المساعد الشخصي الرقمي

مشاهدة النسخة كاملة : ثاني مرة طرمبة بنزين اليوكن تغدرني !


نجم000الشمال
19/02/2011, 12:35 AM
يا اخواني الفزعة !
قبل 4 شهورخربة علي طرمبة بنزين اليوكن الاصلية بدة بتقطيع وبعدين طفت السيارة رجعة البيت سحب :D .

بعد يومين اخذة راي اخوي سوبر VTC وشغلت الموتر وعلى الصناعية وعند هكا الكهربائي التركي وجبت معي طرمبة VXR دنسو مع اللي والقفيز وفلتر البنزين وقلت له ركبها بدل الاولة ، قال لي انا ماني مسؤل ترى انا ما اركب الا الاصلي هذي الشغلة ما عمري سويتها ، قلت يابن الحلال الاصلية غالية والطريقة هذي مجربة بس توكل على الله وركبها ،،،
بعد ساعة جيته لانه كان وقت صلاة والا العادة اجلس عند السيارة علشان اشوف واطمئن ، قال لي لاتجيني بعد كم شهر وتقولي خربت انا قلت لك انا ما اضمنها ، شغلت الموتر وجربت السيارة ولا ما شاء الله العزم تمام وكانها خفت عن اول.
لاكن لاحظت كأن المكينة ماهي صافية وامبير الزيت يهتز شي بسيط ، واروح واغير البواجيAC DELCO وانظف البخاخات لاكن ما تغير شي !
اليوم كنت مع الاهل ماشي ماعندي من الشيطان طاري وعند الملاهي البق الموتر زي الحلاوة ،ويوم ركبنا واشغل الموتر ولا ما عنده طاري يشتغل البطارية تمام والسلف يدق لاكن اذا فتحت السويتش ما اسمع صوت الطرمبة ، حاولت وطقيت التانكي وفلتر البنزين قلت يمكن سدد وادق سلف لاكن ما فية استجابة .
واوقف اقرب ليموزين واشيل اهلي وعلى البيت والموتر بمكانه ومن اصبح افلح !
المشكلة امس بالصناعية مغير مكينة الزجاج الخلفي الايمن واليوم ممسيتني طرمبة البنزين !
الحمد لله على كل حال ، عسى بالامر خيرة .
بعد ما تعوذة من الشيطان فتحت النت وعلى مكشات وقلت ابي افضفض عن الي بخاطري ، تحملوني عاد ههههههههه.
يمكن احد الاخوان مر بها التجربة ولا عنده خبره يفزع .
ترى اناِ ناوي اشتري طرمبة وكالة واريح راسي ولا انحرج بعائلتي كل مرة ، لو اني لحالي تهون !
وسلامتكم .
النبع الصافي
19/02/2011, 07:45 AM
يا خي الأمريكي ما يخلي حركاته
ما يتعطل إلا ومعاك الأهل لأو في المسار الأيسر بالدائري
الطرمبة ونا خوك ما أعرف أحد إلى الآن وجد لها حل نهائي
كلها توافيق واجتهادات
موفق
الثويرات
19/02/2011, 09:14 AM
انا اقول ان سبب خراب الطرمبه هو سدد الصفاي. او فيه لي منصفط او الماصوره فيها سدد وتضغط الطرمبه .

حاول تغير الصفاي كل 7شهور اذا انت راعي مشاوير.
سيف111
19/02/2011, 09:26 AM
الله يعينك ...

طرمبة الفكس ار هى الحل البديل كما تعلم وكما جربت ولكن اشوف انك تركب الاصلى من جى ام والله ييسر امرنا وامرك!

ثانيا لم اقرأ ان احد حاول تركيب طرمبة الموديلات الجديده من 2007 وما فوق...ولكن الذى اعرفه ومتأكد منه ان طرمبة الموديلات الجديده مدموجه مع الفلتر فى التانكى ولا يوجد لها صيانه غير استخدام منظفات نظام الوقود...

