخ

01/03/2006, 10:28 AM

اخي المغتر

كلامك ........... فى ............. محله

ولد المزاحمية

10/03/2006, 03:33 PM

والله مابه ازين من البدلة الباكستانية

صاروخ

13/03/2006, 09:38 AM

ولد المزاحميه

شكراً لمرورك واتفق معك على البدله الباكستانيه حيث انها تجمع بين الستر والمرونه

البجيدي

16/03/2006, 01:43 AM

عدي بشعيب او ورى رمث

هاوي خلا

20/03/2006, 01:13 PM

على ما قال أحد الأخوة الافاضل يا أخ الصاروخ لكل مقام مقال :
البدلة الرياضية يا أخي العزيز للرياضة و عندنا يجب على الواحد التمسك بالدين ومن ثم العادات والتقاليد فالثوب أجمل على الرجال واكثر رسمية لوجاك ضيوف هذا رأيي وهناك اسباب اخرى متفرقة بالاضافة للنشرة الجوية
اخوك
هاوي خلا

أبو نمر

20/03/2006, 02:25 PM

والله يالغالي مابعد الثوب والشماغ ياسنايدي دقها لطمة ولاحدٍ عارفك !!!!

أبو نمر

20/03/2006, 02:27 PM

والله يالغالي مابعد الثوب والشماغ دقها لطمه ولاحدٍ عارفك !!!!!

ابو باسل

25/03/2006, 11:56 PM

انا افضل الملابس الرياضية حيث انها مريحه وتسهل عليك القومه والحركة

وعند الشروع بعملية :D عليك بالبشت او الفروه:j

فتى اللوز

30/03/2006, 02:48 PM

أنا أفضل اللبس الباكستاني لأنه مريح وساتر ومناسب للبر والقنص وغيرها

صاروخ

02/04/2006, 09:51 AM

البجيدي
شكراً لمرورك
هاوي خلا
رأيك محل تقريري وعلى العين والراس
ابو نمر
شكراً على المرور
ابو باسل
شكراً لمرورك
ويازين توقيعك لولا كيس الشعير اللى يمين الصوره
فتى اللوز
شكراً لمرورك

رحماك ياربي

24/04/2006, 10:52 AM

عن لبس النسافة لاتدور انشد مجرب زحمة ولا بدون زحمة واتحداك تبان عورتك
لبس خفيف ومريح وماأوسع منه فصل لك وحدة وادعلي أقل شي ألبس السترة من دون السروال

المطلق

24/04/2006, 10:28 PM

تخيل شكلك وأنت لابس بدله وراكب سيارة بر

كل اللي بيشوفونك بيقولون إن البر يمين وأنت يسار

إذا لزم الأمر اللبس الباكستاني زين

لاكن الثوب الإمراتي أزين وأزين

صاروخ

10/06/2006, 03:05 PM

رحماك ياربي

ما اقول الا يالله الخيرة ورحماك ربي
المطلق
مشكور وكلامك فية شيء من الواقع

الترفي

19/06/2006, 05:40 AM

كل ما يعجبك والبس ما يعجب الناس والناس اللي راح تصادفهم بالبر يعجبهم لبس الثوب وانا شخصيا احب لبس الثوب وان عاقت عن مطامر حطه داخل سروالك اواربطه :)

صاروخ

21/06/2006, 01:22 PM

اخي الترفي

شكراً على مرورك واكيد توقيعك هذا بعد طلب التصريح

الدبوس

21/06/2006, 02:01 PM

سبحان الله جعل لكل أرض لباسها وجلدها ولونها لكي يحميها وتتكيف معه ، فمن ألاف السنين عرفت كل أرض بلباسها بغض النظر عن الحدود السياسية فتجد أن جزيرة العرب بلباس الثوب الذي يصاحبه الشماغ أو العمامه وذلك لأن جوها شديد الحرارة صيفاً وشديد البرودة شتاءً وأرضها رملية وترابية وتثور الغبار فيها وبالتالي تستعين بالله ثم بالشماغ من العواصف الرملية والغبار وكذلك للتلثم في فصل الشتاء ولأن الثوب فضفاض فيسهل دخول الهواء للجسم لكي يبرد وفي فصل الشتاء تتدفىء بعمل القرفصا بالنوم وادخال الارجل داخل الثوب لتدفئتها ، كما أنه سهل اللبس والخلع ، وكما قلتم يستر به العورة ، وقد تخلعه وتغطي به طفل نائم أو مسن عن البرد أو الحشرات واالبعوض .

وأهم شيء بعد (الدين) هو المحافظة على هويتنا كسعوديين وخليجين وعرب بـ (اللباس واللغة) .

ومن المؤسف في بعض دول الخليج لايتكلمون إلا بالانجليزية - ودول المغرب العربي بالفرنسية ، فلماذا لا نتعصب لهويتنا كالألمان فهم لايتكلمون الا بلغتهم فتحاول أن تكلمهم بالانجليزية فلا يردون علماً بأنهم يعرفونها .

