طلب مساعدة في قصيدة

[اكليل الجبل]

صباحكم / مسائكم سعيد ...

ما ابطول عليكم .. السالفة وما فية لي خوي اخوتي معاة لها اكثر من 12 سنة ولنا سنة تقريباً انقطعنا عن بعض وقابلت بالصدفة في مكان ماء وعزمني الرجال اليوم الثاني وقبلت العزيمة . واتصلت علية العصير مقفل جوالة واتصلت بالليل مايرد والسالفة قبل 5 ايام .

الرجال الله اكرمة بتجارة والظاهر انه تغير الله لا يغير علينا بالرغم من انة هو اللي كان مصر على الدعوة . فحبيت اللي عندة قصيدة جفاء او عتب يسدحها لي ابي ارسلها له .

وسلامتكم ,,,,

[شماليه طي]

الزمـــــن غـدّار والدنيـا تــدور ..الله يرحم جمعنـا يـوم الحسـاب
مايعيش الفرد دوما فـي سـرور .. مرةٍ يفـرح ومـرّه فـي اكتـآب
كلّها الد نيا متاع اهـل الغـرور .. ويبخت من صلى فروضه واستجاب
الصداقه عمرها عمر الـدهـور .. تنبني بالفعـل والقـول الصـواب
والصداقه مثل هامـات القصـور .. ويتحطم ساسها لـو هـو خـراب
والصداقه الصافيه نسمةعطـور.. تاج فوق الراس تحملـه الرقـاب
مايجي فيها شكـوك ولا قصـور .. رمزها الإخلاص في بيض الثياب
والوفا له ساسٍ أقوى من الصخور.. والوفا صافي كما عذب الشـراب
في الشدايد صحبة أهل الصدق نور .. في نهار الضيق واوقات الحـراب
ياصديقي منك أنا نومـي غـرور .. والعتب مقبول لو صـح العتـاب
كيف نقبل زلّتك بيـن الحضـورو.. اعتمدت البعد من ضمن الغيـاب
ماتغطي غلطتك طـول العصـور.. ولا تطهّرها غيـوم ولا سحـاب
صحبة أهل المهزله ظلـمٍ وجـور.. وصحبة أهل الجدّ علمٍ وانتسـاب
الصديق اللـي يبادلـك الشعـور.. ويتحمّل لاجل راحتـك الصعـاب

[مجروح الروح]

أثرك جالك بطين ونبت لك سره ..
يومني أزهم عليك ولاتحاكيني ..
ورثت ورث العجوز وجيت مجتره ..
وصنفت نفسك من أصحاب الملاييني ..
بالله أبا أنشدك كم مره وكم مره ..
يجفونك أقرب بني عمك وتاتيني ..
تشكي من الفقر وتعاني من الحره ..
واقوم وقسم معاشي بينك وبيني ..
واليوم تركب على المرسدس وتفره ..
كنك حفيد الأمه والسلاطيني ..
لوك بدال المريكي عالم الذره ..
يمديك أكلت الزوالي والبطاطيني ..
يعطيك من خيره وكفيك من شره ..
عقب التكاسي والفقر والديني ..
وان كان نفسك من المليون مغتره ..
تراك خسران فالدنيا وفالديني ..
الله هو إلي يسر العبد ويضره ..
ولا أنت أربع حروف(ن)بين قوسيني ..
تراك نازلت تتبعنا على الجره ..
من عاد حنا على ظهور البعاريني ..
قوم(ن)يدينا تحوش المال وتثره ..
على بيوت الارامل والمساكيني ..
لونمتلك الكون من بحر إليا بره ..
مانمتلك به عمارات ودكاكيني ..
وان كان نفسك من المليون مغتره ..
يكفيك وانا بياض الوجه يكفيني ..

هاذي عتاب مع سب مع كلش بتنفعلك انشاء الله اخوك : صديق سوء

[ابن شارخ]

هذي ابيات قديمه سمعتها من زمان تصلح لموضوعك:

لا شفته اللي له مع الناس وجهين
اضغط على طفّاي.. نوره وطـــفه

خله يولي مع دروب الشـــياطين
يسـد عن برد المــكيّف مهــــــفه

(..........)

[طائي الجبل]

شماليه طي
صح لسانك
قصيدة هجاء رائعة
لكن ماعندك أحد

[ابو مقحم]

يا كثرهم اللي يتنكرون للخوه
ولا تكثر على المققين التحساف

[الحضري]

اقول الله لا يغير الود بين الاخويا وهذي قصيدة سعد بن جدلان اشوفها من اقوى القصايد

ون أبن جدلان من لايع لاعه
كن في كبدي دوافير صناعي

ألعب المنكوس وأحب روباعه
ممنن بالوقت والوقت خداعي

مادريت أن ضحكة الوقت خداعه
شفت مدخالي ولاشفت مطلاعي

لابغيت أسج والا انبسط ساعه
دق قلبي من وراء حدب الأضلاعي

كن مابين الضلوع آلة طباعة
تشتغل لانمت وأقوم مرتاعي

هم قلبي مايفرق تجماعه
غير جر الصوت والناس هجاعي

فاقد لي سلعة وأكبر أبضاعه
سلعة تشراء ولاهيب تنباعي

رفقة الطيب ليا غير أطباعه
أشهد أنها كية توجع أوجاعي

راكب إلي صممه صاحب أصناعه
جمس بيك أب من حديثات الأنواعي

الغريب الي جديد من أنواعه
حوض رفرف مايبي شد وشراعي

لا أونس البنزين عجل تفرقاعه
مخطر من سرعته يقلع أقلاعي

لاتحرك شفت في القاع مشلاعه
والتواير تظهر الماء من القاعي

ينعش القلب الحزين أبتهملاعه
لامشا قام يتهملع تهملاعي

لاوطى الأرض العتش كن تهزاعه
بنت شيخ طامح من ولد راعي

في رجاء الغايب تحرا لمرجاعه
تنقد العشاق وتطق الأصباعي

نفسها من جملة الناس منصاعه
ماتبي إلا واحد ذكره أيشاعي

ينحر اللي يأخذ الطيب بذراعه
الصديق الصافي الصامل الواعي

الوفاء والطيب ساسه ومنباعه
يوم بعض الطيب تقليد وصناعي

لاوصلتوا فأخبروني عن أوضاعه
وأخبروا راعي السمارا عن أوضاعي

أنشدو ويش السبايب بمهزاعه
لاعلي ناقص ولا أبيه فزاعي

ودنا نرضيه ونحاول أقناعه
كان بن مهمل بعد يسمع الداعي

كان يبغا حق للحق قطاعه
نقنعة والحق ماعنه مجزاعي

وكان مبغض في الرياجيل بتاعه
لايجي ناقد ويلحقني أرياعي

لصديق نخلي النفس خضاعه
مانوريه الجفا والتمطاعي

الصداقة عندنا ذخر وطماعه
صحبة ماهيب صحبة تمتاعي

حد جدتها على البرق لماعه
وإن خذت يومين مفعولها ضاعي

إن تليمنا على العز والطاعه
وأن تفرقنا فجوج الله أوساعي

ما أطرد المقفي ليا صفط أشراعه
مخبل اللي للمقفين تباعي

من يحط أذنه على كل سماعه
جاه فرقا مابعدها تجماعي

والزباد أختام هرجي ومطلاعه
يدفعه من ريحة المسك ذعذاعي