اقترح عليك تجرب منظف الوقود من الوكاله علبه زرقاء او منظف الوقود من متسوبيشى او تويوتا كذلك يجب تنظيف التانكى فاذا كان متسخ فهذه مشكله كبيره ..
قمرنا
19/02/2011, 09:45 AM
اخي العزيز
أمل فحص ماتم تركيبه من قبل
ممكن يكون المهندس الذي ركبها وقالك ماأضمنها
هو الي حاس لك الدعوى!!!
ممكن يكون تركيبه الله بالخير
أتمنى لك التوفيق :good2:
escape_man
19/02/2011, 10:11 AM
اول شي تشيكه هو فيوز الطرمبة

سليم فالله يعينك .. فك التانكي ونظفه .. اكيد انه وصخ

ركب طرمبة بلاده ولا ينزل البنزين عن الربع ولا تعبي الا من محطات موثوقة

وان شاء الله معاد تشكي منها ابد

عندنا بالبيت جموس مابين سوبرات ويوكون 2003 و 2005 و 2008 وماقد حصلت لاحد من اخواني مشكلة .. اهم شي لا تعرضها للوسخ وتعيش
نجم000الشمال
19/02/2011, 02:18 PM
يا خي الأمريكي ما يخلي حركاته
ما يتعطل إلا ومعاك الأهل لأو في المسار الأيسر بالدائري
الطرمبة ونا خوك ما أعرف أحد إلى الآن وجد لها حل نهائي
كلها توافيق واجتهادات
موفق
ايو الله مع الاهل ... قمة الاحراج .

تسلم ياغالي


انا اقول ان سبب خراب الطرمبه هو سدد الصفاي. او فيه لي منصفط او الماصوره فيها سدد وتضغط الطرمبه .

حاول تغير الصفاي كل 7شهور اذا انت راعي مشاوير.
انا شاك انه ما غير الصفاية ... يوم شيكة عليها لقيت مكتوب عليها USA
الي شريتها من محل غيار عايدي !


الله يعينك ...

طرمبة الفكس ار هى الحل البديل كما تعلم وكما جربت ولكن اشوف انك تركب الاصلى من جى ام والله ييسر امرنا وامرك!

ثانيا لم اقرأ ان احد حاول تركيب طرمبة الموديلات الجديده من 2007 وما فوق...ولكن الذى اعرفه ومتأكد منه ان طرمبة الموديلات الجديده مدموجه مع الفلتر فى التانكى ولا يوجد لها صيانه غير استخدام منظفات نظام الوقود...

اقترح عليك تجرب منظف الوقود من الوكاله علبه زرقاء او منظف الوقود من متسوبيشى او تويوتا كذلك يجب تنظيف التانكى فاذا كان متسخ فهذه مشكله كبيره ..

الي انا مركب حقت VXR دنسو فيه غيرها ؟
هذي نفس الطريقة ، الطرمبة مع الفلتر داخل التانكي والصفاية جانبية م 2001

شاكر مرورك


اخي العزيز
أمل فحص ماتم تركيبه من قبل
ممكن يكون المهندس الذي ركبها وقالك ماأضمنها
هو الي حاس لك الدعوى!!!
ممكن يكون تركيبه الله بالخير
أتمنى لك التوفيق :good2:
تصدق انه كسر الاولة وجاب وحدة جديدة على حسابه وتأكدة من محل الغيار ،
قلبي ماغصني من يوم مشيت من عنده !
لاكن ماباليد حيلة . شرفني مرورك


اول شي تشيكه هو فيوز الطرمبة

سليم فالله يعينك .. فك التانكي ونظفه .. اكيد انه وصخ

ركب طرمبة بلاده ولا ينزل البنزين عن الربع ولا تعبي الا من محطات موثوقة

وان شاء الله معاد تشكي منها ابد

عندنا بالبيت جموس مابين سوبرات ويوكون 2003 و 2005 و 2008 وماقد حصلت لاحد من اخواني مشكلة .. اهم شي لا تعرضها للوسخ وتعيش

