المساعد الشخصي الرقمي

مشاهدة النسخة كاملة : ليش ياملاك الشاصات تبيعون مواتركم الجديده....؟


عزوز 2005
18/02/2011, 10:10 PM
بسم الله الرحمن الرحيم


نلاحظ في الفتره الأخيره أن ملاك الشاصات يبيعون مواترهم مع أنها جديده 2010
وماشيه شي بسيط....؟
هل الموتر فيه عيوب أوغير مريح أو على مايقولون طفه
حتى الظاهره عند ملاك 2009
أفيدونا ياملاك الشــــــــــــــــــــــاص
sal999
18/02/2011, 11:49 PM
والله أنك صادق اخوي السوق الاسبوع الي راح في القصيم استغربت كله شواصي
terke mekshat
18/02/2011, 11:54 PM
أنا استغرب من اللي معه شاص بالديره الشاص لراعي الغنم والبعارين واللي بالبر دائماً أما يجيك مركب جنوط و... ويتمشى فيه بالديرة مدري وش يحس فيه!!!
قناص خلاوي
19/02/2011, 12:02 AM
أكثر الناس تدور المكسب
يجيبه جديد من الخليج وبالطريق يفصل عداده
ويدخله الحراج عشان يتكسب منه
هذا اللي اشوفه واعرفه
قطب 999
19/02/2011, 12:40 AM
اولاد نعمه طافيين بالموتر يوم تكسرت اظهورهم من الشاص باعو
أبو عقيل النجدي
19/02/2011, 07:51 AM
يستغلون وقت الشتاء للبيع الموتر يجيب سعر اكثر
عاشق المخيله
19/02/2011, 08:12 AM
يا رجال عندي سؤال ليش خصيت اهل الشاصات
كل المواتر حتى الهدد جات له طفه والربع ايضا
لكن الحكم يجب انك تشوف منهو اللي راكب الشاص اذا كان نونو توه صغير فهذا يمكن انه مدلع وكل سنة يبي موتر والا يمكن اتعبه مطب الموتر
وان كان كبير بالسن يمكن حدته الدنيا ومحتاج فلووووس الله يحمانا واياكم
ibnaffan
19/02/2011, 08:35 AM
نعم نعم
اشاركك الراي ياعاشق
تحياتي
wrs3975
19/02/2011, 10:02 PM
يا رجال عندي سؤال ليش خصيت اهل الشاصات
كل المواتر حتى الهدد جات له طفه والربع ايضا
لكن الحكم يجب انك تشوف منهو اللي راكب الشاص اذا كان نونو توه صغير فهذا يمكن انه مدلع وكل سنة يبي موتر والا يمكن اتعبه مطب الموتر
وان كان كبير بالسن يمكن حدته الدنيا ومحتاج فلووووس الله يحمانا واياكم

هذا الكلام .... شكرا لك أخوي عاشق المخيله والشكر موصول لصاحب الموضوع وفقكم الله
ومض
19/02/2011, 10:16 PM
نتمنى الرد من اصحآب الشآص الجديد أو الربع الجديد ايضاً ..
بواسامه
19/02/2011, 10:34 PM
أنا استغرب من اللي معه شاص بالديره الشاص لراعي الغنم والبعارين واللي بالبر دائماً أما يجيك مركب جنوط و... ويتمشى فيه بالديرة مدري وش يحس فيه!!!
:D:D:D:D:good2:كلامك كله كويس
معشى الذيب*
19/02/2011, 10:38 PM
انا اعلمك اخوى عندى الخبر

الشاص من 2009حتى 2011

اذوصلت سرعته 160يقطع الكهرب عن طرمبة البانزين
والثانيه اذكنت مسنده طلعه بالنفود وداعس على البنص حيل يقطع
ونت بنص الطلعه
يعنى ريل ماينفع

هذا اللى انا سمعته من بعض الزملاء

والله اعلم
دواك عندي
19/02/2011, 11:41 PM
طفة بزارين:)
أبو سعران
19/02/2011, 11:57 PM
أنا استغرب من اللي معه شاص بالديره الشاص لراعي الغنم والبعارين واللي بالبر دائماً أما يجيك مركب جنوط و... ويتمشى فيه بالديرة مدري وش يحس فيه!!!


