ثلاث اجهزة في واحد (( تحتاجة في كل سيارة ))

[مشغول]

السلام عليكم ورحمة الله وبركاته

مرااااحب

الجهاز هذا متعوب عليه مرررة والحقيقة يفكك من اشياء كثيرة

هذا الجهاز يعطيك اشتراك للسيارة وقوي جدا ممكن يشغل او يعطي ثلاث سيارات متعطلة بطارياتها
غيركذا ممكن تشبك عليه محول AC الى DC وتشغل عليه لمبات .

ومن مميزاته فيه منفاخ هواء .. لكنه ضغيف

وايضا فيه كشاف ..

وازين ما فيه انك تشبكه في كهرباء المنزل وبعدين تنقله معك

وهذي صورته ..

http://www.mekshat.com/pix/upload/images11/mk3045_copy-of-img_0315.jpg

==

http://www.mekshat.com/pix/upload/images11/mk3045_copy-of-img_0318.jpg

ادري بتقولون من وين شاريه وبكم .. وهذا السؤال اللي ما عندي له جواب

لكن هذا جاي مع جمس امريكي واحد من الشباب شراء الجمس ولقاه فيه

واللي يدري وين القاه فيه له من الشكر والدعاء

وشكرا لكم وهلا بكم

[ABU-AL-3eeS]

شايف مثل هالنوعية في ساكو وهوم سنتر

وفيه اكثر من نوعية حسب الصناعة

[عروان]

متوفرة في محلات لوازم السيارات بأنواع مختلفة.

بس ترا السعر يفرق كثير بين كل نوع. حسب حجم البطارية اللي داخل الجهاز.

كل ما كان الامبير أكبر زاد السعر.

أطيب تحية للجميع

[المواكب]

السلام عليكم ورحمة الله وبركاته ...... اخوي مشغول ابس احرص على الماركة ان حصل تشتري امريكي وخابر سعرة 400 ريال وذا انت بالقصيم تحصلة عنة البتار او المرباع انا شاريه قبل خمس سنوات والحقيقة راعي البر ظروري معه هذا الجهاز القوة تسع بطاريات والله يحفظك اخوك المواكب عنيـــــــــــــــــــــــــــزة

[عاشق النفد]

موجود بفروع
ساكو

بانواع كثيرة

ممكن 6 انوع

تختلف بالحجم والقوة

شريت افضل نوع عنده

كان ب 459
وفيه رخيص ب 250
على ما اعتقد
وفيه محول كهرب منزل 110
وفيه ماطور ضعيف
وفيه نور
وفيه محول مدخل ولاعة
وفيه اشتراك

و إن شاء الله ابنزل صوره

بهذا الموضوع ومفصله شنطه ابنزل صوتها

ارجو ان اكون قد افدتكم

[أبو يوسف]

مشكور اخوي مشغول على المعلومة والصور

والشكر موصول لكل من شارك في الموضوع
لكن سؤالي هو
الانواع الموجودة عند ساكو وش صناعتها ؟؟؟

مع التحية

[rhhn]

الى جميع الاخوه
عند نفس الجهاز شريته من شارع الريل بالرياض ب 150 ريل فقط قبل اسبوعين لك الخيار تريد مع منفاخ عجل او محول كهرباء
شكرا
rhhn20@hotmail.com

[مهراس]

السلام عليكم ورحمة الله وبركاته

وتختارعلى كيفكيابلاش يا rhhn

[مشغول]

اشكر الجميع على تفاعلهم

عاطل
عروان
المواكب
عاشق النفد
ابو يوسف
rhhn
مهراس

اخوي rhhn وين في شارع الريل ... شارع الريل طوييييييييل الله يعطيك العافية

[rhhn]

السلام عليكم
اذا جيت من شارع الظهران داخل شارع الريل متجه للغرابي اعتقدد سابع محل بالماريه يبيعون مضخات لغسيل
السيارت ومقابلهم وكيل مواطير روبن للاسف نسيت اسم المحل ان لزم الامر اروح اخذ اسمه تامرون امر
شكرا
rhhn20@hotmail.com

[فهيد711]

اخوي مشغول
تشكر على طرحك للجهاز لكن لدي بعض الأسئلة حول الجهاز

هل خفيف الوزن ؟
كم من الوقت يعمل ؟
هل يتحمل الأشغال الكثيرة ؟

وتقبل تحياتي

[nahham]

rhhn

ننتظر العنوان بفارغ الصبر

تسلم يالغالي

[ابو_هيا]