كلامك على العين والراس ياغالي ،لاكن المحطات قامة تخلط البنزين مع الديزل والانواع ببعضها ،
ماقريتوا عن اكثر من 300 محطة اكتشفوها في جدة ، حسبي الله عليهم .
ولا الامريكي هو سيارة العائلة بدون منازع .
snjar
19/02/2011, 02:31 PM
السلام عليكم يشرفني اني انضم الي هذا المنتدى بنسبه الحل ركب اصليه كلها 1200 ريال بس انتبه تخلي البنزين ينزل عن النص يعدم عليك الطرنبه والبخاخ هذي نصيحه مهندس في وكاله الجميح
سداااااح
19/02/2011, 02:34 PM
اخوي يمكن الرابطين هاذولي يفيدونك
1- http://www.mekshat.com/vb/showthread.php?t=39329

2-http://www.mekshat.com/vb/showthread.php?t=119212
وان شاء الله تنحل مشكلتك
عشق الجنوب
19/02/2011, 03:58 PM
اسعد الله مساء الجميع بخير
انا مركب طرمبة (تولييف) فورد قراند ماركيز والآن سنة تقريبا ماشية تمام ما فيها اي مشكلة وكل 3 اشهر اغير صفاية بنزين والحمدلله ما فيها اي مشكلة...
افالانش 2002 استخدام امريكي...
تقبل مروري
slj1416
19/02/2011, 04:19 PM
السلام عليكم
المشكله من الميكانيكي مادام يقول مايضمنها ليه اتسويها عنده
ولا تروح عنه وقف على راسه
وخراب الطرمبه من الصفايه
اذا ركبت اصلي او توليف غير الصفايه مرتين بالسنه
صقار خيبر
19/02/2011, 04:43 PM
اخوي انا ركبت طرمبت كامري بالسياره ولهااا الحين معاي اكثر من سنتين ما اخربت ولله الحمدلله
نجم000الشمال
19/02/2011, 10:44 PM
السلام عليكم ورحمة الله وبركاته .............. والله يسعد مساكم بالخير .
هه .. توني جاي من الصناعية ... اصبروا ابنزل شماغي واعطيكم العلوم !

اليو الله يطول عماركم سألت بالعمل اهل الخبرة شرواكم والي يصلحون بها السيارات ويبيعون ، ودلوني على كهربائي باكستاني من كثر ما هوا مبطي تحسبنه سعودي ، جيته عن طريق واحد يعزة ويقدره
قال وين الموتر ؟
قلت ما تشوف هالمزيون الي على السطحة !
قال بكره انا بفحص السيارة وتوصيلاتها واكلمك تلفون واقول لك وش تجيب لاكن الطرمبة لازم تكون وكاله .
قلت له يا ابن الحلال انت بخبرتك ما تصلح اركب اي طرمبة غيرها ؟
قال كم واحد ركبت له طرمبه ثانية ورجع لي يغيرها ، ركب شد بلدها وترتاح ان شاء الله .
هم يقولون عنه انه خبير :good2: ......... لاكن انا ماني مادحه لكم لين اشوف شغله !
يمكن فيه ناس مشة معهم المرهمه ......... لاكن انا والله ما ودي اغامر بسيارة العائلة واندم ...على الاقل سويت جهدي !
فبكرة ان شاء الله بأعطيكم المستجدات في الموضوع .
واشكركم من كل قلبي واشكر تفاعلكم وطيب نفوسكم .
يوكون2007
20/02/2011, 12:35 AM
السلام عليكم
انا معي يوكون 2007( ماشية 84000) وغيرتها مرتين ، اول مرة بالضمان والثانية شريتها بـ 1000 ريال من اوتو ستار
والشكوى لله
نجم000الشمال
20/02/2011, 11:00 PM
السلام عليكم
انا معي يوكون 2007( ماشية 84000) وغيرتها مرتين ، اول مرة بالضمان والثانية شريتها بـ 1000 ريال من اوتو ستار
والشكوى لله
هلا بك يا غالي
ما هو بس انت لحالك اليوم فيه واحد يقول غيرها مرتين بس مدري هو قال يوكن 2007 او 2008 .