اي والله انك صادق :good2:

انا اكثر ما يرفع ضغطي لا شفت الشاص عليه جنوط جي تي ولا جنوط من حقات مواتر عيال الدلع، وتلقى السواق حاطن شعره قصه ويتميلح >>>> احس ودي انزله واقوم واتمردغ في كرشته :mad:

مثل هذي الصور :mad:

http://www.no7asy.com/up/no7/No_399243244.jpg




http://files.mothhelah.com/img/9JC08893.jpg
عااشق نفود
19/02/2011, 11:58 PM
انا اعلمك اخوى عندى الخبر



الشاص من 2009حتى 2011


اذوصلت سرعته 160يقطع الكهرب عن طرمبة البانزين
والثانيه اذكنت مسنده طلعه بالنفود وداعس على البنص حيل يقطع
ونت بنص الطلعه
يعنى ريل ماينفع


هذا اللى انا سمعته من بعض الزملاء



والله اعلم

مب صحييح انا معي شاص 2010 والحمد الله ولا احلا منه:f
صالح الوليدي
20/02/2011, 12:08 AM
معاي شاص 2009 أكثر من مرة تطلع ريحت الكلتش خصوصاً مع الحملات

وشاص 95 قبله كان معي وحملته أكثر منه ولاطلعت ريحته وديته الوكاله قالو مافيه شئ !

السيارات الجديدة خرطي وسلامتك
ابوتمه
20/02/2011, 12:59 AM
اولا الشاص الطلب عليه واجد لان الي يشتريه راعي الحلال والباديه وراعي المقناص وراعي الكشتات والي هاوي الشاص والشباب الي يضبطونه ويزينونه وفي الغالب ما يطول الا مع الي هاويه عشان كذا تشوفه واجد في السوق وثاني شي الي شاريه يضبطه من حقه الله منعم عليهم ومسكت معه شاص وشراه يعني وش فيها اللحين والله لو ما يمسه الا المطهرين وبعدين الي ما يطول العنب حامض عنه يقول وبعدين الشاص من 2000 الى 2009 واحد ما تختلف الا في الواجهه فقط والا كل المحركات والداخليه نفس الشي ما تفرق 9 عن 2000واختلف 2010 و2011من حيث الداخليه والمكينه صارت بدال من هي راس صارت راسين والي يسب العشره غلطان لانه ممتاز جداا على ان معي 2009 الا اني امدح العشر اكثر من التسعه وشكرا
sgl2002
20/02/2011, 01:01 AM
أقول لاحد يقعد يطلع إشاعات وكلام ماله داعي ...

انا معي 2009 بريمي رحت وجيت عليه ... والله ماشفت منه شي لا ريحة كلتش ولا قطعه ولا خرابيط ...

وله معي ثلاث شهور وببيعه وقلبي بتقطع عليه لكن وش تسوي إذا حدتك الدنيا
ابوفاضل2
20/02/2011, 10:31 AM
شاصي التصميم لندكروز جيب
مايبيعه من شراه ليا شرى
مايبيعه غير مردي النصيب
اومن يحده على قروشه زرى
أبا مجاهد
20/02/2011, 10:45 AM
قبل فتره طلع موضوع عن الفورد!

والان الشاص!

اعتقد الموضوع ومافيه(وليعذرني كاتب الموضوع)وسوسه!
mjd
20/02/2011, 10:55 AM
طفه.......
هوايتي مكشات
20/02/2011, 11:47 AM
انا اعلمك اخوى عندى الخبر



الشاص من 2009حتى 2011


اذوصلت سرعته 160يقطع الكهرب عن طرمبة البانزين
والثانيه اذكنت مسنده طلعه بالنفود وداعس على البنص حيل يقطع
ونت بنص الطلعه
يعنى ريل ماينفع


