طعمه في تانكي الوطني!!!

[بو ساري]

السلام عليكم ورحمة الله وبركاته وبعد،،،

اخواني اود ان استفسر عن افضل طريقة لإزالة رائحة تانكي البولي اثلين من مصنع الوطني ، حيث اني لثاني مرة اقوم بتعبئة التانكي ولا زال هناك طعم في الماء .

ارجو الافادة بالحلول الناجعة:good2:

[ادليلة]

شف اللي الي تعبيبه الماء يمكن يصير منه

[بن هدهود]

حقيقة اخوي بو ساري عندي واحد في سيارتي 95لتر مشفت منه شي لكن قد يكون ماغسلته اول مره او زي ماقال اخونا ادليلة الماء الي تعبي منه وتراه ضمان سنتين ارجع للي شريت منه

[سديراوي 13]

اخوي ابو ساري انا عندي تانكي مثلك ولا فيه طعم الحمد لله

اتوقع الطعم من الي تعبي منه واذا كان الطعم من التانكي رجعه لهم ترا عليه ضمان سنتين

[بو ساري]

ادليلة
ls1 4*4

اما الغسل عز الله اني غسلته زين
اما اللي هل تقصدون اللي تبع الوايت اللي اعبي منه؟
او اللي المتصل بالتانكي ؟
أيهما تقصدون

[alcobra2000]

انشاء الله يفيدونك الاعضاء

[وحش القفار]

اللي الذي يوصل الماء غالبا او الخارج من الخزان

[abo-lma]

غير اليي الموجود في التانكي

موفق خير

[عاشق الموطن]

معي اخوه 95 لتر ومافيه الا العافيه والماء يجلس فيه اسبوع واسبوعين واكثر وماتغير شي على الطعم
شوف ممكن اللي .....غيره بلي مكيف صحراوي شفاف وان شاء الله يزين معك

[msm5022]

عبيه ما الى ثلاث ارباعه تقريباً مع شيئ لايذكر من الكلوركس طبعاً وهو بالسيارة علشان ينخظ مزبوط وبعدها فرغ الماء ونظفه وغسله مزبوط واتركه مفتوح علشان يتهوا ويطير كان باقي ريحة من الكلوركس وبعدها شوف ....... طبعاً انا مجرب هالتجربة لكن على جركل 50 لتر كان معشرق وفيه ولله الحمد راح العشرق والرحة وطعم الماء على كيف كيفك ....... والله يوفقك

[ابوفهد 1]

أنا شريت واحد منهم 85 لتر ولا فيه ريحة

لكن بعد ما عبيته فل صار يهرب شي بسيط من فوق مكان الشدادات

رجعت لهم ثاني يوم وجابو لي واحد ثاني ونظفوه وغسلوه وبعدها قلتلهم عبوه مويه فل عشان أشوف إذا فيه تهريب والحمد لله صار تمااااام ولا يوجد أي رائحة أوطعم في المويه ولله الحمد

[تسعه وتسعين]

اهلاً اخي بو ساري انا معي من الوطني95 لتر واقف مافيع احسن منه لكن من ضمن الامور المضمونه عندهم سنتين تغير الطعم والرائحه كلمهم وان شاء الله بيبدلونه
تقبل مروري

[ذعذاع الهواوي]

اخوي شريت واحد من المصنع ببريدة وقالولي عب ربعه موية وحط فيه ملح وخله بالموتر يومين وبعدين فظه وغسله غسيل جيد ولله يعطيك العافية

[بن هدهود]

شف اخوي اذا كان الي شفاف ساده طراه يطلع ريح بلاستيك حط لي مكيف صحراوي بتشوف الفرق

ماا تغير شي ارجع للوكيل على الضمان والله الموفق

[AMERALNET]

خذ العلم يا باغي العلم
انا ابيع واشتري بالتوانك هاذي ولي الخبره والحمدلله

سبق ان واجهتني المشكله هاذي وفعلن تحس فيه طعم بلاستيك انا اعبيه مويه تحليه واحصل فيه طعم
ومليت وانا اغسله

والحمدلله اكتشفة النتيجه بفضل الله ثم بفضل التجارب اللي ماخليت شي الا وسويته فيه...

اول حاجه اخوي الله لا يهينك ولا يصغرك
انك تـفـك اللي كامل وتغيرهـ بللي غاز اسود ايطالي مكتوب عليه بالابيض سعر المتر تقريبا بـ 3ريال او 5ريال

ثاني شي
تغير الوصله اللي بين اللي وبين التانكي الصغيرهـ
سبق اني حطيت استيل عشان مايتاثر بالماء ويصنق وللاسف اسنقة وصارت تغير لون الماء الى برتقال
اكتشفت انها استيل صيني يعني اي كلام والمعروف عن الاستيل انه مايصنق. الا اذا كان مغشوش.