يا حليل السيارات الاولة ، كان عندي 240L موديل 83 خليجي فريولات عند الاشارة ;) ، كرفتها كرف بالخطوط 4 سنين ما اعرف غير البنزين والزيت ومرة غيرة الكفرات ، مدلعها اول سيارة املكها !
الله ياذيك الايام .
ayaqaz
21/02/2011, 10:17 PM
بشرنا أخي نجم الشمال..


ايش صار معاك..
داتسون79
21/02/2011, 10:57 PM
نجم الشمال نصيحه ابعد عن الشد بلد

لان ريشها خفيفه

واي رواسب داخل التانكي تتعطل بسرعه

ولو يكون البنزين ناقص وتلف وتكسب هواء تتعطل

الحــــــــــــــــــــــــــــــل

لكل شخص يملك سياره يوكن او جمس طرنبه البنزين كهربائيه

طرمبه بنزين ويل برو

انا من الناس اعشق التعديل وترهيم السيارات

وندووور الجوده لنقلل في الخرابات وعكاسات السياره

كان عندي يوكن 2000 قعد معي شهرين وتعطلت طرنبه البنزين

ودلني واحد من الشباب عليها وركبتها ومشاء الله عندي السياره تقريبا 3 سنين وبعته وانشاء الله الى الحين وراعيه سالك معه

طرنبه ويل برو تتحمل قوه ظغط البنزين ودخول الشوائب

واستفسر عنها عن طريق النت

وسعرها من 650 الى 700

صناعتها استراليه

وفيه نفسها صينه ب350 بس ما اعرف جوده الصينيه


حبيت ابدي رائيي

والامر الاول والاخير لكـ
YUKON_GMC
21/02/2011, 11:20 PM
كان معي يوكن جمس 99 امريكي وثلاث مرات اغيرها ... في سنه .. حتى اسلاك التانكي وفيش التطرمبه اللي فوق التانكي محترق ..

وبعته وشيت اللي بالتوقيع تاهو وينقصه حساسات الكربون اللي عند بلف الحراره .. والحمدلله له سنتين الآن ماخربت علي الطرمبه ..

انا اتوقع ان سبب عطل الطرمبه .. حرارة او او كتاوتات او يخربها كمبيوتر السياره بحيث يعطها كهرب زياده في حالة عدم صفاوة السياره ..

وتأكد من حساسات دبات الشكمان لأنها لاتعطلت او توسخت تلخبط كمبيوتر السياره والافضل تشيل الدبات
نجم000الشمال
22/02/2011, 12:00 AM
بشرنا أخي نجم الشمال..


ايش صار معاك..

الله يبشرك بما يسرك اخوي ، انت وبقيت الاخوان .
اول شي مساكم الله بالخير.
معليش تأخرة عليكم بالرد ... لاني توي اخذ السيارة من عند الكهربائي بعد المغرب عنده زحمة عجيبة ، ولااقدر اشد علية اخاف يزعل ولا يصلحها ، هو صاير مثل الاستشاري بين العمال وولده من ضمنهم واحيانا يتدخل جراحيا اذا لزم الامر :D
المهم اخذة السيارة بعد ما جبت له طرمبة بنزين من بالبيد بـ 1100ريال وصفاية بنزين AC delco بـ 35 ريال
وركبها ونظف التانكي ويقول انه مالقى خراب اللا الطرمبة و الصفاية الاولة يقول مافيها شي زينة و وراني ايها وركب الجديدة .
طبعا وصاني اني اذا جيت اشغل السيارة اني افتح السويتش قبل لا اشغل علشان يمدي الطرمبة تضخ البنزين للمكينة يعني لاين يطفي جرس حزام الامان ! وبعدين اشغل .
سألتة عن هزهزة امبير الزيت اثناء اشتغال السيارة ... قال هذي صوفة الزيت بعدين تمر علي وافك الكرتيل واغيرها لك لاكن السيارة تخليها يوم عندي !!! لاكن تقدر تسافر عليها لان امبير الزيت فوق النص وهذا المستوى الطبيعي!
هي صح ما تاخذ وقت لاكن السيارات واجد ، سيارتي من قبل امس وهي برى الورشة ما دخلت الا الظهر ( اقول لكم خبير ) :good2:
عاد توني اخذتها وبجربها كم يوم وادعولي بالتوفيق .
واشكر كل من تفاعل وعطر الموضوع .
نجم000الشمال
22/02/2011, 12:19 AM
نجم الشمال نصيحه ابعد عن الشد بلد