هذا اللى انا سمعته من بعض الزملاء



والله اعلم

اخوي معشي ماهو كل الشيصان فيها هالمشكله
تقبل مني كل التقدير
فتى البكيريه
20/02/2011, 05:47 PM
[QUOTE=ابوتمه;6254269]اولا الشاص الطلب عليه واجد لان الي يشتريه راعي الحلال والباديه وراعي المقناص وراعي الكشتات والي هاوي الشاص والشباب الي يضبطونه ويزينونه وفي الغالب ما يطول الا مع الي هاويه عشان كذا تشوفه واجد في السوق وثاني شي الي شاريه يضبطه من حقه الله منعم عليهم ومسكت معه شاص وشراه يعني وش فيها اللحين والله لو ما يمسه الا المطهرين وبعدين الي ما يطول العنب حامض عنه يقول وبعدين الشاص من 2000 الى 2009 واحد ما تختلف الا في الواجهه فقط والا كل المحركات والداخليه نفس الشي ما تفرق 9 عن 2000واختلف 2010 و2011من حيث الداخليه والمكينه صارت بدال من هي راس صارت راسين
رسلان الوايلي
20/02/2011, 09:20 PM
مب صحييح انا معي شاص 2010 والحمد الله ولا احلا منه:f
كلام سليم100% وان معي شاص 2010 احسن الشصات:l
ابو سعود 2009
21/02/2011, 01:12 AM
والله الي انا اشوف ان بعض الناس يستعجل لشراء السياره ولما يجربها ماتجوزله ويبيع
شمر 909
21/02/2011, 07:55 AM
اولا الشاص الطلب عليه واجد لان الي يشتريه راعي الحلال والباديه وراعي المقناص وراعي الكشتات والي هاوي الشاص والشباب الي يضبطونه ويزينونه وفي الغالب ما يطول الا مع الي هاويه عشان كذا تشوفه واجد في السوق وثاني شي الي شاريه يضبطه من حقه الله منعم عليهم ومسكت معه شاص وشراه يعني وش فيها اللحين والله لو ما يمسه الا المطهرين وبعدين الي ما يطول العنب حامض عنه يقول وبعدين الشاص من 2000 الى 2009 واحد ما تختلف الا في الواجهه فقط والا كل المحركات والداخليه نفس الشي ما تفرق 9 عن 2000واختلف 2010 و2011من حيث الداخليه والمكينه صارت بدال من هي راس صارت راسين والي يسب العشره غلطان لانه ممتاز جداا على ان معي 2009 الا اني امدح العشر اكثر من التسعه وشكرا



الله يبيض وجهك على هالكلام الموزون ..


والله مايرفع ضغطي الا الي مخلين الشاص على قولتك (لايمسه الا المطهرون) ..


يجيك الواحد مهااايطي كبير ولا يشوف احد بعينه .. يحسب انه هو راع البر وراع الذود بس وغيره لا


وهو والله مايدري منين هي هابه


الشاص موتر من عرض المواتر يركبه كل احد ولاهو حكرن على ناس معينين ..


وش المشكله اذا ركبه الي يتميلح والي يضبط والي يحط جنوط والي عنده حلال والي والي ..


وش المشكله ؟؟


يعني لازم واحد مهاااايطي الي يركبه ..



قال ايش قال ودي انزل الي مركبن جنوط واتمردغ ببطنه ؟؟


نعوذ بالله من الكبر والعنجهية ...


الشاص سياره تطربك بالبر وبالديره حتى وهي واقفه عند البيت تطربك ..


فيه ناس تشريه حاجه وفيه ناس تشريه هوايه وفيه ناس تجريب وفيه وفيه


يعني مهو لازم حلال وذود وحبتين وهياط !!! ولا ماتشري شاص



ماقول الا عزززز يالشااص



************
راشدالتميمي
21/02/2011, 08:54 AM
راكب الي كن زوله زول ذيب أن نطحته وأن قفيته من ورى
.....
مايبيعه غير مردي النصيب أو من يحده على فلوسه زرى

والله أنهم صنعو موتر
2010 جكس آر لاركبته من راحته وطناخته ولا بغيته للزوم أنا أشهد انه شاص ماهو هذيك الي تكسر ظهرك ماصبرك عليها الا عزمها لا هذا خلاص حطو لك كل شي فيه مع ان الأولات مواتر ماعليها كلام