ثالث شي اغسل الحنفيه وان امكن تغيرها افضل.
رابع شي انك تعبيه مويه حلوه او اذا ماحصلك مويه حلوه عبه من حقين الوايتات وقبل ماتعبيه ابيكـ تذوقه كم مره.
ثم عب التانكي ووكل الله .

وصلى الله وبارك
اخوك ابوياار

[محمد أبو حمد]

شف جعل والديك بالجنة ومن يقرأ :)

بعض خزانات الوطني لها فتحتين , يمكن تكون سديت وحده منهم بسده , أو تكون إستعملت بزبوز أو سده حديد , وهذا يخلي الماء من جهة السده (( يصدي ))


الحل :

ضع سده بلاستيك (( مثل حقات المكيف الصحراوي ))

وإذا كنت ماركبت سده .. إغسل تانكي الوطني (( بالماء والملح .. الملح الخشن ))


ودمتم سالمين غانمين ,,,

[هاوي موتري96]

السلام عليكم ورحمة الله وبركاته


اخوي تبي العلم عطاك اياه اخوي ابو يارا


الاخ ابو معاذ ياليت تشيك على الاملاء في ردودك


مشفت < < ماشفت


طراه < < تراه


للتوضيح فقط لاغير

[تركي الضرغام]

أنا مرت علي مثل هالمشكله
المشكله هي اللي للي تعبي به
أنا كنت أعبي بلي نجدوع بالحوش
بس العلاج قبل ما تغير اللي مثل ما قالو الشباب
أذا بغيت تعبي التانكي أذا حولك شجر أكسب فيها أجر وسق الشجر ولا رش قدام الباب ولا سو في أهلك خير وأغسل الحوش ههههه
لالا أهم شي حاول تستخدم للي قبل ما تعبي
مثلاً عب لك جركل للأستفاده منه في الغسيل
يعني المشكله كلها من اللي وأذا أستخدمت لي جديد لا تتركه بالشمس

[رعب الصحراء]

جزاكم الله خير
أخي صاحب الموضوع الله يفرج همك ، الاخوة الاعضاء شكرا لكم على تجاوبكم و عندي نفس المشكلة بس ابجرب ان شاء الله تعالى و ان شاء الله تنحل المشكلة

[بو ساري]

اخواني
الله يرحم والديكم عن النار
كفيتوا ووفيتوا

اما السدة حقت التانكي هي حديد وبأغيرها لسدة بلاستيك حسب اقتراح الاخ محمد ابو حمد
واللي بأغيره إلى اللي الايطالي حسب اقتراح الاخ AMERALNET (http://mekshat.com/vb/member.php?u=59144)
ومشكورين ومأجورين بإذن الله

[بن هدهود]

السلام عليكم ورحمة الله وبركاته


اخوي تبي العلم عطاك اياه اخوي ابو يارا


الاخ ابو معاذ ياليت تشيك على الاملاء في ردودك


مشفت < < ماشفت


طراه < < تراه


للتوضيح فقط لاغير

أقول خل عنك التدقيق أقر وبس لعلم عليك ابومحمد

[هاوي موتري96]

^^^^^

سم طال عمرك

[abumohammad99]

الا الله لا يهينكم

انا طلع معي طعم الله لا يوريك..

طبعا ابتلشت بالتوصيل من التانكي..

اول شي سكر نيكل ثم كوع ثم اللي ( حق الصحراوي الشفاف ) والجهه الثانية سدة حديد..

تهقون وش البلا منه...

وودي افتك من كوع الحديد وعجزت لو شلته بنكسر اللي..

[سكيكو]

بسم الله الرحمن الرحيم

اخي وجود طعم في الخزن للاسباب التالية :
1/ تاكد من عدم وجود قطع البوي اثنيل بسبب فتح سنه في الخزن .
2/ لا تقوم بتركيب اي وصله حديد " جلبه او نبل او حنفيه " بالخزن .
3/ ركب ادواة من البلاستيك " وخصوصاً السده " أو النحاس فقط .
4/ لاتقوم بغسل الخزن بالمواد الكميائية " حتى لا يحدث تفعل مواد "
5/ اذا سبق ان ركبة اي قطعه حديد و سببة صدى يجب عليك التالي
أ- غسيل الخزن بالصابون و الماء و الكلوركس " كوب كلوركس مع 30 لتر ماء فقط " المرحلة الاولى
ب - كوب من صابون الاواني المنزلية مع 25لتر من الماء مع الرج جيدا ثم تركه اكثر من 16 ساعة ثم تفريغ الخزن منه .
ج- غسيل الخزن بالماء فقط ولكن مغلي 30 لتر ورجه جيداً" اترك السده مفتوحه حتى لا يتسبب في زيادة ضغط الخزن " ثم افرغه .

اتمنا لك التوفيق


سكيكو "لديه الحلول "