لان ريشها خفيفه

واي رواسب داخل التانكي تتعطل بسرعه

ولو يكون البنزين ناقص وتلف وتكسب هواء تتعطل

الحــــــــــــــــــــــــــــــل

لكل شخص يملك سياره يوكن او جمس طرنبه البنزين كهربائيه

طرمبه بنزين ويل برو

انا من الناس اعشق التعديل وترهيم السيارات

وندووور الجوده لنقلل في الخرابات وعكاسات السياره

كان عندي يوكن 2000 قعد معي شهرين وتعطلت طرنبه البنزين

ودلني واحد من الشباب عليها وركبتها ومشاء الله عندي السياره تقريبا 3 سنين وبعته وانشاء الله الى الحين وراعيه سالك معه

طرنبه ويل برو تتحمل قوه ظغط البنزين ودخول الشوائب

واستفسر عنها عن طريق النت

وسعرها من 650 الى 700

صناعتها استراليه

وفيه نفسها صينه ب350 بس ما اعرف جوده الصينيه


حبيت ابدي رائيي

والامر الاول والاخير لكـ

الله ينور دربك اخوي
معلومة جديدة وسا ابحث عنها في النت .
اخوك اجتهد وركب طرمبة الوكالة يبي الفكة وان شاء الله انها تسلك ، قل آمييييين


كان معي يوكن جمس 99 امريكي وثلاث مرات اغيرها ... في سنه .. حتى اسلاك التانكي وفيش التطرمبه اللي فوق التانكي محترق ..

وبعته وشيت اللي بالتوقيع تاهو وينقصه حساسات الكربون اللي عند بلف الحراره .. والحمدلله له سنتين الآن ماخربت علي الطرمبه ..

انا اتوقع ان سبب عطل الطرمبه .. حرارة او او كتاوتات او يخربها كمبيوتر السياره بحيث يعطها كهرب زياده في حالة عدم صفاوة السياره ..

وتأكد من حساسات دبات الشكمان لأنها لاتعطلت او توسخت تلخبط كمبيوتر السياره والافضل تشيل الدبات

والله انا دايم مولعة عندي لمبة CHECK ENGINE وناوي افك وانظف حساسات الدبة .
مشكور يا غالي
مغلي
22/02/2011, 01:23 AM
الله يبشرك بما يسرك اخوي ، انت وبقيت الاخوان .
اول شي مساكم الله بالخير.
معليش تأخرة عليكم بالرد ... لاني توي اخذ السيارة من عند الكهربائي بعد المغرب عنده زحمة عجيبة ، ولااقدر اشد علية اخاف يزعل ولا يصلحها ، هو صاير مثل الاستشاري بين العمال وولده من ضمنهم واحيانا يتدخل جراحيا اذا لزم الامر :D
المهم اخذة السيارة بعد ما جبت له طرمبة بنزين من بالبيد بـ 1100ريال وصفاية بنزين AC delco بـ 35 ريال
وركبها ونظف التانكي ويقول انه مالقى خراب اللا الطرمبة و الصفاية الاولة يقول مافيها شي زينة و وراني ايها وركب الجديدة .
طبعا وصاني اني اذا جيت اشغل السيارة اني افتح السويتش قبل لا اشغل علشان يمدي الطرمبة تضخ البنزين للمكينة يعني لاين يطفي جرس حزام الامان ! وبعدين اشغل .
سألتة عن هزهزة امبير الزيت اثناء اشتغال السيارة ... قال هذي صوفة الزيت بعدين تمر علي وافك الكرتيل واغيرها لك لاكن السيارة تخليها يوم عندي !!! لاكن تقدر تسافر عليها لان امبير الزيت فوق النص وهذا المستوى الطبيعي!
هي صح ما تاخذ وقت لاكن السيارات واجد ، سيارتي من قبل امس وهي برى الورشة ما دخلت الا الظهر ( اقول لكم خبير ) :good2:
عاد توني اخذتها وبجربها كم يوم وادعولي بالتوفيق .
واشكر كل من تفاعل وعطر الموضوع .