وهذا من أسباب ضعفنا واللباس الرياضي هو تدرج للبس الفرنجي وطمس هويتنا ، فأين جلابية المصري - وأين ثوب المغرب العربي - وأين الازار اليمني - وأين الشروال الشامي - والثوب السوداني .

الخلاصة : الثثثثثثثثثثثثثثثثثثثثثثثثثثثثثثوب في كل مكان وزمان

ونصيحة لا تجعلوا الخادمات يشترين ملابس أبناءكم فما ترونه من ميوعة وتشبه بالنساء في الملابس الافرنجية والرياضية إلا بعد تولي الخادمة زمام الأمور في المنزل وشراء حاجيات البيت والأطفال .

صاروخ

16/10/2006, 01:11 PM

الدبوس
شكراً لمرورك وتوجيهك الجميل الذي ارجو ان يلقى ترحيب من الجميع

لمع السحاب

16/10/2006, 01:23 PM

ياخي احسن منها البس لباس باكستاني فهو استر
اما الملابس الرياضية فلا غنى للمكشاتية عنها ياخي خفه ولو كان وزنك كبير وراحة ولا تخاف تتوسخ او ما شابهه

ابو مرام

21/10/2006, 10:22 AM

السلام عليكم راي انه ممتازه وخاصه بالصيد ولكن في حال انك من الاخوان السمان(دب) لاترتدي البدله وقل الله يخلي الثوب اخوكم ابو مرام...

ALBDRANE

22/10/2006, 02:32 PM

يقول المطنوخ

وان كان على صعوبة قضاء الحاجة تصبر لين يجي الليل

لين يجي الليل وين نصرفها فيه الله يرضى عليك تدري هالكلمة تصلح للحريم الي على شاطي نصف القمر ولا الي في روضة مكشوفة .....

واما سالفة الذرايه ضحكتني كثير....

من وجهة نظري غير الثوب الكويتي أبو عشرين ريال ( أبو بطة ) في البر لا تدور

http://www.mekshat.com/pix/upload/images21/mk34504_5555.jpg

وخل معك ثنين سبير بكياسهن ورى أو تحت المرتبه ولا تنسى ان الثوب يقدم لك خدمات كثيره منها

تهف به على الضو الاأعمت عيونك
وتذرابه لا جيت تقضي حاجتك
تمسح فيه يديك لا صارت عقب الغسول بالما النضيف ويغنيك عن المناديل
وغير ه الكثير

وتحياتي

يا عمو

22/10/2006, 10:23 PM

أخوي يا صاروخ انا واعوذ بالله من كلمة انا اقول ان لبس الملابس الرياضية الخاصة للبر احسن من لبس الثوب
طيب ممكن تقولي ايش الفرق بين لبس الملابس الرياضية والثوب
الملابس الرياضية : عبارة عن بنطلون
الــــــــــثــــــــوب : عبارة عن ثوب وتحته سروال
يعني زبد الموضوع هذا بنطلون وهذا بعد بنطلون
والله يسهل عليك
اقترح اقعد وراء عشب كبير
واسفة اذا طولت عليك

ابن الصحراء

23/10/2006, 07:40 AM

اي ملابس رياضيه حبيبي :no2:

بر مايصلح له ملابس رياضيه اصلا

هالمتبدوين :D هم اللي خربوا البر وطلعات البر :alarm:

خياله

23/10/2006, 08:16 AM

السلام عليكم
اشوف البس المناسب لطلعات البر هو الزي (الباكستاني) مريح جداً

عرق الحمراني

23/10/2006, 09:49 PM

لبس باكستاني

hbobnjd

25/10/2006, 07:13 AM

الراى فى الملابس الرياضية مريحة جدا :D

ديباج الصبار

26/10/2006, 06:13 AM

احبتي في الله

والله ما اطيعكم غير لبسنا الثوب والشماغ او الشال الصوف مايصلح للبر خلو عنكم ملابس سبور ورياضيه هالكلام ماخوذ خيره شوفوا وشتسوي هالملابس المذكوره الرجال عند قضاء حاجته اجلكم الله يتورط مامثل لبسنا خل عنك والشماغ والفروه مامثلها ويسمونها الرجال قبل الرفيق الطيب تغنيك باذن الله وتسترك وتدفيك

القصبي

26/10/2006, 08:49 AM

بصراحة الثوب عندي احسن من البدالة
اول شي موب من عادات العرب لبس البدل هههه
واذا جاك الضيف وش تسوي بالله عليك تقابلة بالبدلةههههه ( مب صاحي بيقولون )
صح ان البدلة زينة بس ماافضلها على الثوب
الثوب عطي الضرايب ويكلم اذا صار معة شماغ علشان يدفيك وتمسح بة خشتك اذا تعشيت ولا لقيت مناديل تمسح بها
وشكرا

فايكر

28/10/2006, 05:24 PM

احسن شي اللباس العادي

ابوفهد2001

01/11/2006, 11:26 PM

الصدق خزيه ألبس بدله اخاف يشوفن احد ثم يعلم العيال وتغدي السالفه (إلا كان ألبس بدله وفوقه فروه)

المحمول

03/11/2006, 08:26 PM

الملابس الرياضية مريحة جدا خاصة اذا كانت البلوزه ساتره وطويله
وفيه نوعيه من الناطيل يكون فيها مخابي (جيوب) كثيره لحفظ الاغراض
واقتراحي
لمن يلبسها اذا كان سيجلس فتره طويله بالبر ياخذ معه قميص نوم يحتاجه للستر عند قضاء الحاجه
اعزكم الله
وهذا مجرب

منزلي الصمان

03/11/2006, 09:31 PM

شف عاد يابو الشباب خذ العلم الي يجمد على الشارب .