ويالربع مع اني موتري مايعرف المغسلة ولا الكماليات ولايتعدى البر لكني ماألوم الي يشترونه يكشخون فيه لأنه شيخ
لاشفته بين المواتر ماتقول الا فحل بين ذود لازم يلفت انتباهك وتجلس تتعجب من زينه ونظرته
سمهر
21/02/2011, 11:02 AM
مستغرب والله من هاحاله
سمهر
21/02/2011, 11:02 AM
مستغرب والله من هالحاله
عزوز 2005
22/02/2011, 05:03 PM
مشكورين على الردود والتفاعل من الجميع
والله يعطيكم العافيه
تحيـــــــــــاتي للشــــــــــــــــاص
m-a-z-d
22/02/2011, 05:13 PM
وهو والله مايدري منين هي هابه

ههههههههههه الله يوسع صدرك
(((.ابوتميم .))))
22/02/2011, 08:03 PM
...............
عبدالله المطيري
22/02/2011, 08:41 PM
أنا أعلمك السبب

من واقع تجربة انا معي شاص 2010

الشاص عموما مايصلح الا للحاجة يعني ياراعي ابل أو غنم مجبور عليه جبر
ولا الرجال اللي ماعنده لاهذي ولاذيك حرام يدفع فيه هالقيمه


أنا والله شريته اول مانزل بحوال 123000 والله لو ماني محتد عليه ماحطه فيه


ولكن اذا أنا راعي ديره وطلعتي للبر خفيفه بشتري جيب gxr بحدود 70000 لو انه قديم بس الجيب

يعيش وال gxr اريح وافضل لراعي المكاشيت


الشاص سعره غالي جدا على غير سنع
اول 9099
23/02/2011, 09:45 AM
الربع والشاص تمل على طوووووول (راعي تجربة)
مريتو
23/02/2011, 09:53 AM
ارجوا من الجميع عدم تنقص أحد ، كل واحد ينام على الجنب اللي يريحه ، وبعدين قولت بزارين ماهي مناسبة في منتدى رجاجيل وعلوم سنافية .والله يحفظ الجميع
ولد وايل 2010
23/02/2011, 10:09 AM
ياشباب على هونكم كل(ن) يسوي اللي هو يبي اذا كان من غير معصية للخالق ، واللي معه فليسات يطنطخ ماهنا الا العافية ابد من غير فسوق بالنعمة
راعي الشاص 10
25/02/2011, 01:27 AM
الجواب باختصار لانه شييييييك

متا ما تبي تبيعه ومتا ما تبي تشريه

ادخل السوق اي وقت تلقا انوا واشكال الشاصات لاكن دور سيرا مثلا تبي تلقا انواع واشكال والوان طبعا لا

وانا اقول شيك بمعني الكلمة
عااشق نفود
25/02/2011, 05:14 AM
أنا استغرب من اللي معه شاص بالديره الشاص لراعي الغنم والبعارين واللي بالبر دائماً أما يجيك مركب جنوط و... ويتمشى فيه بالديرة مدري وش يحس فيه!!!
ياخي وش عليك منه يركب اللي يركب جعله يذبه مع الوادي
خلك في نفسك .:f
MaaJnOoN
19/03/2011, 10:32 PM
اتوقع لان طلع له منافس قوي واللي هو الجمس الجديد اكثر الشيبان والشباب بدو ياخذون السيرا
لانه مريح ونشيط وقوي ويتحمل مثله مثل الشاص وارخص بعد
مثل سيرا 2500hd
مدور شاص
19/03/2011, 11:38 PM
هم يبيعون وانا ادور شاص
درجلان الشمال
20/03/2011, 01:29 AM
مابه شي خلو الناس تستانس وتنبسط اللي مامعوش مايلزموش
انبغوا يشرون الشاص وويقفه على بلك دافع شي انت وياه
اعيونه
20/03/2011, 12:55 PM
سبق وان تكلمت في موضوع الشاص 10 و11 وياكثر الي يسب ويشتم ويقول انه موتر الصدق طلع الاان==== الله وكبر الله وكبر ظهر الحق ==دنيا
sgl2002
20/03/2011, 01:07 PM
أنا معي شاص وناوي أبيعه الحين 2009 ...

والسبب إني خايف عليه أحد يصدمه أو يسرقه يعني موتر ب100ألف يستحق الواحد يخاف عليه ...