هزهزت الامبير .... الله العالم ان سببها ... استعمالك لزيت لزوجته كبيره 40 او 50
.
.
غير الزيت الى زيت لزوجته 10-30 .... او 20 - 50 ... مع السيفون ... وان شاء الله بيزبط العداد
.
.
اما سالفة طرمبة البنزين .... فلو كنت بالرياض ... فيه باكستاني دكتور اسمه رشيد بمعارض الشفا يركب حقة فكسار ... وشغله روعه ... ماشاء الله عليه
.
.
بس اهم شي .... لاينزل البنزين بالتانكي عن الربع ابداااااااااااااااااااااااااااا
ibnaffan
22/02/2011, 01:32 AM
السلام عليكم
اولا : لكن تكتب هكذا وليس هكذا لاكن
ثانيا : انا من ملاك السوبربان الامريكي
الطرنبه دايم تخرب ركينا في اكس ار ماينفع الحين مركب كامري ماعليها
بس السياره ماتشتغل على طول المره الاولى وثانيه وثالثه وتشتغل
ثالثا : انصحك بتجربة طرنبة الكامري بس بشرط المعلم يكون جيد
تحياتي
بو شوق
22/02/2011, 01:50 AM
تأكدمن الكتاوت ممكن هي الي تحرق
almagd
22/02/2011, 01:52 AM
ابدلي بدلوي معكم حسب تجربتي


معي تاهو 2002
شريته قبل اربع سنوات وطلعت مقناص للصمان
وفي عز القوايل خذ تقطيع وبهذلة
وما يشتغل الا بعد ربع ساعه كل مره
المهم من خوياي واحد شقردي دخل تحت الموتر ورض التانكي بحجر
واشتغل ما طفى الا بالرياض

واخذ علم ورد سالفه حتى رسى الراي على
تغييرها بعد شهر والموتر تمام ما طفى ولا مره بعد ذاك اليوم
لكن الخوف من انه يعاود الكره
قررت ان اغيرها في صناعية النسيم عند واحد تركي شغله ممتاز
في ورشة العضيب
خلف الحدادين قريب من مسلخ السلي
للامانه الموتر تمام له اربع سنوات
الطرنمبه في اكس ار 2004 /450 ريال
مع صفايه تويوتا /45 ريال
من الضحيان
شغل يد 200 ريال

الموضوع للا ستفاده
شحرور الدهنا
22/02/2011, 01:53 AM
طف اذا جيت تعبي بنزين
كوتو المدمي
22/02/2011, 02:15 AM
الله يعينك والله سمعت عن مشكله الطرمبه كثير فى هالمودلات الجديده
YUKON_GMC
22/02/2011, 12:20 PM
فعلاً مثل ماقالوا الشباب طرمبة التايوتا افضل من طرمبة الوكاله ...