يا اخوان فيه جهاز نفس هذا الجهاز موجود لدي انا كميه جايبها من دبي بس ماعندي للأسف الا 9 حبات

لكن الجهاز الي عندي احلا من هذا الي عندي فيه مميزات كثيرة منها نجافتين صغيرة + محول كهرباء 220 فولت + شاحن جوال + كشاف وقوت هذا الجهاز مكتوب عليه انه يشغل لك تلفزيون ودش لمدة 10 ايام لكن انا جربته واشتغل عندي 6 ايام فقط لكن عليه بطارية خطيييييييييرة والله قوية جدا وممكن تشحنة في البيت او في السيارة

سعر الجهاز كامل 950 ريال

[مشغول]

حياك الله اخوي ابو هيا

ممكن تحط لنا صورة للجهاز

وين مكانك فيه اذا لزم ان نشوفه

وبعدين 950 ريال احسن انها واجد

.................................

هلا اخوي rhhn

تسلم على الوصف وان شاء الله اروح اشوفه

[غيّام]

حبيبنا الغالي مشغول
اسئلتي نفس اسئلة فهيد 711 وليت تعطينا العلم

[مشغول]

هلا بك اخوي الفهيد

بالنسبة لأسئلتك

طبعا ليس مجهز للحمل لمسافات طويلة .. يعني خفيف
وممكن يتحمل تشغيل 5 سيارات متعطله بطارياتها .. يعني بالنسبة لي ممتاز
والحقيقة ما ادري هل يتحمل اكثر من كذا لكن اتوقع انه قوي ويتحمل اعمال كثير

شكرا لك

نسخة للعالي ... غيام

...........................

وينك يا ابو هيا ... ننتظرك

[nahham]

مرحبا شباب

اليوم الصباح رحت شارع الريل ولقيت واحد مثل اللي في كلام اخونا مشغول طبق الاصل واللون

وجدته عند محل يصير ثالث محل بعد الدريس للادوات الصناعيه باول شارع الريل من الشرق على يدك اليمين وانت رايح للبطحاء وسعره 180 ريال وقال صاحب المحل فيه انواع منه عند الوكيل مؤسسة التقدم ورحت لهم ومحلهم اول عمارة بعد الاشاره اول شارع الريل من الشرق

لقيت انواع لونها اسود منها نوع نفس الشي للاصفر لكن بدون مفتاح اون اووف وشكله كلام فاضي ما يتحمل وسعره 160 ريال

الثاني قريب من النوع الاول الاسود وملصق عليه من برا وبشطرطون محول كهرباء من كهرباء المنزل الى 12 فولت واعتقد بالعكس لكن شغل كلام فاضي وما انصح بالاثنين

الاول الاصفر متوفر عند اكثر من محل وجيد الصنع مكتوب صنع في المانيا واذا شلت لاصق الكتابه يطلع لك صنع في الصين محفور على البلاستيك ويحتوي على شاحن بطاريه ومصباح ومنفاخ هواء ويتم تحزين الطاقه من كهرباء المنزل 220 فولت او من السياره

هذا ما احببت اطلاعكم عليه وشكرا لكم

[nahham]

نسيت اقول لكم ياشباب اللي يبي معلومات اكثر هذا رقم معرض التقدم يقولون انهم الوكيل

علي حسين 0551413043

وتلفون المحل 4489454 - 4028884

واسف على الاطاله

[مشغول]

حياك الله اخوي الغزيز نهام

الله يعطيك العافيه على المعلومات الحلوه ...

لكن ما علمتنا السعر .. وانت شريت اي واحد .. وهل تنصح به .. لأني عازم اشري واحد

شكرا لك

[nahham]

هلا اخوي مشغول

الاسعار كتبتها الله يحفظك

لكن انا اشتريت الاول وهو اللي باللون الاصفر والموضحة صورته في اول هذا الموضوع

المنفاخ ضعيف شوي .. لكن ما بعد جربت اشتراك البطاريه

تسلم يالغالي

[سداااااح]

اللي يبي مثل هالشغلات ومواطير هواء وشواحن بطاريات وايرات سحب فيه محل بشارع الريل اسمه الفانوس اسئل اي محل بشارع الريل يدلك عليه وعلى ماااعتقد انه وانت جاي من الشرق متجه غرب بشاارع الريل يكون قريب منتصف شارع الريل على ايدك اليساااار والمحل كبير ومشهور

[مشغول]

شكرا لك اخوي نهام

الحقيقة انا رحت امس العصر لنفس المحلات اللي تقول ولقيت عندهم .. لكن سبحان الله ما جاز لي إلا اللي عند التقدم (( الاسود ))

ولا تاخذ شي منهم إلا مجربه قبل لا تطلع منهم ..