عشان كذا ابيعه واشتري ربع نيسان بنص قيمته ... والا الشاص علي الحرام حرم الدم أنه موتر ومن ساقه ما عاد يملى عينه سياره ثانية في القوة والعزم
فنجال ورجال
20/03/2011, 02:00 PM
يا جماعه قول لا إله إلا الله
ترى السالفة مزاج وكلن له رغبة الشاص تسخدمه الكشاته وأهل الحلال واهل المزاج ويا كثره في الشركات مع ابوهنود وغيره يعني سيارة من عرض السيارات ( ولو اختلاف الناس في المزاج كان بارت السلع )
فكلن الله يبارك له والأمر طبيعي وماتشوفن شر يا ويجيه الخير وكلن يصلح سيارته
نسيم المطر
20/03/2011, 02:43 PM
أنا معي شاص وناوي أبيعه الحين 2009 ...

والسبب إني خايف عليه أحد يصدمه أو يسرقه يعني موتر ب100ألف يستحق الواحد يخاف عليه ...

عشان كذا ابيعه واشتري ربع نيسان بنص قيمته ... والا الشاص علي الحرام حرم الدم أنه موتر ومن ساقه ما عاد يملى عينه سياره ثانية في القوة والعزم

ايه معك شاص وش معرفك
الرحال الجنوبي
20/03/2011, 03:55 PM
مطلوب شاص من أبها إذا أحد عنده من 90 إلى 2000 فارجو ان يراسلني على الخاص
دروب الذكريات
20/03/2011, 04:38 PM
الهايلوكس تقطع الظهر عاااااااد كيف الشاص
اقول إلا الله يعين اللي معه شاص واللي يقول شيك ما شيك أنا أشتري راااااااحتي وبس والفلوس اللي تخدمني هي أبرك الحلال

خذ لك موتر حق كللللللش بر وطريق وحداني وإلا معك الشله

مثل vxr أو جكس واللي أحسن منهم في نظري بدون تعصب الفتك توي أخذلي واااااااحد والحمد لله جميع مراياتي عنه طيبة خط وبر وووووبدون تعصب (( محب لنيسان ))
ابوتمه
21/03/2011, 03:35 PM
انا معي شاص 2009 له معي سنتين ولا احلى ما لاحضت فيه شي ولا لي نيه ملل لو بغير سياره ما شريت الا مثله جديد لاني شاريه هوايه ولو تشوفه تقول ما طب البر نضيف ولا فيه شي ورحت عليه وجيت وقنصت عليه وقت الحمام العام وذي السنه كلها اقعد شهر ولو تشوفه اللحين تقول كني من ابو قصيصه ذا الي تقولون وموسع صدري نغسل ونركب جنوط ونكشت ونوقفه عند الباب كنه اي سياره بس الناس ماخذه ان الشاص ما يسوقه الا الرجاجيل كلن يسوقه مثله مثل الاكسنت او اي سياره
famr55
21/03/2011, 04:16 PM
الشاص .. لا يختلف عليه اثنين في حال اعتناعك بالمطب والمناقز

وعن نفسي فأنا من هواة الشاص واركب الشاص من 15 سنه والحمد الله ما اشوف شي

مع اني منب راعي بر طلعات على الخفيف ..

واما عن 2010 و 2011 ما اشوف مشكله بالعكس قوة عن الاول هذا مالحظته

واما عن كثرة تواجده بالسوق وزيادة العرض كل سنه في نهاية الشتاء 80% من ملالك الدفرنسين يفضلون البيع

الامر عادي .

تحياتي
ذيب النجيل
21/03/2011, 04:33 PM
فيه مشاكل((بالشاص والربع )) موديل 2010 و2011

وهو ان الصوفه الي بين المكينة والجيربوكس تنفقع وتهرب زيت وهو جديد

واعرف اثنين واحد معاه 2010 وواحد معاه 2011

وكلهم صارت لهم هالمشكلة

وصوت المكينة عالي شوي مثل صوت تعليقة التحمية الي بعد ماتحمى المكينة تفك من حالها

لكن هو على طول صوتة مرتفع باستمرار
((ابوملاك))
23/05/2011, 10:17 AM
انا اعلمك اخوى عندى الخبر