لأن طرمبة الوكاله ماتجي جي أم زي الاوله ولكن تجي اي سي ديلكو حتى اللي بالوكاله

وانا ملاحظ ان 90% من مشاكل الطرمبه تحدث في الجمس واليوكن
وقليله في التاهو والشفر مع ان المحركات واحده والفرق بالحساسات فقط والاستخدام السعودي والخليجي اقل اعطال من الاستخدام الامركي

لسلامة الطرمبه في الجمس واليوكن ((للاحتياط حتى لو كانت سليمه ))

اول شيء حتى لو مستعجل مررره - لاتشغل السياره الا اول شيء تفتح السوتش حتى تطفي لمبة السيكورتي او احسب 10 ثواني وشغل

ثاني شيء - لاعبيت بنزين لاتشغل السياره او تفتح السوتش نهائي حتى يرد العامل اللي للمحطه ..

ثالث شيء - البنزين لاينزل عن الربع نهائي ولو تقدر تخليه دائم ماينزل عن النصف يكون اضمن واسلم

رابع شيء االمحافظه على صفاوة الموتر بتغيير البواجي وصفاية البنزين كل سنه وعدم ظهور كلمة CHECK ENGINE بالطبلون وتغيير دبات التلوث بالاستخدام الامريكي الى نوع عادي صناعه سعودي لأن نظام دبات التلوث في امريكا لازم تغير كل سنه
نجم000الشمال
22/02/2011, 12:37 PM
هزهزت الامبير .... الله العالم ان سببها ... استعمالك لزيت لزوجته كبيره 40 او 50
.
.
غير الزيت الى زيت لزوجته 10-30 .... او 20 - 50 ... مع السيفون ... وان شاء الله بيزبط العداد
.
.
اما سالفة طرمبة البنزين .... فلو كنت بالرياض ... فيه باكستاني دكتور اسمه رشيد بمعارض الشفا يركب حقة فكسار ... وشغله روعه ... ماشاء الله عليه
.
.
بس اهم شي .... لاينزل البنزين بالتانكي عن الربع ابداااااااااااااااااااااااااااا

هلابك اخوي
انا دائما اغير زيت كاسترول 10-30 مع السيفون ... آخرها قبل 15 يوم.
والبنزين اذا وصل الربع اعبيه على طول .
ماني لاقي سبب وجيه للخراب !


السلام عليكم
اولا : لكن تكتب هكذا وليس هكذا لاكن
ثانيا : انا من ملاك السوبربان الامريكي
الطرنبه دايم تخرب ركينا في اكس ار ماينفع الحين مركب كامري ماعليها
بس السياره ماتشتغل على طول المره الاولى وثانيه وثالثه وتشتغل
ثالثا : انصحك بتجربة طرنبة الكامري بس بشرط المعلم يكون جيد
تحياتي

وعليكم السلام ورحمة الله وبركاته
اولا: ( لكن ) هي الاصل والي انا استخدم ( لاكن ) السودانية من حبي لهم ياخي ههههههههههه
ثانيا: الاصل ان السيارة تشتغل على طول لقوة ظخ الطرمبة ،
ركبنا طرمبة VXR وكانت السيارة ما تشتغل على طول ، الان بنجرب طرمبة بالبيد ونشوف خدمتها.
شرفتني بمرورك يا غالي .


تأكدمن الكتاوت ممكن هي الي تحرق

شيك الكهربائي ويقول كل شي سليم ... بس قلي وين مكانها بالموتر ؟
موفق خير يا غالي


ابدلي بدلوي معكم حسب تجربتي


معي تاهو 2002
شريته قبل اربع سنوات وطلعت مقناص للصمان
وفي عز القوايل خذ تقطيع وبهذلة
وما يشتغل الا بعد ربع ساعه كل مره
المهم من خوياي واحد شقردي دخل تحت الموتر ورض التانكي بحجر
واشتغل ما طفى الا بالرياض

واخذ علم ورد سالفه حتى رسى الراي على
تغييرها بعد شهر والموتر تمام ما طفى ولا مره بعد ذاك اليوم
لكن الخوف من انه يعاود الكره
قررت ان اغيرها في صناعية النسيم عند واحد تركي شغله ممتاز
في ورشة العضيب
خلف الحدادين قريب من مسلخ السلي
للامانه الموتر تمام له اربع سنوات
الطرنمبه في اكس ار 2004 /450 ريال
مع صفايه تويوتا /45 ريال
من الضحيان
شغل يد 200 ريال

الموضوع للا ستفاده






يمكن الي كان عندك سدد ومع الظربة راح ،
طرمبة VXR الي انا اخذت رخيصة على ما اظن 180 ريال ماركة دنسو من قطع غيار تويوتا يمكن الاصلية اقوى منها!
ومن ناحية الاستفادة ، هذا هو هدف المنتدى لتبادل الخبرات والاستفادة من تجارب الاخرين.
بارك الله فيك.