شكرا لك اخي الحبيب ولكل من شارك

[lexus470]

السلام عليكم

مشكورين يا شباب على هذا الموضوع المهم جدا وعندي بعض الاسئلة:

1- كم ساعة يقعد الجهاز على شحن الكهرباء؟

2- بعد ما ينشحن هل يشغل سيارة متعطله بطاريتها وينفخ 4 كفرات في نفس الوقت ام يقوم بوظيفة واحدة بعد كل عملية شحن؟

3- هل استطيع وضع الجهاز على الكهرباء واعمل اشتراك لبطارية سيارة او يجب علي اولا شحن الجهاز وبعدين اعمل اشتراك؟

وسامحوني على الاطالة وشكرا.

[nahham]

اخوي مشغول اولا مبروك الجهاز والله يعطيك خيره ويكفيك شره

ثانيا لولا اختلاف الانظار بارت السلع

اخوي ليكوس

1 - ما اعرف الاجابه

2 - نعم يشغل كم سياره وينفخ الاطارات اذا كان مشحون بالكامل ونعم في عملية واحده

3 - يجب شحن الجهاز اولا ثم الاستعمال كما تريد

شكرا لكم

[lexus470]

يعطيك العافية اخوي nahham وجزاك الله خير

[الخيال]

ياشباب الرخيص مخيس انا شريته من محلات الغرابي بـ 180 ريال بس بدون ماطور هوا ولامحول كهربا والصناعه على ماأعتقد صيني بعد 8 شهور بطاريته الداخليه خربت ماعاد تشحن .
وياليت اللي مجرب نوع اصلي ومن فتره طويله يزودنا بأسم الشركه الصانعه .

[فلاجكو]

مشكور وشارع الريل قريب نروح ونشوف ونشترى .......

[السلسبيل 722]

السلام عليكم ورحمة الله وبركاته .

مرحبا أخوي ابو هيا

ممكن توضح لنا اكثر بالصور وين نحصلك وشكراً ..

تحياتي وأشواقي

[ابو سلامه]

هاذا الجهاز بتلقاه عند ان شاء الله عند المقناص اللي بمخرج 15 يجي نوعين
نوع على ولاعه السياره هاذا ب 95
ونوع ثاني على بطاريه السياره ب 85

والله العالم

[ع.ف.الدرويش]

السلام عليكم ورحمة الله وبركاته

فيه واحد لديه عدد 2 أو 3 حبة نفس النوعية وهو في الرياض
من أراد منها فليتصل على هذ الرقم 0505190302 ( أبو يزيد )

وأنا بالخدمة.. أبو فهد

[قصيمي والهوى شرقي]

طيب انا شريت سوبربان لي الولد من البيان وعطوني ايها هديه لاكن المشكله انه مب شغال وكل ماوديته يقول لايبيله قطعه من الرياض وين في واحد يصلح مزبوط بي الرياض تكفون لان الحين جي الربيع واخاف اكل هواء مله طاعي اشتر واحد جديد

[مهراس]

السلام عليكم ورحمة الله وبركاته:

الأخ مشغول يعطيك العافيه على هذا الموضوع المفيد للجميع والحقيقه جهاز ضروري لكل من يطلع للبر وايضا لكل مكان بدون تحديد، جهازعملى وليس احترافي وسعره معقول وتنفع به الآخرين،
أحد الزملاء اشتراه وقال انه يمكن يشغل 6 سيارت بالأشتراك ومنفاخ الهواء يؤدي الغرض وقد لاحظت عليه عدة اشياء وهي ليست من السلبيات فقط ملاحظات لمن يريد شراؤه:
1)- لايوجد ماركه عليه من الخارج أو اسم الشركه وبلد الصنع.
2)- اذا فتحت غطاء المنفاخ فسوف ترى بعض المواصفات واسم الشركه بالداخل ولم اتمكن من قراءة الأسم لعدم وجود النظاره معي.
3)- يوجد لاصق في الخلف(تحذير) عن مدة النفخ لاتزيد عن 10 دقائق متواصله وانتظار 10 دقائق اخرى قبل الأستمرار في النفخ مرة أخرى.
4)- سألت عن سعره بحراج الصواريخ بجده فكان بين 140-200 ريال وعليه استيكر (Start Power).

ارجو منكم المعذره على الأطاله ولكم الشكر.

أبو فهد