الشاص من 2009حتى 2011


اذوصلت سرعته 160يقطع الكهرب عن طرمبة البانزين
والثانيه اذكنت مسنده طلعه بالنفود وداعس على البنص حيل يقطع
ونت بنص الطلعه
يعنى ريل ماينفع


هذا اللى انا سمعته من بعض الزملاء



والله اعلم



زملائك ما يدرون وين الله حاطهم

اولا هذي تسمى فصله والشاص والربع يفصلن على 170 وكل المواتر بهن فصله الا ماندر

طريقة عمل الفصله انه الطرمبه تفصل البنزين عن الموتر يعني لا وصلت 170 ما تقدر تعداه لانه بعد هالمرحله ما راح يعطيك بنزين فا يخليك على الفصله

ولو تبي فك الفصله فكه بس مهما كان موترك مع الوقت بيخبط قيره ولا مكينته ولا كلهن

واغلب الاوقات قيره
السبيعي 503
23/05/2011, 01:36 PM
اناا أستغرب من بعض الردود الله لا يبلاانا

الشااص موتر ولا يختلف علي ثنين , , لكن على قولة الي يتمشى علية في الديرة
طيب ابقولك في الصيف أكثر الناس ماتروح ولا تجي , يعني في الشتاء طلعات واجد
والي معة شاص ماعندة الا هالجيب لحالة , اكيد بيروح بيتمشى على داخل المدينة

وحقيقتاص الي يصلح الجيب جنوط وخرابيط زايدة كذا مايصلح , الشي ان زاد عن حدة سمج
عاشق الحوطه
23/05/2011, 02:00 PM
انا معي أشهب أقطم2010 ولا احلا منه
ماهموني
23/05/2011, 11:39 PM
بعض الاوقات راعي القصيصه عنده نخوة وفزعه ما يصبر يتعدى احد الا وفزع له
وبعض الاحيان المهايطي اللي مسوي انا الرجال الشهم يمر من عندك ولا كأنه شافك
أميرالعشاق
24/05/2011, 12:57 AM
السلام عليكم ورحمة الله وبركاته...
هذه وجهة نظري...
أولاً: الرجوله لا تقاس بلبس الرجل ولا بمظهره بوظيفته ولا بسيارته ..إنما بدينه ثم بأخلاقه....
ثانياً: بالنسبه لموضوع من يشتري سيارة (مهما كان نوعها) ويهتم بتغيير مظهرها وتعديلها..
فهذا ماله وهو حر فيه ...لو يحرقها...مادام ما استخدمها لتهريب أو لتفحيط أو غيره..
فأسأل الله أن يرزقه ويرزقنا..
ثالثاُ: بالنسبه لموضوع بيع الشاصات ...السوق مليان شاصات وجيوب ربع وصوالين من موديل 78 الى 2011..بسبب أنها سيارات محافظة على سعرها ومرغوبه من الشباب ومن كبار السن ومن اهل الحلال وللعائلات..ولا ننسى إنتشارها في الجهات الحكومية المختلفة...
بالرغم من وجود منافسة قوية من سيارات نيسان والجموس والشركات الأخرى....
وشكراً لكاتب الموضوع ولكل من شارك بالموضوع وللجميع...
Abu Sary
24/05/2011, 03:52 AM
بعض الاوقات راعي القصيصه عنده نخوة وفزعه ما يصبر يتعدى احد الا وفزع له
وبعض الاحيان المهايطي اللي مسوي انا الرجال الشهم يمر من عندك ولا كأنه شافك

:good2::good2::good2::good2::good2::good2::good2:: good2:

الرجـال مخـابر ماهي مظـاهر ..


ومـالكم ومـال الناس ..

الموضوع كـان يتكلم عن سبب بيعته وراحت السوالف بعيد..


بالتوفيق للجميع ..