والكلام الي ان شاءلله ماقبله ولا بعده، خلك مثلي معي ثوب خاص للبر اقرب ماله قميص طبعا ثوب شتوي ( صوف )كنه من ثياب جدي الله يسكنه جنات النعيم .
وسيع مهوب من الي يبينبه الوصخ لونه اشهب وله كموم مثل ثوب الصعيدي . مطبل من الغبار لو تنفظه جاك ربو لو مابك الا العافيه .

بس اعلمك جامع الدفء والوسع - الراحة - وراجمه ورا المرتبه .

الطعس الذهبي

04/11/2006, 03:41 PM

انا افضل الثوب الشتوي في الشتاء

نعمان الفهمان

04/11/2006, 03:44 PM

واللة ودك بلبس افغاني بالبر بس لو صادوك ما تشوف الشمس

كشته 111

10/11/2006, 08:23 AM

انا من رأي اخوي منزل الصمان رح لمحلات تفصيل الثياب اللي الثوب قماش اندونيسي او صيني ب 95 ريال وخله اول شي يحط رقبته عادية قصيرة ويوسعها 3 سم يوسع عرضه عن ثوبك العادي 3 سم عشان تاخذ راحتك لان ثوبك العادي يضايقك مع كثرة الحركه والتنزيل والتحميل في البر ويقصره شوي عشان ما يجي حوافه سود بعد الكشته والا وانت طالع لمكان كل اشوي توطي علي طرف الثوب وتعكرف واكمامه يوسعها 3 سم لكثرة حركة اليد ويقصرها 2 سم عشان ما توصخ الحواف , وبعدين وتعال شف الراحة في الجلوس والمشي والطلوع والنزول ,,, وسلامتكم والسلام عليكم ,,,

ابو شيخة

15/08/2007, 04:19 PM

انا اقول ملابس رياضية والي مضطر يدبر نفسة والستر زين

المليحي

15/08/2007, 07:58 PM

الملابس الرياضيه في البر تقيد الواحد من ناحية الواحد يشتغل لكن الثوب رسمي ويقيد الواحد قليل

المليحي

15/08/2007, 08:06 PM

الملابس الرياضيه ما تقيد

نجم الوادي

15/08/2007, 08:15 PM

بصراحة لا افضل الملابس الرياضية ولا الثوب في البر والرحلات
هناك الفرهول وهو من الملابس المميزة للبر راحة وسعة وتحمل وامان
اما عن قضاء الحاجة فكما يقال (فكر بالخروج من الحم________قبل دخوله )بمعنى ان اي شخص يريد الذهاب للبر عليه اختيار المكان المناسب لبيت الخلاء .معذرة على سوء التعبير

مستقنص

15/08/2007, 08:22 PM

السلام عليكم ورحمة الله وبركاته

مساكم الله بالخير

هو بصراحه على حسب المكان اللي تبي تطلع له وش تلبس كل مكان وله لبسه اما من ناحية فصل الشتاء فأفضل الثوب

مافيه شك ملابس الرياضه مريحه للبر من ناحيه الحركه بس مايمنع انك تاخذ ثوب
ماتدري وش بيواجهك قدام مايمنع انك تلبس ملابس الرياضه وفوقه ثوب
مهوب عيب للطوارئ نعيد ايام المتوسطه وحصة الرياضه

:D

شكرا لكم

اخوكم
ذرى

AL-OTAIBI

12/09/2007, 07:05 AM

والله الملابس الرياضيه مش بطاله لكن للاسف ما جربتها

لكن لا امسى الليل و شبينا الضو مالنا غناة عن الثوب و الشماغ , يحس الواحد بحلاة الطلعه

القرناس المهاجر

12/09/2007, 07:46 AM

يقلون بالأمثال( إللي ماله أول ماله تالي ( ويقولون ( التقليد الأعمى يضر )
وحنا يخوان عرب وابناء الجزيره العربيه لنا تقاليدنا وعوايدنا تكفون لآتفرطون فيها .. وتقلدون الأجانب .. تروهم مايتنازلون ويقلدونكم .. وانا بصراحه يوم اشوف إللي ينقل طير وهولآبس رياضي اتجاهله ويضيق صدري منه ولآاعده ابدوي وقبيلي وراعي بر.. مع إحترامي لأحبتي كلهم بمكشات ..
(يمكن واحد يقول .. عاد من هالأصاله فيك ههههههه الله يسامحه :D :D )
لكن حقيقه مو لآيق على ابناء الجزيره ألأصايل هاللبس .. وهذا رايي ولاتزعلوووووووون

اخوكم ..القرناس المهاجر