طف اذا جيت تعبي بنزين

100%100
اشكر مرورك


الله يعينك والله سمعت عن مشكله الطرمبه كثير فى هالمودلات الجديده

الله يعين الجميع ،
مثل ما قال المثل : دام تمشي ...مشها.
هلا فيك
نجم000الشمال
22/02/2011, 07:29 PM
فعلاً مثل ماقالوا الشباب طرمبة التايوتا افضل من طرمبة الوكاله ...

لأن طرمبة الوكاله ماتجي جي أم زي الاوله ولكن تجي اي سي ديلكو حتى اللي بالوكاله

وانا ملاحظ ان 90% من مشاكل الطرمبه تحدث في الجمس واليوكن
وقليله في التاهو والشفر مع ان المحركات واحده والفرق بالحساسات فقط والاستخدام السعودي والخليجي اقل اعطال من الاستخدام الامركي

لسلامة الطرمبه في الجمس واليوكن ((للاحتياط حتى لو كانت سليمه ))

اول شيء حتى لو مستعجل مررره - لاتشغل السياره الا اول شيء تفتح السوتش حتى تطفي لمبة السيكورتي او احسب 10 ثواني وشغل

ثاني شيء - لاعبيت بنزين لاتشغل السياره او تفتح السوتش نهائي حتى يرد العامل اللي للمحطه ..

ثالث شيء - البنزين لاينزل عن الربع نهائي ولو تقدر تخليه دائم ماينزل عن النصف يكون اضمن واسلم

رابع شيء االمحافظه على صفاوة الموتر بتغيير البواجي وصفاية البنزين كل سنه وعدم ظهور كلمة CHECK ENGINE بالطبلون وتغيير دبات التلوث بالاستخدام الامريكي الى نوع عادي صناعه سعودي لأن نظام دبات التلوث في امريكا لازم تغير كل سنه
كلامك جدا منطقي والنقاط الي ذكرة محل اهتمام .
بيض الله وجهك .
جاسم الهاجري
10/05/2011, 09:26 PM
ركبت طرمبة vx r اصلية650 وفيش 10 ريال والمشكلة من ثاني دقة يشتغل ومرات يطول بس مدري هل المشكلة اني طولت ليات البنزين يعني خليت التانكي يصل الارض وهو مرتاح
مهندس غشيم
09/06/2011, 10:49 AM
والله شكل اليوكن مشاكله في اطرمبه كثيره ليش ميتجمع مجموعه ويرفعون شكوا لحماية المستهلك يشوف الحل مع العل ان هم نايمين بس لو تجي الشكوى من عدة اشخاص ممكن تنفع
حبران والمسمى
09/06/2011, 01:05 PM
هزهزت الامبير .... الله العالم ان سببها ... استعمالك لزيت لزوجته كبيره 40 او 50



.
.
غير الزيت الى زيت لزوجته 10-30 .... او 20 - 50 ... مع السيفون ... وان شاء الله بيزبط العداد
.
.
اما سالفة طرمبة البنزين .... فلو كنت بالرياض ... فيه باكستاني دكتور اسمه رشيد بمعارض الشفا يركب حقة فكسار ... وشغله روعه ... ماشاء الله عليه
.
.
بس اهم شي .... لاينزل البنزين بالتانكي عن الربع ابداااااااااااااااااااااااااااا

لو سمحت اخوي ممكن وصف للكهربائي اللي بمعارض الشفا