( اللهم حسن الخاتمة )
الهاجر 7002
24/05/2011, 05:31 AM
سبب آلبيع نآس تمل منهـ ..<~~~مآيعرف قيمته لحد آلآن

نآس تتعب من منآقزته <~~~ لو ينقز نقز آقوله علآج بس

نآس تحتآج مبلغ مآدي <~~~آلله يعينهم ويقويهم ويرجعون لهـ

نآس تحب تركب نوع منه ثآني <~~~ آلله يرزقنآ ويآهم

نآس تبي آلمكآسب <~~~ آلله يرزقهم ويرزقنآ

نآس حآبين آنهم يشترون سيآره عآئليه <~~~آلله يستر عليهم

نآس يبيعونه عشآن خرآب <~~~حسبنآ آلله ونعم آلوكيل

نآس خلصوآ آللي بروسهم <~~~ هع يآكثرهم بس يبي يركبه لو دقيقه

نآس و نآس ونآس....آلخ


لكن آللي يآخذ آلشآص يقول لآ تركب فيه جنوط آقول له غلط × غلط ..

ركب بموترك جنوط آفضل من آلشنبر (لستك) ..

عآد تركب عريض ولآ سخيف هذآ رآيكـ ..

آلشآص لو مركب آي جنوط عآدي آهم شي آنه شآص ..




عــــلآج لو فيه آلآمرآض كلهـ

آنــــــــــــآ هويته وقلبي هوآهـ
^^^^^^^^^^^
آلله يكفيني شرهـ يآرب ~
ابوخالد ب141
24/05/2011, 06:32 AM
(معليش اسموحولي بخش عرض)
ياحليلك يابوعزيز ابودقس وبس خخخخخخ ...
لاني توي طاق واحد11
عادل 30
24/05/2011, 09:32 AM
الفرق بين 2009 و 2010 والكلام هذا عن واقع تجره

الافضل الشاص 2009 لعدة اسباب
بالخط راسي مايتحرك يعني لو يجي مسرع وتمر من عنده تريله بالخط مايتحرك اما العشره يلعبك لان وزن المكينه خفيفه
اذا حملت عليه في نفود او جيت مع هيار عاد يقبل البنص اما العشره يكتم لازم تكون النمره بواحد وتصير شادله لان البنص كهرب
مكينة2009 اطول عمر وافضل لي السحب والحمل الثقيل والعكس صحيح
2010 افضل بشي واحد اقوى عزم في الخط فقط اذا ماعليه حمل وبشي بصيط وداخليه افضل
ابوريان111
24/05/2011, 03:24 PM
ياناس انتم مافهمتوا السالفه اللحين الشاص غلى مره علشان الزلازل اللي باليابان رح لللسوق وشف اسعارهن على 127 طبعا 2010 و2011 الجديد بالامارات150 وها\ي فرصه علشان يبيع سيارته
رومنسي 666
27/05/2011, 02:51 PM
ياناس انتم مافهمتوا السالفه اللحين الشاص غلى مره علشان الزلازل اللي باليابان رح لللسوق وشف اسعارهن على 127 طبعا 2010 و2011 الجديد بالامارات150 وها\ي فرصه علشان يبيع سيارته






والله كلااااااااااااااااام صحيح 100 %

هذا السبب الفعلي لبيع الشاصات في هذه الأيام
طحنون
28/05/2011, 08:10 PM
وجهه نظر
الشاص لاهل الحلال اما اني اشخص فيه هاذي مشكله
مافيه ذره من وسائل الراحه واللي الله منعم عليه يشخص فيه مع تطويل الشعر وتطليعه مابين الشماغ وانواع الهياط
وخله يترزز بفلوسه مادفعت شي
أبو مجد
28/05/2011, 08:24 PM
اتوقع لان طلع له منافس قوي واللي هو الجمس الجديد اكثر الشيبان والشباب بدو ياخذون السيرا

لانه مريح ونشيط وقوي ويتحمل مثله مثل الشاص وارخص بعد
مثل سيرا 2500hd


مال الشاص منافس أبد
أبو مجد
28/05/2011, 11:20 PM
والله أنا ألاحظ كثرة بيع الشاصات خصوصآ 2010 و2011مدري بعد تجربه يكتشف أن مختلف عن الموديلات القديمه
* ابو باسل *
29/05/2011, 10:40 AM
أنا استغرب من اللي معه شاص بالديره الشاص لراعي الغنم والبعارين واللي بالبر دائماً أما يجيك مركب جنوط و... ويتمشى فيه بالديرة مدري وش يحس فيه!!!

كلام صحيح ..........